魚眾不同酸菜魚 (君譽峰)

Open Now

Now Closed

之前吃過其他分店覺得很好吃 結果北角也開了！這次點了他們的金湯酸菜魚 我點了小辣 而去我最喜歡他們的點就是可以加不同的配菜 基本可以選兩個也可以再另外加錢店多一點 非常喜歡中午來吃

而家酸菜魚好多選擇呢間連鎖店嘅評價都好好，每日lunch經過嘅時間都坐滿，今日下午茶時間唔使排隊可以試吓！Menu上有好多選擇，除咗魚，仲有花膠雞湯，水煮牛肉，海鮮炒飯等淨係酸菜魚已經有3款魚揀店員介紹鱸魚最鮮甜，鯛魚較爽口仲有唔同嘅酸菜湯底可以選擇，自由選擇辣度今次我就試左老壇花椒湯然後可選兩款配菜，配菜種類非常多豆卜、海帶、大豆芽、黑木耳等……如果你唔鍾意食魚，仲可以選擇牛肉、墨魚等等份量都好足夠，鯛魚好啱我口味，爽口好有口感，完全冇腥味，配菜我揀咗萵筍同娃娃菜估唔到花膠湯都好出色，大大件花膠，雞件好嫩滑，份量都多架，好滋補

魚眾不同日日lunch都要排隊，係北角好受歡迎！今日終於同同事來試下佢既酸菜魚🤤酸菜魚都有一人專享午餐，仲可以揀兩款配菜 $78 份量仲好足，抵食 👍🏻⭐️青花椒酸菜湯配鯛魚片➕娃娃菜➕萵筍青花椒酸菜湯底，麻辣和酸交錯在口中，非常開胃，唔會太咸亦不會太辣，鯛魚片好滑好爽脆，口感非常好。花膠濃湯雞煲 $80 可揀配白飯/米線/ 薯粉我揀左配白飯， 雞煲個湯底色澤金黃，材料豐富，非常吸引,讓我想立刻品嚐一口。 第一啖飲左一口湯，湯汁濃郁，口感順滑鮮甜，雞肉同花膠都好鮮嫩，滿滿的蛋白質,感覺健康又補身，深深愛上它的味道。

這食店已幫襯了好幾次，今晚亦帶兒子前來。因為此店是用電子下單，故唯有使用。不知因為電子落單系統出錯還是什麼原因，原本點的不辣酸菜魚變成了加辣酸菜魚。由於本人不太能吃辣，故希望店員可以幫忙處理一下。唯不明那位店員堅持不幫忙，不停說下了單就不能換，最後還幫我多加一份不辣的魚以解決我的問題……價錢亦順理成章的加了一倍……本人最後唯有一面要求取消多下的一份“不辣”魚，一面繼續吃我的加辣魚。我想可能我的要求對於這類新型店來說是有點過份，那我下次唯有幫襯其他的酸菜魚店。幸好北角還有其他的美味的酸菜魚店可選。p.s. 剛巧鄰坐亦有錯誤落單的問題，該顧客比我更慘，被店員“教育”了一頓，說她們電子下單前不作核對是她們的責任，真係無得頂。

有多間分店既魚眾不同店內採用落地玻璃夠光猛 而座位都算寬敞餐牌選擇有招牌酸菜魚,煲仔飯,炒飯同多款餐前小食 都算幾多選擇👍🏻同掃QR code自助落單好方便🌟一人份系列試咗個一人份系列 可以自選湯底,魚類同配料湯底有八款 包括有檸檬酸菜湯,老壇酸菜湯,青花椒酸菜湯,酸菜金湯,香辣濃湯,麻辣濃湯,蕃茄濃湯,唔辣老壇酸菜湯主菜有鱸魚片,鯛魚片,生魚片,山城毛血旺,龍利柳,精選肥牛, 墨魚片 而小食配搭都有二十款可以揀 完全滿足到各人口味💯湯底揀左唔辣既老壇酸菜湯 香氣四溢酸湯鮮香美味又唔會好油膩鱸魚肉質細嫩爽滑 配上無渣既白蘿蔔,金菇同煙韌既手打薯粉吸晒湯嘅精華 好惹味😋另外蕃茄濃湯都好開胃 酸酸甜甜再配上爽脆萵筍同薯仔 🥔都好好味

