魚眾不同酸菜魚 (馬鞍山中心)

Open Now

Now Closed

馬鞍山已經唔係美食沙漠, 呢間魚眾不同酸菜魚食過幾次, 每次質素都好好！😍 分量十足大大碗😋👍👍👍🍜最推介係老壇酸菜湯, 其次係檸檬酸菜湯, 味道酸酸辣辣好嘢未🤤 另外小朋友都可以選擇蕃茄濃湯. 🐟魚肉我比較喜歡吃爽口的, 所以每次都必叫鯛魚👍喜歡吃林身的可以試下生魚片. 🥦配菜方面, 我會選擇最索湯汁的豆卜和椰菜, 還有鴨血是必叫！ 分量好多啊👍🍲另外佢哋個煲仔飯都唔錯, 飯焦好香值得一試😉😋

新開店時光顧了幾次，當時是非常美味的。但最近光顧幾次卻非常之失望。叫左酸菜魚,一飲湯無酸味，非常之啖，極之懷疑換咗廚師，如果再不正視問題去改進，我估一定冇下次。

魚眾不同終於開左黎馬鞍山，之前係啟德食過lunch覺得唔錯，今日就去馬鞍山回味一翻。其實係lunch time，但想食得滿足啲，所以叫左個二至四人份量嘅青花椒酸菜魚，一大盤魚，然後可以加一人一碗飯/米線。酸菜魚好多！稍有碎骨，整體都係滑同好味嘅，成個盤入面仲有好多料，寬薯粉萵筍薯仔金菇豆腐皮，唔洗食個飯都會好飽。個酸菜湯十分唔錯，係面頭啲油好多，不過係要多油先可以keep住個溫度。預左有味精，但食完又反而唔覺好口乾。見到隔籬枱叫左口水雞，望落好正，所以叫左，點知勁伏。啲碎骨多到一個點，雖然個口水雞味做得唔差，但太多骨，扣左好多分，奉勸各位唔好俾佢外表呃咗。

一入到間鋪覺得濕濕立立，原來冷氣唔夠，環境唔得，因為食酸菜魚一定要足夠冷氣°叫左個四人嘅酸菜魚啦，點知一飲道湯，無酸味啦，非常之喊，咁同佢反映，佢就幫我起左啲湯，換咗仍然都係非常之喊，所以唔食啦埋單，走人，一定冇下次。環境熱，不夠冷氣。酸菜魚，超咸，冇酸味。咸到冇胃口吃下去，非常失望。

魚眾不同進軍馬鞍山好似都差唔多一年，食過大概兩三次，質素都係有保證嘅最主要就推介佢呢度嘅招牌酸菜魚啦！就算係一人餐又好，或者好似今次叫嘅大大盤，足夠二至四人食嘅招牌酸菜魚，都好味道都係差唔多用嘅係鱸魚鮮嫩滑溜，好食！但係略嫌有碎骨，食嘅時候唔能夠就咁大啖大啖咬。😅$288一盤，入邊有埋配菜同埋有兩個主食，可以揀白飯或者米線其實盤酸菜魚加埋兩個主食都完全夠飽嘅。但係因為口痕嘅關係，就多手叫埋個口水雞，結果就十分之失望….🥲因為一啲都唔好食。醬料唔夠香、隻雞又完全冇雞味…外邊又好似熱熱地但入邊又凍冰冰。其實老實講句真係唔叫好過叫，所以下次黎與魚不同都係淨係食酸菜魚就好了😝

今次黎到馬鞍山，見到呢間都幾多人幫襯，等我地又趁下墟一探究竟。先揀一款主食，再選擇2種配料同湯底👱🏼‍♀️揀左生魚片、金菇同萵筍，老壇酸菜湯少辣再配米線 $69佢個米線係分開上，唔會令到個麵淋晒👍🏻生魚片比較淋身，魚味不重，抵讚係配料好足夠，湯底酸得來帶點辣，非常開胃。👱🏼揀左鱸魚片、豆卜同大豆芽，青花椒酸菜湯中辣配米線 $75鱸魚片🐟幾滑又冇骨，比生魚片更有魚味，份量大約有8-10塊，湯底幾濃味，不過可以再辣啲就更好，豆卜索哂啲湯好正😋套餐配特飲都只係+$12，我哋就叫左個青蘋果梳打，味道正常。

今日晏晝本身諗住叫幾個外賣同屋企人食，啲嘢黎到試個番茄湯，飲一啖之後唔想食😀個番茄湯係冇乜番茄味之餘 連啲牛肉都冇乜味 仲以為自己食緊豬肉，而個口水雞米線齋黎個麵連湯都冇。之後諗住打電話翻去確認下啦，聽電話嗰人 話 ： 外賣口水雞米線本身係冇湯㗎，如果係堂食嘅話都可以俾翻個湯你嘅。我當堂真係黑人問號？叫米線冇湯叫我齋啪米線？唔好話湯啦 連水都冇滴。最後呢，就係連個口水雞都冇乜雞味嘅😀真係第一次食飯 食到愈食愈唔想食，出去求其搵間茶記都好過呢間。發誓唔會再食呢間嘢，亦都會叫晒身邊所有親戚朋友唔好幫襯。

