順豐排骨麵

Open Now

Now Closed

** 好難食的排骨擔擔麵 **剛剛行過天后電氣道見到一間寫住 排骨麵，咁樣就入去試吓。入到去第一個感覺就已經聞到舖頭入邊有一股廁所渠味，已經心知不妙。店舖亦非常細小，及光線不足。叫咗一個排骨擔擔麵 - 擔擔面係用黃色幼油面而不是白色陽春面，豬扒唔係酥炸嗰種，味道偏甜又細件。唯一就是這杯凍嘅豆漿可以合格。絕對唔會再去，完全中伏。簡單食咗少少，就即刻離開而價錢一般成為$60元正。我食咗50幾年排骨湯麵，今次係畢生難忘呢一次。

这家上海麵館坐落於天后的橋底下，不太顯眼，所以很容易被遺忘，昨天路過，就記得以前也吃過幾次，記得馳明豬排麵是好好味的，所以要入去再試。今次叫了醉雞擔擔麵，炸大腸和回鍋肉，擔擔麵的花生醬味湯超香，我差不多整碗湯喝完，醉雞酒味濃，喜歡重酒味的應該會喜歡，回鍋肉炒椰菜，餸飯一流，炸大腸脹卜卜，熱辣辣，点埋那個甜酸醬，超好味，好邪惡，但一定要叫，唯一是有点肥膏，肥膩咗少少！这些隱世小廚，一定要多多支持一下！

天后尋找美食，真係幾多選擇，開咗好多新店，亦有唔少老字號，如果要試晒可能都要幾個月。今晚試咗一間老字號担担麵。裝修都保留咗懷舊嘅風格，位置唔多但枱與枱之間都有好多空位，唔會坐得唔舒服。第一次食，當然要叫佢嘅招牌排骨担担麵。炸豬扒我最怕就係太多漿粉，炸到好似吉列豬扒咁。加上佢係生炸豬排，可以做到外屎香脆，入面充滿肉汁。担担麵嘅湯好香好香嘅花生醬味，加上小辣刺激味蕾，真係好開胃。地址天后電氣道63-81號發昌樓地下L號舖港鐵天后站A2出口，步行約3分鐘

半打垟狀況，但又想食上海麵，明知食評一般，也勇敢一試，最多就是難食吧了！點了酸辣雲吞麵，三鮮上海幼麵。出茶速度可以，即叫即煮，熱辣辣；三鮮包含雞絲，火腿及蝦仁，每樣份量都多，湯底清徹，蝦仁有蝦味，唔算多油，比想像中好。酸辣湯雲吞有四粒，韮菜餡料，味度唔錯，酸辣湯冇乜特別。兩個麵送上兩杯豆漿，唔算甜！幾好！整體比想像中理想！

夜晚加班路過，見無咩人，以前試過都ok 所以再試。一個樓面一腳踢，一個師父坐外面睇手機。菜單以麵食年糕為主，另外有唔少涼菜，以舖面形像嚟睇，價錢唔平。叫咗招牌排骨擔擔麵。炸排骨另上，口感可以但完全無調味，要點豉油。碗底偏冧，似經濟包装乾麵。跟無味開水豆醬一杯，但最恐怖係一碗橙色漿粉煮嘅湯，一層油浮面，輕微到唔覺嘅麻醬味，兩棵瘦弱白菜仔，一條搾菜絲，無睇錯，係一條！枱面油立立，黐立立，真係没有最差，只有更差。唔明點解仲可以生存！埋單六十。

都未坐低叫嘢食就見到佢個水吧好大隻死咗嘅小強瞓喺中心, 呀姐又好似覺得冇乜嘢咁當睇唔到, 完全冇覺得要執(水吧只係同餐枱一步之隔, 冇人會想喺隔嚟食嘢囉🙄)等緊碗麵嗰陣又聽住個廚不斷咳...行出行入又冇戴口罩...有冇covid 都係咁話啦...到我走再發現枱底原來又有小強屍體講番嘢食:排骨過甜, 擔擔面又冇乜花生醬味, 豆漿就完全冇味嘅又稀咁嘅衞生情況真係衰過大排檔, 幾好食都要諗諗食唔食得過, 何況d 嘢食真係普通到不得了, 俾到盡都只係唔難食, 真係唔駛錢都唔會再幫襯

平時星期日中午食西餐， 今日閨蜜話想食第啲嘢， 我就帶咗佢嚟呢度食排骨麵。 呢間麵店已經係好耐歷史 ，以前好鍾意食呢度嘅醉雞麵， 今次重遊舊地 ，想搵返以前嘅感覺。地方冇變，依然係牆上掛滿明星食客嘅相。食麵送豆漿 ，價錢都係合理。我哋一行三人每人叫一款麵， 我就叫呢度最多人食嘅排骨擔擔麵 ，其餘兩碗就係牛腩擔擔麵同埋蔬菜肉絲煨麵， 凍豆漿先上枱， 可惜豆漿太甜，同埋冇乜豆味，好似飲糖水咁， 有啲失望。排骨面上枱，碟排骨就炸得好靚，外脆內軟，鬆軟得嚟又有少少咬口，未至於太林。擔擔麵就比較細碗，啲湯好少， 味道唔錯， 啲面同以前有啲唔同，感覺上用咗差啲嘅面， 整體嚟講都係退步咗 。閨蜜要牛腩擔擔面，牛腩有啲柴， 佢話緊緊合格 。另一碗青菜肉絲煨麵就強差人意， 啲麵煮得太冧，肉絲有好多肥肉 ，更加失望 。雖然呢度價錢唔貴 ，但係坐嘅環境比較迫 ，如果食物唔可以補返數 ，就好難再有回頭客。😅

