Video
7-min walk from Exit C2, Cheung Sha Wan MTR Station
continue reading
Telephone
52263468
Introduction
Offering a variety of nostalgic Hong Kong-style dishes, includes the Beef Burger with Cheese and Egg, Fried Chicken Leg with Typhoon Shelter Style, etc. In addition to Hong Kong-style flavors, the restaurant also offers Hainanese Chicken Rice and Nanyang Curry Dishes.
continue reading
Opening Hours
Today
06:30 - 00:00
Mon - Sun
06:30 - 00:00
Above information is for reference only. Please check details with the restaurant.
🎀長沙灣。回訪第二分店.懷舊特色寬敞港式裝修😇🎀🪄店名* #雪山冰廳🔮地址* 長沙灣青山道413號東景大廈地下4-5號舖🔮🗾分店地區🗾 深水埗,長沙灣💰價錢$297 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_長沙灣剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵呢排成日回訪舊餐廳🤣今次去另一間分店 長沙灣分店裝修同空間都比深水埗分店特別好多～由燈飾地板都好多花紋元素 八點時間黎到爆場 睇得出好受歡迎～雖然多人 但呢度侍應姐姐都好熱情 見到都有好多熟客光顧～🍽️食物質素🍽️餐牌同普通茶餐廳一樣 種類選擇都好豐富 除左有不同碟頭飯外 仲有小菜套餐 港式小食等 而臨近秋冬 佢地都推出左羊腩煲, 椰子雞鍋,沙爹牛煲選擇 想令身體暖啲都可以試下 性價比幾高👍👀評分💖💖💖💖🪄迷你秘製雙羊腩煲$168加出錢一丁$10 & 黑魚片$40今次黎到就係突登試下佢地個羊腩煲 秋冬必食 佢地呢款系迷你煲 岩岩好夠曬兩個人食 羊肉肥瘦均勻 唔會過份邪惡～我最中意系佢地羊肉食落夠騷 帶羊奶香味 而且佢地湯底好濃郁 有好微微辣味 配有大量枝竹,冬菇配料 我地仲加左出錢一丁 簡直系絕配 完美索曬湯汁精華😍fat fat！黑魚片都幾滑嫩 份量多 $40蚊都抵食👀評分💖💖💖💖🪄芝士煎蛋牛肉漢堡包$35身為大事怪既我都係要叫多個包試下😂佢地個包偏薄身 牛肉漢堡煎到五成熟甘 所以好嫩 不過如果有多睇芝士同煎蛋流心啲就更加perfect拉👀評分💖💖💖💖🪄飲品-樽仔奶茶$15 &樽仔咖啡$25餐廳代表樽仔奶茶咖啡 細細支幾得意～無得簡甜度 但奶味幾出 唔錯～(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌#雪山冰廳 #香港茶餐厅 #香港冰室 #深水埗茶餐厅 #茶餐厅 #冰室 #炸鸡髀 #红豆冰室香港 #香港椒盐猪扒饭 #西多士 #港式西多士#樽仔奶茶 #港式奶茶 #香港餐廳介紹
continue reading
雙職家庭每晚要諗食乜都確實幾唔容易，加上而家又百物騰貴，真係要搵啲性價比高嘅餐廳先得喇。呢間雪山冰廳係我倆嘅飯堂之一，每次嚟到都必點例牌二人餐。我哋點餐後，服務員遮遮好快就送上兩盅熱辣辣嘅蟲草花燉瘦肉湯。啖湯真係非常鮮甜，湯色清澈，努力工作一個星期，辛苦搵嚟都係志在食啫。再嚟就送上盲鰽魚，魚肉雪白嫰滑，肉質一“狹狹”，蒸魚火候剛剛好，魚肉剛好離骨，證明食材新鮮，就咁清蒸都非常好味。啲魚汁用嚟撈飯，認真一流。跟住就送嚟花膠海鮮雜菜鍋，用個砂煲盛載，送上嚟時仍滋滋在響，食到最尾都仲熱的，菜湯呈奶白色，好好飲。雖然現在北上消費盛行，但係交通和時間都係成本嚟喎。睇返香港地，而家都仲有呢啲性價比高嘅餐廳，香港人確實非常幸福呢！兩口子，每人一百蚊，食到捧住個肚走！
continue reading
我係比OpenRice 既食評吸引左去呢間茶餐廳到打卡📸📸📸餐廳環境寬敞，街坊街里的感覺🤣🤣🤣（服務就冇乜，但港人作風，有野出聲，實會幫你👍🏼👍🏼👍🏼👍🏼）午餐：1）波士頓龍蝦喇沙摻摻🦞，$98， 就係為咗影相📸️我去到呢間餐廳，打卡👍🏼👍🏼👍🏼👍🏼喺茶餐廳，可以咁富貴有龍蝦打卡，值得去！ ！ ！🤣🤣🤣龍蝦🦞肉就唔多，但咁既價錢，ok ,滿意🤣🤣喇沙，惹味😊😊😊喇沙大大碗，一個人食實飽。1a) 凍奶茶，跟餐加$9 ，正常味。2）椒鹽豬扒炒飯，$78，唔好問我點解佢出名。我都係睇食評所以就叫咗呢碟飯。椒鹽豬扒，好惹味，好味。個炒飯，影相唔錯，有色，但食落係冇味嘅。由於個椒鹽豬扒太惹味，配個冇味既飯都ok ,但就冇啲食評講到佢咁好味。碟飯大大碟，飽。
continue reading
帶著小朋友，想搵間濶落啲嘅餐廳食野，到左雪山冰廳，貪呢間餐廳多卡位，啲位又好坐。餐牌超多野揀，睇左幾個圈先落到決定😂選擇困難呀。⭐芝蛋牛肉漢堡配迷你肉醬意粉點了出名的手打牛肉漢堡，港式漢堡都好吸引㗎。牛肉餅香軟多汁，仲有半熟蛋同芝士，麵包又塗滿牛油，咬落又香又脆好好食。肉醬意粉就差少少，個人覺得醬汁偏淡，落包辣椒醬調下味，正😆⭐椒鹽豬扒飯意外地大碟，勁多豬扒同勁多飯！炒底好香口，粒粒米炒到金黃唔乾身，豬扒香脆肉嫩，好好食。不過都幾辣㗎，個人覺得好惹味，小朋友就嫌辣啲。⭐榛子醬西多士再黎份西多士，要左榛子醬口味，即叫即炸熱辣辣，啲牛油滆得好快，落埋包糖漿，又甜又鹹好好食🤤⭐茶走紅豆冰 & ⭐凍檸茶要左奶茶紅豆冰同凍檸茶，紅豆淋甜奶茶香滑，好飲！凍檸茶茶底香，都好飲呀。食飽飽都唔使二百蚊，抵食呀。
continue reading
我真係笑死呀，杯薄荷朱古力原來係得薄荷葉冇薄荷味㗎，咁你就唔好寫出嚟話係薄荷朱古力啦，你寫薄荷葉朱古力呀嘛。仲有嗰個乜嘢炒黑松露蝦球？嚟到啲黑松露同蝦球唔係一齊炒嘅好明顯係分開用黑松露炒咗西芹之後先放四隻蝦球上去，咁你咪叫做炒黑松露蝦球啦，西芹炒黑松露拌蝦球啊嘛，仲要成$90
continue reading