饗呢道 (Closed)

一間門面好普通，以為一般既茶餐廳，深水埗咁多茶記，都係好hea，但呢間諗唔到係衛生整潔，而且用心地好味既茶餐廳。中餐、下午茶，晚餐小菜我地經常幫襯，尤其佢地例湯，唔係出面既水哨湯，係無味精的靚湯！佢地既價錢唔貴，每樣材料都係新鮮。樣樣都睇得出佢地既心機。深水埗出名食野平，但衛生環境差，饗呢道整潔乾淨，係經常回頭既原因之一，價錢以外食物質素、味道都好重要。佢地實實在在地係一間自家經營的小店，每日都見到老闆同老闆娘，同食物既監工同個份執著，要讚👍🏻

一入店鋪就被輕鬆嘅音樂吸引到🎼🎼，店舖環境寬敞，設計日式風，有一種去了日本餐廳嘅感覺，超超超超級乾淨👍🏼👍🏼👍🏼好少茶餐廳可以做到咁乾淨，值得一讚💯員工服務親切，但美中不足嘅地方係以早餐嚟講上菜速度偏慢🥹榨菜肉絲麵，紅腸煎蛋份量適中，麵質硬度剛好，不會太腍，讚😍但麵包略嫌乾身，有點可惜🥲熱檸檬蜜外形十分美麗😍，很少茶餐廳可以做到，味道剛剛好，入口舒服溫暖☀️總結嚟講，相比起出面茶餐廳，價錢偏平，絕對值得一試⭐️⭐️⭐️

饗呢道😘😘😘揾嘢食來呢道深水埗美食聚會點、荔枝角道311號、有間街坊茶餐室、裝修整潔、門面裝潢的咖啡店室、以黑灰色系為主、座位㝟敞、早午晚餐聚腳點😘必食招牌湯麵煎鯪魚餅配芫茜皮蛋湯米$38⋯濃香湯底皮蛋芫荽、有驚喜、出奇好味米粉、煙韌有嚼口、夠彈牙、配香煎鯪魚肉、魚肉味濃、一啖一啖入口、配搭一流😄瑞士汁雞翼撈公仔麵$42⋯雞翼瑞士汁夠晒入味、帶點香甜、撈公仔麵、邪惡嘅配搭😆口感豐富！三文治·多士·特式意式包奶油脆脆豬$20⋯烤焗脆豬、黃金微脆、內軟綿綿、甜奶牛油塗面、雙重享受、yummy yummy 😋 香草蒜蓉厚多士$18⋯濃香蒜蓉塗🈵️厚方包、再加上香草、烤烘金黃、賣相吸睛、色香味俱全！奶黃流沙夾心西多士$40⋯港式茶餐廳必食之選、底面煎炸、色澤金黃香囗、蘸上楓黃糖漿、配搭一流、食到舔舔脷👅甜奶厚多士$14⋯多士焗烤、微金香脆、沾上甜奶、小吃必選！特色小食酥炸南乳雞球（5件）$32⋯南乳醃漬、微炸金黃、帶點微紅、色彩鮮豔、外脆內嫩、爆汁😃吉列魚柳拼脆炸薯條$42⋯吉列魚、炸至金黃色香脆、內軟綿綿魚柳、一啖一啖、入口夠juicy、薯條炸至金黃色、外脆內軟、濃香薯香味😍食到唔停得口！郊外

豉油雞 (例) ❤ 雞肉嫩滑入味，雞皮色澤均勻，皮爽肉嫩不嚡口，帶豉味既甘香，雞汁豉油超好味，用黎送飯一流! 西芹炒蝦仁帶子 ❤ 美味可口既小炒，爽口彈牙粒粒圓潤飽滿既帶子 同清脆清甜既西芹炒埋一碟，一啖接一啖，好味! 如果可以再大碟D就更好喇!古法蒸馬友 ❤ 馬友油香豐富，所以我地叫左最簡單既做法就係古法，啖啖肉食落滿口魚油香味，而且配上新鮮肉絲同香菇絲，口感同味道即刻豐富哂!豉汁蒸黃立倉 ❤ 鮮味十足，魚肉嫩滑，香濃惹味既豉汁，夠哂惹味

