魚你相聚

Open Now

Now Closed

魚你相聚鄰近長沙灣港鐵站，A3出嚟就見到，主營酸菜魚，毛血旺等川菜，而且價錢相宜，係附近街坊嘅理想食堂😛😛😆😆🥰🐟大盤鴛鴦至尊🐮 $348份量超級大份，係酸菜魚拼毛血旺嘅2-4人份量版本。酸菜魚方面選咗藤花椒酸菜生魚片， 生魚片滑嫩，酸菜湯底有鮮味之餘，有大量花椒，藤椒配料，湯底飲落香濃舒服，另外有大量配料，如豆芽，豆腐皮，海帶，薯仔，薯粉等等，配料份量十足毛血旺方面選咗香辣湯底，聽講麻辣係比較辣啲嘅，配料份量同十足，有鮮嫩肥牛，黃喉，肥腸，毛肚，鴨血，午餐肉，花生，豆芽，薯粉等等。香辣味十足，但又唔會辣到食唔到，特別喜歡黃喉，爽口Q彈，食川菜必點另外配有飯，薯粉同米線， 肯定會食飽飽🫑青椒皮蛋🫑 $28用咗流心嘅黃金皮蛋，醬香味十足，亦有唔少青椒，清爽青椒同皮蛋一齊食真係絕配🍹冰凍檸水🍹(2杯) $10 魚你相聚長沙灣長沙灣道391號地下1號舖#cheungshawan#cheungshawanmtr#長沙灣#長沙灣食#長沙灣站#長沙灣餐廳#香港酸菜魚#酸菜魚#毛血旺#麻辣#香辣#藤花椒酸菜魚#香港川菜#四川菜#魚你相聚#街坊食堂#食堂#鴨血#生魚片#薯粉#米線#肥牛#黃喉#肥腸#青

餐廳主打酸菜魚，有一人套餐，經濟又實惠。今次叫左大盤嘅酸菜魚，係2-4位用，價錢$268，湯底有三款可以揀，魚肉有鯛魚、生魚片、鱸魚和龍利柳。我地要左老壇酸菜鱸魚。首先份量驚人，成盤滿滿，有大量鱸魚片，起晒骨，入口好嫰滑，配菜更有9款，酸菜、闊粉、薯仔、木耳、萵筍、娃娃菜、大豆芽、金菇、豆腐皮，平時酸菜都只係配多兩、三款配料，呢到真係超抵食😋😋湯底有三款辣度，微辣唔係太食辣嘅人都接受到。主食可以揀白飯、薯粉、米線！除左酸菜魚，仲點左鹽焗手撕雞，手撕雞仲有生菜同花生，咸咸地，用黎送酒就一流。紅糖糍粑一定要試，口感煙韌，配上紅糖醬食簡直係絕配！飲品方面，酸菜魚餐可以優惠價加飲品，咸檸七同紅豆冰都係加$12。整體黎講，大盤酸菜魚套餐好抵食，兩個人食到爆肚都唔洗$300，而且仲勁多配料，黎開長沙灣一定要試下！

