雲貴風正宗雲南米線

Open Now

Now Closed

米線名單大執位位位位੧ᐛ੭迷失咗喺兆康輕鐵終於搵到佢啦食完之後登上咗我米線名單第一位舖位細細未夠鐘開舖入面坐咗一半客人，當然我去坐埋入去先啦，睇定menu 睇吓一陣叫咩先佢米線配料選擇都多，大路嘅佢哋自家整嘅攪到選擇困難呀，最後我揀咗麻辣雞肉同豬大腸，醉辣湯底+麻辣。搭正開舖時間即刻落單，望一望已經坐滿人，出面已經有人排隊啦Wohooo我碗薯粉到咗，我揀咗小辣見到面頭一層紅油心諗大穫驚太辣添🫣試試佢嘅豬腸先，佢有輕輕滷過入味而且韌入面都清潔得好乾淨靚仔嘅！佢嘅麻辣雞有味但無乜麻辣食到，不過見佢有炒過吓色水又唔老都ok可能下次試其他嘢。到咗最重要嘅湯底，其實自己都有喺屋企整過酸辣麻辣米線，要個湯底夠出色惹味，一開頭爆炒肉碎再贊湯落去，個湯底先夠甜夠香，麻辣味先夠層次唔單調，佢有呀！肉碎夠味湯底夠濃厚，辣味都好出色，好少有好少有我食哂成碗再撈底食埋肉碎飲埋個湯，重點係唔口渴，一定會再嚟食呀！

食晏時間好多人呀！等左差不多一個鐘先有等到位，入座後仲有好多人排隊喔。餐廳面積真係好細好逼人，為咗食好嘢等耐啲同環境差啲都冇所謂，湯底真係好好味，雞亦就唔夠入味 。

豬腸+炸雞翼 酸辣米線酸辣湯超級惹味，鍾意呢度嘅酸菜係大大粒，每碗都有唔少嘅芽菜。米線超級有咬口，唔會係腍啤啤嗰種！豬腸滷得好入味，洗得好乾淨，唔會有奇怪嘅臭味🫢炸雞翼真係超好食，差唔多每次嚟都必嗌！炸得超香口，層皮完全係脆卜卜！有種鹹香嘅感覺🤤腩肉清湯米線(腩肉辣湯唔辣)腩肉都係第二樣多數必嗌嘅餸👍🏻，因為呢度嘅腩肉有少少肥肉，肥瘦啱啱好。建議一啲唔係好食到辣嘅朋友可以揀返湯唔辣，但係個腩肉辣。咁就會甜甜嘅清湯，都慢慢滲出少少麻辣味！🤭飲品推介大家試下涼粉冰🧋大大杯，涼粉好滑🤩

黎到屯門呢個米線激戰區 緊係要再試多間米線 一上菜已經聞到好香 好吸引👍🏻👍🏻✨酸辣炸醬腩肉+凍檸茶 $42+$7酸辣湯底都幾夠濃但唔會好油 酸多少少會好啲😋 炸醬味道調教得好好 好食😋 腩肉略嫌瘦左 有啲柴皮咁 同埋可以滷得濃味啲✨麻辣豬肚豬腸+凍豆漿 $44+$6麻辣湯底都好正 夠晒麻😍 豬肚豬腸有滷過都好好食 啲餸嘅份量都多 好食又抵食👍🏻👍🏻總括黎講味道都好好 啲米線質感都好好 好煙韌 湯米線黎講佢暫時排第二 唯一雲貴川第一😋 環境就好一般 好細嘅舖位 得廿個位 比較逼 張枱係中學嗰啲書枱 幾懷舊🤣排左大約10-15分鐘就有得食 都算快味道❤️❤️❤️❤️💔抵食❤️❤️❤️❤️服務❤️❤️❤️環境❤️❤️💰晚餐人均～$50（唔洗+1）

