雞蛋仔專門店

Open Now

Now Closed

由細食到大，係童年珍貴嘅回憶，滿滿嘅舊式香港情懷，金莎朱古力夾餅，外層香脆內層鬆軟，咬到中間夾心係熱辣辣嘅留心金莎朱古力漿， 甜而不膩， 係香濃嘅朱古力口感， 好似置身於朱古力浴缸一樣 成個口都係朱古力將想爆出嚟咁。夾新潮與傳統於一身，雖然其貌不揚，味道就一流， 完完全全真係禾稈冚珍珠， 雖然十幾年嚟都加過好多次價，但百物騰貴相信老闆都唔想收貴街坊既。除咗味道之外喺，呢度真真正正最令人享受嘅，係嗰種人情味，聽著此起彼落嘅計時器響起，老闆大叔豪邁嘅叫聲，係一種懷緬童年嘅享受。

這家雞蛋仔舖的美名早已傳到對面海，小妹一早已試過最殺食的金莎流心雞蛋仔，今次想還原基本步，試試原味的！可能我買的雞蛋仔不是即叫即做，所以放涼了，只有微溫，未做到外脆內軟的效果(此刻懷念著大澳的炭燒雞蛋仔!)，幸而未至於空心，吃了一底已有飽感～下次還是吃回金莎流心雞蛋仔，非即叫即做不買！ 

作為一個九龍人,,,,,真係好日都唔會入一次大埔~今次就襯住農曆新年, 入左大埔林村拋寶碟, 順便就泥個大埔一日遊啦!!上網做左一陣功課, 見到唔少網友都大讚呢一間雞蛋仔專門店***XD** 一於去試下啦**最多人推介既.....金莎朱古力格仔餅 $23即叫即製, 等左大概8分鐘就有喇!!!格仔餅實心足料, 外脆內軟,,,,拎上手仲係暖笠笠~冬天食真係好幸福呀**個餡好香金莎味, 啖啖榛子醬加埋粒粒花生碎~配埋厚身既朱古力格仔餅, 香味十足, 亦都唔會過甜!!!!真係超好味**店內仲有懷舊冷糕賣, 都好吸引....下次要買泥試下!!!

買個Q餅話要等7-8分鐘無問題，轉個頭反黎拎話比我聽個爐未開未預熱，叫我再等。咁點解收人錢個陣唔同人講聲個爐未開未熱叫人等？你既時間就無時間，客人既時間就唔係時間？無下次！

行行下街肚餓，就去食雞蛋仔、格仔餅。咁呢間係大埔都做左好耐，咁好多時都係食格仔餅。佢D格仔餅一定要熱辣辣先好食，加上佢餡料都幾多，所以都幾好食。不過，記得要request熱辣辣。

今日朋友去完沙田工作，下午話不如入大埔食個early dinner梗係無咁易放過佢，我要同佢食盡大埔美食上openrice掃掃掃，首先俾呢間雞蛋仔專門店吸引！一於試下我未試過嘅傳統小食「冷糕」先地點都唔係難搵，喺太和站行約20分鐘就到，係1個小商場入面嘅地舖，未行到已經聞到雞蛋仔香味因為都差不多5點，陣間仲要食飯，所以叫左1件「冷糕」試食！等左大約5分鐘，新鮮熱辣嘅「冷糕」出爐！一啖咬落，外面脆脆、中間軟得黎有少少韌度，口感唔錯，「冷糕」入面有花生碎、椰絲同沙糖，味道唔錯不過$16大圓好似貴左少少「冷糕」初體驗嘅感覺唔錯，但可能我重口味，我都係鍾意奶醬沙糖餡多啲所以下次都係食返格仔餅啦

身為大埔居民的我，當然冇可能未食過起大埔市中心出名的雞蛋仔啦，好多人假日踩單車入大埔玩的時候都會順道過來試一試！好多年前已經有幫親佢地的雞蛋仔及格仔餅，細個的時候係屋企人買俾我食，還記得那時雀躍的心情，滿心期待熱辣辣同甜甜地的小食，對於小朋友來說已經係好好的獎勵啦！大家要認住d個招牌唔好去錯，無論星期一至五定六日都大排長龍！ 等左十分鐘終於出爐啦，由於好多人幫親，全部都會新鮮焗起！份份都是金黃色出爐，唔會過火，外脆內軟，加埋邪惡的花生醬、煉奶、砂糖、牛油及椰絲等等......真是回味無窮！是下午茶的最佳選擇！但是同相當年相比，醬料好像少了一點，但少一點醬料便健康一點吧！

