韓食 (Closed)

今晚想過下炸雞癮～平平地就黎左呢間食，價錢係平，但味道真係麻麻地😟。座位都好逼，得兩張痴埋嘅摺枱。甜辣雞塊，$36/10件。價錢好平，但味道就真係一般😢。係炸左啲雞再淋甜辣醬係面頭😵，同外面做法完全唔同，甜辣醬係m記個種味，最尾係食唔晒。泡菜煎餅，$30係淋身嘅，太少泡菜係入面。蜂蜜芥末味炸魷魚鬚，$20啲醬佢係真係比勁少你！每條淨係點到一滴都無嘅份量！最尾叫佢加返多少少醬比我地，但都係加左dd😞😞。（圖入面嘅醬已經係所有😓）

很久沒吃過這麼好吃的魷魚酥了$20個辣冷麵$30都好好食，泡菜超正，不過有點太辣了，可惜個炸雞馬馬地$20(細4件)，雖然很大一件，但好快淋，仲有個介末醬唔夠味

行下彌敦道,有點肚餓,行到太子附近,見到有間小店,好搶眼,望下個餐牌,主打買韓式炸雞,還有其他小食和飯。但主要是外賣的。見到平平地。20元都有交易,便買蜂蜜芥末雞塊,甜辣雞塊,蜂蜜芥末尤魚鬚。加埋都係60元好抵。炸雞每樣有 5件 ,還有酸蘿蔔,配合炸雞一起吃,可舒解油膩。我比較喜歡吃蜂蜜芥末味多一點,因甜甜地,雞肉都好嫩,唔乾,每件不會太細件。至於甜辣雞塊,友人較喜歡,醬汁沾上了雞件,辣辣地較刺激。尤魚鬚雖然不是太多,但都很完整,很長,不是碎的。很香口,都是熱的,脆脆地,沾了蜂蜜芥末醬,比起平時食起椒鹽味,又另一種風味

韓式外賣@韓食 早幾日收工後，原本打算在聯合附近買壽司食當晚餐，誰知想食的都已經沽清，就在聯合壽司店旁邊見到韓食門口排住一條小小人龍，好奇心下就去買來食 門口實在太多人，不宜拍照，就隨便影二張ＭＥＮＵ啦，價錢就是便宜 ，十多二十元有交易 食物有多款韓式小食和用來填肚的拉面和飯等 點了最多人食的甜辣中翼，雞翼頗大只，外脆內軟，＄２０四只價錢頗抵食 味道頗辣，不愛辣者要注意 韓式芝士蛋卷，份量好大，非常飽肚，入面有點芝士，不過不足以拉出絲，就是當芝士味的雞蛋卷食好了，食起來都幾嫩滑，上面加了點茄汁，看起來加了點美感

突然想食韓式炸雞，屋企人又掛住睇電視唔想落街，上openrice搜尋一下，見到呢間專做外賣嘅韓式小食，於是去買嚟試下，買咗蜜蜂芥末雞塊，甜辣雞鎚，原味魷魚鬚，辣炒年糕，味道好啱我同屋企人口味，價錢仲非常經濟，真係估唔到咁平靚正，第二晚叫屋企人唔好煮飯，再去買其他嘢嚟試

呢間有小小似街頭小食嘅韓國檔專係做外賣嘅，不過坐低響側邊啲枱食都得。坐低左感覺有小小似大排檔，食物平均都係二十幾三十蚊，仲有午市套餐睇倒個價錢覺得好似伏伏地咁，不過都坐左，冇理由走咁樣衰芝士拉麵，25蚊都算係幾多料，出去食個韓國果啲芝士麵都要80幾蚊，呢個食落芝士味都幾濃，面頭有隻蛋，仲有好多魚膏。好啦，食完第一味覺得都唔伏嘅而且都算幾扺，service好好，每一味上之前個姐姐都會講聲小心熱，好體貼。呢個韓國粉絲都係25蚊，面頭有隻蛋，食左十分鐘都未食倒一半，勁多勁多粉絲十分鐘就係食左咁多，然後仲勁多餸，冬菇都唔止十粒。Btw，個粉絲都幾香，好香麻油味，而且仲加左芝麻。啲料又多，因為好多餸所以食左未都唔會好dry!20蚊有5隻雞槌，扺過麥當奴，扺過kfc一咬落去，熱到燙親個口應該係即叫即炸嫁，隻雞冇雪藏味，而且好香好脆，雞肉一啲都唔鞋下次想食雞嘅時候可以黎呢度廿幾蚊，雖然堂食嘅位置有限，不過我覺得冬天響街度食都ok夏天就外賣好。呢個價錢食倒呢個質素其實都算賺左。

