靚靚 不一樣的車仔麵

Open Now

Now Closed

每次黎到尖東都好自然心思思去靚靚車仔麵，今日亦唔例外，有時我都唔知應該話自己係長情定係悶，次次去到都係食個幾尾餸，而呢幾道餸到而家都未食厭，只因真係好味，同埋呢度車仔既餸又多選擇又特別。今日同朋友一齊黎，所以我地各自食咗想食既再Share，奇異果龍珠甜酸齋、麻辣魚蛋，麻芥蓮藕我每次必食，朋友叫咗蘿白、咖喱魷魚同牛腩。甜酸齋，一D都唔硬，綠色粒粒好似魚子既奇異果龍珠酸酸地夠醒胃麻芥蓮藕 - 蓮藕切成一條條，外面包以一層脆皮，配以特製芝麻加芥末醬，好味麻辣魚蛋 - 魚蛋彈牙，如果可以多D辣味更好蘿白 - 入味，夠甜咖喱魷魚 - 彈口而咖喱味濃因為本人唔食牛所以無COMMENT。每人約$50 叫三餸仲有飲品送。

呢個週末，#小秘書 認真唔得閒，所以只可以簡簡單單食啲嘢，又要趕下一場🥳 #朋友仔 提議去 靚靚 不一樣的車仔麵 ，佢話 #靚靚 啲 #車仔麵餸 好特別... 真係嘅？#靚靚 果然 #名不虛傳，單係 #車仔麵 嘅餸料已經有幾十款🤪 而且唔似傳統 #車仔麵店 咁將所有嘅嘢擺埋一齊上枱... 講真有時未必樣樣嘢都啱味㗎嘛😪 我哋決定每人叫三果餸交換嚟食🍜 而最特別嘅就莫過於 #麻芥青蓮藕，口感好爽脆，加埋啲芝麻、芥辣醬上面，味道好青新👍🏻 另外仲有 #奇異果龍珠甜酸齋 都做得好好👍🏻👍🏻 我哋每人叫咗三個餸+麵，原來仲可以免費要兩杯 #檸檬薏米水 🍋 又幾抵喎👍🏻

個天氣凍冰冰最岩食番個車仔麵！第一次食呢間車仔麵，佢真係有好多款餸諗左好耐之後決定同朋友叫唔同既餸，咁就可以一次試哂幾樣想食既我地今次主要叫左墨魚煎餅，黑毛豬叉燒同燒土匪雞球！首先要一讚既係佢大部分既餸既係另上，咁就唔會搞到濕哂墨魚煎餅 ($17)呢個一食係會真係食到D墨魚粒唔會話一咬就係一舊粉，煎完都仲有好香既墨魚味，脆得黎唔會太乾身。而且佢一份都有4塊，幾抵食黑毛豬叉燒 ($26)呢個我個人都幾鐘意食真係冇諗過佢係咁多，佢既肉質岩岩好，唔會太實。外面既皮燒得幾香，而且個汁都幾香，呢個都幾特別燒土匪雞球 ($23)仲以為係土匪雞翼D friend黎，點知唔係不過佢有d似係鹽酥雞，都唔差既下次真係可以試埋佢其他餸，真係花多眼亂

間唔中幫襯，近乎每次都可以漏我單，杯嘢飲次次出10杯先出我嗰杯，唔知佢哋想點。嬲到今次我話唔要杯嘢飲唔等啦，個阿姐又唔比我啲嘢食要我等埋。真心嬲。嘢食方面不過不失，唔可以要求勁好食但不致於難食。車仔麵有啲油，湯比較淡味，食得車仔麵唔預佢少油健康，但都唔會成碗得個油味，咖喱魷魚分碗上有啲浪費，魚蛋一般。早餐燒賣腸粉都喺正常買返嚟賣嗰啲，整體價錢比較貴，唔喺附近返工應該唔會考慮食佢亦唔值得特登去。整體而言最差喺服務。

晚上經過這裏， 被佢既舖頭名吸引著: 靚靚不一樣的車仔麵， 間舖頭標榜自己為尋找食物嘅原味，絕不使用味精， 已用3m漸進式粒子淨水系統過濾食水， 同埋用加拿大芥花籽油。一入到去，個座位比較狹窄，不過車仔面d餸佢都幾多款式揀，我揀咗墨魚煎餅，紫菜，同埋咖哩魷魚，墨魚煎餅都幾入味，不過咖哩魷魚就麻麻地，只係灼熟啲魷魚再加咖哩汁😅 另外呢度車仔麵子要叫咗三款餸或以上就可以免費飲一杯嘢飲， 今日就係凍提子汁，都算大杯既。

