雲川 米線．紅薯粉 (盈豐商場)

Open Now

Now Closed

朋友介紹，今日黎左呢間專食米線既雲川燒。朋友推廌豬頸肉，我就叫左豬頸肉豬排撈米線。豬頸肉份量好多，食落有燒烤既味道，同平時食開個啲豬頸肉好唔同！不過可惜豬排有少少乾，整體來說不錯，會再黎！

豬骨湯豬扒米線 （$39）［包一杯熱飲］一直都好鐘意嗌豬頸肉，但有時都要轉下口味！今次嗌咗豬扒，香茅味十足又熱辣辣；湯底夠味帶微辣；米線軟硬適中！👆🏼會咁講都係因為之前幾次嚟食，個湯底味道都有啲淡，而且米線好似煮唔透咁比較難咬。所以今次食得翻一開始愛上雲川燒陣味，真係好開心同滿足！雲川燒可以話係一間我幾欣賞嘅舖頭，不論係食材定湯底，都覺得佢做得比一般連鎖米線店出色。（🧡感謝用心睇到呢度嘅你地🧡）

問起屯門食咩米線，或者有咩好食，我諗十個有九個，依加都會講雲川燒，雲川燒自從係紅橋開左分店，已經成為左嶺南大學學生既Canteen，每次經過紅橋，都見到Ling U仔一車車K51去食。其實，雲川燒係係建生村起家先，聽屯門FD子講都話建生果間好食，所以今日去建生試下雲川燒。我自己就唔食辣既，依間米線好彩唔係主打辣既野食，所以普通人都可以一戰既!雲川燒食野基本上十個有九個都食豬頸肉，我就叫左個豬頸肉鮮魚湯米線。豬頸肉切長條，好入味，好好食，但米線就一般，湯底是味精，搞到我飲左好多水。不過佢豬頸肉真係好食既，如果你唔抗拒味精米線，經過食既話都OK!

愈做愈差。以前賣的東西多，質素好，現在湯底，招牌菜大不如前，唉。上軌道就是這樣，甚麼都不用在意。只能這樣嗎？就算菜式少了，就不能維持素質嗎？香港精神呢？愈來愈失望😞

屯門既朋友仔一路向我推薦呢間既紅薯粉，呢次放假，就特登坐一個鐘車入屯門試下，好彩係值回票價。我地夜晚6點幾就到，雖然間餐廳都full full地，但等左10分鐘左右就入到。比較欣賞呢間野有好多餸，因為未聽過螺旋藻係乜，所以我就點左佢，再加必試既豬頸肉，同埋豬潤。叫左三個餸，碗野好似多到就快滿瀉咁。螺旋藻口感係少少爽脆，同食藻類食物冇乜大分別。個豬頸肉預先煎過，外皮金黃色，食落唔會太油，岩岩好，係我食過最好食既豬頸肉。豬潤有三塊，每塊都有三隻手指咁大，味道一般。紅薯粉煮到淋淋地，好味。手撕雞平，大份，冇乜肥膏，配埋個醬，幾開胃，唔覺意我就食左半份。椒鹽雞軟骨岩岩炸好，熱辣辣，幾好味。

我懷疑食米線會上癮的，以前食譚仔會經常想去，現在食厭了，發現原來雲川燒的米線也很不錯，特別是他的麻辣湯底！和朋友去吃，大部份都選了麻辣湯底米線，我推薦雲川燒的豬頸肉，味道一流！另外一位朋友點的魚湯米線，適合不吃辣的朋友！味道也很香濃，真的是會令人上癮！我還聽說有些朋友中午時候有人揸車去盈風這邊食雲川燒呢！他們的手撕雞也是我經常點的一個小食,唔算好貴, 手撕雞入晒味他們的舖位不算大，所以經常要等一會兒才有位，不過大家食米線的速度也很快，不會等太耐的

自從上次地膽朋友帶我吃過屯門著名的雲川燒後，一直念念不忘，故今日要去回味一下!!看看餐牌後，仍然只對豬頸肉和白蘿蔔感興趣，便沒再多想就點了這兩款餸了。麻辣小辣湯底，走蔥，要米線。兩間雲川燒的質素好像差不多，小辣一樣不能辣，哈哈，下次有機會再吃一定要點中辣吧。豬頸肉切成一條條幼條，方便咀嚼，而且很入味，很惹味。蘿蔔夠清甜! 很讚!!而今次飲品則叫了豆漿。支裝豆漿，甜度正常。米線食店來說，價錢很合理，份量又多，很超值!