陪朋友嚟深水埗買零件，搞掂就去附近搵間餐廳食晚飯。朋友鍾意食中菜，記得荔枝角道有間新開茶餐廳，晚市有小菜供應，提議過去試下。店內裝潢以深啡為主調，牆上有鹿角和羚羊角等裝飾，非常吸睛，與壁上嘅臉譜互相輝映。我哋點咗幾個小菜，配白飯每碗 $10。西芹炒帶子 ($108)  西芹炒得好爽口，色澤翠綠，入口爽甜又冇渣。帶子大大粒，份量頗多，肉質柔軟富彈性，入口味道很鮮甜。蜜椒彩虹牛柳粒 ($108)  牛柳粒炒得好有鑊氣，腍滑得嚟又有咬口，肉味濃郁。三色椒味道討好，口感爽脆，顏色奪目，加埋黑椒蜜汁，滋味香甜。薑蔥魚腩煲 ($98)  魚腩厚身大件，每塊都有半隻手掌✋大小，表皮煎得十分香脆，魚肉彈牙結實，入口啖啖肉，加上魚腩嘅油脂，真係令人吃不停口💗最後再加碟蒜蓉炒時菜 ($58) 作結，芥蘭煮得啱啱好，色澤翠綠，質感爽脆，入口唔會過腍，加上吸收咗蒜蓉嘅香味，送飯一流！

位於深水埗的「饗呢道」，不論裝潢或者是食物水準，都有別於一般深水埗的「地痞」餐廳。他們的薑絲豬膶皮蛋米粉$38裡面有著新鮮醃製的豬膶，質地鮮嫩多汁，搭配著綿密的皮蛋和香氣四溢的薑絲，應該是我吃過最正的豬膶皮蛋米。小食試了酥炸南乳雞球$32。這道菜以南乳為調味料，經過酥炸處理後，雞球外皮酥脆，內裡鮮嫩多汁。每一口都帶來濃郁的南乳風味，令人難以忘懷。蔥油豬扒撈公仔麵絕對不能錯過$44。這碗麵條搭配著自家製的蔥油，豬扒肉質鮮嫩，口感豐富。每一口都帶來濃郁的蔥油香氣，爽口的麵條配合着惹味的蔥油！最後，老闆還送上了一碗老火南瓜雞腳湯，我有家的味道，但又在家煲不到這種老火湯。香綿的南瓜甜味和雞腳的鮮嫩完美結合，喝下去暖胃又滋補。饗呢道 (深水埗)深水埗荔枝角道311號地舖#饗呢道 #深水埗美食 #豬膶皮蛋米粉 #酥炸南乳雞球 #蔥油豬扒撈公仔麵 #南瓜雞腳湯 #美食評論 #美食推薦 #香港美食 #食評 #Instafood#foodpic#Foodie#foodiehk#noodle#pork#food#yummy

饗呢道 地址: 深水埗荔枝角道311號地舖電話: 26688998=====================深水埗去親都是睇下電子產品用車的東西，而女朋友間中都會陪我去，她就喜歡卡通精品，大家各有各買行完街今日唔掃街啦，搵間餐廳舒舒服服坐下來食晚餐家常餐便宜又使我地兩口子有家的感覺加了個湯$50（細）通常餐廳都會送例湯，因為冬天乾燥想滋潤一下，點了個兩人分是日有豬骨粉葛湯，煲了好耐入味入曬湯水中，碗湯最後送比我地飲，超開心。$88 北菇臘腸蒸雞，呢味菜加了臘腸勁香，個汁用來撈飯一流。$98黑松露滑蛋炒蝦仁，滑蛋真是家常菜，落了黑松露芳香提升也令感覺高檔了。$98魚肚蝦乾浸菜苗，蝦乾鹹香惹味，用來煮菜股香味真是聞到都開胃家常小炒經濟實惠，兩口子無飯家庭甚至是有小朋友的屋企，做飯堂一流。

