韓食 (Closed)

準備上堂，又有少少肚餓，見到呢間野食出奇地抵，就行左去買。呢個天氣，叫左碗炸醬麵，$25蚊。唔打算會好好味，因為始終25蚊，但願飽車。店外有提供幾張枱同摺dum，店員態度好好，問我係到食定拎走，我答係到食，佢仲幫我打開埋，一打開一陣熱氣湧上黎，再撈埋佢，由我食第一啖開始我就真係停唔到落黎，比想像中好味，又夠味，好有係韓國食街邊野feel.唯一要講既係要俾D耐性，因為食物無甘快整好。店外街邊就有垃圾桶提供，所以唔好亂掉垃圾!$25呢個質素提供到呢種食物，抵到嘔啦！會再黎幫襯!

下班後經過太子，才想起老媽說今天晚餐要自理。四處尋覓下發現這家專賣韓式餐點的小店，一於試試！ 韓食店面不大，以外賣為主但店外放有桌椅也可以「堂食」啦，餐點選擇有小食有飯麵、飲品，絕對能滿足早午晚三餐所需 XD 芝士炸雞 分5件和10件兩種分量，肚子太餓了忍不住點一分小的(5件)在店旁開動。 炸雞外皮沒有炸得死硬，香軟容易一口咬下，裡面的雞肉意外地滑嫩，就算是雞胸部分也能保持軟稔有肉汁，外脆內軟這火候掌握得恰到好處。炸雞上澆上濃濃的芝士醬，芝香撲鼻而且趁熱時吃還會牽絲。而且每分炸雞都附有數顆醃蘿蔔，酸酸甜甜的，吃完炸雞吃一顆蘿蔔正好可以下火清味蕾，正！ 單吃吃炸雞又怎麼夠？我還外帶了泡菜炒飯跟店家自製的泡菜回家作晚餐~ 一盒泡菜放得滿滿又壓得實實的絕不欺場，小小一盒放冰箱可以存放一星期，分量算得剛好。 泡菜口感很爽脆，辣度不算高，小辣者也可以好好品嚐，只是微酸的味道可能不夠正宗，但正好合我討厭吃酸的胃口，辣中帶咸的口味清爽之餘也很下飯呢！ 紅通通的炒飯大概是小至中辣的口味，每口都吃得到泡菜，還有大大的煎蛋，用料簡單，但要是沒有食欲時來一客泡菜炒飯絕對會令人精神一震 X

下班懶得煮飯想找點速食，經過「韓食」外賣自取店，就決家一試水準。炸雞有驚喜的榴槤口味，可惜已經賣光，所以點了蜂蜜芥末炸雞，再拼宮廷紫菜包飯，一個人吃的份量已很足夠，看到店員推介的自家製泡菜，心動也買了一盒嚐嚐，泡菜較爽口，味道相對沒有韓國吃到的濃味，要是怕酸怕辣的話，這款泡菜應該很合心意。 炸雞是即叫即炸的，所以熱辣辣，我也即時試了一件，沒有厚厚的炸醬，減少了熱氣，雞肉很嫩滑，伴碟有小店自家製的醃蘿蔔，吃下去有點家的感覺。至於紫菜包飯，味道和包飯的口感都跟正宗的韓式食店吃到的差不多，醮點醬汁更惹味，簡簡單單的一餐很不錯的韓食組合。

放工出左太子行住街等朋友，有排未食得飯已經餓到不行，見到依間韓式小食店有炸雞小食賣，本身愛食韓國野既我最後忍唔住買黎食住等佢店鋪雖然唔大，但多份街坊人情味，除左小食之外，仲有飯類同拉麵<<蜂蜜芥末炸雞-小>>炸雞可以隨意自選雞塊、雞䭔或者雞中翼，我就叫左雞塊，食完唔洗吐骨嘛，芥未醬汁聞落好香，雞肉肉質幾滑帶少少辣味，幾好味，入面仲搭左酸蘿蔔粒，食件雞食一粒酸酸地好開胃<<泡菜炒飯>>炒飯仲有煎蛋伴著，炒飯辣道比我想像中辣，本身我都係好辣之人，所以愈食愈過隱，味道又唔會太咸，煎蛋仲有少許流心，加分!