雲川燒在紅橋算是唯一一間可與雲貴風一戰的米線🍜 因爲在我的印象中 在紅橋營業的米線店許多都開了一兩年便結業😅這個雲川燒我個人認為它的獨立之處是它的炸物 豬頸肉鋪在熱騰騰的米線上但絕不會淋 吃上去依舊十分鬆脆 👍🏻👍🏻 值得一讚而其他配菜如腩肉 大腸等則比較平均 酸辣湯底發揮亦不錯 👌🏻而店內的環境算是乾淨企理👍🏻坐得幾舒服 而且亦設卡位🙌🏻 以米線店來說 算是比較鬆動整體而言 我個人比較推介炸豬扒及豬頸肉 如有機會到屯門 可以一試👍🏻

今日又再去雲川燒食😍同樣都係有佢既撈薯粉！重點，豬頸肉！仍然keep到水準😂😂今次就同平時唔同，叫多左個小食試！我地叫左個炸花枝丸！好食😍佢炸得好趣卜卜，而且會配醬比你食炸花枝丸😍😍不過份量都唔少！再加埋佢碗麵本身都唔細黎講！下次要空肚黎食先得😆😆😆😆

平日放左工, 夜晚我比較鐘意食米線。屯門盈豐商場這間雲川燒, 我的確愛上了。我每次會叫麻辣湯底(微辣), 因我唔想食得太辣, 失去原本的味道。如果食得辣, 可以嘗試叫小辣, 辣一點會惹味一點。我今次叫了雞中翼, 腐竹, 其實他們的豬扒, 豬頸肉也好好味。我平時只會淨要辣肉碎, 芫茜芽菜一律不要, 嘻嘻。我還叫了小食─麻辣雞軟骨, 必定要試, 超推介。唔算好辣, 配埋甜辣醬, 好好味, 飲埋杯凍檸茶, 正!夜晚人流都算多, 有時候真的要等位, 或一定要搭枱, 又或者外賣也OK的。

云川燒是我其中一间喜愛的面店，除了他们的撈紅薯粉特别好味，配菜选择也多，東菇十分弹牙，燒豬頸肉美味可口，花枝丸更是出色，真不知他们在那裏入貨。还有最好味的都是炸大腸，外皮炸到脆卜卜，而內裏还有肉汁，腸味香濃，果真是不吃不可的。而他们的麻辣豬耳也是一绝，辣味剛好不会过頭，豬耳爽口，的確不错。

每次經過呢度，都好多人排隊，我就上open rice 睇下，個個都話豬頸肉好食，所以前幾日就排隊試試，我下午去，啱啱啲學生開始散，所以等10分鐘就有位，我二說不說就叫左個豬頸肉酸辣米線（小辣），好快就有得食。先讚下佢個湯底，小辣程度啱啱好，每啖米線加少少湯，開胃好味，再試下啖豬頸肉，的確係正，佢切到一條條，入味彈牙，係少有佳作，抵佢咁旺場，一個餐都只係三十幾蚊，唔怪得咁多人排隊啦，最後，我連啲湯都飲埋，真係俾個good佢。

一直係屯門都好出名既米線鋪！上星期終於可以去試下，果然無令我失望。我點左碗米線中辣，豬頸肉同埋花枝丸。d豬頸肉果然好出色，佢除左個味道好香口，又唔會太肥之外，佢切到一條條，個厚度令到豬頸肉好有口感！再比左個泰式雞醬配豬頸肉，佢分開上既，唔鐘意點既人都可以唔點，但我就覺得一齊食好味好多。另外我叫中辣，比起其他米線鋪算辣😍好好食😍😍😍

每次中午黎食lunch都要排隊，好多中學生都黎呢到食！雖然環境一般，d位較窄，但的確好值得排隊。我最中意食呢到的豬頸肉、蘿蔔、墨魚咀薯粉，d餸好入味，絕對食過翻尋味！

一諗起好想食豬頸肉，只會諗到即刻答車去食雲川燒。但係想食都唔係即刻可以有得你食！不論咩時間，雲川燒都係坐滿客人。佢既豬頸肉真係世界級，切到一條條但又唔會令到豬頸肉失去口感。另外，我多數會叫撈薯粉！佢既撈醬都好好食！而且薯粉唔會煮到過淋。如果可以，我想日日食🤤