餃串Party

Open Now

Now Closed

餃串Party一间位於青山道368號喜韻商場地下2號舖，主打每日新鮮，既場包！今日约左朋友過來呢邊吃心心念念的餃子加串燒，一到門口就見到人龍，可能係食飯時間！等左 15 分鐘左右就到我們了，地方小家碧玉都，乾淨整潔！服務態度很好！今日幾人分別點左，沙嗲雞，沙嗲豬，魚腹鰭(大)，雞軟骨，外脆內軟雞皮，沙嗲牛，墨魚咀，每種烤串都好吸引，肉的外層焦香，內裡嫩多汁，不會乾巴巴，超正！涼瓜豬肉餃➕韭菜豬肉餃湯餃雙拼，呢個湯底係番茄湯底，都幾濃郁，每隻餃子都皮薄餡多，涼瓜豬肉都幾特別，喜歡吃涼瓜的，這個必食！脆皮芝士粟米芝士豬肉餃➕椰菜冬菇雲耳豬肉餃煎餃雙拼(8隻)，呢個雙拼都几有驚喜，又可以拉絲，芝士味都几濃！个底都几脆下！餃子都皮薄餡多！飲品有點豆漿，手工冷泡蜜桃烏龙茶，手工冷泡桂花烏龙茶，吃飽解膩一流！一湯一煎，又係雙拼，同朋友分來食真係超正，一次可以食到多款口味

本身覺得呢間食物質素唔差，雖然小貴and出菜慢，但都體諒，周不時會食下。滿心歡喜買外賣返屋企食，叫左椰菜餃粟米餃雙拼，返到屋企發現全部都係韭菜餃，唔食韭菜真係好憎食韭菜㗎嘛！專登去返店舖換，其實來回都要40分鐘。疑似老闆娘不認數，堅持自己沒有出錯，更聲稱每一次都有覆單，不肯更換。講真，叫外賣張單又唔比，點知你有冇落錯單，點去更正呀！其實都係換八隻餃子姐，換都唔換，仲要理直氣壯，搞到成肚氣，未食嘢都已經飽。我同我自己講冇下次，送都唔食，咁嘅態度！

高質餃子街坊小店🧡餃串party✨ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡今次發掘左位於長沙灣高質餃子小店🥟🩷就係呢間餃串party✌🏻餃子全部包到漲卜卜🫶🏻▫️湯餃雙拼（6隻） $42💛粟米芝士豬肉餃💚椰菜冬菇木耳豬肉餃呢到嘅湯餃配左好好飲嘅老火靚湯🥹佢會定期轉湯底 全部都冇添加味精✨今次係五指毛桃粟米甘筍海底椰猪骨湯🧡湯仲有埋啲配料 粟米甘筍比埋我 味道好清甜🥰手工餃子大大隻 皮薄仲夠滑！餡料豐富😍粟米芝士豬肉餃襯湯餃估唔到都幾好食！連埋湯一齊食 食到芝士味但又冇咁膩椰菜冬菇木耳豬肉餃 菜肉比例岩岩好～而且椰菜木耳幾爽口 肉餡肉汁滿滿😳✌🏻▫️煎餃雙拼（6隻） $44💚韭菜豬肉餃💛粟米芝士豬肉餃煎餃即叫即煎 煎至外皮金黃香脆✨芝士餃原來係用左三種唔同芝士混合而成唔怪得芝士味夠哂濃郁 加上粟米鹹甜鹹甜 真係最佳配搭！鐘意韭菜嘅朋友都可以一試 真係超多韭菜！▪️當歸花雕醉雞卷$38雞卷肉質幾嫩 花雕酒味濃 幾入味🐔▪️高蛋白雞胸串 $12▪️沙嗲雞肉串$12▪️雞軟骨串$13▪️翠玉瓜$12見到佢哋仲有串燒賣 叫左幾串試下😋價錢合理 仲有啲幾特別嘅款式添！想