黎到屯門呢個米線激戰區 緊係要再試多間米線 一上菜已經聞到好香 好吸引👍🏻👍🏻✨酸辣炸醬腩肉+凍檸茶 $43+$7酸辣湯底都幾夠濃但唔會好油 酸多少少會好啲😋 炸醬味道調教得好好 好食😋 腩肉略嫌瘦左 有啲柴皮咁 同埋可以滷得濃味啲✨麻辣豬肚豬腸+凍豆漿 $44+$5麻辣湯底都好正 夠晒麻😍 豬肚豬腸有滷過都好好食 啲餸嘅份量都多 好食又抵食👍🏻👍🏻總括黎講味道都好好 啲米線質感都好好 好煙韌 湯米線黎講佢暫時排第二 唯一雲貴川第一😋 環境就好一般 好細嘅舖位 得廿個位 比較逼 張枱係中學嗰啲書枱 幾懷舊🤣排左大約10-15分鐘就有得食 都算快味道❤️❤️❤️❤️💔抵食❤️❤️❤️❤️服務❤️❤️❤️環境❤️❤️💰晚餐人均～$50（唔洗+1）

假日入到嚟屯門，梗係要試下屯門出名嘅米線店店面唔大，環境舊舊地下午3點人流唔多，唔使等位叫了碗腩肉米線中辣味道唔錯，腩肉算多，肉碎都多辣度足，下次打算挑戰下大辣

呢間米線好多人特登入嚟屯門食😂😂😂不過舖面位置就真係一般，大約20個座位左右。如果撞正lunch hour，基本上等30分鐘至少，而且位置坐得好逼，成日食食下撞到後面或者隔離既人😂😂😂至於食物方面，以前真係大碗啲，都算多餸俾人揀，我最鍾意腩肉🤤🤤🤤推介小辣😂😂食得辣既就試勁啲😌😌😌叫外賣既話，成碗好似細左好多咁🥲🥲叫一碗以前係食吾哂，宜家係吾夠食🥲🥲記得分湯呀🤣🤣🤣🤣

➭屯門【米線關注組常客 世一油封炸脾】 -位於紅橋底，是以前在屯門就經常食的一間米線，雖然沒有在米線關注組的十強內，但得到不少屯門朋友的第一肯定，而且炸物真的十分出色！-✦ 蘿蔔冬菇，酸辣米線｜$48米線是厚湯型的酸辣，酸辣適中，有豐富的配菜，酸菜、芽菜、肉碎、花生、昔菜。蘿蔔清甜無根，冬菇小小的，但鮮香味濃。-✦ 肚絲，麻辣米線｜$43小辣的麻味略不夠，反而酸菜令湯底酸味較重。肚絲麻香惹味。-✦ 炸雞翼｜$24上碟還是吱吱冒油，炸得夠乾身香脆，雞皮像是日式烤雞皮的脆香，但肉質有點乾。-✦ 炸雞髀｜$24同樣炸得乾身香脆，可能因為肉厚，內裏充滿肉汁，比雞翼更勝一籌。朋友更説吃出法國油封鴨般感覺-( ´ ▽ ` )ﾉ。。。。。。。。。。。。。。。。。。。屯門有不少米線名店，個人認為雲貴風排行第二，味好量多，價錢實在，炸物一流。但注意營業時間，會不定期休業。

It has been a long time since I last visited this eatery, so I went there today. I had high hopes for the food, and ordered a bowl of minced pork and pork belly rice noodles. The presentation was similar to what it used to be, but I noticed that the portion of rice noodles had decreased significantly. Before tasting it, I tried the soup and realized that even the mildly spicy soup was not at all spicy. The only thing worth praising in the bowl of rice noodles was the fragrant chili oil. The rest

話說小弟深夜11點幫朋友叫米線，平時老闆娘都會幫我分湯！呢次唔知咩事，冇分湯既情況下我不如係舖頭食問老闆娘又話忙，唔記得！但落單時明明講好分湯！最後老闆娘賠返1蚊比我，真係多謝喎！到最後行上去景新臺3樓 平台一打開，唉....d湯都冇埋，成碗野50蚊，朋友剩係食少少餸！由於米線吸哂湯既情況下係極度難食！結果成碗野丟落垃圾筒，可悲！最後我都賠返錢比朋友算呢間野可能真係唔利我...希望隔離舖雲川燒營業時間可以改善就好

今日行到屯門附近，想試吓特色米線舖頭，搵到呢間都有人排隊，所以覺得應該都幾好食，嗌咗一碗腩肉米線同豬膶米線，我淨係嗌咗小辣，但係覺得有啲辣囉，應該嗌少少辣，建議食唔到辣嘅但又唔想食清湯既朋友可以嗌少少辣

