香港必食

Open Now

Now Closed

同女友經過見店舖啲雞蛋仔岩岩整好，就立即買一底試下，夠熱夠香，真係外面超鬆脆，入面足料而勁軟熟。好耐冇試過幾好味嘅雞蛋仔，有機會試多次睇下係米keep到咁高水準

個雞蛋仔好香，但約咗人食自助餐，冇理由食雞蛋仔呀！食魚蛋算……個魚蛋幾彈，個辣汁雖然係啡黃色，唔似係咖哩汁，醬汁入口先有甜味，隨後咸味、蒜味，再入辛味已辣味完結！坦白講，因我等人中，所以慢慢品嘗。

今日放工行經呢間小店，見有幾人等緊雞蛋仔🐣，於是行埋去望下有冇咩特別口味既雞蛋仔🐥。椰爆雞蛋仔 個名咁既，個banner話用鮮椰漿整。好奇心加肚子餓推動下，買左底黎食。本來諗住尖東鬧市同埋個店名咁“for 旅客”，應該會幾貴，但原來只係15蚊，都唔係好貴傘。等左1分鐘左右，雞蛋仔到手了。睇住店員唔知邊度拎出來，然後放入袋，以為係即整。點知拎上手，只係微暖，有少少失望。幾多人等，但店員效率高，好快野食到手。好期待，唔知點椰爆發?咬左幾啖，外脆內軟，唔係空心既，又有微微椰香，唔錯唔錯。希望下次會係即叫即整，熱辣辣可能會更好味。

見到門口寫住魚蛋醬汁用了三年研發, 好奇之下試左。點知一食,心諗" 乜事呀！"乜野汁黎嫁, 身為一個咖哩汁, 連咖哩味都無，失敗。 魚蛋無魚蛋味，失敗之中嘅失敗。我自己唔會再幫襯

由細到大都好鐘意食街邊小食，但大大下發現越來越難揾到好食，旺角雖然有好多，但我覺得都係迫遊客買一大碗$20碗多，想買一串阿姐都唔啋你。今日行過尖東，見到呢度仲肯賣$10/7粒的魚蛋，佢特別強調自己特別調製的魚蛋醬汁，要三年研發，引起我的好奇心即想試下，$10/7粒用個碗裝住，魚蛋正常size，唔係好大粒，醬汁好似咖喱汁咁黃黃地，食一粒落口，首先係試到甜甜地的辣味，跟住再哨先會食到麻辣的味道，舌頭跟住一陣麻辣，口裏面先慢散開，食到停唔到口，覺得個汁都唔錯，叫做有心之作。唔係求其咖喱汁，我會再返來食。

此店標榜三年研究醬汁可惜醬汁無咩特別係幾好食都有少少咖哩味可惜唔夠辣魚蛋亦無比心機去揀魚蛋勁多粉冇魚味又唔彈牙只着重醬汁忘記初衷店員黑口黑面想要成功要落多d心思比ok係想加加油

第一篇在OPENRICE 既食評一直在享用openrice 既資訊, 一直都冇諗住寫食評~無意中發現公司附近開左間新既小食店,, 受引誘地試左佢地既雞蛋仔,,post 左相上facebook 之後,, 朋友話openrice 未有資料,, 叫我不如幫佢寫~~~咁就無啦啦開左個account,, 無啦啦打緊我第一篇既食評~講返正題~其實發現依間小食店之前幾日,, 已經好想食雞蛋仔同格仔餅~試過行去加連威老道同厚福街既小食店,, 一律公價$15底!~$15 其實又唔算好貴既... 不過一個女仔食一底格仔餅好似太邪惡,, 今時今日.. 應該唔會好似以前咁有半底賣架啦..不過最後都忍住左.. 冇買到~點知.. 竟然俾我在公司附近發現左依間小食店~~~~~$13 底jar!!! 平左兩蚊!! <- 其實... 兩蚊... 既差額真係好少.. 不過.. 平d就係平d~ 女人真係易tum~(等同$100 同$99 蚊既分別) (唔通就係尖東同尖沙咀既分別??)受平左$2蚊引誘,, 買左一底雞蛋仔~即叫即整~ 外脆內軟!!!可能即叫即整既關係,, 真係好好食~ 好耐冇食過咁好味既雞蛋仔~~~等