經過有店員介紹舖頭新餐牌，十一月起先做小菜飯飯，餐牌都幾多野啱食，就入去試試吧。小店四四方方幾光猛，感覺乾淨，啲枱抹到立立亮㗎。晚市只做黃色餐牌上的小菜，點了三樣，再加個湯同飯先😋⭐臘味炒芥蘭上枱時已聞到香味，芥蘭爽脆，臘味甘香帶甜味，送飯一流。⭐黃金海鮮豆腐黃金醬汁鹹香鮮味，豆腐軟嫩，吸飽醬汁好正🤤⭐檸檬蒸烏頭好香嘅鹹檸味😍烏頭肉質鮮嫩美味，而且打鱗打得好乾淨，連魚皮都食曬，好食到朋友連骨都輪埋😆⭐白飯咁好餸點少得唔要個白飯陪襯下～⭐老火靚湯是晚係老黃瓜粉葛豬骨眉豆湯，足料濃郁，煲到豬骨都溶埋咁濟，飲落去十分鮮甜，一試就知道係無味精。50蚊細煲，其實都唔細喎，又成四、五碗㗎🤤小菜好食，但最驚喜都係個湯，好好飲，值得再黎😍

最近常常都深水埗這個新文青區看展覽，一看就是幾小時，除一般Cafe外也想吃吃家常小菜，記得住附近的朋友推介過這間新開的小炒店，今日決定來訪。結果沒有令人失望相當有驚喜餐廳，主打無味精料理，裝修企理地方乾淨，而且老闆娘非常健談。今日幾個女仔齊來點了三餸一湯。無味精老火靚湯（細）$50基本上每枱都點了一煲湯，我們也試試，結果非常有驚喜，老火靚湯非常多料，從其他食客口中得知每天的湯都用上不一樣的湯料，雖然點的是$50的細size，但卻有六至七碗湯，超級化算，鮮甜又滋陰，絕對推介。意大利黑醋咕嚕肉$88另一必食，有別於傳統的咕嚕肉以上色素醬汁熬煮，而是以真材實料的意大利黑醋煮炸香的咕嚕肉，加上小薯角及菠蘿粒，滋味又健康送飯一流。豬膶杞子話浸娃娃菜 $88娃娃菜吸滿上湯的鮮味，豬潤有以胡椒薑片調味完全不腥。黄金海鮮豆腐$88起初以為是炸香的豆腐及海鮮伴上蛋黃醬，原來比較是有芡汁的，都不錯不錯。

饗呢道 (深水埗)深水埗荔枝角道311號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：老火例湯(細) $50，薑葱魚腩煲 $98，白飯 $10，椰汁雪糕紅豆冰 $32饗呢道鄰近港鐵深水埗站A2出口，交通方便！😄😄😄餐廳提供晚餐小菜19項，選擇眾多，還有不含味精老火例湯，夠哂健康！👍👍👍老火例湯(細)：今日例湯係紅蘿蔔西洋菜煲豬骨，老火靚湯原煲上枱，視乎人數可叫大或細煲，湯水煲至金啡色，可見非常足料，因為冇加味精，湯味份外鮮甜，配上南北杏和果皮，既有豐富的營養亦有天然的風味，非常滋潤！😍😍😍薑葱魚腩煲：魚腩煲以沙鍋盛載，熱辣辣上枱，還冒著氣泡，非常惹味，每塊魚腩均帶有魚皮，外層炸至金黃香脆，內裡卻依然保持嫩滑口感，加上薑蔥的香氣和辣味，令人垂涎三尺！❤️❤️❤️白飯：有湯有魚腩煲，就要叫多個靚仔白飯，一啖魚頭一啖飯一啖湯，其樂無窮也！👏🏻👏🏻👏🏻椰汁雪糕紅豆冰：椰汁味道濃郁，口感滑膩，紅豆煮至柔軟起沙，雪糕是綠茶味，與紅豆夠匹配，裝在不锈鋼杯中能長時間保持冰涷，在這乾燥的天氣嘆番杯椰汁雪糕紅豆冰，實是一大享受！😋😋😋

由深水埗行去南昌站，見到一間幾光猛乾淨的餐廳，順便同朋友入去食個晚餐。餐廳有健康之選的蕃茄湯通粉，亦有多款的中式小菜，價錢合理，而且份量十足，有家的味道。羅漢果西洋菜味道清甜，西洋菜味濃郁，而且完全無味精。西芹炒蝦仁帶子，蝦仁爽彈，帶子嫩腍，西芹爽脆。豉汁蒸黃立䱽十分新鮮，蒸的時間剛好，黃立䱽有魚油脂，十分嫩滑。蝦醬豆卜蒸腩仔送飯一流，有陣陣蝦醬香味，但不會過咸，豆卜吸收了肉汁及蝦醬香味，十分入味。蒜茸炒菜心翠綠，炒至爽脆。

