雲南啊老表黑山羊湯鍋米綫 (觀塘工業中心) (Moved) New Location

朋友見我每次打邊爐都好鍾意叫羊肉，就介紹了這間在觀塘工廈的雲南啊老表黑山羊湯鍋米綫 。去駱駝漆工廈行了好幾層樓, 已經買了一袋二袋嘅美食, 攰攰地, 醒起這個羊肉米線, 即刻走去Hea 吓先, 順便醫肚。😂😂朋友點了一個清湯羊肉米線, 而我就梗係要了一個酸辣羊肉米線啦。原來有大, 細碗之分, 我地都係諗住食吓下午茶, 細碗就夠了, 見有好多款涼拌小食$20左右, 就多點了涼拌青瓜同木耳來爽爽先~嘩, 不得了, 碗羊肉一上枱, 都以為俾錯咗...咁大碗嘅, 明明叫了細的, 店員話這碗是細的了, 一個湯多、麫多、餸多、羊肉都多喎, 羊肉厚薄均勻, 肥瘦適中, 賣$50一碗, 真絛非常之抵食。👍🏻👍🏻清湯羊肉, 仲要有好多蔥添, 佢見到即時滿心歡喜我的酸辣湯米線, 酸辣味不太濃, 所以仍可保留了羊肉的羶味, 羶味要有一點點才像樣嘛, 正!😍😍涼拌青瓜, 味道好清爽, 看似是即時製作, 但係又好入味, 簡直係平、靚、正😋😋碟雲耳係貓耳朵, 同樣爽脆好味。😋😋正值下午茶時段, 客人不多, 更可以慢慢嘆添。食評出咗都可能已經搬咗(7月8日搬)。期待再訪新舖

我鐘意食羊, 今日同屋企人去食雲南黑山羊米線, 味道真係好特別, 好香的羊味但唔羶喎, 而且薄切, 肉質好嫩，裡面包了大量咸酸菜, 又有香口的豬油渣作配菜, 還可以自己加菜脯, 增加辣味同口感, 雖然係細碗米線，但份量都好多。屋企人叫了口水雞米線, 口水雞另上, 份量都足，有花椒香味，唔算太辣，好入味，再點了兩款小吃：避風塘辣雞翼，初時以為係酥炸, 原來是調味料醃製的,雞翼煎香的, 較重口味。另一小食叫了蒜泥白肉, 有濃濃的蒜泥醬放在旁,  五花肉腩較清淡可帶出清甜肉味, 凍食蘸上蒜泥味道好夾,。濃味菜色, 叫返杯解喝的凍檸七及凍檸樂。

朋友講咗好耐一直都話呢間羊肉麵好好食但早排可能疫情關係路過幾次佢都冇開門今日終於食到喇都幾期待我立刻嗌咗一個細嘅羊肉米線上到嚟熱辣辣都幾香個碗好大碗，米線嘅份量都唔少而且羊肉片嘅份量都幾多仲大大片食落有羊味又唔「蘇」聽朋友講以前有得揀要唔要皮肥定瘦不過而家就冇咗啦但整體來講我覺得個羊肉麵都幾好食個湯都幾好飲個口水雞嚟到我見到都幾大舊入面雖然係凍但係冇冰嘅狀況而且雞肉都幾入味仲食咗個涼拌青瓜呢個我就覺得不過不失唔算太入味下個月佢就搬去鴻圖道喇

每一次經過都好想行入去食，今日終於有時間可以自己慢慢坐低去食碗米線。入到去睇一睇餐牌，發現原來呢一間餐廳唔單止只有羊肉米線，其實仲有好多不同嘅食品，選擇亦都不少。枱面亦都有唔少醬料，最重要的竟然有辣菜脯，加分。牛羊雙拼酸辣米線 細肉類嘅份量都唔算少，上面有一啲酸菜，一上枱的時候以為店員比錯大碗米線我，原來細碗份量都咁大。羊肉比起牛肉更加嫩同林，果然羊肉真的是這裏的招牌菜。米線很滑有口感，不會煮過火。原來粉面嘅種類有得選擇雲南河粉，下次希望可以試一試。拍青瓜出邊天氣非常熱，想食一個清涼嘅小食，拍青瓜就最適合不過，帶有少少辣，加上醋嘅酸味，凍冰冰涼浸浸的青瓜，消暑一流。嚟緊佢哋會搬舖大家留意番啦

以前去過雲南，當地真係比較多人食羊肉。 喺香港，我都好少見到咁正宗嘅雲南米線。餐廳裝潢都好簡約，主打米線，只有清湯及酸辣湯底。牛羊雙拼細鍋米線（$43）我揀咗牛羊雙拼，想試吓兩款嘅特別！ 牛係用上腩肉，而且有脂肪，所以食落牛肉味香，肉質軟腍。 至於重點羊肉相對脂肪少，係切成薄片，有香濃羊肉味，但唔太膻，好易入口，肉質細嫩。清湯都係滿有羊肉香，味道唔會太鹹太油。每張枱都放有自家製菜圃， 十分惹味，一定要試！涼拌川北豆腐（$12）這款小食好適合喺熱辣辣🔥嘅夏天食！ 豆腐嫩滑又清涼，配上醬汁及蔥花 😋好爽！

