Video
1-min walk from Exit E2, Mong Kok MTR Station
continue reading
Payment Methods
Above information is for reference only. Please check details with the restaurant.
其實對平價魚蛋粉牛雜河無需要有要求。但呢間真係刷新我對同區粉麵及飲品既五觀。飲食:從未飲過勁苦而霉的凍檸茶(注意無叫走糖亦不是檸檬或茶苦味),還要杯面多油。牛雜河粉大致上份量及平價質地無什麼問題只其中一條粉腸略苦，不知受飲品影響定食物問題。衛生：不乾淨好平常無乜要求但太"痴鑞鑞"。服務：無及要係檯大叫都係好平常,不過叫完隔一陣吹埋水先落亦落錯，落錯仲要質疑你有無講錯，後求其換返比我亦黑口黑面。簡單講，同街又唔係得佢一間仲要貴人幾蚊點解要幫襯佢？
continue reading
今晚過咗旺角經過呢間香港仔魚蛋河 開頭嗌咗碗崩沙牛腩河 加碟蠔油生菜 一杯凍鴛鴦， 本來都還可以嘅 但係真係覺得個份量好唔夠 咁咪睇吓個餐牌囉 咁呢間嘢個名叫香港仔魚蛋河呀嘛 諗住嗌個淨魚蛋 佢個餐牌寫住一碗魚蛋粉標價$24 邊諗到淨魚蛋要$36 佢嘅豬手麵都係$33呀！如果佢$36我點解唔買個豬手麵呢？ 真係好貴好貴而且剛巧有職員遺失了銀包 還不斷大聲責罵其他職員 如果是內部問題是否應該自己內部處理呢？但這樣就影響適合心情 由我落單到食完 整個空間都是噪音 而另外一個問題 就是餐牌沒有標明淨食價錢 是否已經觸犯商品條例呢？ 請大家如果在這一間粉麵店食，請記得記得叫嘅時候真係要問清楚呀！ 最後埋單$101 都唔會再去㗎啦！
continue reading
夜晚收工諗住求其食碗麵，眼看呢間野冇乜人，啲位幾闊落咁，隔離果間坐滿晒勁多人，咁就入呢間試下啦⋯⋯點知中晒伏！點咗崩沙腩幼麵$55，加$8凍檸茶，從未食過咁難食嘅麵！口感似鐵線…檸檬茶隻杯勁油，飲都未飲過，一拎就跣手倒瀉晒成枱都係，2個職員掛住傾計叫幾次先幫手，短髮職員本來話俾過杯我地，見到佢沖完後，俾另一金髮職員阻止，就咁擺喺出菜位，2個繼續做其他野，俾定唔俾都回覆一聲丫！之後金髮女走嚟串串共話要過杯另外收$18，都幾搞笑！其實俾唔俾過杯好少事，但處事手法好有問題，到起身埋單又係，見到你喺櫃位都要掛住傾計，叫先不情願地嚟收錢，同佢地講啲杯真係好油，洗乾淨啲，金髮女藐咀藐舌，態度輕挑地回應「好呀！」態度惡劣得令人扯火！直頭幫餐廳趕客，食到一肚氣，相都冇影！一定唔會再去！
continue reading
今日去旺角做facial，諗住食個快餐，見到佢裝修嘅事正就入咗嚟，以為係以前食開嗰幾間之一，原來係新開嘅。 見到鳳城水餃河粉🍜$26，都好平，另外加咗$8叫咗杯凍奶茶🥤。不過到上菜嘅時候，老闆同我講水餃俾咗兩粒我，因為冇晒，另外就補粒韭菜餃。 不過我本身唔食韭菜，就叫佢轉過俾我。粒粒水餃都好大粒，入邊都好足料，個皮都幾薄。不過杯奶茶略嫌澀左少少，因為本身飲開奶味重嘅奶茶，呢杯就唔係好啱我胃口。$34埋單，喺旺角可以平平哋食一餐，可以試吓。
continue reading
本身係openrice睇到呢間野新開，以為會坐得舒服啲，點知衛生好差，個呀姐叫我入去坐，一行埋入少少嘅位即有兩三隻烏蠅飛出黎！餐廳有啲臭味，臭左一段時間，過左一陣又冇左。個面係好食嘅，但之後就肚痛。。。加上雲吞得兩粒，唔知係因為雙拼定本身就咁少。基本上佢係主打旅客生意，成間餐廳九成都係遊客，因為啲遊客最多食一次半次或者趕時間先食，佢地都投訴冇門啦。明明得一間分店又講到自己老字號咁，真係唔會再入去食！衛生真係好差！
continue reading