見到小店🚩呢度咖啡室🚩健康系列竟然有豬膶、一定店主會有信心！果然不出所料😍新鮮豬潤😎煮熟不帶血，有口感，（唔會）又硬又實又臭雪肉味🤩🤩🤩🤩正👍🏽檢查芫荽湯底真材實料,仲有皮蛋真係有絲薑絲😃米粉滑滑的。✌🏽🎈先聲明本人一向係唔食米粉，唔食豬潤，但不妨一試果然試到好嘢🎉鮮牛油多士/牛油味特香又夠份量😋😋😋個。魚柳係魚肉多過炸粉皮的😋韭黃火腿炒蛋三文治😎👍🏽原來可以咁樣整好特別！新鋪小店真係要試試

📍饗呢道(深水埗)深水埗荔枝角道311號地舖之前行過已經想入去食，今晚咁啱同屋企人係呢頭整完嘢，就帶埋佢地嚟食，款式唔算多，但一定會啱你食，環境仲好舒服，日式簡約👉黑松露炒滑蛋蝦仁💰 98😋😋😋😋.8/5滿滿黑松露遍佈係滑蛋中，炒蛋嫩滑流汁，非常鐘意呢個感覺，加埋大量新鮮爽口彈牙嘅大蝦，呢個餸真係不得了👉豬潤浸菜苗 💰88😋😋😋😋.8/5豬潤好新鮮，一啲都唔腥。又夠咬口，食多兩舊補補血。揀咗菜芯苗，又甜又嫩口，大大碟都食得哂🤩🤩🤩👉檸檬蒸烏頭 💰98😋😋😋😋.5/5第一次食檸檬蒸，又幾夾，檸檬味滲咗入烏頭，魚肉食落有鮮味得嚟又帶點檸檬香，啖啖肉，啖啖鮮😆😆回頭: yes，係咁聽到隔籬枱讚佢個雞好好食😋😋，老闆娘勁nice，送多兩碗自家湯俾我哋飲無味精好正！！好有家的味道💞

之前路過這間新餐廳，見好多人食早餐，下午茶。今晚見門口有嗰小菜牌，人少少唔洗同人逼，食下小菜都唔錯。入門口就見到標誌性的酋長，顏色鮮豔睇到心情都開心睇下餐牌先，選擇都多秘製豉油雞半隻$98 擺盤唔錯，雞件特別嫩滑帶少少脂肪，有雞味， 甜豉油汁好入味西芹炒蝦仁帶子 $108精緻小菜，材料新鮮清甜帶子好大粒滑滑蝦仁夠大隻蜜椒彩虹牛柳粒 $108牛柳粒肉質特別嫩滑， 唔會鞋口。肉量偏多，配上靈魂醬汁及蜜椒，洋蔥作點綴最後食埋精緻蒜蓉炒芥蘭 $58，大滿足

『饗』…… 見字首讀音好似韾字，音讀「享」……也解作享受美酒佳餚。位於深水埗荔枝角道，食下撚手小炒，都唔錯……今晚就吃小炒啦。店內裝潢帶點日系又有家的溫馨感，寧靜及舒適度高！座位坐的寬敞，日系窗框，有親和感……#秘制豉油雞 ： 雞很嫩滑，入味……諗住淺嚐，下次要點半隻吃個滿足。#意大利黑醋咕嚕肉 ：平時吃糖醋的，今次見到用上意大利黑醋烹調，吃的原汁原味之外…黑醋比一般的醋多上好幾倍的效果，不僅能瘦身，減少內臟脂肪，亦能促進血液循環和消除水腫。 黑醋中含有的醋酸（亦稱作「乙酸」）有抑制血糖與降低高血壓之功效。 咕嚕肉脆卜卜，配上黑醋特別好配米飯吃……黑醋更加帶出開胃元素！#魚肚蝦乾浸白菜 ：蝦乾好大隻，香甜又惹味……魚肚吸收了上湯，白菜仔新鮮又健康……K先生已吃了兩碗叫飽肚了，我也要堅吃完……因為好味道！#豉汁蒸馬友：食番時令魚產是最合時宜，今晚揀左食馬友，喜歡它肉多少骨……啖啖肉配上秘製豉汁，非常好配飯……平時K先生一碗米飯，今晚吃足兩碗！