風味館海鮮私房菜 (Closed)

去到九龍城,有很多食肆,今日去了依間朋友介紹的飯店。雖然位置有些偏離最旺的街道,但只要抵食就無所謂啦。門口已寫上了每日的推介菜式,可以令食客不用太花心思去唸食什麼.在門口都有一個大魚缸,有很多海鮮供選擇進到店內,地方很濶落和乾淨枱面已有一碟前菜,合桃.咁梗係一路食一路望餐牌啦,這裏的小菜價錢好大眾化,又多選擇,另外見到個餐牌雞煲只需38元,好超值,一定要.食首先當然要叫個雞煲 無得頂嘅雞煲,唔會將價就貨,除了配料十足,見到全串花椒,仲有青椒,紅椒,蒜頭等,雞真是有全隻,有好多件，不會太辣,但好入味,好林滑,唔會有骨碎,雖然不是一路煲住,但一路吃著都是熱的,因我和友人還叫了其他餸,所以真的吃極都吃不完。再嚟多個肉,叫了一碟惹味回鍋肉很大碟,很多的椰菜,荀和豬肉都是切到薄薄的,豬肉是半肥瘦,荀的份量比較多。有微辣的感覺,我覺得都頗正宗,椰菜索了很多辣汁,好好味.最後叫了個菜甜梅菜蒸菜心這裏的菜心是原條上的,面頭有好多梅菜,大部份用上梅菜葉,沒有沙,梅菜葉的汁滲晒落菜心到,菜心很粗,但因為是通心菜心,餐廳都煮得很淋身,很容易入口.到埋單時才知道這裏沒有加一,真是抵食.但伙記啲招呼一點也不差.

第一次我客人訂左盤菜一齊食，足料，真是六人份量，$628 ，食過後不錯，再訂年三十晚同家人分享，回家開餐始發覺，蝦少二隻，瑤柱少二舊，分量明顯少少少好多…………冇想過前後三天的分別! 真是甘大。做生意不是甘

尋晚同朋友食團年飯，去左九龍城一間新開既小菜館，又幾有驚喜喎！食物唔錯尤其個豆腐夠特別、地方闊落枱與枱之間唔迫、服務仲好好，我有個朋友遲左黎，個湯凍左，叫d伙計幫忙整番熱，伙計一d都無黑面仲好有禮貌，唔似出面d小菜館阿叔粗聲粗氣咁😂

雖然我喜歡在家下廚過一下手癮，但說到海鮮，我還是喜歡出外食，因為味道總比在家下廚更野味！舉個簡單例子：“薑蔥炒蟹，外面炒蟹會先撲粉炸後再炒！然而在家難道開一鍋油就是為了這步驟？老實說我真的不會，不是懶而是很浪費，用過的油留下又不衛生，所以論步驟論調味，往往出外食的海鮮，更有鑊氣更野味！食肆自設魚缸，給人良好感覺，海鮮新鮮有保証！避風塘炒蜆，蜆肉肥大鮮甜，唯有點乾身！椒鹽海蝦，食出一份細心，海蝦頭的刺跟鬚都已剪掉，蝦肉爽彈，蝦殼脆軟可連殼吞食！熱騰騰的薑蔥魚雲鍋！薑蔥香味撲鼻，金黃色的魚雲外脆香口内里軟綿綿，味道鮮甜,又富營養！魚雲份量多，但價錢十分親民！欖菜肉鬆炒四季豆，一餐飯對我來說，蔬菜是必需的！這味欖菜肉鬆炒四季豆野味極了！欖菜的鹹香,肉碎的豬油香,四季豆的爽脆，多種層次，口感豐富！另外觀察到員工士氣良好，服務積極有禮，值得一讚！

去九龍城做節 因為就返老人家 九龍城比較方便 大家都想食雞煲小炒 所以選擇了這一家新開的小店 正正在爺爺屋企樓下。門口外面放有很多游水海鮮 還看到有新張優惠雞煲 竟然$38蚊！！唔洗諗 先點了雞煲 因為實在太優惠。雞煲大大窩 感覺有點似豉椒炒雞件 惹味香口 BB辣 但好特別既係有新鮮胡椒一齊煮 咬落口卜一聲 胡椒的辣慢慢浸出來 好刺激！雞件啖啖肉 雖然冇平時雞煲淥淥下咁過癮 但性價比實在高。試下招牌菜 古早醬油黑义燒 一個字 正！义燒係女生剋星～肥义。但確實肥得黎唔油膩 肥膏滑 肉質嫩。而且非常入味 香濃醬油味 送飯之選！避風塘茄子～睇佢顏色以為燶左 食落應該係炸醬撈左老抽。茄子特別之處是釀左鯪魚肉 幾有心思。炸蒜辣椒夠曬香口。金銀蛋菠菜 清清淡淡 菠菜翠綠唔會過熟 湯底幾清 咸蛋皮蛋份量毫不吝嗇。風味館小菜選擇都好多 而且有不同款的懷舊小菜 所以成為阿爺新寵。