🌼 首先是花膠濃湯雞配白飯，這道菜的湯汁非常濃郁，裡面加了不少花膠，讓湯汁更加滑口，而且雞肉也非常嫩，口感很不錯。配上白飯，讓整道菜更加飽足，非常適合當作午餐或晚餐。另外，我還點了一杯青蘋果梳打特飮，這杯飲品非常清新，帶有一點點酸味，很開胃，非常適合搭配辣味菜餚。🌼 接下來是酸菜湯轤魚片配薯粉，這道湯非常開胃，酸菜的味道很濃郁，湯汁清爽不膩，而且魚片也非常新鮮，薯粉把汁收了，口感很不錯。娃娃菜和豆卜的加入也讓整道菜更加豐富多樣，非常適合喜歡酸辣味的人品嘗。店裡的環境非常整潔，裝修簡潔明亮，讓人感覺很舒適。店員態度也非常友好，服務非常周到。

之前經過北角，見到呢間好大又寬躺，有落地玻璃嘅餐廳。 原來有酸菜魚、煲仔飯、炒飯，仲有花膠濃湯雞煲🤩酸菜魚在別的店都是一大盤，這裡就有提供一人份量酸菜魚，可以魚種類、毛血旺、肥牛、或墨魚片，還可以選兩款配料及主食🤩 朋友揀咗老壇酸菜湯鯛魚片/豆腐皮/萵筍/手打薯粉，一向怕辣唔敢食酸菜魚的他，這唔辣又酸酸地的湯底啱哂口味，加上魚片無骨爽脆鮮甜，薯粉又彈牙，他好滿意至於我就被花膠濃湯雞煲吸引了，湯底濃厚膠質重，飲落好暖胃，而雞肉亦夠嫩滑😍飲品菠蘿梳打特飲跟餐只需加$12

我個friend最近好想食酸菜魚，今日專登同佢去咗北角間魚眾不同，佢哋嘅花膠雞湯同酸菜魚真係好正，好開胃🤤花膠雞湯好滑好鮮，仲有好多膠原蛋白，好滋補啊！雞肉都好嫩啊，味道好好，係啱啱好嘅湯品! 真係啱晒做嘢辛苦嘅女孩子!酸菜魚就更加唔得閒，魚肉新鮮嫩滑，湯汁都好正，酸辣味道啱啱好，加埋豐富嘅酸菜同其他配料，口感好豐富，好開胃咁。如果你鍾意食酸辣菜，咁呢道酸菜魚絕對係你嘅最愛！總括嚟講，魚眾不同酸菜魚係一間非常值得一試嘅湖南菜館。佢哋嘅花膠雞湯同酸菜魚好正好味，好食又有湖南風味，必試！

ʚ 魚眾不同酸菜魚 ɞ成日經過見到呢間酸菜魚無論裝修設計或者名都好特別，今次終於有機會黎試一試。ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 老壇酸菜湯鱸魚片·凍檸茶一人份餐份量都好多，可以揀2款配菜同1款主食，揀左金針菇、萵筍，好吸湯爽口，湯底揀左老壇酸菜魚湯底，酸酸辣辣好開胃，魚片都好嫩滑，薯粉吸曬湯汁，煙煙韌韌好彈牙。❀ 番茄濃湯肥牛·凍柑橘密見到就好吸引🤩好濃郁嘅番茄湯，肥牛份量好多，揀左娃娃菜同豆卜，2樣都吸滿番茄湯汁，超滿足😋配白飯一流👍📍 魚眾不同酸菜魚 (君譽峰) (北角)北角馬寶道3號君譽峰地下17-18號舖

同同事lunch試吓呢間酸菜魚🐟qr code落單，揀左老壇酸菜鱸魚配米線😚仲有得揀兩款配料，揀左窩荀同黑木耳，期待滿滿～.雖然佢得一隻辣椒，但都幾辣吓🥵🔥似五小咁辣🙀鱸魚片好滑👍🏻👍🏻不過酸菜好少，酸味欠奉，同埋油左少少，米線同其他配料就正常，整體黎講有少少失望🫣.同事食果個係青花椒酸菜魚，有一串串花椒喺到，食落似麻辣多過酸辣😂.食個快飯解吓辣癮都可以一試，但就唔使特登去喇🤣

侍應實在太沒有禮貌了，沒有問一聲，直接拿著隔板塞到我檯面上，輕輕丟下一句：「搭檯」，就強行帶另一顧客入座，我環顧四周，明明還有很多空位，侍應聲稱有人訂座了，可是直至和我搭檯的客人離開，還沒有人入座那幾張空桌。結帳時也非常不耐煩，我在打開付款apps時手機有點卡，我請收銀員稍等一下，不過10秒內的事情，而且我身後也沒有人排隊或正在等候，但對方露出非常不耐煩的表情及使用帶有諷刺性的語氣質詢：「你到底要用甚麼付款方式？」總括而言，食物雖好，但服務欠佳，審慎考慮堂食，免得吃下一肚子氣，連帶食物似乎也變得不好吃了！