今日又去覓食望見呢間魚你相聚嘅店舖🤔、係位於深水埗整間人流都好多😲勁多人爆哂、整嗰店舖係主打食酸菜魚、同時都有套餐食😚、仲有其它煲仔飯都有9款選擇亦都有、同埋魚片都有4款選擇、湯底有8款揀有辣同唔辣可揀！.鱸魚片酸菜魚 $76今次我冇選擇大大窩酸菜魚🤔、因為我食唔到好多野、又想試吓其它所以叫咗套餐、整個套餐都抵食可以自己選擇配菜選二：萵荀、豆卜、同埋主食選一：手工薯粉、魚片鮮嫰入口都味腥味😙、窩筍爽口豆卜索滿湯汁入哂味、薯粉口感煙韌彈牙沾滿湯汁帶點酸菜湯味道😋！.鹹蛋肉餅煲仔飯 $58呢一款煲仔飯賣相睇得吓🤔、係以藤蘿伴煲仔望著覺得都幾特別、整嗰煲仔飯散發香噴噴炭香味😚、整塊肉餅啖啖肉香味入口鮮滑腍美味😋、配埋焦香粒粒米飯軟硬適中、加添埋自家製豉油味道十足、食到煲底啖啖脆卜卜焦香超正！.鹽焗手撕雞 $42呢一款小食手撕雞望著都幾好🤔、我覺得味道都好香、入口味道適中又有咬口、一絲絲口感鹽香味道、配埋一粒粒花生香而脆口！.紅糖糍粑$28呢一款紅糖糍粑金黃脆口😙、一條條長條型賣相🤔、外香脆鬆薄內煙糯口感、沾吓黑糖漿同黃荳粉味道香甜又好食😋！.鹹檸七 $15 熱奶茶 $12呢兩杯飲品熱奶茶色澤

之前已經bookmark咗呢間酸菜魚舖頭好耐，今日終於有機會試吓！我哋七點前去到都只係剩番少少枱，好快個場已經坐滿咗啦。我哋睇咗餐牌，決定叫個二至四人份嘅老壇酸菜魚，再加啲小食同嘢飲。佢酸菜魚都有唔同種類嘅魚揀，本身個魚就跟咗好多配料，我哋只需要揀湯底，兩份主食同埋辣度就可以啦，另外仲可以用跟餐價叫嘢飲。前菜方面，我哋叫咗涼拌海蜇，涼拌青瓜木耳同樣鹽焗手撕雞。咁前菜就上枱啦，三碟前菜都好大份，全部都唔算太辣，食得好開胃。海蜇食落好爽，另外仲有啲脆卜卜嘅花生。而青瓜木耳都好好食，最後個鹽焗手撕雞都唔會太鹹，但係都有鹽焗嘅味道。好快個主菜就上嚟啦，一上枱我哋都嘩就出聲，真係好大份，就咁望落啲魚嘅份量都好多，而且佢下面仲有好多配料，另外仲有兩份主飯配埋添。啲魚煮得啱啱好，亦都起晒骨，酸菜都唔會太酸，微辣都好啱食，可以撈埋個主食落個酸菜魚食。最後我哋仲有啲口痕叫咗個紅糖糍粑食。新鮮炸起係真係特別好食，總共都有六條，好鬆脆好正。咁樣埋單一個人都係$200倒，食到飽一飽，抱住個肚腩走，好值得推薦俾大家！

生積嘅人類🫣兩個人響間樣樣都幾十蚊嘅店食咗$400隔籬枱個人見我地啲嘢一路出一路出就嚟冇位放😂胡椒豬肚雞煲湯頭好濃郁 而且真係好足料由豬肚、雞、娃娃菜、杞子、響鈴、紅棗大大煲湯真係超抵食～仲跟飯/手工薯粉鯛魚片藤花椒酸菜湯配豆腐皮及娃娃菜首先就係有唔同嘅湯底可以選擇之後可以揀魚/墨魚/牛肉等主菜再簡兩款配菜 最鍾意呢啲自由配可以揀晒自己鍾意嘅嘢食藤花椒酸菜湯有兩隻辣椒 食落果然夠力度鯛魚片魚皮位煙煙韌韌 好有咬口娃娃菜吸晒啲湯好好食鳳爪排骨煲仔飯好多人叫外賣煲仔飯 要等25分鐘不過係值得嘅 個飯底真係成個飯焦好輕易咁樣起咗佢出嚟 而且冇做到好燶排骨份量亦都好多好足料紅糖糍粑一下唔記得咗要後上 初初諗住會崩壞點知放咗成個鐘食，佢依然好香脆裏面仲係好軟糯 紅糖另外上 鍾意甜啲又得，少甜又得鹽焗手撕雞呢味本身諗住會好油 點知又唔會食落係好單純嘅鹽焗味 配埋芫荽、花生、生菜因為本身叫咗每一樣都好濃味呢一味嘅感覺份外清新餐廳空間唔算好大 所以多人嘅時候會有限時㗎～

