風味園

Open Now

Now Closed

難得喺旺角打完通宵牌又去咗風味園度食早餐點咗牛扒公仔麵P牛乳炒蛋腸仔喇沙湯底係公仔麵幾好食嘅，最緊要快靚正同我撐枱腳就叫咗吞拿魚三文治吞拿魚三文治就麻麻哋，d吞拿魚小到呢

今日趕時間，喺旺角揀咗間快靚正嘅茶餐廳風味園48$常餐有朳有面，有炒蛋有嘢飲今日揀咗蕃茄湯底，始終都係覺得喇沙湯底好食啲總體來講，真係幾平幾快手，食快餐就一流，賣相都唔錯味道就不過不失啦，都唔差嘅

風味園我應該不是第一次寫，因為疫情叫外賣多了很多，發覺風味園有它的賣點。第一，外賣它做九折。這不是行規來的，對面的銀龍也沒有這樣做。例如它一個50元的午餐，折了只需45元。多買多折，慳了不少。第二，風味園原來是沒有午餐的，我意思它的餐牌天天一樣，有多項選擇，但不會像大部分餐廳那樣，每天精選五款午餐供食客選擇。這種安排有好有不好，好是你若喜歡食干炒牛河那麼天天吃也沒有問題；不好是你會面對選擇困難症，不知道這天要點什麼。第三，我發覺原來如果我不喜歡「炒嘢」，其實我不太多選擇。試過有一次叫了椒鹽豬扒飯，豬扒肥到不得了，椒鹽又落超多，整盒飯好似沒有吃過什麼肉似的。我結論是最穩陣是叫义雞飯，义燒算是啖啖肉，份量又夠。

喺旺角茶餐廳有好多選擇,這一間門外面有煲仔飯,見到餐牌亦都好多選擇,於是選擇左這一間外賣海蝦芝士焗伊面-通常這一款多數喺酒樓先見到,茶餐廳很有得叫，所以就試下，味道比我想像中好味,雖然芝士味道不太濃，但對我黎講就剛剛好,非常推介,真係好好味有酒樓的水準，但等左20分鐘都比較耐少少時間，不過都值焗咖哩雞扒飯-食過好多款個飯,這間真係好好味,咖哩味很濃有少少辣，好多汁，而且雞排都幾滑下次一定會再嚟試其他款式

過咗中秋，天氣好快就開始轉涼，又到咗我喜歡嘅月份.秋冬五寶，蛇羹，糯米飯，羊腩煲，BBQ, 煲仔飯，今日先試試煲仔飯.行完波鞋街買鞋，就行咗過嚟風味園開餐.平時少食白鱔，又想煲仔飯有豬油香，所以點咗白鱔排骨煲仔飯，另外叫咗個蝦球伊麵，驚唔夠飽，再點咗個黃金軟殼蟹.先講黃金軟殼蟹，賣相真係麻麻地，外表鋪滿咸蛋黃所以入口即時滿口咸香味，只係味道咸咗D,加翻少少糖吊翻個味更夾自己口味.蝦球伊麵嘅蝦球唔夠彈牙，伊麵唔夠乾身，而且份量都略為偏少，再加上我唔中意食牙菜，扣分係個人口味問題.煲仔飯要讚一讚刀功，可以切到D排骨細細粒，size 細過方糖，勁！白鱔肉嫩入口即溶，滿意.份量嘛，都係偏少囉....唔認老都唔得啦，唔夠力咬飯焦！最滿意係兩碗羅宋湯，有酸味之餘又有少少辣味，味道唔會太單調.今次俾唔落滿分, 只可俾 okay .

番工時間食個晏都唔係易事，所以都唔會要求好高，但求企企理理，唔洗點等位，座位唔好太逼，味道ok就ok. 🔹吉列豬扒常餐、跟蕃茄湯麵：吉列豬扒係即炸即上嘅，加分，只係稍微炸得耐左啲，配埋沙律醬，開胃之選。蒜蓉包多士，有蒜香味，幾刺激列胃口，成件食哂👍🏾 至於個炒蛋就夠牛油味嘅，同煎腸仔一樣，正常發揮啦。蕃茄湯其實係羅宋湯黎嘅（收你50$ 算係咁），味道都ok, 唔會太重味精，食完個麵都唔會口渴。㊙️ 蒜蓉多士有驚喜

