食葩 (Closed)

上月某日中午，趁機往元朗朗屏試吓這間叫「食葩」的客家菜館，到站後沿大明渠南行約15分鐘可達，菜館舖位細小，極其量祇可容納3至4張4人枱，頗感侷促，甫坐下，見一後生男（不知是否是伙記、老板、或是老板親屬），祇顧低頭按手機，沒有招呼，態度不甚喜客，二人點了豬什枸杞湯及一撈米加丸雜枸杞湯套餐，共銀$71，要收現金，臨走伙記打招呼亦無一聲，發覺每枱客離座亦如斯表現，不似做街坊生意，款客態度有些吊高嚟賣，禮貌欠奉，食後評價絕不再回頭幫趁；再者，「食葩」舖位不在大街，無交通直達門口，若沿東面站頭大明渠南下，行行重行行，頗感週折，一路聞到明渠發出陣陣惡臭味，令人反胃，抵舖後甚麼食慾也大打折扣！

元朗好多好野食😋，呢間小店吸引我係因為有好少地方好少地方有既‘益母草’～～❣️益母草​​被美名為「女科聖藥」，女性服用可活血及治療月經不調，更有利尿消腫及清熱解毒之用.. *按個人體質* 呢間客家菜小店除左益母仲有枸杞，都係較冷門既，因為要繼續掃街，我只點了益母草肉丸湯，食過既都知益母草個味道係比較獨特～ 我就係呢類唔食蔥但食芫荽既人☺️

今日咁好天氣去左做運動，做完運動見肚餓又唔想食太油膩既野，經過大坑渠附近見到呢間主打食豬既小店有我鐘意食既米粉就入去試下，米粉冇咁肥，最岩做完運動食😊入去見到餐廳環境都算乾淨衛生。一坐底睇睇餐牌差唔多樣樣食物都係豬，但我今日想食魚，就選擇了鮮魚片湯米粉！呢碗米粉配料有魚片，豆腐，金針菇，菜，配料比我想像中多，而湯底都很鮮甜好味，又夠大碗，份量滿足食到飽飽！價錢都相當合理！下次都會叫埋朋友再來試其他款式👍🏼

其實我好懷念我的嫲嫲.佢煮啲客家餸到依家我都無辦法.煮得到嫲嫲那種味道.客家餸的精粹菜餚係醃漬.日曬成乾.好似啲臘肉臘腸等.鹹魚.梅菜乾等等…….客家人會好充分利用食材及配料.例如：將啲中國芹菜爆炒臘肉臘腸等.變成好有特色嘅客家人小炒。客家餸最出名有客家煎釀豆腐.香芋扣肉.鹹魚蒸肉餅.客家鹹雞.釀苦瓜.紅炆豬肉.芋香臘鴨.鹽焗雞.竹筍炆腩肉.黃薑蛋炒飯.南乳炆芽菇.客家盆菜.數之不盡。今日嚟到元朗係食客家嘢（食葩）見近排時時聽到有人講起.所以今日聞食如來。 📌食葩 (元朗)元朗裕榮徑11號好旺洋樓地下7號舖入到嚟見間舖是小店.幾張枱.座位都坐得舒服.呢度最出名係豬雜枸杞湯.炆豬肉飯.見餐牌上的款色唔多.來來去去同一樣食物左配右配如己.再加上配湯飲或粉麵等等.我心中諗今次尋找嫲嫲的味道.又一次告吹！不過當然唔係嗰回事.佢哋啲套餐好抵食！今日點咗佢出名枸杞豬雜湯配炆豬肉飯套餐.只係$54元.佢哋都豬肉份量都唔少.還有少少鹹菜伴底.都係好食.但未到我嘅心中要求.枸杞豬雜湯.豬雜份量超多.枸杞都唔少.可惜湯底扁淡.豬雜係新鮮.食落都係爭咁啲.爭啲乜嘢我講唔出

偶爾經過都會見到大排長龍，又有好多媒體訪問，今日想食清淡啲所以去試午飯時間，入座時候都唔多人，之後都要排隊，不過好多人都係買外賣裝修及環境：小店格局，裝修簡單，唔會有太大要求，衛生都係中等啦，後面金祥坊有錶位，揸車都算方便服務:啲阿姐都幾友善嘅，鋪仔細細，招呼周到叫咗個招牌枸杞豬潤米，個湯好似滾水咁，以為會有枸杞湯嘅味，豬膶太老，以為會好似深水埗嗰啲咁滑，枸杞菜摘晒啲梗，正常唔會再幫襯，應該係希望越大，失望更大