🥡疫情受控時，這家店經常要等位，一直都未有機會試。難得呢次外賣平台(熊貓)外賣自取有8折，咁我就試下啦！ 🥢🥢🥢🥢🥢🥢🥢🥢<精選牛肉+青花椒酸辣湯+海帶/金針菇+手打薯粉 $72>🥘個碗容量可媲美譚仔的外賣碗，份量都幾多。牛肉可以，外貌似手切，肉質都okay，選牛肉就不用擔心吃湯料時有魚骨。湯底方面，酸菜和花椒都幾香，喜歡吃辣的我，覺得這小辣恰到好處，開胃又吃到材料的味道。自由選擇的2款配菜：海帶和金針菇，啖啖都夾到餸，十分足料。🍜澱粉食物：手打薯粉都幾大碗，夾起這餅涼了的薯粉，成舊浸入熱湯，立即回復彈性，精神返晒！<酸辣萵筍土豆絲 $ 35.2>萵筍和土豆絲是爽脆的，但個人認為味道太濃，幾重麻辣味，沒有了開胃的清爽精神感覺。與別家不同。👻埋單發現，雖然外賣平台的自取8折左，但仍自己去買貴🤪

我好鍾意食酸菜魚，呢間可以一人一碗，自選辣度同材料，真心唔錯有幾款魚可以揀，我揀咗鯛魚片個麵分開上幾好，唔使浸到腍晒；我哋叫咗手打薯粉，爽口彈牙；或可自選配米線或白飯今次試左兩個湯底，味道正宗🐟老壇酸菜魚湯辣度為小辣，適合唔想食太辣嘅人🌶青花椒酸菜湯辣度為中辣，辣辣地幾惹味，我本身食得辣所以覺得呢個湯底好食啲值得一讚嘅係，魚質嫩滑另外加$20要左鴨血，我認為幾值得加，一來同個湯好配合，二來鴨血係切片上，幾有咬口食酸菜魚緊係要飲凍嘢啦，點了凍檸樂同鹹檸七💗👍🏻🤣

【馬鞍山• 魚眾不同酸菜魚】————————————————————————獨食酸菜魚😛平時烤魚酸菜魚都要一班朋友食呢間餐廳有一人份量酸菜魚 自己想食幾辣都得✌🏻款式多價錢親民 想食隨時都食到 唔駛等朋友配搭有七種任你揀：🐟🐟🐟鯛魚片.鱸魚片.生魚片.山城毛血旺.龍利柳墨魚片.精選肥牛湯底仲有八款揀：🍲🍲🍲檸檬酸菜湯.老壇酸菜湯.青花椒酸菜湯.酸菜金湯.香辣濃湯.麻辣濃湯.蕃茄濃湯.唔辣老壇酸菜湯一人份系列主題系列+湯底+2餸+1主食🌟鱸魚片 HKD75揀了老壇酸菜湯配豆卜生菜 主食一定食薯粉✌🏻鱸魚片大片得嚟切得夠薄 夠滑又冇咩骨 湯底鮮甜 唔會太濃味 成碗裝住好多酸菜最鍾意就係加豆卜 索晒所有湯好正聽人講一隻辣椒🌶️湯底已經好辣 但我自己ok 可辣啲🌟鯛魚片 HKD75朋友揀咗蕃茄濃湯 我覺得個湯底稀杰度啱啱好 所以我飲咗半碗🤭唔一定揀酸菜湯㗎 蕃茄湯嘅魚都好好食不過鱸魚同鯛魚片比較 鯛魚片比較爽口 大有少少骨因應個人喜歡啦餐廳環境：📸📸📸📸服務質素：😊😊😊😊😊食物味道：👅👅👅👅性價比：💰💰💰💰人均消費 HKD75 /2人✨✨✨✨✨✨✨✨✨✨✨✨✨#nkiki馬鞍山 #nkiki川菜

我和我先生都喜歡食酸菜魚，但他要唔辣我要辣，有時唔知遷就邊個時寧願唔食。最近發現魚眾不同提供一人一份系列，啱曬，一人一碗，一碗辣一碗唔辣無煩惱。鯛魚片+唔辣老壇酸菜湯+娃娃菜+白蘿蔔+米線=$75鱸魚片+老壇酸菜湯+萵筍+薯仔+薯粉=$75兩碗粉上枱時以賣相來說就唔係咁靚，因為顏色比較單調。兩碗粉除了辣和唔辣的分別外，口感也完全不同，各適其適，體現自由選擇權的可貴。鯛魚片爽，鱸魚片滑。米線軟滑，薯粉彈牙。娃娃菜軟腍，萵筍薯仔爽口。湯底方面酸得來很順喉，有魚湯鮮味；主食分開上也是一贊，避免米線浸得太腍無口感。