無論出餐服務、員工態度都十分離譜🤬我堂食用QR下單，不足30秒店員已經遞上訂單收據。 我一直耐心等候，因為見到店面周圍都貼滿「耐心等候、不要催單」等警告字句。都體諒可能繁忙時間。但期間見住廚房一直出外賣單，平均3-4單外賣先出1-2單堂食。 而且堂食出單次序極之混亂，比我早落單既未上菜，比我遲半個鐘落單的又比我更早上菜。我點左兩個餃子、一個串燒，足足等左45分鐘，見到比我遲下單既人都開始食餃子，我先忍唔住問店員。店員一句道歉都冇，就咁一句「漏左單，整返俾你。」毫無歉意。隨即我見到有客人食左一啖發現餃子唔係佢點的，店員拎住碗錯既餃子猶豫咗好耐，又問收銀職員點處理，收銀職員大叫唔知道呀，就見住店員將餃子拎返入廚房。 其實真係唔知店員在猶豫什麼？客人用過既餐點唔係應該立即棄置？然後重新出過一份正確嘅餐點給客人？ 面對以上店員混亂且不專業的服務態度，我跟朋友都一致決定立即起身走人。呢間鋪頭貼滿哂叫人唔好催單既標示來做掩護，實際上根本就係自己服務有問題。

服務極差、員工非常沒有禮貌，不是做生意的人，香港有這些人都俾佢影衰晒，香港淪陷啦，不接受意見，員工口黑面黑，以後不會再去這間店，絕不會介紹給朋友，環境差又要搭枱，

經過好多次，終於第一次去食。苦瓜餃子好特別，別的店舖好小有這個菜式，所以便試一試。湯底是紅蘿蔔粟米霸王花，是好味的！苦瓜豬肉餃子就沒有什麼特別！朋友叫了椰菜雲耳豬肉餃，比較好味！排隊人不多，店內有客人已離開有位子，但店員都沒有出來安排進店，要我們主動詢問才入內！QR code落單到等候餃子時間很長，別枱遲過我入去都已有得吃！無所謂，反正不趕時間。叫了淨餃子「苦瓜豬肉餃」終於有得食了！但是，一看見我以為加了麵底！再看清楚，原來餃子皮和餡是完全分離（忘記影下這經典的一幕）從未食過如此餃子！竟然還可以煮成這個樣子送上給客人用膳😰！作為一間餃子專門店這樣的成品真難以想像！再差我在家亦從煮成這樣。本想跟店員問一下，但是，他們忙於和另外一個客人鬧交，所以算吧！都沒有下次了！

呢次探訪咗位於長沙灣嘅餃串Party，試咗兩款菜式，分別係粟米芝士湯餃（8隻）🥣同埋花雕醉雞雞卷 。湯底好有住家感覺，餃子皮薄餡靚，誠意推介❗️粟米芝士湯餃（$50）呢度嘅湯底偏清甜，定期會轉唔同款，但通常都係粟米紅蘿蔔嘅配搭再加上其他嘅配料，上兩次嚟嗰陣有無花果；同蕃茄肉碎。餃子嘅芝士內餡唔會過膩，餃子皮又夠薄，芝士🧀同粟米嘅比例都幾均衡！湯裏面仲有埋配料（例如粟米、紅蘿蔔🥕），邊食餃子仲可以食埋湯渣。唯一美中不足嘅係佢其他嘅餃子款都無乜特別吸引我，所以次次都係嗌呢款，揀唔落雙拼😂花雕醉雞雞卷（$38）雞卷以花雕酒浸製，帶淡淡嘅酒香🍶，雞肉非常嫩滑，完全無渣。上枱嘅賣相都幾吸引，每件雞卷嘅厚度適中，而且酒味同雞肉味道平衡得岩岩好，唔會太重手又唔會掩蓋咗雞肉嘅鮮味🍗。即使平時唔鍾意酒味太濃嘅朋友，呢款雞卷應該都會接受到🥰！整體評價餃串Party嘅性價比都幾高💰，呢兩款菜式既有創意又有質素，特別係醉雞雞卷，算係令我幾驚喜嘅一道小食👏。如果你鐘意芝士嘅話🧀，粟米芝士湯餃係唔錯嘅選擇🌟。不過多人嘅時候，上枱速度可能要再改善，同埋之前食過串燒就細份又唔太吸引，所以都無再嗌了～期待下次再試佢哋其他

