風味園

Open Now

Now Closed

夜晚係旺角同一班朋友搵野食 但又唔想食放題同打邊爐於是行行下就去左呢間24小時晚茶記，呢到出名既係全日早餐 仲係羅宋湯湯底不過由於我太肚餓，所以叫左碟涼瓜牛肉飯，但係都無令我失望。招牌全日早餐整得好食唔洗多講但估唔到其他碟頭飯都有返咁上下質素。碟飯首先要讚既係夠熱！好多餐廳啲飯都只係暖 而唔係熱，而佢就真真正正係出煙既熱，呢點真係正！其次，係佢啲涼瓜！有時啲餐廳整到啲涼瓜好難食，咬落去硬得黎又勁苦。而佢食落係有啲爽口，而家係甘而唔係苦。再配埋佢啲汁，加上極度肚餓既我，極速就秒殺左呢碟飯！真係正呀！不過下次黎都會繼續食返招牌全日早餐haha

今日想試下Open Rice評語不錯的比利常餐, 難得老公跟我食午餐山長水遠去到, 點知去到已經執左!! 炎熱下的老公已經炆炆地, 我都唔再執着要食餐好, 隨便入去旁邊的風味園.風味園是一間十分街坊的茶餐廳, 門口有新鮮出爐麵包, 價錢大眾化. 難怪午餐時段, 坐滿客人.午餐一律$38, 有多款中色選擇. 有中湯及飲品, 價錢實惠.剛剛坐在窗邊, 看見放在門外的蛋達, 好吸引~ 最重要是堂食買一送一, 即$2 個, 真係超吸引 ! 可是當日不太肚餓, 唯有留番下次!是日中湯是西洋菜湯, 味道都可以,不太覺有味精. 碗碗都有西洋菜, 正好幫老公降火~茄子班腩炒河$38即叫即炒, 送上時熱辣辣, 賣相對辦. 味道都不錯, 可是河粉粉得不夠分明, 好多都痴在一起, 而且好多河粉都沾不上茨汁.滑蛋叉燒飯$38以為是干身的滑蛋叉燒飯, 送上時才發現是這樣子. 茨汁太多而且浠, 變成湯飯般. 跟預期有些出入.朱古力: 個杯好多跡,影響外觀凍奶茶:味道一般總結:環境迫, 午市多人要搭枱. 食物質素中規中矩, 經濟實惠午餐

今次黎食下午茶，叫左個牛扒米線牛扒好食，食林又大塊米線都ok果道要辣椒油要叫啲侍應拿，但味道似xo醬，愛吃的記得問佢地拿！(不過唔記得影呢個相)跟住叫了蛋撻，買一送一，超抵即係四蚊兩個酥皮不太油膩，蛋醬夠蛋味，不算太甜，但只限堂食才有買一送一。啲侍應雖然個樣好惡，但叫佢地拿東西時態度都ok.

今日屋企無煮飯..所以就落街睇下有咩食喇..比我見到有間茶餐廳..想食港式小菜晚飯既我就二話不說同屋企人走左入去食喇晚餐多選擇,,有西式都有中式個二人套餐138就可以簡兩個餸滾湯, 有一碟雞仲可以簡一個小菜加有埋兩杯餐飲我地就叫左個白菜仔肉片滾湯, 海南雞同埋肥牛粉絲煲好快就黎左個湯先..真係好滾, 清清地幾好味..可以用黎送飯又可以飲海南雞就差左少少不過都係唔錯個肥牛粉絲煲好好味..肥牛好夠多亦都好入味沙嗲好好送飯..成餐飯食得好滿足..又周圍都滿佈電視有埋電視撈飯下次屋企唔煮飯都會再黎食..因為真係好好味