之前食過『雲南啊老表』佐敦店覺得唔錯～這日和朋友行完 apm，來到觀塘店開餐，門口貼著要搬遷的告示，幸好來得及時～下次再來，就要到後一條街的新店了。細碗羊肉米線$50，配可樂 $59 炎炎夏日，先來兩罐冰凍的檸檬可樂消暑，好清涼。再來2 個小食～～等了一會，朋友點的「蒜泥白肉」很快便上枱， 份量不算太多，勝在五花肉口感爽彈 ，入口完全不覺肥膩，而沾醬蒜泥方面， 有生蒜的香辛，也有白醋的微酸，味道十分配合五花肉。接著是『水餃10隻』， 水餃有白菜/韭菜豬肉餃， 我們點了雙拼，每款 5隻，新鮮包好的水餃從來都不會讓人失望， 白菜水餃味道較為清甜，而韭菜餃就較為香口濃味，都唔錯。粉麵有好多款餸菜可以選擇，豬大腸， 豬手，豬頸肉， 豬腩肉，雞肉，牛腩等，樣樣都想試，但都係要返羊肉，落單後才發現，原米線都可以選雙拼，哈哈.....細碗羊肉米線先飲一啖乳白色的羊湯，這裡的羊湯明顯比佐敦店更有羊味，米線軟滑有口感，不會有生硬的情況。羊肉帶有不同的部位，有些瘦肉，有些較肥， 又有些超嫩滑的羊髀位置，食完米線都未食完羊肉，真係超大碗，食完好暖身。細碗豬大腸河粉朋友點了豬大腸河粉，豬大腸清洗得很乾淨，口感

今天午餐在「雲南啊老表黑山羊湯鍋米綫」吃米線，炎炎夏日吃米線胃口大開。我一向喜歡雲南米線，雲南黑山羊配雲南米線是不二之選，我擇淨瘦黑山羊湯鍋細碗米線，薄切的淨瘦黑山羊，夠腍又夠羊鮮肉味，配合清甜湯底。所謂細碗米線，其實份量一點都不細，還吃得很飽添！朋友的牛腩細碗米線，牛腩肉味香濃，每碗湯米線都有少許粒粒豬油渣，是久遺了的味道。我們還點選兩款小吃：避風塘辣雞翼，雞翼有豐富肉汁而且很入味，與港式避風塘有不同風味，美味可口可以一試！涼拌鳳爪，拌汁有淡淡的椒香，鳳爪爽滑、味道很好。解暑冰凍的凍檸七&凍咖啡，棒。

這間雲南米線早已在佐敦一帶非常有名，意想不到，觀塘竟有分店，我也很久沒吃了，今天決定要回味一番。牛腩米線很喜歡此店的米線質地，又有咬口，又爽口，吃多多也不厭。湯底濃而不膩，而且香氣四溢，湯底差不多被我喝光光。牛肉都炆到非常腍口、入味，喜歡吃牛肉的我，吃得很滋味。再配上自家製的辣味菜譜，真的滋味無窮。口水雞以小吃來說口水雞份量都頗足，而且入味，由於辣味十足，好惹味，叫人愈吃愈過癮。煎羊架煎得非常香口，富羊肉香氣，雖然是煎，但仍保留不少肉汁，而羊肉仍是嫩嫩滑滑的，烤焦了的羊邊位置富油香👍🏻。

一直我同太太都非常熱愛食米線，係米線關注組嘅推動下嚟到呢一間老表，呢間米線以羊肉為主打除咗羊肉之外仲有其他肉類可以選擇, 牛也是主打之一。一入舖頭已經聞到其他食客嘅食物傳來陣陣嘅酸辣香味，而鋪面尚算四正感覺唔污糟而我一向熱愛羊肉所以就點左個羊肉酸辣米線,羊肉非常香，屬於比較瘦既簿片 ，一啲都唔騷，配埋酸菜食口感一流。而太太都係愛羊之一，佢點了牛羊酸辣米線， 牛肉同樣巾幗鬚眉，濃而不膩加入辣嘅秘製菜脯味道更香涼拌鳳爪爽口入味，愛辣之人必愛而水餃係以料之外好味，皮唔算厚 料十足！

今天比較想吃麵，便和同事走入這家以羊肉做主打的米線店試一試。羊肉細碗米線雖然說細碗米線，但米線份量也不算細。羊肉份量也不少，羊肉口感緊實，入口香濃，耐嚼但沒有韌感，羶味剛好，符合香港人口味，容易入口, 整體來說也值回票價。口水雞酸辣米線雖然口水雞不是主打菜，但味道也不差，雞肉還算嫩滑，口水汁也夠香濃，微辣開胃。米線湯底為清湯，他的清湯也由羊肉烹調出來，入口也有微微的羊羶味，對於不愛吃羊的人來說也不會感到抗拒。我們還點了一份水餃，餡料豐富，水餃隻隻圓潤厚實，豬肉比例比韭菜多，肉汁也夠鮮味。33元10隻, 性價比很高。