已經唔記得食左呢間幾多次，佢店面本身係同好出名果間甜品店同一邊，而家搬左去後面，背對水渠。我鍾意佢嘅豬雜枸杞湯，清清地，內臟洗得乾淨，夠熱，明目暖胃，重有佢嘅撈銀針粉，唔係話佢幾咁好食講到食左識飛，撈銀針粉就係撈銀針粉，配料簡單只有肉碎、菜圃、青蔥、幾條燙生菜，如果你食辣佢就加辣菜圃比你，我鍾意加埋佢自家製嘅蒜蓉辣椒醬，好惹味，簡單美味。每次忍唔住又想去食，係因為佢嘅客家酸菜燘五花腩肉，最近兩次食，就覺得個酸菜咸左啲，但仍然鍾意佢嘅味，最好食係佢比啲肥豬肉壓住左熱左，食起上黎有豬油香。通常都係咁樣散叫兩樣做午餐，咁就滿足喇

網友推薦話呢間食葩好食，專程黎試下。叫左碗豬雜米粉，淡而無味，份量又少，平平無奇。HK$32元一碗食完根本唔飽，好似食左陣風落肚咁，之後仲要去另一間填肚，總括來講冇下次！

其實客家菜範圍好大，自古客家人遍布福州、廣東、甚至香港依山扎根定居，所以客家菜都會因應唔同嘅地方有唔同嘅演變。客家菜常用醃製菜類，以偏向多油多鹹、重口味菜為主，其實好多客家菜式已經融入家常便飯菜式當中，例如梅菜扣肉或炆豬肉、鹽焗雞、蒸釀豆腐、咸酸菜炒牛肉等等⋯甚至好多家庭主婦都煮得好好味，所以客家菜其實不足為奇，小弟有一半血統係客家人，自小住喺元朗圍村嫲嫲煮飯都好美味，而此小店開業於元朗，又以客家菜為賣點正好係適合元朗人口味。我與朋友因為有 YouTuber 拍了一段頗長片段強烈推介此店，因而提起了興趣專程老遠入元朗試食，我們等了約十五分鐘後終於能安排入座，在等待期間我們已經互相討論了要食什麼了，所以一坐低就可以立即點菜。特色撈銀粉:沒有什麼特色，淡而無味，睇相片都已經猜到係什麼味道，不建議選擇❌鮮魚湯米粉:魚係鯇魚片，份量唔多，配菜有豆腐，份量幾多，湯無魚味，感覺好求其🫢豬雜益母草湯豬雜枸杞湯益母草與枸杞落得太少，完全唔夠味，只有淡淡的益母草味和枸杞味，傳說中豬雜係新鮮豬雜，但係一點鮮味也不覺得有，只係覺得豬肚好勒，火喉不夠，極普通🫢客家酸菜炆豬肉點了那麼多菜式就只有這一味可以，豬肉

抱住個好奇心態想試下益母草湯係咩味所以我就碌左入去依間客家小店🤣//圖二見到嘅係因為平時都好少見撈銀針粉 所以叫左上面附帶左啲辣同唔辣嘅菜脯同肉臊個肉臊開始入口係會有少少意想唔到嘅因為個味就係台式肉臊 仲甜甜地 食耐左就慣但之後我就覺得個辣菜脯愈食愈辣 有料到 🤣🤣//圖三就係根據我同娘親嘅研究裏面除左五粒小小的豬肉丸外仲有 豬潤 豬腰 豬心 粉腸 同豬肚 🐖🐷🐽豬肉丸豬肉味唔算濃 亦都比較細粒 唔太有滿足感不過相信係豬潤揸水揸得徹底所以口感都算幾爽 唔會粉而豬腰 豬心同樣地都幾爽口益母草就初嘗試 發覺佢幾甘個味道又有啲似曾想識懷疑我以前食過下都唔知希望我記得依種味道 😆Overall 碗湯清清地 有少少薑味感覺幾健康~//分數: 6.5/10✨整體唔會特別吸引我再食 除非我住附近但其實佢真係好抵原本銀針係$25 個湯係$28但最後$44就埋左單唔知係咪有跟餐combo見有啲人都係咁嗌(聽講益母草可以調經 女仔可以試下🤔) 伏味: 0/10💩正常表現 不過不失//📌 食葩元朗裕榮徑11號好旺洋樓地下7號舖//#新界 #大西北 #屯元天#朗屏 #朗屏美食 #元朗 #元朗美食 #客家菜 #

復活節長假期有一日懶得煮，同男友去咗附近食我家鄉菜😅舖頭細細，不過好彩咁岩去到唔太多人，等咗一兩張枱就有位✌🏻❤️客家酸菜炆豬肉飯(少飯)💰3️⃣7️⃣好靚仔好入味💯五花肉肥瘦均勻，肥肉入口都唔覺得油膩，瘦嗰部份雖然炆得唔算淋但亦都唔韌唔痴牙👍味道唔會過鹹，配埋酸菜送白飯超夾😋❤️豬肚&豬潤&枸杞湯銀針粉💰3️⃣8️⃣豬肚唔會太肥，豬潤厚薄適中，口感偏爽口唔粉😙枸杞本身帶少少苦澀味，不過係客家菜代表，個人認為一定要試下👍銀針粉唔會太淋都算彈牙～呢度冇乜裝修可言，賣既就係用心製作既野食，係值得支持嘅小店🙌🏻

