順香園餅家

Open Now

Now Closed

豆沙燒餅🌟🌟燒餅勁有韌性，米香好重🤩🤩🤩豆沙有微微烘/焦香，唔甜👍👍扣一粒星係因為真係好油🙈🙈雞仔餅🌚個texture 有啲似無酥皮老婆餅，味道就唔夠南乳🙈唔鐘意老婆餅餡唔甜，皮唔會痴埋一齊但otherwise 無特別馬仔🌟好香蜜糖味但唔算太甜好鬆軟😋新年所以仲有角仔唔好食😞皮好厚仲有啲淋蛋卷🌟幾好食有蛋味同算鬆化👍仲要平🤣鳳凰卷都ok，但餡偏甜同埋皮有啲厚核桃酥就正常，無特別坦白講嗰到衛生情況唔算最理想🙈(eg 我見到佢將散落喺個籃嘅角仔重新pack 入袋賣)如果介意嘅話就可以skip但自己覺得舊工場幾值得支持咁🙈

之前黎火炭出job 搵下有咩食見到呢間嘢，上去原來真係工廠🏭哈哈哈 好搞笑嘅experience。.求其咩都買D ，叔叔姨姨會比個籃你慢慢諗買咩，之後計數。屋企人話都唔錯

同事買返黎話係廠買，有馬仔有香蕉糕，本身好鍾意食馬仔，所以極吸引一打開馬仔漲卜卜🤩，一咬落去，口感好鬆，甜度岩岩好，唔太甜又有濃濃蛋香，yummy🥰香蕉糕有少少豆沙餡，香軟好味😋下次想親身去餅鋪親身睇下😎

好鍾意食順香園嘅馬仔，心郁郁成日都想上去買，尋日咁啱經過諗住想去掃貨，點知一上到去，見一班阿姐一路傾偈一路喺度包裝嚤囉酥，口水橫飛又唔戴口罩，呢d敏感時期都係唔敢買住😣

上次買左鳳凰卷  馬仔  蛋卷  光酥餅鳳凰卷 最好味 鬆脆 食洛有椰香味 $24馬仔  個人黎講甜左 d 但 低食$4.5蛋卷 鬆脆 但食洛有 d 油益味 吾知係咪放得太耐咁岩比我買中呢？！ 因為鳳凰卷又冇事～$24 🤔光酥餅 $4.5 🙁因為有d 積起上面 仲要塊塊都有，最後冇食到掉左🤦‍♀️之後第二次只係買左 馬仔同鳳凰卷 👍😋

黎過幾次，都買唔到呢間野最出名的馬仔，今日終於成功購入，仲順手入了一大堆貨，包括︰馬仔、花生餅、芝麻餅、老婆餅、香蕉卷、香蕉糕、鳳凰卷、南乳燒餅及摩羅酥。咁多款之中，我個人覺得最好食係花生餅，香脆得黎花生味好香，第二好食係鳳凰卷，食咗幾日仲脆，有驚喜。最期待的馬仔就有D失望，佢係蜜糖馬仔，不過蜜糖似乎太多，令到馬仔入面太粘，唔夠鬆化，蜜糖仲有漿住D牙的感覺。老婆餅一定要叮熱先好食，因為始終佢嘅皮太厚。香蕉卷同香蕉糕就有D甜，我自己就麻麻地。總結，雖然味道唔係非常出眾，不過呢D傳統餅食買少見少，我地要好好珍惜。

一早已聽聞過順香園餅家的小食，但至今尚未吃過。今天終於有機會了，經過豐昌辦館，看見多款順香園的餅食在此售賣，種類頗多，有老婆餅、摩羅酥、光酥餅、馬仔、芝麻餅等等。最後我選了三款來試試。～光酥餅小小的光酥餅不會太甜，亦都不會痴牙，作為小食尚算健康。～芝麻餅滿怖芝麻的脆餅較乾身，一咬便知其脆。愛吃芝麻的我，不會放過這零食。～蜜糖馬仔蜜糖味濃的馬仔稍甜，而且較乾身。一粒粒的炸粉不會過燶，但較散，末能粘貼在一起。個人認為如果能濕潤些便理想了。

