Video
5-min walk from Exit A2, Sham Shui Po MTR Station
continue reading
Opening Hours
Mon - Sun
07:00 - 21:00
Above information is for reference only. Please check details with the restaurant.
一間門面好普通，以為一般既茶餐廳，深水埗咁多茶記，都係好hea，但呢間諗唔到係衛生整潔，而且用心地好味既茶餐廳。中餐、下午茶，晚餐小菜我地經常幫襯，尤其佢地例湯，唔係出面既水哨湯，係無味精的靚湯！佢地既價錢唔貴，每樣材料都係新鮮。樣樣都睇得出佢地既心機。深水埗出名食野平，但衛生環境差，饗呢道整潔乾淨，係經常回頭既原因之一，價錢以外食物質素、味道都好重要。佢地實實在在地係一間自家經營的小店，每日都見到老闆同老闆娘，同食物既監工同個份執著，要讚👍🏻
continue reading
一入店鋪就被輕鬆嘅音樂吸引到🎼🎼，店舖環境寬敞，設計日式風，有一種去了日本餐廳嘅感覺，超超超超級乾淨👍🏼👍🏼👍🏼好少茶餐廳可以做到咁乾淨，值得一讚💯員工服務親切，但美中不足嘅地方係以早餐嚟講上菜速度偏慢🥹榨菜肉絲麵，紅腸煎蛋份量適中，麵質硬度剛好，不會太腍，讚😍但麵包略嫌乾身，有點可惜🥲熱檸檬蜜外形十分美麗😍，很少茶餐廳可以做到，味道剛剛好，入口舒服溫暖☀️總結嚟講，相比起出面茶餐廳，價錢偏平，絕對值得一試⭐️⭐️⭐️
continue reading
饗呢道😘😘😘揾嘢食來呢道深水埗美食聚會點、荔枝角道311號、有間街坊茶餐室、裝修整潔、門面裝潢的咖啡店室、以黑灰色系為主、座位㝟敞、早午晚餐聚腳點😘必食招牌湯麵煎鯪魚餅配芫茜皮蛋湯米$38⋯濃香湯底皮蛋芫荽、有驚喜、出奇好味米粉、煙韌有嚼口、夠彈牙、配香煎鯪魚肉、魚肉味濃、一啖一啖入口、配搭一流😄瑞士汁雞翼撈公仔麵$42⋯雞翼瑞士汁夠晒入味、帶點香甜、撈公仔麵、邪惡嘅配搭😆口感豐富！三文治·多士·特式意式包奶油脆脆豬$20⋯烤焗脆豬、黃金微脆、內軟綿綿、甜奶牛油塗面、雙重享受、yummy yummy 😋 香草蒜蓉厚多士$18⋯濃香蒜蓉塗🈵️厚方包、再加上香草、烤烘金黃、賣相吸睛、色香味俱全！奶黃流沙夾心西多士$40⋯港式茶餐廳必食之選、底面煎炸、色澤金黃香囗、蘸上楓黃糖漿、配搭一流、食到舔舔脷👅甜奶厚多士$14⋯多士焗烤、微金香脆、沾上甜奶、小吃必選！特色小食酥炸南乳雞球（5件）$32⋯南乳醃漬、微炸金黃、帶點微紅、色彩鮮豔、外脆內嫩、爆汁😃吉列魚柳拼脆炸薯條$42⋯吉列魚、炸至金黃色香脆、內軟綿綿魚柳、一啖一啖、入口夠juicy、薯條炸至金黃色、外脆內軟、濃香薯香味😍食到唔停得口！郊外油菜（菜芯）$20⋯⋯菜心上湯灼熟、綠油油爽口腍甜、淋上店主主理特色秘製蔥油、真係用心製作❤️特色飲品紅豆咖啡$28⋯紅豆大大粒、又腍又甜、配香濃咖啡、咖啡烘有驚喜、又唔太甜、哈哈😄紅豆奶茶$28⋯⋯必飲之選、味道好夾😍饗呢度深水埗荔枝角道311號地舖港鐵深水埗站A2出口，步行約5分鐘
continue reading
豉油雞 (例) ❤ 雞肉嫩滑入味，雞皮色澤均勻，皮爽肉嫩不嚡口，帶豉味既甘香，雞汁豉油超好味，用黎送飯一流! 西芹炒蝦仁帶子 ❤ 美味可口既小炒，爽口彈牙粒粒圓潤飽滿既帶子 同清脆清甜既西芹炒埋一碟，一啖接一啖，好味! 如果可以再大碟D就更好喇!古法蒸馬友 ❤ 馬友油香豐富，所以我地叫左最簡單既做法就係古法，啖啖肉食落滿口魚油香味，而且配上新鮮肉絲同香菇絲，口感同味道即刻豐富哂!豉汁蒸黃立倉 ❤ 鮮味十足，魚肉嫩滑，香濃惹味既豉汁，夠哂惹味
continue reading
陪朋友嚟深水埗買零件，搞掂就去附近搵間餐廳食晚飯。朋友鍾意食中菜，記得荔枝角道有間新開茶餐廳，晚市有小菜供應，提議過去試下。店內裝潢以深啡為主調，牆上有鹿角和羚羊角等裝飾，非常吸睛，與壁上嘅臉譜互相輝映。我哋點咗幾個小菜，配白飯每碗 $10。西芹炒帶子 ($108) 西芹炒得好爽口，色澤翠綠，入口爽甜又冇渣。帶子大大粒，份量頗多，肉質柔軟富彈性，入口味道很鮮甜。蜜椒彩虹牛柳粒 ($108) 牛柳粒炒得好有鑊氣，腍滑得嚟又有咬口，肉味濃郁。三色椒味道討好，口感爽脆，顏色奪目，加埋黑椒蜜汁，滋味香甜。薑蔥魚腩煲 ($98) 魚腩厚身大件，每塊都有半隻手掌✋大小，表皮煎得十分香脆，魚肉彈牙結實，入口啖啖肉，加上魚腩嘅油脂，真係令人吃不停口💗最後再加碟蒜蓉炒時菜 ($58) 作結，芥蘭煮得啱啱好，色澤翠綠，質感爽脆，入口唔會過腍，加上吸收咗蒜蓉嘅香味，送飯一流！
continue reading