香蕉仔

Open Now

Now Closed

元朗香蕉仔係一間專賣泰國香蕉餅的小店，質素穩定，令人回味無窮。這裡的香蕉餅外皮酥脆，內餡香甜軟糯，香蕉的天然甜味與薄餅完美融合，每一口都充滿驚喜。店家選用新鮮食材，製作過程用心，確保每份香蕉餅都保持高水準。無論是原味還是加入特色餡料如朱古力，口感層次豐富，令人一試難忘。老闆和老闆娘態度親切有禮，服務周到，總是笑臉迎人，讓人倍感溫暖。價錢公道，分量十足，性價比極高，絕對是元朗的隱世美食寶藏。店內環境簡約舒適，適合朋友小聚或外帶享用。作為泰國香蕉餅的愛好者，這裡絕對是必訪之地，強烈推薦給喜愛甜點的你！

元朗「香蕉仔」泰式香蕉煎餅店真是甜品控的福音！環境雖簡單，卻充滿地道風情。招牌香蕉煎餅 外皮煎得香脆，內層軟糯，夾雜新鮮香蕉，淋上濃郁的朱古力醬和煉奶，甜而不膩，每一口都令人滿足！試過榛子醬口味，香濃醬料與香蕉完美搭配，令人回味無窮。店員態度親切，現點現做，雖然排隊時間稍長，但熱辣辣的煎餅絕對值得一等。晚晚都大排長龍，連九龍人也慕名前來！唯一小建議是營業時間可再延長，讓更多人能品嚐這份幸福滋味。無論是甜品愛好者還是街頭小食迷，香蕉仔都是元朗必試之選！

話說我半年前，喺葵涌食過一間香蕉煎餅，嗰次嘅感覺好差好差，我食到成口油，仲要係成口油益味，但我都堅持食晒佢，因為我唔想浪費食物。我以為香蕉煎餅係咁。我以為只係我唔啱食。我以為係我唔識食。我以為我依一世都唔會再食香蕉煎餅。直至.....直至有朋友介紹我食元朗呢一間香蕉仔，原來同我第一次食嘅係兩回事，我第一次食嘅時候見好似冇煎過咁，軟腍腍！但今次好好食、好好食，佢煎到外脆內軟，香蕉好甜好甜，黐線！唔怪得知咁多人排隊...！以後我每次去元朗都一定會再幫襯，我要試埋榴槤煎餅Btw，店員好有禮貌仲有多謝你哋令我知道咩叫香蕉煎餅

元朗名物 香蕉仔 搬到新址後熱潮不減，依然人頭湧湧，為的就是各款即叫即製的鹹甜煎餅。榛子醬香蕉煎餅 新鮮熱辣送到手上，外皮香脆，塗滿Nutella榛子醬和煉奶，夾著滿滿香甜香蕉肉。香蕉的甜香、榛子醬的濃郁與煉奶的奶香完美融合，甜而不膩，讓人一口接一口停不下來。Yuen Long’s iconic Banana Boy has relocated to a new address, yet its popularity remains unwavering for freshly made pancakes. The Hazelnut Banana Pancake, served hot and fresh, features a crisp exterior generously spread with Nutella and condensed milk, encasing a hearty filling of sweet banana slicessweet yet never overwhelming. This delightful treat captivates the

星期六入嚟元朗掃街🤭無意中發現呢間新嘅香蕉仔成間鋪好多警告⚠️字眼，好搞笑好突出！佢主打係賣唔同煎餅大部分都係甜嘅，我就揀咗個鹹嘅芝士肉鬆試試煎餅係即整嘅，所以都係熱辣辣，好好味煎到好香脆，加上芝士同埋滿滿嘅肉鬆，鹹鹹甜甜，非常香口！而且店員又好好👍🏻又nice下次會再幫襯！