香港全人手製造馬仔-順香園餅家，每日都是新鮮製造，這些都是我由細食到大的。直接到製造工廠可以買到即整的零食，我光顧了好幾次，真的值得推薦，便宜又好味的懷舊小食全港全人手製造馬仔，一包就有兩個馬仔，整形正正方方，比較鬆大，表面有蜜糖，入口鬆化，好好味。嚤囉酥一包就有6塊，裡面是椰茸，酥口香甜。合桃酥，酥化香口，比較硬身，好好味。老婆餅不用逆是香港的特色，我自己是很喜歡吃的。雞仔餅也是我喜歡之一，當零食食是不錯選擇。以上全部都是4.5一個，好抵食。南乳燒餅要7.5一個，比較貴一點，硬身，裡面有南乳，脆口十足，是媽媽的最愛。想要什麼直接拿就可以了，每次吃光就會上去光顧，這裡的人也很友善，要留意只收現金喔~!

有咩係食得唔跑得？答案就係手工即制既馬仔喇～😉係火炭依個工場度，你可以見到即場焗制，包裝，分裝～重點係佢賣價係🤩「工場價」，每pack都只係$4.5！ 新鮮100%既馬仔，一籃籃咁等住你揀～平時大把識路OL都會黎掃貨咖！******************************🤭不得不提既係，佢下星期開始會開賣新年既小食，包括甜同鹹既蛋散，炸角仔，牛耳，笑口棗～🤤都係批發價😱！只賣兩星期咋！絕對值得黎掃貨👍

電視節目介紹順香園馬仔好正，香港製作，但鋪頭系火炭吾方便，所以係Ztore 網購，原來而家有幾間同佢合作，其中一間可以送貨到大昌，又吾使另外收費，比以前好。買左兩種，只有馬仔比較好馬仔（$7.5）4分-只有兩舊，食落感覺系比較新鮮，咬落吾勒，仲好有蜜糖味道，幾特別。雞仔餅（$7.5）2分-有五件係抵咖，比平時見到的大件，其他通常皮比較香脆和有南乳味，但佢整個餅似老婆餅，皮薄帶勒，無香味，陷料無乜南乳味，真系幾似老婆餅。

有一排見屋苑谷友說順香園在火炭原來有工場，工場亦可以即時買到新鮮的唐餅，今日放假就即管去火炭食早餐，食完早餐就到對面的工廈去順香園走一趟。去到見到一個好大的工場，有工人在做馬仔，有些做緊其他唐餅，見馬仔放响度感覺已經好吸引，在工場內亦有已經包裝好的唐餅方便客人購買。問一問價錢，除了蛋卷，鳯凰卷和南乳燒餅不同價錢外，其他一律$4.5，南乳燒餅$5，蛋卷和鳯凰卷都是$24。價錢非常吸引，所以買了一些回家品嚐。來！等我介紹一下！嚤囉酥，入口似食老婆餅，入面是冬瓜茸，外皮有點煙靱，內面餡香甜，只是嫌它偏甜了少少。但幾好吃！花生餅，好香脆，好有花生味，好可口，送茶一流！芝麻餅一樣出色，芝麻好香，餅好脆，和花生餅一樣咁好食！南乳燒餅食落沒有南乳香味，餅內的餡料太甜，燒餅體積比芝麻餅大一點，但本人覺得不太好吃。蜜糖馬仔，食落有點脆脆的，有蜜糖甜香，咬落鬆化，感覺好新鮮，好食！鳯凰卷，一咬落去見到內裡包著好豐富的餡料，好香脆，不錯！蛋卷，都是一個好香脆的食物，只覺蛋味不夠濃，唔知係咪依家的雞蛋都欠缺了一種蛋香有關呢！？但都尚算好食的。味道也跟出面其它牌子的蛋卷都不輸蝕啊！一包有１９條，這個價錢有那麼多