今日同friend一齊約食飯揀中咗呢間喺長沙灣開嘅酸菜魚舖頭，我地食夜晚7點半，當日雖然滿座，但都唔需要等太耐，鋪入面唔算好大，都算乾淨整潔，服務員效率都幾快。我地三個人，前菜揀左一份涼拌海蜇，主菜揀左一份2-4份既鱸魚酸菜魚，額外加配料黃喉同鴨血，另外再叫左份胡椒豬肚雞煲。涼拌海蜇28蚊，份量都差唔多，味道都正常，夠爽脆2-4人份既鱸魚酸菜魚，好大份，味道同大陸食既差唔多，不過魚片比較細片，容易碎，魚片都夠滑，無骨，黃喉份量比較少，食落都好脆口，鴨血正正常常，湯底酸酸辣辣，好開胃🤤，三個人食好滿足。胡椒豬肚雞煲，湯底胡椒味夠，又夠熱，飲落暖笠笠，以一人餐既份量黎講差唔多，豬肚處理得乾淨，雞有味，雖然唔算好滑，不過都推介凍凍地去試下。最後我地叫左兩份紅糖糍粑，一開始叫左一份，唔夠喉，再叫多份，當然好食先會叫多一份🤣

🍜街坊至愛·酸菜魚米線🍜-等出糧嘅日子 荷包要慳住慳住 呢啲時候 我通常食價錢親民嘅酸菜魚米線 - 🐟 鱸魚片/龍脷柳酸菜米線 $58-$76可以order一人份酸菜魚 實在太好 有多種魚類選擇😙再自由加餸 鱸魚片切得薄身 龍脷柳軟腍腍 嫩滑冇腥味 酸菜金湯有魚鮮亦唔會成層厚油浸喺面 酸菜又爽脆好食 難怪呢度晚晚都坐滿街坊 堂食/外賣 一樣咁旺-🥢涼拌海蜇 $28小食價錢抵份量足☺️ 海蜇爽脆有麻油香 咸花生🥜脆卜卜 如果底下嘅青菜絲🥬改為青瓜絲 咁就更好😬-🫔紅糖糍粑 $28糍粑軟糯黏牙 每條保持微温 紅糖漿香甜好味 食完第一條 真係好難停手😜-🍊凍柑桔蜜 加$10🫘紅豆冰 加$12-📍魚你相聚長沙灣長沙灣道759號

估唔到長沙灣有間咁好食嘅川菜，而且佢除咗辣嘅嘢食好食之外，佢嘅米線都超級好味我哋叫咗個酸菜魚拼米線，同埋叫咗個花膠雞煲。無論將米線放入雞煲定係酸菜魚裏面都係非常之好食。因為酸菜魚嘅話，就有淡淡嘅檸檬酸味食落去幾清爽，而花膠雞煲就有濃郁嘅雞湯味，非常滋潤。小食方面，我哋亦都叫咗好多嘢食，包括佢嘅牛肚，海蜇，口水雞同豬耳。由於佢嘅辣油係唔錯，食落甜甜辣辣，惹味又開胃，所以都好好食。而且口水雞嘅溫度唔會太冰太暖，食落都好嫩滑，幾好食。

