雲川 米線．紅薯粉 (Wetland Seasons Park)

Open Now

Now Closed

天水圍終於都開咗呢間人氣米線雲川啦，之前已經成日會特登去屯門食，依家喺濕地公園附近都開咗分店啦！天水圍嘅街坊有口福嚕～餐廳環境比之前嘅分店更加大，光線充足，座位亦闊落咗👍🏻🌟豬頸肉麻辣紅薯粉(小辣)豬頸肉係招牌必食嘅餸，份量多，而且水準一如以往咁好！紅薯粉軟硬度適中，非常之有口感～🌟炸醬豬扒麻辣米線(中辣)朋友叫咗中辣，呢個中辣嘅辣到完全可以接受！炸醬非常惹味用嚟撈米線食一流，略嫌豬扒唔夠腍～

今日國慶假期，見濕地公園免費開放就專登入天水圍睇睇，點知去到人仲多過雀😂。走個陣見隔離商場竟然有雲川燒，曾經係屯門排隊食過一次念念不忘。😍立即下單金麻湯底，配豬頸肉+螺旋藻米線中辣。真係好好味😋，連湯都飲埋，但下次再食又要黎大西北先得🥲

雲川米線紅薯粉本身呢一間食店主要係營業喺屯門區，但係早排喺OpenRice碌碌下就見到雲川米線紅薯粉竟然係天水圍區開咗，咁梗係要試一試啦。唔試由至可，一試就真係難忘，首先佢哋嘅米線嘅質地係非常之彈牙，非常之咁好食，加上佢哋湯底嘅味道係濃郁好多，酸味同辣味可以話係取得一個平衡點。仲有佢哋嘅配菜嘅選擇都好多，而今次我就揀咗豬頸肉同埋花枝丸，豬頸肉因為佢有烤過，所以表皮好脆口，非常之好食。而花之丸亦都好彈牙

大家好，今日來到新開的濕地店嘗嘗這間在屯門響負盛名的雲川，朋友說這間店最出名是腩肉跟豬頸肉大概晚上6點45進店，已剩下不多位置，坐下沒多久後面已經需要排隊今天我們兩人就叫了兩碗紅薯粉，一碗是豬頸肉特酸紅薯肉，另外是腐皮蝦卷配韭菜雲吞的豬骨湯紅薯粉，小吃喊了涼拌萵筍跟炸花枝丸配一枝凍豆漿很快餐點就到了，嘗了一下豬頸肉，很好吃，味道很讚很彈牙，不愧是招牌之一，腐皮蝦卷也很有驚喜，蝦味重有彈性很好吃，但韭菜雲吞就比較一般，就普通點，但大大顆滿足胃口；薯粉方面是我喜歡的，偏軟儒的口感，不會很滑很難夾的那種小吃涼拌萵筍也很好吃，不會太冰，涼涼很乾脆爽口，但是芝麻醬就下的比較多，建議可以選另上；花枝丸炸的酥脆可口，有吃到花枝顆粒在裡頭，味道不錯；飲品豆漿就沒什麼好說，就普通街市賣的那種，淡淡的豆味整體而言，這餐是令人驚喜又滿足的一餐，難怪雲川可以在屯門多年屹立不倒

天水圍首間雲川終於開啦！就喺屋企附近好正啊😆入到去裝修簡約，睇起嚟非常闊落，比起其他分店空間感十足！坐得非常舒服，唔會過分逼夾！就算帶BB車到完全冇問題，每一張枱都有QR code落單非常便利。美食⭐️⭐️⭐️⭐️⭐️超級推介佢嘅豬骨湯底米線,必加豬頸肉！超級好味呀！肥瘦均勻炸到好香口裏面軟腍，切到超幼容易入口！師傅刀工非常好呀😝豬骨湯底已經好多配菜肉碎香料等等超級豐富，仲可以選擇多蔥或者加底／扣底，選擇個人喜好。叫埋杯凍檸茶降溫啱啱好，非常解膩，減糖嘅朋友可以少甜，我覺得啱啱好！

叫咗2個小麻辣湯米線🍜一個豬扒米線 一個豬頸肉墨魚咀米線一直都有食開元朗分店 亦食過屯門分店 今次嗌天水圍新分店嘅外賣 覺得都保持到個水凖外賣會自動分湯 湯底夠濃 夠麻 有芽菜肉碎豬扒正常水凖 冇咩特別推介 爽口入味嘅豬頸肉 一條條嘅豬頸肉令我不斷一日接一口咁食🤣同其他米線鋪比較小見嘅墨魚咀 呢2個餸真係必食‼️ 基本上每次都會叫呢2個餸每幾個月我就會想食一次雲川 而家可以係屋企嗌到外賣真係好 咁就可以成日食到啦😌🤣

小酸麻金湯紅薯粉香辣腩肉螺旋藻凍檸檬茶 $61😋味道1. 食物同屯門店嘅湯底都好接近腩肉味道同份量都正常但有舊肥到無肉食（🤪腩肉本身就係肥嘢 應該唔可以扣佢分）2.飲品☹️檸檬茶🍋只有2片半好薄嘅檸檬片同埋茶完全冇味 🙂‍↔️用餐體驗～等候時間🕣～星期日7點1人唔使等位直入 見有好多外賣單以為會等好耐大概15分鐘就有得食～埋單俾錢🤌🏻～環境少少混亂收銀忙住電話落單長長人龍等埋單（同埋只收現金同八達通）

同一個金湯底 小辣可以唔同色？係咪俾錯？ 天水圍店沒有手撕雞小食蘿蔔硬水準不一樣第一 二張洪水橋第三 四張 天水圍希望係俾錯錯湯底 如果唔係..會好失望去過三間分店 服務都培訓得好好👍🏻