月頭有幾日收工臨近食晚飯時間，懶得返屋企再煮嘅關係，索食食埋先返～ 知道有間餃子店新開，最近都幾多人幫襯，於是去咗試試 😌🥟 韭菜豬肉湯餃 配米粉😋😋😋😋當日嘅靚湯係羅宋style蕃茄🍅薯仔🥔甘荀🥕粟米🌽洋蔥🧅肉碎湯，一睇就知好足料！湯餃嚟到，都見到有肉碎同粟米，飲落好家常、甜甜地 ☺️ 而且唔會口渴，配米粉食係唔錯～ 一咬開韭菜豬肉餃🥟，韭菜香湧出嚟，覺得韭菜香嫩過平日食到嘅，豬肉就係配角，每隻餃子都大大隻，小編食六隻夠晒飽 😚晚餐 💵 約港幣$50/人💁🏻‍♀️ 餃子小店空間唔大，坐得幾密下，有時都要排下隊～ 佢哋最出色係串燒🍢，好多人都會嗌嚟當小食或外賣🥡拎走，但小編喉嚨唔生性就冇再特別叫，下次可以試試 😉🙆🏻‍♀️ 最後，喜歡嘅話，歡迎follow @foodirectory.hk！

鋪頭細細，枱椅都比較少，1點幾黎到都坐滿。上菜速度比較慢，都等左10分鐘左右先有野上枱。餃子大細適中，我哋叫嘅係清湯雙拼韮菜同粟米芝士，味道都唔錯，唔會話好咸，應該冇落味精，芝士嗰隻就係冇拉絲，其實亦唔特別有芝士味，但整體味道都夾嘅。而韮菜都中規中矩，冇話好特別，但個皮係薄同滑，食落口感唔錯。個湯底略嫌普通，唔會想飲，米線都係正常發揮。 而個煎餃反而幾特別，皮好薄，但居然唔會穿，好厲害👍本來叫豆腐餃，但佢冇，唯有轉成豬肉，味道可以。

適逢放假又要去荔枝角，咁就順便去長沙灣試吓呢間餃串party啦！.店舖座位唔太多，排咗一陣等張四人枱一早資料蒐集好當然嚟到要食佢嘅餃子啦，仲有最特別嘅係佢有埋串燒同埋見到佢啲飲品類別都幾特別，所以都叫咗一支！今日叫咗呢啲👇🏻🥟每人一碗餃子（雙拼八隻 $50）🧊涼拌黑白雲耳 $30🫔香煎腐皮卷 $28🐟魚腹鰭 $15🐔沙嗲雞 $12🍍菠蘿桂花雪梨茶 $15.湯餃會配埋佢哋每期唔同嘅冇味精湯！我哋飲完都冇口渴！！我哋試咗三款嘅餃子，分別係涼瓜豬肉餃、韭菜豬肉餃，同埋香芹芫荽豬肉餃！三款餃子入邊我最鍾意嘅係香芹芫荽，之後係韭菜豬肉，涼瓜豬肉我就覺得比較特別，因為平時出邊比較少見，但同樣地佢會苦左啲😂下次就未必再叫了～.我好鍾意佢多菜少肉嘅比例！真係超正呀！！見到入邊啲菜都仲係保持到翠綠😍餃子皮亦唔厚，鍾意薄皮嘅人就超開心☺️配搭埋佢哋個湯真係可以清晒成碗！！！大家鍾意亦都可以再點吓啲醋同埋食埋佢嘅菜甫🥟.小食方面，涼拌黑白雲耳 - 因為出面平時比較少見白雲耳，不過味道正常啦，煎腐皮卷都係正常發揮🤓沙嗲雞普通，最有驚喜係個燒魚腹鰭！！即叫即燒！$15嘅價錢真係冇嘢可以挑剔大大串，如果鍾意食魚油脂

好耐無嚟食了，餃子種類無變過 ，但串燒小食多咗 店員多咗一倍 以前3個人 依家6/7個人 都好似好忙咁因為其他嘢要煮 所以當歸醉雞就上咗先，有當歸香味但就咁食嘅話調味咸咗啲，肉質似係雞髀肉但比較緊實，好食過某些知名醉雞店但食落係用李x記醉雞汁椰菜冬菇雲耳豬肉餃子一如既往嘅大隻，餡料比起之前稍淡的味道，依家落多咗少少鹽更加突出咗每種食材本身嘅味道，個人非常喜歡，比起某些知名排隊店的大餃子每款餃子都只能吃到一樣的醬油調味，完全掩蓋了食材的味道，真係唔能夠同呢種用新鮮豬肉，爽甜椰菜嘅店比。唯一可惜嘅係，有一隻餃子咬到碎骨，可能呢個就係用鮮肉嘅缺點吧，畢竟我媽包的餃子也會這樣湯底都係家常煲湯嘅味道，就是粟米蘿蔔湯加沙葛無花果，比較甜雞胸肉串燒保持水準 絕對唔鞋媽媽腳受傷後，太耐無食到好食嘅餃子了一個人咁就食咗100蚊 大滿足