有時晚飯諗去邊食係一個大難題,又要平又要飽又要好食,今日就帶住小胖女去街既時候就要面對呢個問題,係諗唔到又肚餓既時候,掃街係唯一出路啦,諗到太子,行街行到累就見到呢間韓食既街頭小食店,抱住一試既心情去食啦,點知十分之驚喜,鋪面就唔算好大架啦,以外賣為主,但門口就放左幾張枱比人坐食,我地睇完餐牌後就叫左幾個炸雞,一個芝士包蛋同一個飯食由於全部食物即叫即做,所以要稍等一下,先黎係甜辣炸雞同之士炸雞,炸雞熱辣辣,好香,食左唔油膩,非上好食,至於芝士味就係面頭有好大PAT 芝士,一由於岩岩炸好,一齊咬好重芝士味,岩哂喜歡之士既朋友,兩碗炸雞亦都好快比我地食哂再黎就係芝士蛋卷同泡菜炒飯,蛋包住左厚厚既芝士,好滑同好重芝士味,口感好正,另外炒飯辣辣地,份量夠,兩個人食岩岩好,最後小胖女居然點左榴槤炸雞,由於小弟唔食榴槤,所以出唔到食後感比大家只見小胖女不斷食不斷叫好好味,好香榴槤味,希望喜歡食榴槤既朋友岩食啦,價錢非常經濟,想掃街,食得飽,又要平,又好食,不訪試下

今日好想食炸雞，經過韓式小食舖，就決定買炸雞食。哇，有好多味炸雞，榴蓮炸雞都有。冇勇氣試新口味既我，叫左個普通芝士炸雞同埋泡菜炒飯。靚女侍應叫我等一等，幾分鐘後我既炸雞同炒飯終於黎了。一攞起個炸雞，好濃既芝士味就即刻飄過黎，好很正！攞返屋企途中都係咁聞到個炸雞味。真係餓死我了。炸雞入口，原來仲有少少辣味，加埋芝士，呢個moment好幸福。側邊仲有少少白蘿蔔，清清地，好爽脆。泡菜炒飯上邊有粒蛋，同埋紫菜。開個蓋好香既泡菜炒飯味已經搞到我好興奮。炒飯好好味，點解攞返屋企仲食到真鍋氣。冇諗過求其買一間小食舖既野食，原來都可以好好食！有機會再幫襯你啦！

話說呢排突然好掛住首爾 好想再去嘆泡菜同韓式炸雞 但奈何窮到燶加無假期 只能周圍搵下有咩韓食以解思念之苦上個禮拜去開花墟 又突然好想食炸雞就seaech下 結果搵到間有驚喜既韓食小店店仔細細 有唔少人買外賣 店前只有一張長枱 應該以外賣為主雖然店仔細細 但選擇都不少 即叫即做點左炸雞, 韓式蛋卷, 仲有泡菜炒飯韓式蛋卷既蛋味濃郁 添上茄汁 賣相吸引 好似蛋包飯咁 泡菜炒飯 夠晒熱辣辣 炒飯上有煎蛋同紫菜 味道不錯 最緊要係$33有交易芝士炸雞(左); 甜辣炸雞(右)小店既韓式炸雞很讚!! $23~25蚊一客有5件 仲有好多味道揀新鮮滾熱辣 一食就知係即炸香脆, 乾身, 亦唔油膩榴槤炸雞其實每人食完5件雞,再加炒飯蛋卷已經夠飽但又心思思好想試埋餐牌上令我心心眼既榴槤炸雞就再加單榴槤炸雞又係即炸 一食落口 嘩好味道~~ 炸雞上既醬汁除左有榴槤味仲食得出混合左芥末既味道 對於愛榴槤既我黎講 比芝士炸雞更美味小店雖小 但總有佢存在既價值同原因 支持

係附近坐車，口痕痕，無意中見到間韓國小食，竟然有我至愛既炸雞，當然要買黎試下，又可以支持下一啲小店。我叫左雞槌甜辣味。又唔係好辣咋喎，甜甜地帶點小小辣，幾惹味，帶點脆脆既外皮，內肉仲有肉汁，不會太乾身。 俾個紫菜卷吸引住，忍唔住都買左黎反去試下，又不差喎，餡料好爽脆，食落清清地，好有咬口，好清新。