酸菜魚唔一定要一大盤🐟💦係 「魚眾不同」就設有一人份量的酸菜魚🍃有陣時口痕，又一個人嘅時候就可以自私食😌✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳༺ 𖤐青花椒酸菜鱸魚薯粉 $75𖤐༻ -🌶🌶⋩配菜：萵筍蘿蔔⋨💖💖💖💖🤍又名青花椒～食落除咗酸酸地仲有微微麻味，對於我呢啲食咁辣嘅人，唔算辣不過酸酸地就好開胃(⁎⁍̴̛ᴗ⁍̴̛⁎) 🐟鱸魚肉質嫩滑💖༺ 𖤐老壇酸菜鯛魚飯 $75 𖤐༻-🌶⋩配菜：萵筍生菜⋨ 💖💖💖💖🤍傳統酸菜魚味道～🐟鯛魚口感爽爽硬硬同鱸魚剛剛相反個人比較鍾意食鱸魚🐟💦不過如果鍾意爽硬嘅你，鯛魚亦是不錯的選擇🥰一碗酸菜魚可配兩種配菜🍃配一個主食🍃✐☡✐☡✐☡✐☡✐☡✐☡✐☡✐☡✐☡✐☡✐☡    ▹魚眾不同酸菜魚◃ -▸馬鞍山中心地下A03號舖◂- *̩̩̥*̩̩̥̩̩̥*̩̩̥̩̩̥*̩̩̥̩̩̥28815558꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳ 

疫情前間中都會北上食出名的酸菜魚，而且魚類係香港食一向都偏貴，所以係香港好難搵到岩口味嘅去食。不過今次朋友介紹係馬鞍山呢間酸菜魚又煮得幾好味👍🏻值得推薦坐低之後我叫咗個一人份嘅老壇酸菜湯底配鱸魚，配菜叫咗金菇，豆腐皮配白飯。大約5-6分鐘就上咗枱，上菜時間非常快👍🏻間舖啲位都幾闊落坐得好舒服。酸菜魚整體份量都好大先睇魚片：都有八至十塊，而且都唔細片，鱸魚片好鮮嫩👍🏻幾乎冇骨，魚皮位置亦爽滑👍🏻抵讚 配菜及湯底：我叫呢款湯底係有辣椒🌶️，再加上酸菜配搭，酸味同辣味都好出色，唔會有其中一隻味特別搶👍🏻相信配埋佢哋嘅紅薯粉會更加吸晒D精華🤤食完之後非常飽，可見份量十足，而且留意到有得外賣👍🏻下次會再叫一個試吓

好耐冇食酸菜魚了，今日突然心血來潮想食，於是就捉咗男朋友陪我去試吓位於馬鞍山新開無耐嘅-魚眾不同🐟餐廳好細心，每枱都放咗一盒紙巾俾客人用今次我地就每人揀咗一個一人套餐系列：老壇酸菜鱸魚片配金菇、蘿蔔、白飯 $75🐟傳統酸菜魚風味，得一種辣度，個人覺得唔算太辣，係可以接受的辣度😋鱸魚片食落好滑冇乜魚骨，啖啖肉，而且一啲都唔腥，份量都算多😍配菜揀金菇同蘿蔔真係冇得頂，索唒酸菜湯勁入味，配上熱辣辣的白飯，真係好惹味，絕配🥰男朋友唔食得辣就叫咗👇🏻👇🏻👇🏻蕃茄牛肉米線配豆卜、娃娃菜 $69🐄欣賞米線會另上，唔會浸到淋哂。蕃茄湯底味道鮮甜，而且仲會附上番茄片。肥牛片係正常質素，豆ト同娃娃菜吸晒蕃茄湯嘅精華，甜甜酸酸好開胃😍😍套餐加配特飲都係加12蚊炸😜

平時食酸菜魚都係二人份量 呢度有一人份量酸菜魚 有得自私食🤣-🐟青花椒酸菜鯛魚白飯 配豆腐，窩荀💰$75湯底fix死咗辣度 所以唔食辣嘅淨係得兩個湯底可以揀青花椒湯底雖然餐牌上面寫得1.5隻辣椒🌶️但都唔可以睇少🤣麻辣味都幾重下 一開始食唔覺得好辣 後尾越食越辣 流鼻水添🤣食得好爽 下次想挑戰多啲辣椒嘅 不過湯面都幾多油下🤪鯛魚好滑 厚薄適中 唔會食到魚骨 都幾多嚿下 不過豆腐就唔建議嗌 得兩細嚿 同好普通🤣窩荀切到好薄 所以好易索曬湯底味道！好食！可以嗌！Overall幾抵食都幾好食可以再食過！