放工行過尖東，有啲口痕就走咗入去呢一間小食店度。一心想食碗仔翅嘅，所以餐牌都未睇就先落咗碗碗仔翅，然後先發現原來呢間鋪頭出名食車仔麵……算啦下次先食車仔麵啦，心諗。碗仔翅嚟咗，都幾大喎，而且仲要好捉了！啲冬菇係好大塊嘅，仲有唔少肉絲、木耳絲、粉絲等。雖然嚟到嘅時候已經唔係好熱，但係起碼佢煲得好入味。食開有條癮，就口痕想再加啲小食。然後就揀咗豬皮豬紅。 點知嚟到碗豬皮，又完全冇豬紅，問返店員然之後我又睇吓單，先發現原來佢同我落咗一份豬皮、一份豬紅……但明明餐牌係有一份豬皮豬紅夾埋㗎嘛。佢本來想收返我碗朱紅，但係我真係已經落口好似食咗，咁佢就唯有俾返少少豬紅我😅😅豬皮口感還好、個湯雖然係味精湯，但都幾入味嘅。豬紅就還可以啦。但係呢個時候，我在食緊碗仔翅嘅時候發現有啲嘢趙唔開，一lur返出黎先發覺原來係一條橡筋😨😰😰😰😰即刻大打折扣……雖然味道還好，但係服務真係好普通、又入錯單單又唔問清楚，加埋呢條橡筋⋯，睇嚟再行過尖東都係食返第二間算……

晚餐食左三餸一麵有金菇/蘿白/墨魚餅金菇加$8 但得好少而個蘿白好淋 但一入口就溶咁制無口感可言而個墨魚餅 竟然係炸嘅 好油下仲以為係煎...其實墨魚餅可以加粟米同馬蹄加強爽口嘅感覺但抵讚嘅係粉絲 好味道沙嗲都好香下

店內標榜著每天更換芥花籽食用炸用油、使用3M淨水系統、沒有農藥激素的菜和不使用味精。職員都是年輕一輩，看來都是暑期工的中學生，對應方面已經很有經驗了！菜式為白蘿蔔韮菜豬紅、腐乳通菜、墨魚煎餅、咖哩魷魚、海南雞件、白菜仔、米線豬紅和白蘿蔔頗入味。腐乳通常和白菜仔味道正常，韮菜是以清湯上的，墨魚煎餅好彈牙！推薦！咖哩魷魚只是在魷魚上加了咖哩醬汁，不推薦這個。海南雞件雖然有骨，但是冰涼泰式雞件很開胃。整個晚餐不太油膩，吃完後，喉嚨也沒有感到不適。還送檸檬薏米水

以前在尖東返工，早餐及中午都喜歡去靚靚食的。現在離開了尖東工作已經10多年了，每次經過靚靚都好想入去幫襯🤣🤣🤣今次要去紅館就來一個靚靚的不一樣車仔麵醫肚啦～ 靚靚除咗車仔麵好食之外，其實連飯餐都好好食，份量十足可以用大份嚟形容，仲連餐飲冷熱同價，套餐價錢都係五十多元，又抵又好食。車仔麵唔駛講餸菜多選擇，味道又好，就算連燒賣魚旦，仲有雞蛋仔各款小食都好好味。經過尖東去紅磡的朋友仔們，不防嚟靚靚咁多元化，總有一樣食品啱你心水。

去聽演唱會前最好就係喺尖東食飯先，食完行去紅館就啱晒！呢間車仔麵又係朋友介紹，話好好食，所以試吓啦！排隊戈陣姐姐畀左點餸紙我地先填好，填好左會即刻收。每樣餸都唔同價錢，款式比較特別，原來車仔麵都有分子料理！排左15分鐘左右就有位，坐低唔夠3分鐘已經有野食，好快！不過原來全部餸都係分開上，唔怪得咁快！先講兩個湯底，一個係瑤柱濃湯底，瑤柱味好香，感覺好滋補，另一個係黑松露湯底，個人認為黑松露可以再濃d。肥牛肉 ⋯ 甜甜地，酸酸地，算稔，無特別龍珠甜酸齋 ⋯ 綠色粒粒味道似奇異果？甜酸齋細細粒，脆脆地，但唔夠酸黑松露芒果分子蛋 ⋯ 無睇介紹以為真係隻蛋，原來係入面有芒果汁既野，穿左塊膜就真係飲緊果汁咁，好特別口水雞中翼 ⋯ 雞翼本身無咩味，全靠上面既辣醬，尚可以總括而言，呢度價錢比出面貴，雖然款式新穎，但我都係鍾意傳統車仔麵多d！😁