食好西唔一定係食西餐既，食中餐仲平仲正啦～我好鐘意食好好食既茶記小菜🤣，會好有屋企住家菜既味道架呢碟芝士伊麵我俾滿分，芝士洋蔥真係勁邪惡同香口惹味～鮮海蝦嘛😋當然要自己剝殼啦炸九肚魚個炸功出色，淺色外皮，油靚食完冇咁上火黃金豆腐，個個都話賣相好靚。要鐘意七味粉同芝麻先好叫！食完張紙都唔油，估唔到炸豆腐比想像中外在乾脆內在軟滑。鮮魷一定好食😝😝同南山村個間差不多咁正，啫啫通菜煲，入味而唔會太濃味。鱔煲臘味，冬天必食。

今日出旺角，想食個下午茶，見到先達對面有間風味園，單拼下午茶麵餐係$26，啱晒我咁專一嘅人，淨係想食沙爹牛肉麵，送埋餐飲，都真係好抵。見麵後見到牛肉份量不少，覺得唔會因為下午茶而減量，頗有好感。先試牛肉，點知差啲要lur 返出嚟，點解有酸味嘅，想試真啲究竟係餿左，定係落左醋，於是好勇敢再試多嚿，用湯洗走醬汁再試牛肉，牛肉雖然都泡過，但唔算死肉，係嗰沙爹汁出事，點解有酸味？！自問試過不下百零碗沙爹麵，未試過有酸味，自己真係食唔慣。最後雖然杯奶茶唔錯，但係全日胃口都破壞晒，我自己以後就唔好亂敢再試。

朝早未開工，就梗係食返個早餐先啦，通常搭車會喺旺角轉地鐵🚇，橫掂晏左不如食完先返啦。行左一陣間，見到間餐廳入面都唔少人，應該唔會難食得去邊，又未試過，行啦。叫左個早餐，連凍飲🥤$40.- 🌟🌟但成份餐嚇死你，有羅宋湯公仔麵，火腿炒滑蛋🥚加吉列魚柳同埋牛油餐包，我諗一個女仔一定食唔哂，我都係剛剛食得完。味道唔錯架，重點係抵，講真而家呢個銀碼你都唔會有咁多野食，仲要都好食，又多個地點食早餐啦😂😂

一個疫情禁堂食攪亂哂冬季嘅美食節目，每到冬季必食係羊腩煲，糯米飯同煲仔飯都未有機會食，攪到新年后先有機會食煲仔飯.點咗個咸魚肉餅加冬菇煲仔飯，海南雞飯.優點：1, 煲仔飯嘅靈魂飯焦，鋪滿成個煲，香脆，滿意.2, 肉餅無偷工減料.3, 海南雞飯嘅雞有分無骨同有骨選擇，我選咗無骨，雞肉嫩滑，入口無渣，推介！4, 職員服務態度滿意.5, 開24.缺點：1, 無開冷氣！好熱！2, 煲仔飯我情願食細細件梅香，都唔想份量多D但質素差一級嘅咸香，咸魚口感柴口，失望，扣少少分.3, 冬菇夠諗但淡口無咩味.

在附近感覺該吃的也都吃得差不多了，看到門口很多人，那就打算試一試，點了一個鳳爪排骨煲仔飯，加了一份梅菜肉餅，味道就是沒有什麼期待，也不算難吃，價格現在有折扣68💰

最近我在「通菜街」裡面光顧了好幾間食店，發現「通菜街」的食店流轉速度頗快，剛剛有食店結業關門離場，轉頭又有新的食店取而代之。但是最近一年的政治風波，加上疫情影響，「通菜街」最近出現不少空置舖位。我想再在「通菜街」裡面找到一些未食過，也未正式寫過食評的「通菜街」食店，變得比以前更加困難，有些食店類型不是我杯茶，有些食店恰巧遇上心水食品已經售罄，導致我需要擇日再次幫襯。例如在「通菜街」近着「旺角道」一帶的舖位裡面，有一間走港式茶餐廳風格，又有提供東南亞食品的食店「風味館餐廳小廚」，就屬於我遇過的那一種食材提早售罄，被迫押後幫襯日期的餐廳。前日晚上我在「通菜街」，本來就是想光顧「風味館餐廳小廚」，享用「風味館餐廳小廚」裡面的「菜遠牛腩飯」，跟走馬來西亞風版本的「海南雞飯」，可惜餐廳偏偏售罄「菜遠牛腩飯」，當時我被迫作罷。兩日後我重臨「旺角」「通菜街」，再次進入曾經空手而回的「風味館餐廳小廚」，第一時間立刻先詢問侍應餐廳還有沒有「菜遠牛腩飯」，確認餐廳仍有供應之後，才正式確定點餐。「菜遠牛腩飯」在「風味館餐廳小廚」裡面雖然屬於「中式快餐」，但是「菜遠牛腩飯」實際售價其實一點也不便宜，連飲品賣港