之前朋友帶我黎呢間食羊肉既米線，覺得性價比幾高，於是再同朋友黎食多次🤗🤗🤗  😝羊肉酸辣米線😝 我本身見佢細碗諗住係真係細細地比女仔食，點知佢細碗都大份過人米線勁多男人食都夠飽🤗🤗羊肉真係幾出色，食落完全唔會有騷味，好易入口🤩🤩  😚牛羊雙拼酸辣米線😚 呢間食羊出名既估唔到牛肉都同樣出色🥳🥳羊肉係薄切一片片，牛就好厚實一大舊肉，但完全唔會乾，想食得滿足d可以叫雙拼，個價錢仲要平過淨羊肉🤗🤗  😀蒜泥白肉😀一碟有八片，份量適中白肉點上滿滿既蒜泥真係好正，重口味人士必食😀😀😀  😗口水雞😗  口水雞都正常唔會太辣，雞件都滑身，但有部分會多骨少少，但都可以接受😗😗😗  其實真心幾抵食，可以食到唔騷既羊肉加咁大碗米線都係43-50蚊，食厭左豬牛雞真係可以試試呢度既羊肉米線🤗🤗🤗 

今日朋友帶我黎觀塘食好出名既羊肉米線入到鋪頭已經聞到陣陣香氣，羊肉米線有分細同大碗，原來細碗並唔細，一個人食岩岩好，大碗最好兩個人share! 我揀左羊肉清湯米線，羊肉薄切連皮，食落好淋身，有少少騷味，配埋熱辣辣既米線，非常開胃！而且油唔會好多，唔會食落好膩米線份量相當足夠小食點左口水雞，無太大雪味，皮肉分明，醬汁好香麻，拎黎撈米線都好好味！水餃比出面一般都好食，價錢便宜份量多，我地叫左韭菜餃餃皮非常薄韭菜豬肉好惹味

推薦一家觀塘既羊肉米線，雖然門面不太顯眼，但入到餐廳會見到坐滿晒人，人氣非常旺盛。招牌黑山羊米線 $50來到這裡一定要試試招牌黑山羊米線🍜（不辣），有酸辣可以選擇，但家人唔食辣就點左原味米線。下午食一碗細碗都夠晒飽，細碗都係$50咋，上台時屋企人仲問我有冇落錯單或者送錯餐，因為細碗真係超大份😂😂。牛羊雙拼酸辣米線 $43羊肉處理得好好，一d騷味都冇，而且切得夠薄，超級鍾意食❤️，推薦酸辣米線，因為其實唔算辣，湯底更香更濃郁。涼拌鳳爪 $22小食都好抵食，20幾蚊有一碟啦，鳳爪爽脆，點埋辣汁就更好食。自製豬手 $25豬手食落唔油膩，夠爽口。

去開觀塘都會經過這家羊肉米線專門店沒有去過，今天想食米線就去食下先就近觀塘工業區附近，之前朋友就聽講過好大碗米線架。雲南啊老表黑羊湯鍋米線餐牌款式都好多，有羊肉、牛腩、牛肋、水餃、雞肉細碗清湯米線好大碗，牛腩淋身肉質軟腍好有牛既味道，米線同湯底份量都夠多，就加左菜甫一齊食真係好夾。來到太驚喜米線估不到那麼大碗，仲要係平人民價米線唔會淋身唔易碎晒韮菜水餃米線呢碗韮菜水餃足呎一碗有8隻，真係抵食夾大份個皮夠煙韌，韮菜餡料新鮮皮入面有肉汁麻辣雞翼--小食少少乾身但食落口個辣味係唔會太辣麻辣鳳爪食落清脆爽麻辣味道唔辣非常醒胃一件又一件越食越想食雲南啊老表黑山羊湯鍋米綫 (觀塘工業中心)  觀塘觀塘道472-484號觀塘工業中心一期地下D號舖

今晚約了舊同事食飯，他在這區工作，話帶我食同平時不一樣的米線。問我食唔食羊，他話這間是以黑山羊骨熬湯底，好好味。羊肉酸辣細碗米線，原來細碗米線都咁大碗，勁多湯。湯底好清甜，酸菜味道好好，還可以自己加辣菜譜。羊肉是一片片的，好有羊肉味，肉質都軟，而米線口感亦好彈牙。牛腩清湯細碗米線，一樣咁大碗，食了一件牛腩，肉質不粗，而且煮得好淋身，味道好好。麻辣豬耳，大大件，厚肉又爽口，小小辣，不錯。口水雞醬汁味道好，都係小小辣。雞肉大件，雞皮爽，肉質滑，雞肉入哂味，好夠味。