這間店主打每日新鮮、即場手包的餃子，款式雖然不算多，只有六款，雙拼同價‼️‼️✨粟米芝士豬肉餃拼 韭菜豬肉餃相比湯餃，我更喜歡這裡的煎餃！煎餃的底部脆口，餃皮保持著薄薄的煙韌口感。 芝士餃的粟米粒很多，爽甜的味道搭配少少芝士的鹹香，非常不錯。不過，個人覺得韭菜餃是最棒的！豬肉的香味在這四款餃子中最濃，菜肉比例也剛好，肉餡軟嫩而且超多汁，真心推薦！✨椰菜冬菇雲耳豬肉餃拼 涼瓜豬肉餃這裡的湯底是自家熬的老火湯，湯料豐富，會根據季節不定期更換。椰菜餃的餡料爽口，冬菇味比較突出。 涼瓜餃稍微冷門，涼瓜爽脆且大粒，但豬肉比例相對較少，甘味明顯，還帶有一點蒜香，整體上不會太膩，但有點遮蓋了豬肉的味道。

係ig見到有人介紹就去試下！！都未試過 排隊排叉唔多50分鐘係為左食餃！睇住d人叫左野等左30分鐘先有得食咁制！！叫左湯餃栗米芝士豬肉 芹菜芫茜豬肉 湯餃上餐速度正常 粟米芝士味好淡 芹菜芫茜果個食就好普通 芹菜冇爽口架感覺 打容晒慨！湯底就好家庭式架味！太普通冇影重點黎啦 個煎餃等左好耐 唔緊要 但煎到燶晒 你就唔好出啦 又燶又多黑色一點點 你燶左就同個客講要等啦 唔好反轉左隻餃就意為唔會睇 見有串燒 又叫左 又細又黑又燶 個廚房真係比人過三關！已經去到唔關味道架問題！！大家睇路啦

見到呢間餃子店好多社交平台都有推介，今日咁啱去開嗰邊，於是就去咗食。喺門口要排一陣隊，店內環境唔大唔係好多位，所以排咗一陣隊。因為自己都比較挑食，所以望住舖頭個菜單，其實冇乜選擇，於是嗌咗粟米芝士同椰菜雲耳豬肉。粟米餃有滿滿嘅粟米同芝士，不過我自己嗌咗湯餃，呢一款就比較適合煎餃，椰菜雲耳豬肉餃就比較普通，冇乜特別。店舖除咗餃子仲有好多串燒，不過串燒就冇乜點聽人推介，大家都係推介餃子，不過可能我滿心歡喜好期待過去食，所以就覺得表現好普通，不過老闆娘性格都好隨和好Nice 味道都還好

店員執完枱又唔會叫排緊隊嘅客人入去坐最後自己行入去問店員係咪坐得低坐低之後馬上掃QR code落單12:50落單：煎餃8件、湯餃8件明明已經比起隔籬枱早落單隔籬枱d湯餃到齊晒之後大概1:10分個湯餃先到本身見到佢貼左個牌 話繁忙時間出餐需時已經等耐左 咁去到1:20分見唔對路 就向店員追個煎餃店員同我講漏左單 咁唯有再等多陣 去到1:30仲未有 再追 話整緊跟住旁邊遲我地起碼半個鐘先落單既都已經上哂 已經心諗 漏單唔係應該整左先咩 去到1:40 再追 又話整緊去到1:50 足足一個鐘 夠膽死仲上左個煎餃比我旁邊1:40分先入座既人 即刻火都黎直接走人 同職員講仲好似覺得冇野咁希望呢間餐廳可以檢討同埋改善下佢地嘅營運手法Btw 個涼瓜豬肉餃味道都係一般另外，咁岩係網上見到呢間餐廳之前曾經同食客有爭執而報警，即刻明白到原來漠視客人嘅意見，都係佢地一貫嘅作風。結果原來係自己犯賤，入去係食一肚氣。