熱辣辣格仔餅、熱辣辣雞蛋仔係佢地嘅口號，遠處都會聽到佢地咁叫。佢最出名好似係金莎朱古力格仔餅，不過我都係中意食番原味格仔餅。佢嘅格仔餅都幾多醬，而且唔會太薄皮。

小時候食過傳統嘅冷糕，一大盤可以分開三、四件，每件$10都唔駛，外脆內軟，熱辣辣非常好食。朋友未試過冷糕，聽我講得好食，上網search發現大多數鋪頭只係冬天做冷糕，只有昌運呢間雞蛋仔專門店連夏天都有賣，於是我地就山長水又遠咁黎到太和一探究竟。呢度嘅冷糕同傳統嘅完全係兩回事細細件薄it it鬆軟自然講唔上，最慘係佢預先整定，加上凍咗嘅糖同椰絲，淨係得返一個"un"字睇黎要食到真正嘅冷糕，可能真係要係冬天過次大海先得

個日經過入開大埔，聞說呢間既格仔餅同雞蛋仔都好出名，尤其係個金莎朱古力格仔餅係大熱之選，成日都要排隊等先有得食！-所以個日見到無人排隊，反正又未夠鐘食飯就買底黎食下啦，點知就中左伏！！！！底格仔餅唔夠5分鐘已經到手，個下都有啲心知不妙.......個格仔餅拎上手唔熱係凍之餘，咬落去仲係淋既！！！！而入面個金莎醬的確係好足料好濃味既，但淋身又唔熱既格仔餅我就真係唔識欣赏啦，唔知係我唔好彩定點啦，食正底凍冰冰既格仔餅，但用廿幾蚊食呢底野係真心令我！好失！望！！！

之前見倒網上面有人介紹金莎朱古力格仔餅，好吸引咁決定黎試一試間店o係昌運中心入面，一去到都有幾個人等緊格仔餅都有好多選擇金莎朱古力、花生粒芝麻、草莓醬，$18-22想要軟／脆／多醬都可以落單時講聲金莎朱古力格仔餅 ($22)即叫即做，等左5-10分鐘左右啦～好鬆軟，夠厚實～入面有榛子醬同花生粒，真係好似食緊金莎咁個格仔餅就冇乜味～ 但加埋d 醬就岩岩好喇～唔算太甜佢仲有日式班戟、q餅同章魚燒，下次可以再黎一試，凈係食個格仔餅已經好飽

大埔昌運中心下面有間小食鋪，選擇種類很多！！！如鋪名所講，一定要試吓個雞蛋仔啦，雞蛋仔有好多好味，我哋試咗朱古力味，真係朱古力味濃厚啊！！！推介推介！食悶左傳統嘅原味，可以試吓其他特別味道！！！除咗雞蛋仔格仔餅，都有好多人買，而且有五種醬唔多選擇，不過我驚太甜，所以只係加左煉奶同花生醬，甜度啱啱好！！！ 仲有燒賣、魚蛋、公仔麵、墨魚丸等等等，肚餓嗰陣整返串真係好正！！！不過佢唔可以坐低，要攞就食！但係價錢就身分平，良心小店！

成日行過都聞到好香, 今次終於試到雞蛋仔專門店既雞蛋仔XD揀左芝麻椰絲雞蛋仔, $14, 比完錢即刻攞得, 本身都驚唔熱唔好食, 拎上手仲有DD暖所以就算啦, 雞蛋仔好輕身, 但係好脆好香口, 甜度適中, 好香芝麻椰絲味, 好難得係凍左都好好食順帶一提, 呢間店有傳統冷糕, 下次有機會再試下先!!!!

朱古力金莎格仔餅（$22）👅男朋友講左好多次終於有機會帶左我去食佢既兒時回憶🍫就係係大埔極邪惡既爆醬金莎格仔餅😈我一向麻麻地太甜既野😕好在呢個格仔餅又無我想像中咁甜喎😝😝格仔餅夠實心足料👍🏻做到外皮脆而入面軟綿😋而且朱古力味都濃🍫重點黎啦！啲榛子醬張住個口好high😝又有啲碎花生粒有咬口🙈🙈真係好似十粒金莎一次過隊入口咁😳😳明知邪惡都會想咬多幾啖😆不過食食下都會有少少膩😀都係交番比男朋友搞掂佢🤣

Went Tai Po for hiking and my friend brought this egg waffle and told us this is famous in Tai Po. The outer egg waffle was crispy, it had enough time to cool down before put inside the bag. Inner part was not just air but still have something to eat, it was soft. It was sweet enough and had the taste of egg.