Happy Friday放工梗係約fds去食飯啦～～今晚落太子搵食，又未夠鐘食飯，見有間新開嘅小食店，即刻買嚟試下先～～黃色舖面好share醒，舖仔細細，門口開咗兩張細細嘅摺枱，外買又得，想坐低食埋先行又得。香炸魷魚鬚（甜辣）炸得夠乾身，卜卜脆，配上甜辣醬，味道剛好，連埋蘿蔔粒一齊食，中和返個熱氣感，唔錯呀！芝士炸雞（拉絲）芝士份量唔多唔少剛剛好，同炸雞味道好夾，味道唔會好濃味，炸雞炸得乾身，但係又不失雞肉嘅肉汁，正呀！自家製泡菜小店每星期都會做一次嘅泡菜，食得出嘅身鮮感，辣味剛好，菜好香甜，真係餸飯一流呀！

砵蘭街近太子嗰頭有好多小食外賣店 韓食係其中一間同名一樣， 一般既韓式菜都有我同友人點左兩樣野外賣海鮮煎餅 38 蚊海鮮煎餅38 蚊 有好多 砌番應該有8 塊 好抵食 餅身軟得黎好香 有少少葱花同辣椒吊味， 入面既料有魷魚同蟹柳， 整個餅用左幾多蛋去煎 所以食落好香蛋味 配以特制既酸甜醬汁 抵同好食！  榴蓮炸雞 30 蚊韓國炸雞食得多 榴槤味第一次食 雞皮出面炸得好香脆 而入面既肉都好嫰滑 應該係近雞脾同雞柳既位置 出面既皮痴住榴蓮蓉 發出淡淡榴槤香味 十分特別 鍾意榴蓮既朋友可以一試！  泡菜泡菜係凍食 同平時香港求其醃既唔同 嗰d用好濃既醬汁醃 唔健康 , 而呢款係一般韓國整法 放入醬料等佢慢慢發酵 每家每戶味道都唔同 而佢呢款味道比較酸 , 辣度一般 十分開胃 外賣番屋企當係餐前菜都係一個幾好既選擇！

最近睇hocc演唱會被感染左，好想親身支持下香港小店，所以被靈機一捉，等我share下一次食韓式小店ge經歷。話說早兩個星期搭直通車喺大陸番黎，太子落車，同朋友喺附近發現左呢間韓式小店。小店其實一眼望哂，店外有d枱凳，叫完可以坐喺度食。我地叫左d炸雞、海鮮煎餅、同開胃酸白蘿蔔當tea食。首先係－榴蓮炸雞，雖然叫果下其實都係諗住抱住大無畏精神，但勢都估唔到，榴連同炸雞味道原來係夾得埋。so crazy really!!!食完個口仲有陣榴連味，真係幾誇張˜ hahaa之後海鮮煎餅，其實令我諗番起去韓國食ge小食。韓國人真係好興將d蛋槳同各樣食材mix埋食，好似生菜、魷魚、九菜等等等等。而呢個正正就好似韓國食ge味道一樣。再'點'd咸咸ge醬料一齊食，係幾好食！酸白蘿蔔，加埋塊檸檬，都真係幾酸，不過同時又幾開胃。飲品叫左呢個－aloe vera食完走左之後，行去隔離條街，又見到佢地ge拉架˜ 中意食韓國野ge你可以支持下呢間小店，因為賣ge野真係好平，旺角區黎講真係比較少有。can try˜

平時一向喺太子接太太收工！同好多香港女仔一樣，佢最鍾意食韓國嘢！呢間小店遠處乍看之下以為係買魚蛋燒賣腸粉嘅地方，原來係林林總總嘅韓國食品。韓國冷麵韓國嘅水冷麵一向係我最鍾意食嘅，平時去xx稀肉食都一定唔只呢個價！冷麵裏面嘅配菜包括芽菜。白蘿蔔，泡菜。。仲有我最鍾意食嘅白水煮雞蛋！一律齊晒曾經因為好鍾意食水冷麵，專登去到尖沙咀嘅金巴利街買返屋企自己整！其實連工包料再加埋配料，其實＄30都真係一定整唔到。。自己整仲要未必一定好食。。。呢度嘅售價只係＄30一碗，真係抵過食米線。紫菜包飯呢個亦都係每次我去到首爾必定會食嘅紫菜包飯， 相比起日式壽司，最大嘅分別係，少左一份嘈嘅酸！但係反而多咗一份麻油嘅香。。不經不覺就會將兩大條飯團吞晒落肚，哪有嘅香氣夾雜着韓式冷菜，呢個組合真係夾到不得了。呢一個價錢呢我係屋企享受到正宗韓國美食，作為兩日假期嘅開始真係唔錯。

