順興茶檔

Open Now

Now Closed

滑蛋控出沒😈 滑蛋豬扒飯Rating: 8.5/10HK$ 55 + 2 凍奶茶大排檔呀～ 食過我先知原來豬扒炒蛋都可以整到成個奄列飯咁😮 一定要加甜豉油! 因為我覺得豬扒都係咸左少少，不過勝在煎得夠香😋 總括最好味係杯絲襪奶茶 🍵😍

這間位於天后大坑的滑蛋叉燒飯一直好出名，唔少人都因此而慕名而來，而且定價唔算好貴，即使地理位置比較偏門，大家都會特登去搵出佢嘅位置。依間小型嘅大排檔只係有大概10張木台，位置唔算好多，而且設計比較簡單，可以講係大啲老舊嘅味道。我哋叫咗佢哋招牌嘅滑板叉燒飯，同埋滑蛋豬扒飯，另外仲有杯凍奶茶。佢哋嘅豉油係用個膠杯上，可以按照你嘅喜好添加。滑蛋真係好香嘅蛋香味，而且好滑，叉燒亦都好厚身，而且最鍾意係佢哋嘅奶茶，香濃嘅茶香你在想飲多杯！

講到最地道茶記必點之一又點可以點少得十級邪惡的菠蘿油呢🤤.菠蘿油份量十足，中間夾住一層厚厚的炒蛋，好似快要滿瀉😆 菠蘿油外層鬆化酥軟，帶有濃濃的牛油香，而底層仲塗上了一層煉奶，配埋香滑的牛油，味道鹹鹹甜甜，好特別😛炒蛋口感滑嫩，不會過老，蛋香味十分濃郁❗️最吸引當然是炒蛋的厚度，一啖咬落去😻😻如果菠蘿油烘熱的時間更長，相信口感味道會更好☺️最後加埋一杯凍奶茶，就是一頓美味豐盛的茶記早餐了，非常滿足的早上😚.整體來說，價錢合理，食物質素亦頗高的，值得一試😉不過店員的服務態度就真的好一般了👀

帶大家翻來香港先，大坑呢排好多好多新嘅野食，但係呢我都係好回味中學時候會來的順興茶檔😚唔邪惡唔介紹😇😏佢地唔係整係得呢排好hit嘅滑蛋叉燒飯!!!!等我公開呢個secret menu先🤪登登登登！就係滑蛋菠蘿油啦🍍平時菠蘿油已經夠哂邪惡，但係沒試過呢果就真係唔夠邪惡啦🙈順興嘅菠蘿油果皮又熱又脆，烘得岩岩好!!!而溶化緊的牛油同厚厚的滑蛋做咗冰火交融的作用，真係一試難忘！💕要一大啖咁咬落去先試到佢真正的層次🥳 介紹埋佢果大大份滑蛋叉燒飯先😆($50)果滑蛋咁滑脫脫都係加咗牛油姐😹佢嘅豉油冇旺記咁甜，但煮出來的鑊氣係懷念的味道😍叉燒份量都好足夠。不過個人認為旺記的滑蛋叉燒飯好吃d🤭

星期日喺維園附近睇完早場，順路嚟咗順興食午餐。假期11點幾仲未開始多人，等左一陣就有位坐，我已經食過順興好多次，嗰日就揀咗食滑蛋豬扒飯😋順興嘅滑蛋不嬲出名正，夠晒滑同埋香👍🏻雖然大部份人黎親都係食滑蛋叉燒飯，不過其實佢嘅豬扒都好好食㗎，醃得好夠味但係又唔會太鹹，同埋煎得幾香脆，每一塊都夠厚切，好有口感😋佢嘅甜豉油都好好味，同啲滑蛋同飯撈埋一齊係perfect match👍🏻嚟親大坑一定要食😂