晨早上班前食一頓豐富的早餐，為繼後整天勞累的工作打好基礎，這當然是最重要。所以我一向對那些從不吃早餐的人的思維是不甚了解的....對這所茶記留有的印象就只有放在店外的一系列新鮮出爐的麵包。話說回來，早晨時份熱呼呼的吃一個軟綿綿的港式麵包進肚，之後呷一口維他奶，登時便喚回不少童年的美好回憶....食着早餐邊看報紙也是我這個阿叔的晨早習慣。太太經常為之取笑小弟一番小弟對之倒是不太介懷，反而認為這是一種得享片刻寧靜的好享受....茶走一向是我的摯愛，每次去食港式ABC餐也一定會有一杯在枱上的。這裡的茶和煉奶甜味平衡得不錯，餘韻久久不散，是做得不差....今天沒有叫平常吃的炒蛋或奄列，取而代之是一塊煎得乾巴巴欠油香的煙肉及紅腸，再加上那同樣乾至人咯喉的牛油軟豬，加起來的乾程度，實在和我那荷包的容量可以相提並論了....鮑魚火腿絲通粉吃起來的感覺則稍為好一些 --- 湯底起碼不是味精水而是罐頭雞湯來的；通粉淥得不至淰爛；火腿及鮑魚絲份量足，很夠飽肚....吃完後好像上了電一般，充滿了氣力。可以馬上回到office，繼續應付一日繁瑣的工作了...

Came here again for some quick food.Got the Malaysian curry and rice with chicken and duck.★☆★☆★☆★☆★☆★☆★☆★☆★☆★☆★☆★Chicken and roasted duck with rice:The duck was roasted quite nice and it was the leg part.The duck meat was quite well flavored and did not need the sweet plum sauce.As for the chicken the meat was slightly tougher, it tasted nice with the spring onion sauce.★☆★☆★☆★☆★☆★☆★☆★☆★☆★☆★☆★Malaysian curry:The curry was quite interesting because it came with a crispy bun in a Chinese shop.Thi

在旺角吃飯可說是豐儉由人，平的吃個粉面，貴的可以去酒店吃自助餐，而我就希望能在平價之中又找到一個地方可以坐得舒舒服服的享受一下晚餐。風味園也不是第一次光顧的了，下午茶試過、晚餐也試過。地點亦就在乘搭我家小巴的附近，鄰街之隔，超就腳的說～店內很多卡位，冷氣亦很足夠呢～今次也是去享用晚餐，剛好帶了相機，也耐心地把食物逐一拍下。但由於午餐吃得太飽的關係，晚餐都沒甚胃口，我倆只點了”常餐”，價位在$30-35（忘記確實價錢），絕對是經濟之選～我要了的是羅宋湯湯底通粉，配牛油豬仔包、腸、蛋，熱檸水。羅宋湯不辣不酸，且有點甜，但可以接受，整個通粉都是一般茶餐廳的水準。牛油豬仔包是我滿心期待的，心想像脆脆奶油豬的味道（但明明牛油豬仔包!!，我的想法真奇怪）～吃到最後，反而我覺得太乾了。熱檸水雖然只有三片檸檬，但檸檬味很足夠！男友要的常餐是：沙爹牛面，配牛油多士、火腿、蛋，凍奶茶。沒問他好不好吃喔，哈哈～ 每晚提供精選晚餐款式不多，約$45-50左右，但其實這個餐廳除了精選晚餐之外還有其他選擇，有小菜、有扒類、有炒粉面類、有麵包類等，所以路過旺角想填飽肚子，來風味園也可以喔！

The price of the food here is reasonable so came here and ordered the macaroni set and roast.★☆★☆★☆★☆★☆★☆★☆★☆★☆★☆★☆★Crispy roast pork belly and chicken:The roast was quite nice and not too salty so I could dip lots of the ginger and spring onion oil.The roast pork belly was nice and crisp and the chicken was quite good because it was tender.★☆★☆★☆★☆★☆★☆★☆★☆★☆★☆★☆★Satay beef with macaroni:I really liked this because the broth was really strong and the beef slices they gave was quite generous.The

十月下旬‧晴一整天時間都好像給了別人似的，忽然想喝杯奶茶，找個有出爐麵包的地方，最近的就是這裡。蛋撻不是新鮮出爐但都熱辣辣，蛋餡香滑而酥皮鬆化，底部有點焗得不透，小瑕疵而已。熱奶茶不錯，有茶香，滿足。