難得放假，陪太子去長沙灣運動場伸展一下，久不久都會嚟打吓籃球。做完運動梗係肚餓啦！朋友仔提議去 魚你相聚，主打平民價錢的正宗四川風味菜式！餐廳裝修簡潔明亮，而且座位寬敞，啱晒傾偈，都坐得舒服。主打特色川菜，無論食物賣相同質素都幾高，我最鍾意食酸菜魚同埋水煮牛肉，真係唔錯。2-4人鯛魚片酸菜魚 $268 好似張枱咁大嘅一盤酸菜魚，真係十分超值！賣相好靚有特色，微辣老壇酸菜湯都好好飲，鯛魚片肉質比較爽脆，魚肉嫩滑。而且表面鋪滿左老壇酸菜，還有各式各樣的配料，大豆芽、豆腐皮、豆腐、娃娃菜、金針菇、海帶、薯仔，非常豐富，我鍾意呢個配搭，幾惹味。而且還有主食，米線和薯粉，男士們都說食得很滿足。涼拌海蜇海蜇幾乾身，口感唔錯，食完一大盤酸菜魚，我同朋友覺得口味正宗，所以忍唔住再添加小食，咬感十足同都算清新。酸辣萵筍土豆絲土豆絲配埋萵筍一齊食，酸辣味道保留得唔錯，幾清新，好開胃。裏面好多土豆絲，清清地素食都幾好食，仲可以中和油膩感。鹹脆花生花生炸得酥脆，大大粒好飽滿，鹹香滿滿的。豬膶蓮藕片今次同朋友點咗豬膶蓮藕片，配搭幾得意，本身好鍾意食豬潤，因為好有益。呢個辣辣豬膶加埋蓮藕片，辣得好入味也濃味，裏面

今日黎到長沙灣呢邊探frd，晚餐時份佢話帶我食附近一間川菜小店，價錢唔貴深受街坊歡迎。我地大概7點去到，都已經坐滿哂，好彩咁啱有人埋單我地就可以直入。餐廳有多款一人套餐，大概70幾蚊都有主菜加個飯或麵，同優惠價配野飲。我地就叫左幾款share黎食😁麻辣牛肚🐮($42) - 先黎一份冷盤前菜，牛肚幾爽口，加埋麻辣汁好開胃，份量都幾多👍🏻2人份酸菜魚🍲($268) - 毫不猶豫咁叫左2人份，估唔到黎到咁大盤😂 應該4人都夠食！上面超多酸菜同各款香料，非常惹味。我地揀左鱸魚片，煮到啱啱熟好嫩滑😋 湯入面仲有6，7款配菜例如薯仔，豆皮，金菇，薯粉等，真係超值之選！千尋臘味煲仔飯加咸蛋🥘($68) - 除左川菜之外呢度仲有煲仔飯食，天氣凍就最啱😊 叫左個臘味煲仔飯，臘味嘅油香滲哂入飯度，而且仲有好多飯焦，入口又香又脆口✌🏻

老壇酸菜湯龍利柳酸菜，228蚊份💰老壇道酸辣開胃湯，湯底用老壇酸菜熬製，配料相當多款，有萵筍，芽菜，金菇，薯粉，辣椒龍利柳切成薄片，入口即溶化，酸菜魚肉的搭配恰到好處，既能中和魚腥🤗胡椒豬肚雞煲，70蚊鍋滋補養生雞煲，用砂鍋燜製，豬肚雞肉都經處理，保留彈性，胡椒粒撒在表面，增加香氣，湯汁濃郁，入味十足，豬肚同雞肉口感非常嫩滑，食落唔油膩😃鳳爪排骨煲仔飯，68蚊鍋煲仔飯，飯粒鬆軟，帶有煲仔香氣，鳳爪排骨都經過醃製，鹹香可口，肉質酥爛，骨肉分離，食到底有一層金黃的食蕉，香脆可口，一啖飯一啖肉，滋味無窮😄😄