近來工作上有啲調動，而家喺太子返工，其實太子返工真係好多野食！適逢黎緊連放兩日紅日公眾假期， 晚上放工經過呢間買韓國食品嘅外賣小店。雖然店舖時有啲細，但係真係講得出嘅韓國食品都應有盡有。芝士炸雞 $25鼎誠韓國炸雞嘅經典，炸雞塊大大舊，係毫調味嘅情況底下，用高溫油炸出香脆嘅炸雞塊！韓式炸雞同平時食到嘅連鎖快餐店餐廳炸雞最大嘅分別就係，韓式炸雞比較着重於醬汁嘅變化！只要轉一轉個醬，立即將成份炸雞嘅味道改變！呢一度嘅咋車打芝士足料，令人有意猶未盡嘅感覺。辣炒年糕 $25食過好多間嘅炒年糕嘅分別其實不大，只要用足醬料，火候夠。其實係好難唔好食嘅。但超驚喜嘅係，打開年糕嘅盒！我發現年糕裏面居然有韓國街頭小食:魚糕！近年韓風襲港，無論連鎖店，大鋪及小店 都陸續推出韓國食品，但係能夠做到正宗韓國風味嘅真係唔係好多，大多數已經淪為迎合香港年青人口味嘅"港味韓國餐廳"！好難得呢度嘅店舖雖小，但係麻雀俱全。食得出呢度嘅食物都好有heart！最後不得不提呢度嘅酸蘿蔔，老闆娘詳盡地介紹！酸蘿蔔由佢哋自家製，最特別嘅地方係我未食個用上新鮮檸檬嘅酸蘿蔔，檸檬嘅清香好特別！仲有佢哋嘅自家製泡菜，有別於出面我一向食

於幾街之隔採購幾幅皮革，用神過後有點餓頓時察覺這間小吃店。韓國燒烤或部隊鍋吃得可多了，街頭小吃卻是初次嘗試。有見放學時間陸續有學生光顧心想應該不會太差吧，因此買了四款小吃再到朋友附近的工作室分甘同味。店舖似乎由兩位年輕女仕經營，跟每位客人也能談笑風生，甚有親切感。兩位都細心介紹食物特色，最後選擇炸雞.年糕.泡菜.果汁各一份。做的是街頭外賣小吃，但舖前亦有少量座位堂食。芝士炸雞是新產品，難耐香氣撲鼻，前往中途已偷吃炸雞芝士炸雞炸雞有雞塊雞翼雞鎚選擇，我點前者貪方便一口一啖。要大讚乾芝士粉混香草緊緊包着雞塊，而且拌得非常均勻芝士粉量夠多亦沒有結塊，奶酪味重一吃就上癮。另外炸雞送三粒好爽脆的醃蘿蔔，精凝通透帶甜味比中式醃菜味道較溫和。芝士年糕別看小這碗年糕，因為年糕壓得實加上一整隻大雞蛋，份量多得當正餐都足夠。芝士要有拉絲效果記得要趁熱吃啊。年糕有嚼口更有少少米香。不過平日吃的韓國年糕是甜辣味，這份是不辣有甜味的，如果可以有辣味加會更好。泡菜店員說是自己醃製的值得一試，保鮮期為一星期。與香港買的包裝泡菜不同，蔥香蒜香特別重。一入口酸味甚少，辣味還是頗香的，慢慢吃着後勁凌厲。這款泡菜應該比較適

今日經過 見到尼間有4 5個人等緊既食店，出面得2張枱，天空又熱 所以就決定外賣去朋友屋企食啦。其實吸引到我既係我見到好多牌寫住芝士炸雞、蛋卷、泡菜飯、卷物 仲要價錢一d都唔貴…最香既係芝士炸雞 （雞搥）好香芝士味，熱，又脆 ！但原來食落唔係好濃芝士味，香得黎食多幾舊都唔滯要飽肚就要食泡菜肉飯啦！！飯係口感好 似珍珠米，泡菜少辣，飯同肉份量都算多，可以當正lunch咁食，仲有汽水同忌廉鮮奶配搭。不過如果想新鮮即食就緊係唔好外賣啦！！！