鮮入圍煮花膠雞海鮮火鍋

Open Now

Now Closed

之前在舊店時用餐體驗挺好的，但搬左來尖沙咀後感覺大不如前了。首先環境真係比較擠迫，地方細了很多。湯底的花膠略帶腥味，質素沒有以前的穩定。其他食材一般，正常，不過不失，只是價格並不便宜。服務一般，可能看見我們是本地人吧。相反店內其他大部分是國內人，變成網紅店了所以有差別吧

今晚同老公去鮮入圍煮打邊爐～ 入到去有個魚缸放滿海鮮，餐廳環境寛敞，而且天花板掛住以前街市舊式嘅紅色吊燈，充滿懷舊feel~~ 店員推介濃厚原隻雞煲花膠湯，大大塊花膠，而且雞肉嫩滑，重點係個湯超濃郁！ 店員千叮萬囑記得品嚐左湯先好開始打邊爐！！ 配料方面： 🔸️牛骨汁濃湯牛丸（爆汁）好juice～ 係我鐘意嘅口感！ 🔸️芝士牛丸 牛丸入面好多芝士，咬嘅時後要好小心，味道都唔錯 👆👆我地真係好鐘意食牛丸👆👆 🔸️澳洲和牛牛展肉 牛味重，有口感，味道唔錯👍 🔸️原條貴州野生竹笙王 呢個必點，超大條竹笙，吸哂D湯汁超正，無得頂！！ 🔸️鮮腐竹質感軟滑，豆味濃郁 🔸️超甜粟米🌽佢真係無呃我，粟米好甜，好好味😋

鮮入圍煮花膠雞海鮮火鍋：尖沙咀的美味驚喜位於尖沙咀厚福街8號H8 8樓的鮮入圍煮花膠雞海鮮火鍋，以其獨特的湯底和精選的新鮮食材，給我留下了深刻的印象。這裡的招牌濃厚原隻雞煲花膠湯是一道必嚐的湯底，讓我在開始品嚐打邊爐之前先享受到一碗滋補的美味湯品。湯底中的花膠滑嫩，雞肉鮮嫩多汁，一口下去就能感受到滿滿的鮮味，喝過湯底後已經有種滿足感。這裡的特級200日穀飼料牛嫩肉更是令人驚艷。新鮮的牛肉經過手切後，滾一滾就可以食用。牛肉的質地嫩滑，入口後散發出濃郁的牛肉香氣，讓人難以抗拒。牛骨髓更是一道不可錯過的美味，濃郁的骨髓味道在口中散開，帶來一種濃厚的滋味享受。除了牛肉和牛骨髓，這裡還有其他精選食材，如胡椒豬肚貢丸、油麥菜和鮮嫩荀尖片等。胡椒豬肚貢丸彈牙有嚼勁，帶有微辣的胡椒味道，增添了火鍋的風味。油麥菜和鮮嫩荀尖片則為火鍋增添了清爽的口感，讓整個餐點更加豐富多樣。在飲品方面，鹹檸七和玫瑰花烏龍茶是我推薦的選擇。鹹檸七帶有微鹹的口感，搭配著清新的檸檬香氣，非常開胃解渴。而玫瑰花烏龍茶則散發著芬芳的香氣，喝起來清爽怡人，是一款適合與火鍋搭配的飲品。

呢間餐廳都幾有人氣，星期六中午，嚟到都幾多人半只花膠雞湯（小）：鮮嫩多汁的雞肉，配上滑爽的花膠，湯汁濃郁鮮甜，都幾有驚喜！中山脆肉鯇魚骨腩：脆脆的肉質，鯇魚骨腩的滋味，咬上一口，肉質很脆！牛骨汁濃湯牛丸：濃郁的牛骨汁融合著嫩滑的牛丸，一口下去，滋味滿溢口腔，好濃郁邪惡！澳洲和牛牛展肉：嚼上一口，口感豐富多汁，肉質鮮嫩細膩！原條貴州野生竹笙王：口感爽脆，竹笙的鮮甜與野趣完美結合，帶來大自然的清新味道！新鮮淮山：清甜的味道在口中綻放，感覺好健康！日本啤酒：冰涼的啤酒，清爽爽口，微苦微甜的口感，一個字就係爽！炸魚皮:浸咗湯底之後外脆內嫩，金黃酥脆的質地，完美的口感。一咬下去，魚皮散發出濃郁的海鮮香氣，讓人欲罷不能。就咁配搭啤酒都得