香港人對韓流的熱愛有增無減，對韓國菜特別喜愛，在香港隨處都不難找到食炸雞既地方，甚至連韓國第一品牌連鎖炸雞店都在香港開鋪，可見對炸雞的喜愛程度達至瘋狂級別！！！而我都吾例外，去開太子買野就試試這間「韓食」🍴店面韓風十足，鋪內雖然不大但款式甚多，而且有圖有埋價錢介紹哂🔖，夠哂清晰細心👍，主打的是正宗韓國小食如紫菜包飯，芝士年糕，芝士蛋卷，辛辣麵，芝士拉麵，泡菜，炸雞等🙋 算得上應有盡有!而且有午市套餐，只不過是30蚊仲送果汁，個別仲送紫菜包飯，真係好抵呀😍😍😍🔽蜂蜜芥末中翼 ($20/4隻)炸雞味道方面已經令我心大心細，有原味，蜂蜜芥末，甜辣，香蔥這4款選擇，重口味既我就簡蜂蜜芥末味，炸雞最緊要是熱，溫度是決定左一樣食物好吾好食既主要因素，雞翼是即叫即炸，咬落去仲係熱辣辣，外皮炸得脆卜卜，雞肉肉質嫰滑，加埋🍯蜂蜜芥末甜甜的醬汁十分好吃👅一啖接一啖，好快就食完啦，配埋自家制醃蘿蔔真係好夾，4隻炸雞真係吾夠喉囉😣😣😣🔽韓式冷麵 ($30)雖然係4點多去，仲係好大太陽🌞，本身想食芝士拉麵但又吾想食到身水身汗，老闆娘推介我食依個韓式冷麵，真係無介紹錯✔冷麵材料好豐富，有半隻蛋，水晶梨片，紫菜，蒟

街邊拮炸雞@韓食旺角街頭就最多外賣小食店,唔想又拮魚蛋燒賣,吃韓國炸雞都有呀! 用小杯盛起方便邊走邊食,數十元已而。炸雞都好多味道,我就要了香蔥雞槌, 20元有4隻,照樣有甜酸醃白蘿蔔,外面炸到幾香口又唔油膩,仲伴有大量香蔥, 一齊會有有點辛辣。見很便宜,另外要多份芝士年糕 $30有一粒水煮強蛋同魚片,個汁唔辣因加了好多糖,好煙煙UNUN韓式街頭新小食, 會帶來新衝擊。

行過太子，想食2件炸雞，見到間新開張小食店就買件試下D 炸雞又幾正下 wo 。 雞肉外脆內嫩配上蜜糖芥末好正！啲揸外面炸得好脆，好香口。雞肉好嫩。炸魷魚炸得好脆口，一咬落去充滿魷魚鮮味。是新鮮魷魚炸的。

同朋友去太子行街，行到餓餓地就同朋友去左附近買小食。呢間新開嘅韓食有多款炸雞口味選擇，揀左甜辣雞塊（$20/5件），外層炸的脆脆的，內裡肉質嫩滑，配上甜甜辣辣的醬汁，非常惹味！ 另外仲點左個蜂蜜芥茉炸雞飯（$30）入面除左有幾件蜂蜜芥茉雞外，仲有半隻蛋、西蘭花、仲有泡菜，蜂蜜芥茉炸雞香味濃郁，醬汁惹味，不錯！ 韓式飲品$6罐，有多款選擇！