滑蛋叉燒飯一場你黎到大坑，當然要試吓出名嘅滑蛋叉燒飯啦！要食呢個滑蛋叉燒飯，你首先要排長，餐廳係一條小街裏面，從遠處你見到很長的人龍。有好多旅客都會過嚟試一試。滑蛋叉燒飯的賣相非常好非常靚，份量都算幾多幾多飯，望落去啲蛋非常滑。成個飯都好熱，試咗一啖滑蛋之後，果然冇令到我失望。再加上佢哋鋪頭豉油，非常嘢味。由於佢哋叉燒供應數量有限，假如如果想食叉燒的話就要早點去食，假如晏小小叉燒就會賣晒。食飽飯，再加杯凍檸茶，好飽又滿足。所以嚟到大坑，必定要試滑蛋叉燒飯。

今日一場黎到大坑就梗係要去試下出名的滑蛋叉燒飯。餐廳位於一條小街裡面，遠處已經見到長長的人龍。可惜我地個日太遲去到，排隊時先發現佢地只係開到晏晝4點，入到去叉燒已經賣哂，所以叫左另一款都好多人叫的滑蛋蝦仁飯。我地算係好好彩，因為我地坐左陣其他野食都開始陸續賣哂。滑蛋飯的賣相非常好，份量都算多，試左一啖滑蛋果然無失望，再撈埋啲豉油，好味蝦仁大隻又夠爽，加埋杯凍朱古力，好飽好滿足不過成個飯都只係微溫，如果可以熱啲就更加好。下次真係要早啲黎試埋佢個叉燒。

下晝三點幾黎到諗住試下佢個招牌滑蛋叉燒飯，點知話太遲已經賣晒，咁就唯有退而求次，食滑蛋牛肉飯啦，原來食呢間舖唔可以遲，一遲就咩都冇，坐底冇耐之後已經冇多士，冇熱飲，冇豬扒，又冇雞扒，最後要提早出去截龍，都幾搞笑。雖然食唔到叉燒，但個滑蛋牛肉飯都冇令我失望，啲鼓油好鮮，好好食，啲牛肉都好嫩，蛋都好滑，真係好唔錯，份量都好多，不過因為好好味，食左都未係好夠喉。 如果下次再黎呢頭，一定要早啲黎食個滑蛋叉燒飯

If you love eggs, this place is a must go! It’s located within an alley at Tai Hang but the environment is considered to be quite clean and the staff are pretty nice. If you are not a fan of egg, you can order the pork chop rice. I can assure you that you will not be disappointed !

大坑食野d價錢普遍偏貴而且有d出名茶餐廳一直好想試呢個叉燒蛋飯不過佢營業時間上午七點至四點如果唔係附近返工，閒日但幾難食到所以襯星期六，特登出去就係為左食佢登登登⋯相真係幾吸引我認為蛋可以再嫩d但都唔錯再叫左個滑蛋菠蘿油一個字正啊！淨係睇相已經完全吸睛即叫即整，熱辣辣嘅滑蛋菠蘿油熱辣辣既麵包一定最好食菠蘿包層脆脆烘好之後加層厚厚滑蛋再夾住正在溶化中既牛油，咬落去果下好正又邪惡。熱到塊牛油即刻熱到溶哂😂十分正

又去大坑搵野食！見到OpenRice啲相好似好吸引，就拉埋朋友同我去食😆我地諗住叫2個飯share🍀招牌滑蛋叉燒飯（$50）滑蛋好滑，蛋味幾重！唔怪之得咁多人都叫😍叉燒係半肥瘦，對我黎講岩岩好！佢仲附上左甜豉油，加少少落個蛋到，個味更鮮👍雖然都幾大碟，但好食到好快清晒！😋😋😋🍀雞扒飯（$50）雞扒煎到好香，肉質都幾滑同多汁🤤 🤤 🤤 煎蛋熟晒，不過有少少燶邊，都唔錯相比起滑蛋飯，哩個飯冇咩驚喜，下次有機會都係簡2個滑蛋飯😆餐飲叫左2杯熱奶茶，夠香濃，幾好飲👍