上兩個星期又落雨🌧又凍⛄️諗左好耐食乜好決定去大坑渠個邊食客家野要記住星期日唔開家之前星期日走左過去摸門釘，俾肥仔男友笑🤦🏻‍♀️今次醒呀，佢問我會唔會又無開？我話今日係星期六🤣鋪頭細細，唔係好多張枱但就好多人黎買外賣好彩等左一陣就有位✌🏻豬手飯配雜湯 $57啲豬手炆得好淋好入味雜湯即係豬雜湯配枸杞清清地，滾菜湯既味胡椒豬肚湯銀汁粉 $36望落個湯好似好清其實都幾重胡椒味天氣涼涼地食完個人暖哂份量都幾多

今日係第二次去呢個食葩嗰度食餐，第一次去嘅時候人不多，態度非常之好！但今次去嘅時候門口企滿外賣嘅客人，我餐廳裏面亦都滿晒！但係今日非常之唔開心，因為今日係叫咗一個套餐湯飯，客家豬肉飯套餐（有一碗湯），另外再叫咗一碟小食豬手，再另外再加多一個豬什湯，但係當客家豬肉飯到嘅時候，發覺啲飯非常之少，根本就唔夠飽，（我唔係一個特別大食嘅人）但係食晒嗰碟飯只能係食到大半飽，於是立刻通知侍應加多小小飯，但係侍應同埋老闆娘答話冇得加飯，如果要加飯就要一開始落單嘅時候講！最後我只能加十元，加咗一碗飯！但係我剩返大半碗飯，因為我係之前嗰碟飯係唔夠飽，但係佢又冇得比我加少少！最後係食得非常非常之唔開心！同埋老闆娘可能似住有好多客人，所以佢就一啲都唔體諒客人嘅心情，同埋呢一餐飯令我食得非常非常非常之唔開心！我希望佢哋能夠改變態度對客人！唔可以咁囂張！似住客多，就忽略客人嘅需求!起碼也要給人吃飽！如此苛刻，天有眼的！其實佢嘅食物都可以的，都很不錯嘅！但係唯獨是態度太差！太不可一世！太囂張！飯太小！客人唔會一開始就叫需要多飯，係睇件飯店裏面嘅飯唔夠先至會開聲！開到聲都唔俾返多少少！實在太差太差！

平！靚！正！客家小菜！ 豬雜米粉，豬雜爽口無異味✨，米粉似東莞米粉正常，但湯底略為淡口，好健康無味精既感覺。客家酸菜豬手飯強烈推薦！首先呢個汁撈飯十分出色，可以話係好好味，唔會太咸太重味精。客家酸菜相比下偏甜，比起豬手，酸菜更加係重點。豬手唔太淋有咬口，豬手入味又夠香👍🏻👍🏻👍🏻食完可以再叫多碟食或者加多個白飯撈都得😂😂胡椒豬肚湯湯足料，多豬肚，夠胡椒味，飲完成個人都暖曬整體黎講平靚正 又好食 會再encore 🥰🥰🥰

～食葩💛💛 以手藝配搭簡單食材煮出美味嘅客家菜🥰元朗小店❣️豬肉丸彈牙、豬粉腸洗得乾淨冇怪味、枸杞菜又補身滋陰，揀左豬粉腸夾埋枸杞菜同吃，清熱解毒祛火，打針前後都啱食🔶💛💛🛎客家菜就是用最簡單的烹調方法，新鮮食材、手工、煮出美味小菜效果，住附近可以去買返碗外賣返屋企食。下次要試吓個撈麵😋😋😋豬肉丸、粉腸、枸杞菜湯配銀針粉$40#客家菜食葩
📍元朗裕榮徑11號好旺洋樓地下7號舖6353 9586

唔知幾波嘅疫情又爆發Lunch 唔知食乜嘢好嘢，咁啱睇到 YouTube 介紹元朗隱世客家菜，決定 try try !!豬丸豬什紫菜銀針粉，YouTube 介紹豬肉係自己打，所以味精唔會好多，清清淡淡咁，好有屋企味道，豬什洗得好乾淨，冇奇怪味道。湯底係紫菜湯，唔好expect 會好濃味，所以俾埋一盒仔辣椒醬去點豬什，好有媽媽嘅味道舖頭裝修雖然簡單，不過枱面同埋個地下都乾淨架侍應姐姐好有禮貌又好快手輕鬆嘅一餐住家飯