跟開openrice去食好野 見到哩間韓食排名咁高 就緊係要湊熱鬧去試下 大概下晝3點幾我就同個朋友黎到 係太子站一出 直行4, 5分鐘就到 算係幾易搵路 雖然鋪面細細 但睇餐牌都有好多款野食 我地見唔算太餓 就嗌咗兩樣野食😈😈😈😈宮廷紫菜包飯 ($25) 通常去食韓國菜就實嗌紫菜包飯食 因為好味既紫菜包飯會令人一舊接住一舊咁食 而哩度既紫菜包飯就係幾好味 夾埋有10舊 有紅蘿白白蘿白雞蛋火腿青瓜 材料好豐富 食落有口感😊 而d飯唔會太痴 粒粒都幾分明 算係幾正宗既紫菜包飯🍙 老闆仲比埋一款醬汁 醬汁唔係普通豉油 而係帶有少少甜味 食落兩樣野都好夾💕💕一心黎食炸雞既我地就當然要嗌返份炸雞 我地嗌咗款甜辣炸雞搥👅 同平日既炸雞店唔同 哩度可以自由簡雞搥 雞塊或者雞翼 4件25蚊係好抵食 甜辣醬好好味 夠味得黎d雞炸到好脆 啖啖雞肉🐣🐤 好正 值得推介👍👍食食下炸雞🐣🐣🐣 我地忍唔住買咗兜泡菜食 聽老闆講 泡菜係自家製 我地見幾大兜又口痕就開咗黎食 泡菜醃得幾入味 d泡菜食落好爽口 大大塊又唔會話偏酸偏辣 然後我地都食唔哂就拎返屋企送麵一齊食😋😋😋

太子新開一間小食店，就買了一個蜂蜜芥末魷魚鬚，蜂蜜芥末雞槌和紫菜包飯試下。蜂蜜芥末由魚鬚炸得很脆，加上多甜少辣的蜂蜜芥末醬，很好味道。蜂蜜芥末醬加上肥美又香的雞槌，真好吃。它還加上了酸蘿蔔，很開胃。另外，紫菜包飯的料很多，酸蘿蔔、蛋、紅蘿蔔，味道適中，不咸不淡，很好吃。

依家韓食店愈開愈多，估唔到係屋企附近都開左間，今次係第二次黎，之前食完覺得唔錯，又經濟！好過成日食n 記甘頹😂蜂蜜芥末雞翼雞好脆，好香口，即叫即炸，雞翼好入味，外邊有少少既芥末，好香，好味！附有幾舊酸蘿蔔，好入味，我見佢有一盒盒買，但一個人食唔晒，依家兩三粒甘又可以試多樣野炸醬麵本人未食過正宗韓國炸醬麵，唔知係咩味😂評價唔到係咪韓國正宗。但呢個醬幾岩食，係咸咸地，杰杰地，有啲好似青瓜既野，撈埋個烏冬幾好味，烏冬好彈牙，拎到反屋企都仲好熱。不過真係要快撈同快食，因麵耐左會痴住，好難撈有幾款韓國飲品同小食選擇蘋果茶總括黎講呢度價格較低，配合深水埗區街坊，食物幾好味，仲會再去！

最近追W追得多，對韓國炸雞好有癮早幾日見開左呢間野，個presentation又好似幾young咁，所以就試下新野！揀左呢個雞翼，個醬幾正，個雞翼都好脆。上面仲有芝麻，令雞翼更香！佢仲有得揀雞塊同雞膇。旁邊既蘿白好脆好爽！酸酸甜甜好多汁！叫咗個芝士年糕，下面係泡菜辣炒年糕，上面有一層芝士鋪咗係度，估唔到仲有隻蛋！ 年糕非常之煙靭！芝士混合咗辣醬嘅味道好夾！係香港呢啲小店買少見少，下次經過都仲係會繼續幫襯

平時會係附近買午餐食，見到間小食店新開，食物廿幾蚊左右，唔貴，不停有人落order ，就試一試！結果發現新大陸，以後又多一個選擇啦！甜辣炸雞槌韓食主打菜，點可以唔叫？雞槌似“葉”過黎，好入味，出面有層粉沫“葉”料，似盬酥雞果只味，炸到脆脆，入面熱辣辣，再撈埋啲甜辣醬，味道剛剛好！又香口，正！紫菜包飯25蚊一盒，抵食！飯卷捲得好實，唔會散開，每件大小差不多，排得幾靚！飯係珍珠米，加左少量醋，食到微酸既味道。個汁我估佢地自己整既，咸咸地，點飯捲食一流！雪櫃有各式既韓國飲品，價錢同普遍店舖差不多。蜜桃溝鮮奶呢只味未試過，都幾好味！下次再黎試下其他先！