放學摺完拉把，就同朋友近近地去尖東食晚餐～左揀又揀~最後決定食：靚靚 不一樣的車仔麵！朋友揀左豬軟骨飯套餐；我就嗌左車仔麵，配料揀左魷魚& 酸齋～湯底好濃，整體味道不過不失 特別之處係酸齋上面有平時係台式飲品先見到既爆珠！！之後我地見到店內poster 車仔麵檔竟然有分子料理食？！貪得意叫左個「初榨魚露雞」$16成分包括：用魚露製成既泡沫+雞肉+炸紫菜+芝士？雖然賣相一般，但係呢個價錢冇得輸啦～係好有新鮮感既平民分子料理！而且味道好豐富！好欣賞小店既創意😂😂果然名副其實係「不一樣」呀！

好耐之前帶過外國朋友黎食靚靚車仔麵，已經覺得唔錯，今次咁岩想同朋友食個快lunch,所以又黎左依度～🤓佢出名在唔落味精，而且配料有好多選擇！我記得佢出名既九轉大腸- 個名幾特別🐵，而且好味的！😋今次試下墨魚煎餅、豬軟骨，同埋一個好似叫韓式滷肉- 賣相係好靚既，一上枱有少少出煙既效果😂😂 我朋友wa左一聲🤣🤣但其實食落一般🙊，味道怪怪地... 墨魚餅同豬軟骨就ok既！不過，可能係lunch time 繁忙時段，我地都未食完，d姐姐就趕往清走d碟🙊 感覺不太好。

不少人大讚這裡的車仔麵配料夠創新，但對我這種老頑固而言，一碗好的車仔麵，最基本的仍是那幾種最原始、最簡單的材料一定要做得好。若連最基本的豬皮、豬紅或蘿蔔也做不好的話，那便好食極有限了....這一間靚靚車仔麵，都可算是屬歷史悠久了。許多年前曾食過一趟，吃完後沒有留下甚麼深刻印象.....及至多年後，店名仍是叫"靚靚"，但後面就多了"不一樣"三個字，餐牌內亦加添了不少創新的餸料及小食，因而得到不少網友的青睞....既是如此，那我就將之當成是新店去試吧....逢一間車仔麵店，餐牌上有一個甚麼七寶八寶麵，我就很有興趣去點，貪其可以一試就試到很多的配料....一碗麵中，網羅了雞翼、紅腸、酸齋、牛腩、豬皮、魚蛋、豬紅、蘿蔔及菜，基本上吃畢後就已將您的肚皮塞滿了一大半....麵底仍是永恆的油麵，入口沒見很重鹼味，收貨；雞翼鹵得算入味；酸齋弄得有點過份地酸，不太合我的口味；豬皮爽口；牛腩有數件吃出渣來，不合格；魚蛋細細粒咬下去帶點煙齦不過魚味欠奉；蘿蔔一放入口就半溶了，口感不錯但就欠了蘿蔔應有的清甜、豬紅咬下去半滑半嚡口，真不知如何去評價之；紅腸及西生菜則正正常常，沒有甚麼好說....既然許多朋友說這

好耐都無黎食靚靚啦，最近咁岩喺附近做完野，就過黎醫醫肚。靚靚其實一直都賣得唔平，不過勝在夠大份同好食，今次叫左三餸車仔麵，大腸、蓮藕同生菜，同埋加左五蚊要黑松露湯底；三餸一麵仲附送紅棗雪耳水一杯。- 九轉大腸 （另上的）味道依舊好食，好入味，酸酸甜甜唔過鹹，不過就唔夠軟稔，好有咬口，我就覺得如果再稔d爆汁d就更好食。- 麻芥青蓮藕（另上的）呢個係炸蓮藕再淋上胡麻醬，份量一流，一個人食其實好多。蓮藕係新鮮炸既，炸漿唔厚，熱辣辣，爽口唔粉既；胡麻醬亦好慷慨，夠點有突啦。鮮炸當然好食啦，加埋天下無敵既胡麻醬，呢個值得encore。- 黑松露湯底加五蚊就係加左個一小pat黑松露油囉，撈埋落碗麵度真係唔覺有味。

尖東有啲難搵輕食，今日就嚟試下呢間靚靚車仔麵吧！ 好耐冇食過呢啲細細粒嘅魚蛋，覺得好懷舊，用料好真，唔係成粒粉。牛腩都唔錯喎，竟然可以做到牛腩麵檔咁林，咁香。 呢度嘅車仔麵矜貴在配送你紅棗雪耳南北杏茶😚。食完佢個面麵都覺得唔錯，於是再買咗個九轉炸豬大腸，話係秘製汁，原來係一個酸酸哋嘅汁加入芫茜同埋一啲炸茄子墊底，真係好唔錯喎😋同平時嘅甜醬芥辣豉油完成唔同食法，好有創意!價錢都唔平，位置問題吧！但都覺會再食。間小店要求都好高吓! 有個牌竟然寫住飲用水係用3m 漸進式粒子分離淨水系統; 茶又有好多唔同滋潤嘅茶畀你去揀 ，例如山楂落神茶,菊花杞子茶; 小食仲有黑松露煎蛋、鹿兒島豬軟骨等等。