係元朗既香蕉煎餅店！之前係木頭車時已經成日去幫襯！等成個鐘都要食既一種🤩.靚仔老闆同靚女老闆娘休息左一排～係上年就係雞地呢邊再開返鋪喇！.味道依然好味～！😌暫時依然仲係喺香港食過最好食既香蕉煎餅～😋😋😋.即叫即整～！皮非常香脆～🥰味道都好好👍.今次去竟然唔洗點等！5-10鐘就拎到😯係唔係仲有好多人都仲未知佢開返？🤨.除左招香蕉煎餅（$35）仲有好多唔同口味～🙂‍↕️..大家都去試下啦！

元朗搵下好野食，成日經過呢間店舖見到有人排隊，決定要試試佢🥳🥳🥳🥳🎄🎄🎄叫左招牌香蕉煎餅🥞，不負期望,香蕉味濃, 好夾朱古力味，絕配，gd choice餅底熱辣辣煎得香脆脆,配埋d醬面口感幾match 。店面好有香港設計特色，讚👍

📍元朗人氣小店重開 — 香蕉仔 🍌-行去YOHO路上經過見到香蕉仔，仲要冇人排，咁一定要買啦🫔【阿華田香蕉煎餅】 $38 (9.8/10)之前食過榛子醬嘅香蕉煎餅，今次試阿華田同香蕉味意外地好夾，仲好食過榛子味，仲要入口勁脆，員工態度又好，值得再試-📍【香蕉仔】 元朗鳳攸北街5-7號順豐大廈地下18號舖🕑Tue to Sun 15:00~22:00

難得入嚟元朗， 梗係要發掘好嘢食！ 相信大家都唔陌生， 喺元朗站附近有間出名嘅香蕉pancake店舖。 我同老公食完晏， 就諗住碰下運氣， 希望唔使排咁耐隊去食呢間舉世聞名的香蕉pancake。 去到店內好彩唔係很多人， order後職員好貼心咁畀咗個時間牌我哋， 只需要喺嗰個時間返返去拎pancake。 我哋只係等咗20分鐘， 香脆可口嘅pancake就到手了。 pancake樣貌好靚， 鋪滿住好多朱古力， 趁熱食好脆口， 好快就食曬。店內嘅職員親切禮貌， 令到我哋下次再想幫襯！ 大家嚟到元朗一定要食呢間美味嘅pancake

難得入黎元朗梗係搵下好野食，之前已經聽過呢間店個名亦好多人話好食，想食就早d 黎排隊。今次我係佢未開門已經黎左，見到落左半閘不過有人踎底同佢地講野，原來可以拎定籌，落埋單再跟返籌上個時間黎就得。呢個安排幾好，唔使企係到等晒左時間。今次叫左開心果同招牌香蕉煎餅雙併，開心果醬味道幾濃郁，夾埋開心果碎一齊食，成個口腔充斥著開心果味，岩晒我。另一款招牌，叫得做呢個名果然不負期望，香蕉味好香，無比朱古力味搶走既同時又夾到，果然蕉同朱古力係絕配。餅底熱辣辣煎得夠香趣脆，配埋d 醬面林底脆口感幾特別。杯奶茶唔算甜夠滑，茶味亦夠，食完煎餅再飲返杯岩岩好。

這間香蕉仔泰國煎餅之前在舊舖的時候已經嘗試過，當時已經十分喜歡他的味道和口感。終於等到他們在元朗重開，找了一天放假可以一嚐想念的味道。這次叫了一份榛子醬香蕉煎餅，這次是在週六傍晚時間購買的，等了大約15分鐘便可以買得到。榛子醬香蕉煎餅和回憶一樣味道，依舊很好吃，泰式煎餅必須要趁熱辣辣的時候吃，榛子醬很香濃，煎餅很有口感，內裏鋪滿滿滿香甜的香蕉肉。基本上好吃程度是拿到後不夠一兩分鐘便把它完全吃光光。下次要來試其他口味。