適逢雞煲而家做緊特價，仲要係38蚊就有一煲嗰隻，實在平得太過瘋癲喇，唔嗌真係對唔住自己，落完單幾分鐘就有得食，雞煲香氣撲鼻，未拎到埋黎張枱就已經聞到啦， 雞煲我地揀咗少辣，個辣度啱啱好，全枱嘅朋友都可以食得津津有味，雞肉並無因為喺個煲入面而變得過火，仲保持著應有嘅嫩滑，食雞煲我鍾意連埋啲無乜人鍾意食嘅下欄一齊食，洋蔥青椒紅椒乜乜乜，其實佢哋索哂啲雞煲汁，絕對唔會比雞肉遜色，另外有二兩菜蔬無咁肉肉肉丫嘛。避風塘茄子，睇番餐牌避風塘系列入面，避風塘瀨尿蝦，豆腐，肉排，海蝦同雞呢啲司空見慣，避風塘茄子又真係唔係度度有喎，新屎坑嘅我梗係會即刻嗌黎試下啦，茄子外層被炸得酥脆，難得嘅係入面仲保持著肉嫩多汁，加埋面頭嗰炸我最愛嘅蒜蓉同埋蔥花，呢啲咪叫享受囉。金瑤扒時蔬，用得瑤柱黎扒梗係揀豆苗啦，一上檯已經知道似樣喇，碧綠嘅豆苗被瑤柱同埋金菇等等緊緊咁樣擁抱住，誰也捨不得誰，一住過咁擺入口一齊食就係最高境界啦，瑤柱嘅比例勁多，多到全天候咁包圍住佢地。

今日喺九龍寨城公園同表姪女踩完健康單車，夜晚約左班豬朋狗友但係又未夠鐘，就周圍踱下散下步睇下今晚食乜好，見到周圍都係泰國菜館，我尋晚又啱啱先食完泰國野，真係要諗諗辦法至得，好彩行行下俾我發現呢間中菜館，望落個感覺唔錯喎，即刻坐入去開定支啤酒等佢哋先。香煎蓮藕餅，蓮藕餅兩邊都煎得勁香，豬肉嘅肥瘦適中，輕輕有少少肥令到口感增添，特別鍾意佢上面有啲切碎咗嘅金華火腿，提升咗成個鹹香嘅味道，同肉餅嘅味道亦都 都好夾，最重要係食得出佢入面仲有細細粒嘅蓮藕粒，嗰種爽脆嘅口感真係要自己親身試過先至感受得到。古早醬油黑叉燒，呢味餸之前睇其他博客嘅相，見到佢完美嘅半肥瘦比例已經口水都流埋，今晚餐飯可以話係為咗佢而黎嘅，果然無令到我失望，餐廳選用咗半肥瘦嘅部位，啲啖肥膏香而不膩，試過油脂喺個口入面傾嚇爆發出嚟嘅感覺，你就知道乜嘢叫叫滿足感，個醬汁有少少似糖醋排骨，不過多咗啲醬油同埋酒嘅香味，不得不提唔知係咪因為佢有焗過嘅關係，佢嘅外皮竟然有少少脆口，食咗三十幾年叉燒，就咁俾佢癲覆咗我以前對叉燒嘅感覺，原來叉燒係可以咁好味㗎，唔該，俾多兩碗白飯丫。食咗兩味肉要叫番啲菜嚟平衡一下喇，清清地就揀咗上湯浸金銀蛋莧菜