講開大坑，大家諗到既係兩間最出名既茶檔，另一間已經寫左食評，今次到順興。兩間茶檔雖然形式一樣，但賣既野就唔同，各有特式。順興最出名既係滑蛋飯，本來唔係好好蛋類既我對佢有改觀。由於我係蝦都唔食，所以叫左最穩陣既滑蛋叉燒，當然唔少得涷奶茶。幾好既係佢杯係for你趕時間可以take away，但就無咁環保。個滑蛋飯最緊要既係佢既豉油，甜甜地，叉燒都無話太瘦太乾既，滑蛋真係好滑，我女仔一個都食唔晒一碟。奶茶就好濃茶味（個人成日覺得舊式茶檔沖出黎既最香濃）佢另外仲有車仔麵都好似唔錯，有機會可以再試下。

今日特登嚟順興茶檔試佢哋個滑蛋菠蘿油🍔個賣相已經好靚，食落仲要好好食添啊😋個蛋炒得好滑，又有蛋味，配埋好甜嘅菠蘿包，連埋牛油，正🤤🤤必試呀👍🏻👍🏻

呢間出名食滑蛋叉燒飯嘅大排檔排曬長龍，好彩我地今次唔使排咁耐，十分鐘就有位。佢有一個舖同埋擺埋後巷，見到後巷有位就坐低咗。後巷反而仲坐得舒服過大排檔，夠晒光猛闊落。午餐牌都算多嘢揀，聽聞呢度車仔麵唔好食同埋唔抵食😓🐷滑蛋叉燒飯（$50）阿媽同D細路比較腌尖，嚟到呢度出名食滑蛋都要叫熟蛋😑 但係熟蛋都好味，D叉燒好腍又多。但係比想像中細碟，個碟大但係啲飯係薄嘅一層，所以食落去就會覺得餸多個飯🤣（咁樣騙你）呢個滑蛋叉燒飯就不是太貴。🦐滑蛋蝦仁飯（$62）呢碟就真係貴咗少少，但係有唔少蝦仁，都新鮮嘅👌🏻都係飯唔夠。滑蛋真係滑嘅，唔會好油膩😋。🐷滑蛋豬扒飯（$55）豬扒都唔少，好腍，個皮就梗係一D都唔脆，因為同D滑蛋一齊炒。但係個皮唔厚👌🏻阿爸就覺得飯唔夠佢食😅呢碟蘿蔔時菜真係唔抵啦，$20得咁少，蘿蔔一啲都唔諗，淨係加咗豉油先有味😓。餐飲叫咗☕️熱檸檬茶、熱奶茶、凍檸檬茶和凍豆漿（凍飲加$3）熱奶茶好飲，夠香濃，用瓷杯會更好。熱檸檬茶嘅茶幾濃，有四片檸檬。凍豆漿係一支大和豆漿。凍檸檬茶係用外賣膠杯裝嘅，唔係特別大杯。呢度嘅食物唔錯，但係唔會話特別好味，我個人覺得唔值得排長龍，但係我哋今次排咗一

去親大坑都係食cafe，從來唔知巷仔有間咁受歡迎嘅餐廳。餐牌選擇其實唔係好多，主要都係滑蛋乜乜乜，但已經好足夠，因為一個滑蛋叉燒飯已經賣到無曬。我地2點半黎到，已經無得食，連餐肉煎蛋都無😭 見到隔離檯食得咁滋味真係好羨慕呀😭最後我叫咗滑蛋牛肉飯。滑蛋牛肉飯　$50我必須講份量對女仔黎講係超飽，就算少飯都係，而個滑蛋真係好滑，蛋味好重，睇個顏色就知道幾多蛋，佢仲做到好似蓋上一層蛋白漿咁。牛肉就正正常常，無特別好或唔好食，但加埋個甜甜地烹調過嘅豉油汁同埋黏度適中嘅白飯之後，整體就真係好開胃，好快就清碟啦。食住滑蛋牛嘅我同自己講下次一定要食到滑蛋叉燒！所以提醒大家唔好好似我咁咁遲去，係呀 佢開到4點㗎咋，唔想好似我咁要乜冇乜，最好早少少去啦。