睇過網路介紹順香園馬仔一直都非常想食。意外俾我見到屋企附近士多有入貨，唔洗諗，即時入貨。蜜糖馬仔 $6一盒有2件。每粒麵團炸得金黃脆口，甜甜嘅蜜糖均衡咁包住每粒麵團。因為份量岩岩好，唔會有痴牙嘅情況，都唔會變冧。所以佢係脆口型馬仔。正嚤囉酥 $6很喜歡的點心之一。外皮像軟雞仔餅，入面係老婆餅咁嘅軟軟地冬瓜蓉餡。唔錯雞仔餅 $6第1個感覺係好平，因為個量同平日雞仔餅大王既半盒裝差唔多。偏硬身，不過有可能係我買嘅地方擺耐左。味道唔濃，唔會唔好食，但都唔會食唔停口。同樣價錢我會買馬仔~期望有日可以去總店買，因為好像仲有好多品種。

某日家人去火炭順香園買咗一袋野食番嚟唔駛100蚊有幾包馬仔，芝麻餅，老婆餅，嚤囉酥2包，光酥餅，蛋捲。順香園全人手製造，馬仔香甜鬆脆， 很得我心。 嚤囉酥外皮煙韌有口感，裡面有椰蓉唔會太甜。

小時候因著父親的影響，對於傳統餅食，結下了不解之緣。由細到大所吃到的傳統餅食，總是離不開光酥餅，雞仔餅老婆餅之類等等，也讓在下可以初嚐這些這麼傳統的食品，而老一輩總是喜愛吃這些餅食，也許不知不覺間也給薰陶下，漸漸懂得欣賞那麼傳統的餅食了。在下初初接觸的時候，還是幾歲大，後來卻很久已經沒有再吃過了。到了最近才有機會再度接觸，慢慢的也覺這些傳統餅食，也許成為了在下下午茶其中之一的食品。以前在下還不知道火炭有間專門造傳統餅食，今天卻來到火炭，讓在下登門造訪順香園，也給在下一嚐由工場直接生產的傳統餅食，並可直接購買得到。還記得在下一篇有關明華餅家的光酥餅嗎？現在對於大大箋的光酥餅情有獨鐘，來到順香園就買來了一個西櫵大餅，它與明華餅家的光酥餅有著同一的Size，不過順香園卻來得較硬，沒有明華的鬆軟，而且口感較乾，用一杯水或者一杯茶來送，也許是最佳的拍擋。今天再嚐雞仔餅，與在下兒時吃過的味道完全一樣：雞仔餅外表很硬，但卻很煙韌和鬆化，內裡的肥豬肉加上五仁，使口感更強更痭嚼勁。而且鹹中帶甜。嚤囉酥是一個方圓的餅食，酥皮包著冬瓜蓉，加上少少的芝麻，口感豐富而且鬆化，內裡的冬瓜蓉，又如老婆餅內的冬瓜蓉一

雞仔餅、嚤囉酥、香蕉糕、西樵大餅。有返咁上下年紀的你/妳一定會被老一輩的人士思想攻擊。令這一些老去的糕點名字，殘留在我們心中，但當我們大個了，周圍的食物誘惑下，這些餅點，只留在記憶中。今時今日，相信大家若非看見其物，口中必定是提也不會再提。說是我，也是同樣的感覺，若非太太在大埔的一間舊式士多中看到，買了一包嚤囉酥來懷舊一下，我也不會下決心，要介紹這一個老品牌，順香園。工場在火炭，可是我從來都沒有拜訪過，但根據其他網民的報導，在他們的工場是有一個小賣部的，出售的品種比起士多仔，更加之全面。一個人的食力有限，朋友又笑說，食晒唔飲水是會死人的。大部份都是乾餅乾糕點，的確是要邊食邊喝水才行。首先介紹大大塊，真的食哂不喝水會死人的西樵大餅。西樵大餅，又名光酥餅，不過通常我們都以大塊為 "西樵大餅" 而細塊的就是 "光酥餅"。 又乾又硬的餅，但又未乾到 "biscuit" 既程度。老一輩人笑說，光酥餅是可以擲死人的。 夠乾，夠硬，是西樵大餅的主要誘人之處，實際上，夠鬆化才是西樵大餅的極上感覺。用手撕開，沒有太多的粉碎開，餅面又出現龜裂紋