New year party又係泰菜夜 必走一轉九龍城買材料 順便食埋飯。九龍城之友話新開左間食小菜 最鐘意試新野既姐妹花sss一於出動。先黎一個特價$38雞煲 我覺得冇可能唔叫。$38勁大煲 雖然唔係烚下烚下咁食 但份量大 雞件啖啖肉 唔係頭頭尾尾下欄feel 炒得幾香口 配料好多 再辣點更好。香煎蓮藕餅 我至愛 食親小菜必叫～ juicy!!! 甘香 蓮藕爽口 肉質依然嫩。椒鹽鮮魷 雖然係女生 間中都好想食香口野 2016就快過 減肥下年再努力過。鮮魷新鮮彈牙 唔會太硬 咸度適中！瑤柱豆苗 豆苗幾嫩 而且大大碟 瑤柱一點都不吝嗇 再加埋金菇 健康又不會太清淡。好無聊但要讚佢地有汽水啤酒之餘 有梳打水囉 岩曬我鐘意飲有汽又唔肥既野～題外話：有一圍圍既套餐 海鮮為主 價錢幾優惠 下次同屋企人試下。

哇呢幾日凍左好多，日日放工震震震咁番屋企！咁既天氣最岩同屋企人去食番個羊腩煲暖下個胃，揸車去左九龍城既呢間餐廳因該朋友食過佢既羊腩煲都一致推介當然除左煲之外佢仲有好多其他既小炒同菜色啦一坐低伙計比左呢啲小食好多餐廳都有小食，但佢呢度既合桃同腰果好好食，所以不得不提一提打頭陣就梗係叫番個羊腩煲果然冇令我地失望，好香羊肉味，但一點都唔羶！啲肉都好嫩.啲支竹同生菜吸晒羊肉煲既味，好入味送白飯一流呀，佢仲另外包一碟生菜比你放入去煮見佢係招牌名菜，屋企人又鍾意食辣，就叫左個麻辣手撕雞.佢用既香料好香，加上唔知用左咩秘製醬汁令佢除左麻辣之外仲有多幾層既味道，的確好特別好吸引.另外我地都叫左個避風塘炒蜆，炒得幾夠鑊氣，又幾正宗，唔太辣都岩一家人食打算下次試佢既避風塘瀨尿蝦總括黎講，價錢好合理，啲野食都好好味！最值得推薦就係羊腩煲，全家人對個煲都讚不絕口

與朋友喝杯酒食雞煲，放工要輕鬆下。香辣雞煲一隻。原隻雞煮雞煲，醬汁濃香濃郁，辣度剛好入口豐富香口。雞肉非常入味，肉質嫩滑不乾身，頗是濕潤。脆皮牛腩。香口脆皮粉薄不油膩，入口香脆不膩不覺飽濟，牛腩炸得香口軟腍，不乾身不鞋口，頗是驚喜。

九龍城新開張的潮洲菜，今晚與媽媽去捧場。餐牌選擇非常多，款款都好吸引。香煎蓮藕餅。蓮藕和肉餅的配搭，我和媽媽的家鄉菜。蓮藕爽口香甜，肉粒咸香，煎得毫不乾身。入口有咬口帶點油香。酸辣粉絲蝦仁。蝦仁爽甜彈牙，粉絲吸盡酸辣湯汁，入口香辣微酸，非常開胃。

中意試新野既我今日同男朋友去左九龍城搵好嘢食，九龍城對於我來講係一個美食天堂，周圍都有好多唔同菜系嘅餐廳，簡直琳琅滿目。見到呢間啱啱新開張，凍凍地嘅天氣羊腩煲實在太吸引！即刻就拉咗男朋友入去！呢間餐廳有好多特色嘅菜式，可惜今日得兩個人試唔到太多。環境好乾淨寬敞，以綠白色為主，簡潔舒適，食野都舒服d~呢個係古法炆羊腩煲，羊腩煲上菜嘅時候已經聞到震震香味，羊腩煲裏面有好多唔同嘅配料，包括炸腐竹、馬蹄、竹筍等等，全部都索晒汁嘅味道，好正！至於羊腩一啲都唔"un"，點埋腐乳一齊食簡直就係人間美食呀！原來另外仲會送一籃生菜打邊爐！新鮮既生菜索晒羊腩煲既汁，甜得黎又爽脆，實在太好味啦！去到邊都唔少得既魚香茄子煲，好香咸香味，最重要既係茄子煮得夠淋，索晒味，非常惹味，配白飯一流！呢個係古早醬油黑叉燒，絕對係男士們既最愛！叉燒偏肥，但食落去一d都唔會覺得肥膩，反而好有質感同埋味道非常濃郁，從未食過呢道菜，食過番尋味，下次會再叫！最後叫左個清淡少少既鮑片白菜仔，鮑片好大塊，有咬口得黎又好夠味，白菜仔好清甜爽脆！一樣咁簡單既菜式都煮得咁出色！完全無後悔過試左呢間新餐廳，下次要帶埋屋企人一齊去！