原本想去食清湯腩當早餐，但朋友仔堅持要食茶餐廳即食麵，無所謂啦。第一次幫襯，普通舊式茶餐廳格局、出品同服務，細看 menu 後，發現非常多不同菜式，中港澳西日韓都有噃 ~炒滑蛋火腿配脆豬包，炒滑得做得幾好，雖然唔係即炒，都仲暖暖地，收貨啦。火腿有略略煎過，無偷懶，可以啦。我對麵包麻麻地，特別又乾又硬既更不喜歡。五香肉丁出前一丁，難得煮得咁好，以我依個即食麵癡黎講，麵質 good，無過腍，仲係爽滑添 ﹗而且湯底濃淡適中，唔會太多水搞到個湯淡晒。罐頭肉丁無問題啦，份量滿意。

晨早到旺角body check，甚麼也未吃，肚子餓得咕咕作響...早了一點抵達，四圍蹓躂一下。路經這間茶記，竟看到門外有條小人龍。睇清些，原來是排隊外賣麵包。看見櫃內的出品甚吸引，於是也就參與一下，跟隊買個吃吃....包類都是些例牌港式老味道如菠蘿包、义燒包及雞尾包，但小弟的偏好，卻是味甜的墨西哥包....六大洋一大個，胃納小一點的女仕，吃一個就夠晒數了。食落包身沒想像中的軟熟，不過那甜到漏的脆皮卻甚flaky，而且包的中心還有着算是流心的奶黃，故此吃起來仍是頗令人愜意的....

七月上旬‧炎熱原本想買支無冰咖啡喝，但原來酥皮蛋撻剛出爐，當然不可錯過。熱辣辣的自然已加分，酥皮極鬆化，蛋餡有蛋香不過笨，如果酥皮可以脆一點說更好了。當然如果可以做到「千層」的效果，直頭發達！無冰咖啡夠凍，也香濃不錯。比意料之內的好。

咁呢間~我同老公之前放工成日去食消夜既地方黎嫁但係就未try過佢個下午茶...真係好多人去食wor果日仲見到好多人都叫蛋撻..佢個蛋撻係買一送一嫁..咁就叫左個黎食啦~同老公一人一個真係熱辣辣~ 又好味呀~d蛋真係好軟好滑~個撻又好鬆脆...總之就好好味啦~~~~~真係好想再番去食多幾次呀~~~

係旺角等攞回鄉證，醒起年幾2年前係附近食過一間唔錯既豆腐火腩飯...由於有排等既關係，就決定逐間逐間認番。行呀行呀行，終於搵返啦~um...呢碟可以話係我近呢3個月以黎最滿意既豆腐火腩飯...近排食果幾間都真係唔多得- -呢間D豆腐都算ok滑，火腩D皮唔錯，火腩唔係俾埋D豬頭骨或者大肥膏我，有少少肥但又唔係好肥，所以D肉唔會韌，唔錯~但可惜D火腩唔夠腍，就咁淋D汁係面充算...但整體黎講，雖然唔係我食過最好既一間(我認為最好果間已經執左- -，另外有幾間都OK既)，但都算係唔錯既豆腐火腩飯呢碟飯，我會俾3.5/5

26/OCT星期四放學後阿立找妹子去吃東西~他當晚都要與同學做功課，順道來找妹子吃飯！由於又一城大多數食店都關門了，於是妹子提議到旺角吃，至於去邊間呢就交由阿立話事，始終食素的是他，妹子奉旨陪吃的份兒~這間茶記之前他都來過幾次，所以對於他來說都很熟悉~由於食素關係，可選擇範圍有限，本想叫碟羅漢齋飯，可惜侍應叔叔話沒有喎！下~於是阿姐提議叫碟菜遠豆腐飯，差唔多啫！我們都沒有所謂喇~另外再加份常餐~1)沙律碎蛋三文治(烘底加$1)用的是整條麵包來貨的貨色，麵包是薄薄一片再烘底，由於夾的是冷冰冰的沙律蛋，所以整份三文治都是凍的，而且餡料不是很多~2)火腿沙律其實妹子不吃有沙律醬的沙律，所以面頭上的火腿絲由妹子包辦，其餘交比阿立清理3)菜遠豆腐飯豆腐份量挺多，可惜菜心只有2大條，配有蘑菇粒，白飯比較硬身，個汁都不算咸~4)凍檸茶走甜(+$2)常餐包埋，超大杯，但茶味一般餐廳另一特色是煲仔飯，妹子其實都很想吃，可惜並沒有齋的煲仔飯，哈~妹子講笑說加豆腐~冬菇~菜去煲都得架，個飯無肉香之麻~