本身依間喺木頭車既時候已經好鐘意食，點知執左笠，好高興佢地喺雞地開番新店喺雞地嗰頭，都近yoho,最好去左買同拎飛先，佢地會大概話你知幾點再番嚟，勁好，唔洗夏日炎等好耐，仲有好值得一讚既係，老闆同老闆娘同之前一樣爆好禮貌！非常值得一讚依排好興開心果味，由於好耐無食過既關係，決定叫埋招牌嚟食話說喺香蕉仔執笠期間，去左曼谷食香蕉煎餅，但係油膩好多，成個餅都係油，好失望今次開返，我哋都係叫返招牌嚟試吓，個皮同之前一樣，好似酥皮咁，香蕉熱辣辣，勁好食，唔會過甜！非常推薦！開心果味，好濃郁，面頭都有咬口嘅開心果，相對上，呢隻味道比較濟小小，不過開心果愛好者應該會好鍾意。總括而言，招牌一定要叫，另一隻味要咩就睇個人喜好啦😂記住要快啲食先好食

香蕉仔重開啦，好耐之前食過一次真係非常之難忘好好食，可能係香港最好食嘅香蕉煎餅，最近佢又喺元朗開返，專登去試一試，今次就試咗一個鹹一個甜！講真兩個都好食，只係甜嘅更加出色！招牌香蕉煎餅 $35 (10/10)香脆嘅煎餅，香脆得來係有酥片嘅感覺，食到一層層，入面包住香甜嘅香蕉，加埋招牌朱古力醬煉奶，真心勁好食🥹芝士肉鬆蛋餅 $35一樣都係煎得好香脆，就算係鹹嘅煎餅一樣都唔馬虎，入邊係超級多芝士可以拉絲，表面鋪咗一層鹹香嘅肉鬆，有少少似台式蛋餅，心心心心如果覺得甜太你嘅話食芝士蛋餅都好唔錯！推薦指數: 10/10真心值得支持小店，好好食，留意番小店而家營業嘅時間可能去到九點，留意住佢哋社交平台！

香蕉仔pancake返咗黎喇。香蕉仔開咗係元朗鳳攸北街近體育館附近，如果係yoho行過去都幾方便。煎餅味道有9款可以揀， 七款甜兩款鹹。之前食過阿華田味，覺得阿華田好好味，今次就試咗開心果味$48，香蕉煎餅外皮好薄，如果即食個皮仲酥脆，香蕉味同個皮牛油味一樣咁濃，餅面搽上滿滿嘅開心果醬，加上煉奶，開心果碎，食落唔會好甜，仲我就覺得開心果味唔算好突出，如果相對其他味， 就失色咗少少 。我會鍾意食阿華田味多d。

香蕉仔終於搵到新地方重開啦！選址都係元朗~ 前排去開元朗探朋友，點可以唔食埋香蕉仔呢😚 香蕉仔3點開門，當日2點9去到已經有幾個人排緊隊🙈 3點準時開始落單，落完單會派一個時間籌，按住籌號上面個時間返嚟就可以，我哋個時間係3:20，所以中間就去咗買另一樣元朗名物🤭 •📸 招牌香蕉煎餅 $35📸 開心果香蕉煎餅 $48📸 阿華田香蕉煎餅 $38香蕉煎餅嘅水準依然保持到，外層煎到好酥脆，入面夾住唔少香蕉肉，香蕉味好濃郁🍌！香蕉煎餅總共有9個口味 (7個甜、2個鹹)，舊鋪嘅時候鹹甜都食過，但都係覺得甜嘅出色啲，所以今次叫咗3款都係甜嘅口味~其實煎餅個底係一樣，只係唔同口味面頭嘅醬會唔同，最重要嘅係啲醬落得一啲都唔孤寒，鋪滿成塊煎餅🤩開心果味係搽咗好厚嘅開心果醬，仲灑咗唔少開心果碎，但香蕉味都係比開心果味出啲，所以食邊邊位（無咁多香蕉）先會食得出開心果味🤣 阿華田味就比較甜啲，因為有阿華田醬、阿華田粉同煉奶～ 阿華田味算突出～