經過呢間長沙灣既酸菜魚幾次都見到幾多人食下，今次決定試一試揀左佢既招牌老壇酸菜魚要左生魚片，微辣呢個係2-4人份量，大大盤真係好抵食入邊有好多配料生魚片、金菇、芽菜、酸菜、薯粉等等無骨生魚片份量多，夠嫩滑真係啖啖肉👍🏻配菜份量一樣唔少係湯入面索晒味好正😚呢個套餐仲可以跟飯、薯粉、米線配酸菜魚既湯真係好夾我地另外仲試左佢地既小食涼拌海蜇夠晒爽口調味岩岩好，麻油好香鹽焗鳳瓜份量都唔少，好夠味不過佢幾特別係碎上🤣其實都幾好，方便食😆最後仲揀左個甜品小食 紅糖糍粑外脆內軟，加上紅糖漿同黃豆粉仲可以幫手解下辣😝大家可以一試價錢貼地 食到正宗四川風味👍🏻🍽 魚你相聚長沙灣道391號地下1號舖

藤花椒酸菜魚。這道菜以新鮮的魚為主料，搭配了藤椒和酸菜調味，味道鮮美獨特。藤椒的辣味和酸菜的酸爽相互輝映，讓人回味無窮。魚肉本身鮮嫩多汁，與調味料的結合更是完美。我尤其喜歡這道菜的口感和味道，每一口都能感受到豐富的層次。此外，魚你相聚的配菜也非常豐富。他們提供了薯仔、萵筍和鴨血黃喉等多種選擇，讓你可以按照個人喜好進行搭配。薯仔的香脆口感、萵筍的清爽口感以及鴨血黃喉的嫩滑口感都讓我留下了深刻的印象。這些配菜不僅增加了整體菜品的口感層次，還提供了更多的營養元素。

一出港鐵站就見到呢間餐廳經過門口已經聞到陣陣酸菜香味個肚餓到打鼓．口水都流埋見到有2-4人份量嘅酸菜魚當然試下招牌菜✨大盤酸菜魚有4種唔同魚肉選擇鯛魚口感非常爽彈嫩滑第一次見 湯底竟然有8款口味咁多仲要超大份量．好多配料呀揀咗檸檬酸菜湯帶點微辣好惹味除咗米飯．薯粉之外，仲可以揀米線✨涼拌海蜇$28超抵食，估唔到咁大碟爽口好彈牙✨鹽焗手撕雞鹹鹹地嘅手撕雞起哂骨啖啖肉．係必點嘅小食✨紅糖糍粑川菜一定要點呢款甜品外層金黃香脆．口感軟軟糯糯沾上紅糖好香甜✨紅豆冰奶茶紅豆加入奶茶之中比例恰好又唔會太甜

呢間舖頭係好出名，離地鐵站又勁近，間餐廳出咗名係主打四川正宗菜式🍲而且價錢比較平民，性價比比較高，真係好抵食。我哋試完之後真係覺得啲嘢食係全部都係超好食，份量有好多，職員嘅態度都係非常之好😄會同我哋介紹舖頭嘅菜式，會同我哋傾吓計，成個感覺都比較親民😍🌟微辣老壇酸菜魚 $268呢個酸菜魚嘅份量真係好多，一送到黎已經可以擺到成張枱，入邊有勁多嘅魚🐠薯粉，金針菇，芽菜，酸菜等😄個魚食落去係好嫩，好滑又帶點酸辣🌶️我地今次叫左小辣，又有酸菜配搭，正😄啲配菜份量都好多，入邊又煮到勁入味，可以兩個人都食唔晒🌟酸辣萵筍土豆絲 $28連埋萵筍一齊炒嘅真係第一次食😋食落去係好香辣，加咪萵筍嘅爽口，上面仲有勁香口嘅花生🥜呢個土豆絲🥔係會愈食愈惹味，真係好爽脆，又好香辣又好香口🌟紅糖糍粑 $28呢個糍粑係啱炸起，岀面食落去係好脆，入面食落去係好糯米，好有嚼勁，可以再點咪紅糖同黃豆粉，令到個有糍粑變得更好味😋更香口🌟凍鹹檸七 $5個職員推薦下就一定要試下，入面有成半粒咸檸檬🍋再撈咪個雪碧一齊飲真係又爽又解膩🍹🌟凍檸檬茶 $12