今日過左北角搵姑姐，佢帶左我去佢最近嘅飯堂食晏😚呢間店舖性價比極高，人均唔使$100，坐得舒服，又有熱辣辣嘅美食！姑姐無介紹錯！老壇酸菜湯鱸魚片✨姑姐揀咗食酸菜魚，鱸魚片厚肉得來唔算太實，而且好滑溜！份量都有六至七嚿，每一嚿都幾大嚿架！另外仲可以揀兩款配菜，佢要咗可以塑滿酸菜湯嘅豆卜同生菜🥬酸菜魚當然唔少得下面嘅薯粉，呢度嘅薯粉係手打嘅！特別煙靭有咬口，沾滿晒酸菜魚濃湯嘅鮮味🍲花膠濃湯雞煲✨至於我就叫咗花膠雞，濃厚嘅雞湯充滿着骨膠原🤩花膠超大塊又厚肉，除咗嫩滑嘅雞件之外，仲有啲好甜嘅娃娃菜🫶米線控嘅我，就揀咗食米線，滑嘟嘟嘅米線配花膠雞湯超好味！呢度仲有得叫咸檸樂😆好耐無飲啦！魚眾不同酸菜魚 (君譽峰) (北角)北角馬寶道3號君譽峰地下17-18號舖

食酸菜魚趨勢持續，今日行開北角匯，冇喺戈度食野，反而戈度附近搵到間食酸菜魚🐟有吾少分店，遍佈港九新界，價錢相宜，人均消費100蚊以內就可以一解酸菜魚口癮💚一人份系列有吾少人選擇，先要進行選擇4步曲。1️⃣魚片 2️⃣湯底 3️⃣配料 4️⃣主食 ✿ 老壇酸菜湯鱸魚片 $78自己揀咗老壇酸菜湯，酸菜湯幾辣🥵酸味明顯，鱸魚片每塊都大大塊，質感軟稔。配料揀咗豆腐皮加海帶，豆腐皮一條條，索曬酸菜湯酸酸mei mei好味👅✿ 酸菜金湯鱸魚片 $78酸菜金湯小辣同埋走咗辣椒，飲落就系原味酸菜湯feel💛比起老壇酸菜湯更能感受酸味。配料揀咗豆腐皮加豆卜，豆卜索曬酸菜金湯，滲出黎湯汁撈埋一流😁

平時都會經過呢間幾出名嘅酸菜魚店賣點就喺一個人都可以食到酸菜魚 唔洗次次都要約一大班人先食到😍♡ 老壇酸菜湯 鱸魚片配薯粉 $78配菜揀咗蘿蔔、豆腐皮原來都有幾款湯底可以揀 唔止酸菜湯㗎不過都係想食最出名嘅老壇酸菜湯😆餐單上寫一隻辣椒🌶️算係小辣 普通食開酸菜魚都會接受到湯底酸辣好開胃 薯粉吸哂啲湯底精華🥳鱸魚片無骨好嫩滑✨ 配菜推介豆腐皮同酸菜湯好夾♡ 花膠濃湯雞煲 配米線 $80其實配料唔算多 除左雞件同花膠之外就得娃娃菜個花膠湯底望落平平無奇 但飲第一啖就對佢改觀🙌🏻味道好濃郁鮮味😍 花膠都好大條 好滋補最後米線太多食唔哂但個湯飲哂🫶🏻♡ 青蘋果梳打特飲 $12♡ 凍檸樂 $12

近年崛起嘅酸菜魚連鎖店🐟 越開越多 終於喺港島插旗 灣仔北角方便啲終於食到🤣Lunch一人餐好推薦 環境又靚✅ 獨食都唔會尷尬😛❣️鱸魚片 青花椒酸辣湯 萵筍金菇 手打薯粉 $78有好多選擇 可以自己揀魚片湯底配料飯麵🐟🌶️🍲🍢🥬🥔鱸魚片好新鮮 鮮甜厚肉 啖啖冇骨 份量都幾多🙆🏻‍♀️萵筍金菇好夾 超級促進腸胃🙈 另外仲可以揀豆卜娃娃菜芽菜木耳😛配返飯或者薯粉都一定好食 薯粉係另上似酸辣粉嗰種煙煙韌韌🤰🏻❣️川味口水雞配白飯 $65其他lunch都好抵食 口水醬汁另上可以自己調節辣度🌶️ 好惹味我會想買個汁返屋企🤣雞肥瘦適中 仲要有雞翼 飯又好有米香🍚 餐飲凍檸茶好飲💯‼️