今日入開屯門就過埋嚟朝聖呢間米線關注組都榜上有名嘅米線 復活節假期夜晚6點半左右到 唔洗等位就入得！朋友介紹嗌咗少見嘅豬頭肉 另外自己揀咗雞腎同肥牛 湯底揀咗酸辣微辣 order後大約等左3分鐘就上菜了一上枱第一印象係 好足料 豬頭肉同雞腎2款都超過十件 而肥牛都有5 6塊👍🏻少見豬頭肉睇落有啲似腩肉 不過食落就似豬耳 比較爽脆 雞腎就係口感爽脆 唔係粉個種腎 肥牛就煮得入味唔錯👍🏻而湯底嘅辣度係比起平時食嘅米線辣 我嗌嘅微辣應該有其他舖頭嘅小辣 辣度足夠 酸菜份量都唔少 不過個人覺得酸味可以再多啲 整體黎講都算惹味嘅 總括嚟講 個人覺得呢間都係幾好食嘅 值得一讚係佢嘅餸真係俾得好足料 就算我嗌三餸都唔會因為嗌嘅種類多而每一款餸比少咗 食到尾我食晒啲米線 但雞腎同豬頭肉食極都仲有🤣🤣如果再經開屯門都會encore！

今日去完長洲，搭村巴返屯門，男人話想食米線，咁第一時間就諗起虹橋間雲貴風，上次去到無開門，今次應該唔會咁黑仔掛😛一去到門口勁多人，多數等外賣，生意真係好鬼好。我同丫姐講兩位，佢叫我等陣，本身唔覺餓既我係門口淨係等左一陣聞到陣麻香味，個人即刻好有食慾😫等左5分鐘有位喇，一早諗左吃咩，一個叫麻辣小辣雞肉炸豬排米線，另一個叫豬耳腩肉酸辣米線🍜兩碗都有鮮肉碎，麻香酸辣味十足，食落辣辣地，唔太咸，米線煮得岩岩好，順滑。豬耳同腩肉好出色，依兩個餸男人話必點，睇落都流晒口水豬排我覺得炸得乾左d，但個麻辣真係一流。本身好少食米線既我都食清晒，真心正。建議d野食黎左先叫野飲，因為一罐可樂真係唔夠飲😏簡單幸福的一餐，價錢實惠，係間鋪細左少少要等位咁。下次試其他口味，期待與他的一期一會，繼續食好西。

雲貴風既大名 好多人都識係屯門屹立不倒咁多年 靠既係足料又好味次次黎親都要排隊 就知佢正店舖位置不算大 略嫌有啲迫大家都係快快脆脆嘆完個米線就走turnover rate 好高睇吓餐牌先酸辣米線 小辣 配雞翼 豬腸 豆卜湯底好濃郁 惹味 叫人忍不住食完一啖又接住一啖雞翼同豬大腸都好入味豆卜略為硬咗啲 酸辣米線 小辣 配 腩肉 韭菜餃腩肉有小小辣 好惹味韭菜勁足料 一咬開 d 韭菜味非常香濃睇吓你受唔受到 哈哈老公就大愛呢個韭菜味本人就有啲接受唔到整體來講 喜歡米線既朋友 未食過 一定要試吓

晚上10時，眼見此舖小人光顧，再重臨一次！小弟坐在4人位置上，老闆娘好好招呼我點了酸中辣，腩肉，豬腸 及蘿蔔！味道上同次前係冇分別！都係咁好味！一路食，老闆娘就係咁煩，係咁同我傾！傾多兩句，我就同老闆娘講：不如你比我專心食野啦，好嗎？食到中途，人就越來越多！我都識做將背囊收起！點知老闆娘好似明玩野，有5個人等候枱！我話不如我掉去2人吉枱坐啦，點知老闆娘堅持叫我唔洗郁！最後比5個人圍住我食野，不停講講講又咳，d口水飛黎飛去，又嘈有頭腦既都應該叫單獨食客掉去適當座位，仲有什麼叫食不言寢不語...老闆娘似乎係未學懂做人道理！結果1分鐘後頂唔順，食左一半 比左57蚊離開！老闆娘仲好意思叫我拎外賣走睇黎請唔到人，元朗結業並唔係冇原因以後都唔會再黎，完全感受唔到對食客既尊重