燻魚擔擔面，未食過d魚肉質地係咁，唔似食物似木渣，仲有凍冰冰，唔知係雪櫃雪咗幾耐攞出嚟😣咁啱隔離枱都有人叫呢個魚，佢叫阿姐整返熱少少，但阿姐話係凍食嘅，個客人就話啲汁凍到好似啫喱咁，阿姐都冇理佢😕個麵都麻麻哋，唔識形容似食緊車仔麵嘅油面😅朋友叫咗排骨炒年糕，我試咗兩件比較多油啲，朋友話一般般👎🏼咁既質素唔值呢個價錢。

已經有好一陣未有幫襯，應該都有兩年左右。今日十點都未食晚飯，路經入去諗住尋回昔日美味，點知…坐底嗌咗鱔糊菜飯同埋排骨擔擔麵，都算快上菜，鱔糊菜飯先上，出事啦，鱔糊多汁好餸飯，點知鱔糊汁有 d 稀有 d 杰，可能係 d 汁翻熱得未均勻…死得最慘烈係碗菜飯，大家有無見過菜飯係糊仔狀㗎，但佢有糊唔晒喎，係仲有米粒㗎喎，食落去有想嘔嘅感覺，勉強食咗半碗，驚連早餐都嘔埋出口，唯有放棄…以為件炸排骨都好好味，點知今次係食到少少鬆肉粉嘅味，擔擔麵底又唔再係用上海麵，有 d 似幼身嘅油麵，花生醬又係未煮開，仲見到一舊舊嘅，下次請我都唔 X 嚟…

有時食晏晝想多選擇一點，我會來到天后一帶尋食。這一帶，有新派既食店，也有不少老字號的飲食地。只是，當年不是在這一區工作，沒有機會把這兒的小店逐一去試。到現在有機會了，也因為天后一帶其實要行好遠，會來但少來。而之前過來尋食的一次，我看中了這一間已經聞其名多年的《順豐排骨麵》。我一於食個排骨担担麵午餐。來到，當然是食這店招牌的排骨担担麵啦。當日中午只有兩檯客，看得出，大家都清一色地點這招牌的排骨担担麵。排骨，即是炸豬扒。而這兒的生炸豬扒是沒有加入太多漿粉的，直接炸熟，外層香脆，入口是全肉的感覺。此外，豬扒似乎帶有另外一種的香口味道，似乎是南乳味令到豬扒味道帶著微甜。担担麵用上了廣東的粗味，而湯底有足夠辣勁之餘，也有很濃郁的花生香。整個麵，可以是以濃郁濃烈來形容。吃入口之後，殘餘的味道會停留在口腔很久、很久、很久。吃外省麵食，總會想配上一杯豆漿。天氣仍然熱，就點了一杯冰凍的豆漿來伴餐。味道夠甜，有豆味但不夠濃郁。開心的是，這豆漿能中和担担麵的辣味，不開心的是，豆味唔係幾夠。都算是好味的一餐。但看過食友N年前的評價再同現在比，好似不比以前好。but anyway，我覺得滿意便可。所以，這一餐，

我選擇了排骨擔擔麵，份量不算少。擔擔麵軟硬度和味道還可，排骨也算炸得鬆脆，沒有特別期望排骨有鮮味，只是沒想到排骨只得甜味，好像只是用糖調味，完全沒有用鹽醃過的感覺，所以結果是食了一個甜排骨擔擔麵，怪怪的！

天后食個下午茶 簡簡單單一個酸辣湯麵 大大碗 🍜🍜🍜都幾夠料 偏甜 唔係太酸同辣 ☹️下就去食無咩人 叫個麵有豆漿送 😀填飽肚 但係未必無再返黎食😂😂😂無咩服務可言

去工展會前求奇食，遇上不好店，點了排骨麵炸雲吞，竟然給我雲吞麵，炸雲吞，明明自己落錯單仲話我叫錯，送果杯豆漿係豆漿加水，超淡。臨走前經過廚房，見到廚師無戴口罩煮野食，待清潔的碗飯和食物廚餘放在煮食地方附近，廚房衛生感覺不良好。可一不可再。

去完中央圖書館喺天后搵食，想食湯麵所以入咗去順豐排骨麵。我叫咗一碗鱔糊擔擔面 $68，朋友叫咗一碗排骨擔擔麵 $58，配埋一杯熱豆漿兩碗麵嘅賣相都麻麻哋，不過鱔糊份量都唔少，炸豬扒都鬆脆。擔擔面就反而唔係太好食，應該配飯食會比配擔擔麵好食，水準真係好一般。

以為開咗好耐嘅餐廳會好好味先至可以唔執笠。所以入去叫咗應該係最招牌嘅嘢食。排骨擔擔麵。可能因為係舊式餐廳。衛生程度唔會話好好。個湯好淡。個湯底好似加咗水咁。有少少辣味。炸排骨可以完全冇味。係連肉味都冇。完全唔知自己食緊啲乜。炸粉同油。食咗三份一左右就已經要放棄。真係肥得好唔抵。朋友叫咗個清湯牛肉麵。清湯反而濃味。湯底好味過擔擔麵嗰個好多好多倍。所以如果你真係一定要入呢間嘢食嘅話最好避免擔擔面湯底。