今次去旺角食煲仔飯，飯焦好正（好脆口，少少膿但ok）飯好有鑊氣，好有古早味，似曾相識，好似我曾經在鰂魚涌某飯店的煲仔飯相似加埋飲品，七十二蚊（個餐係包左碗湯）今日係西洋菜湯好飽，個餐可以兩份一齊食（記得一定要攞公筷同公匙）利申：我今日係一個人食，因為男朋友不在香港我起初入去，開初無留意招牌叫咩名原來佢叫風味園，在通菜街明天再去食過但唔叫北菇雞飯，叫一個餐，有自選三餸滾湯，有一大煲鳳爪排骨飯，$148，可另加飲品（+$7）

一次無心插柳之下, 竟然發現金魚街陳湘記原來係一個大寶庫, 內裡有大量玄學術數嘅書籍, 相信數量係全香港最強!買咗幾本珍藏之后, 行過對面街經過風味園, 見到門口有張羊腩煲廣告貼係門口, $258 蚊又唔係貴價錢吸引, 所以入去試試質素如何.幫襯風味園唔係第一次, 但係食羊腩煲就第一次.另外見到 menu 有個風味園煲仔飯, 有油鴨有瑤柱有臘味有土魷肉餅, 一大埋頭! 又叫咗一煲.表表態先, 食過幾次羊腩煲, 土瓜灣神采廚房羊腩最冧, 柴灣泉記羊腩味道最香濃惹味!風味園嘅羊腩煲係兩者之間! 香濃味道比柴灣失色, 但味道絕對唔係差, 羊騷味亦唔係太強.有D羊腩大件咗D, 亦有幾件肥膏，食落唔夠冧, 正常吧.有幾件羊腩, 炆到D羊腩軟骨起哂沙! 口感超正! 中意食軟骨嘅食家自然會明白!另外風味園羊腩煲有一個優點, 支竹冬菇冬筍三款有齊! 一煲過有齊哂支竹羊腩煲同雙冬羊腩煲！羊腩煲味道唔錯之餘..... 份量都極足夠, 而且比想像中多!不單只羊腩煲份量足夠, 連生菜都送兩大棵! 飽哂! 重要食唔哂打包外賣!腐乳醬都好好味, 可惜無得打包.... 哈哈....無錯, 個煲仔飯已經慘慘豬地被冷落

夏日炎炎最緊要冷氣夠凍，奇魔芝！本來一入門口就想坐低搭檯，索一索四眼肥仔超強腐屍氣味強襲，受不了！即刻轉身射個 3 分波，直衝心臟地帶搵位。遇著個黑衣綣毛肥嬸，我好有禮貌地問請問有無人架？竟然黑我面，您估我好想同您搭檯咩！杯水仲要放正係我面前完全無意識想拿開，食完碗麵隊係我側邊，橋腳隊晒過黎搞到我想坐過少少都唔得，幾十歲有病就睇醫生啦！我心情好，放您一馬。凍檸樂，酸酸甜甜夠氣透心涼！剛才係拳館見師傅飲可樂咁梳乎，我放拳都要即刻飲返罐先！紅腸太陽蛋沙嗲牛肉出前一丁，何解要加生菜絲呢？似足用黎係食物底既菜絲囉，而且已經放到腍腍乾乾，我不會食的。沙嗲牛肉鬆到腍劈劈滑潺潺，咸味霸道野蠻，幸好還有一丁點甜沙嗲味。紅腸翻炸極為乾硬，刮口強咸不甜美。沖水攤腍的出前一丁，翻烚使得粉腍黏，質地與味道均惡劣。試試辣椒油能否起死回生，完全感受不到辣味，想咸死我咩！蝦米味特濃，應該係特咸才正確，救命！米芝連地獄 1 星級，浪費我寶貴 quota 及時間，竟然可以難食到谷底再谷底！最正常係太陽蛋，滿意合格。