今次係衝着個花膠雞湯而來嘅，果然冇令我失望呀！招牌濃湯花膠雞鍋 半隻因為我哋兩個人食，所以就叫咗半隻雞冇令我失望，一上枱倒成幾快大花膠響面頭，已經覺得好開心。職員叫我哋飲咗湯先，轉頭再幫我哋加豬骨湯打邊爐。 個湯好濃郁，飲完之後個嘴仲會有膠質黏口嘅感覺。而啲雞相當之嫩滑！因為個湯真係好正，所以我哋就帶咗響鈴嚟沾湯食。響鈴吸哂啲湯汁，簡直就係一流！ 手切穀飼牛嫩肉牛肉嘅口感好嫩滑，雖然睇落面頭好多油花，但係一啲都唔肥膩！牛骨髓今次係我第一次食牛骨髓，我覺得都幾特別！食落好滑，有少少似豆腐嘅感覺，不過又俾佢更加絲滑胡椒豬肚貢丸呢個胡椒豬肚貢丸真係真材實料！胡椒味都幾重，而且仲有少少辣辣地嘅感覺！係會想再食嘅貢丸！打邊爐當然唔少得啲蔬菜啦！

餐廳最出名就係花膠雞湯，一定要試下！📌除咗花膠雞湯仲有花雕醉雞湯、胡椒豬骨湯、沙爹湯、芫茜皮蛋湯、蕃茄薯仔雞腳湯🔎火鍋配料選擇都算多，海鮮、肉類、丸類、蔬菜類每款都至少有10個選擇🔺濃厚原隻雞煲花膠湯(半隻) ($308)先飲咗個湯之後再加清湯打邊爐，半隻雞份量好多，雞肉肉質好嫩滑🥰花膠好大塊又厚身😊湯底好濃郁，飲到雞嘅鮮甜之餘充滿骨膠原🤤🔺手切穀飼牛嫩肉 ($338)牛肉好嫩唔會韌👍脂肪分佈好平均，食落好香嘅牛味🤩食哂成碟都唔會膩！🔺胡椒豬肚貢丸 ($55)一定要試依個丸，出面好少食到💯每粒入面都包住一粒豬肚😝胡椒味好濃郁，咬落好彈牙🤤🔺牛骨髓 ($65)鐘意食內臟可以一試，口感滑身，吸哂雞湯嘅精華👍🔺鮮嫩荀尖片 ($43)食落好爽口，好鮮甜☺️🔺炸響鈴 ($48)打邊爐唔少得嘅配料之一，好脆身，無油膉味🤩吸收油雞湯嘅鮮味💯➡️ 整體Lamlam脷指數 😋😋😋😋😋 (5/5)➡️ 整體評價: 店員好貼心，會幫手剪開隻雞同花膠，又會隨時幫手加湯🥰花膠雞湯真材實料，無添加，唔係味精湯👍➡️ Encore指數 ⭐️⭐️⭐️⭐️⭐️ (5/5)

剛剛開學，趁假期去食大餐，小朋友最鍾意打邊爐，今晚又去啦😂今次揀尖沙咀鮮入圍煮，因為朋友食過花膠雞煲，話推介，我都黎試試先。我地必食花膠雞煲，好多花膠，多到瀉…..另外隻雞好肥美，一黎到賣相同香噴噴既煱，已經睇到流口水🤤湯底淺黃色，有香濃雞味。滾起左，職員提一提，可以先飲湯。個湯真係超正，飲落有小小黏口，係花膠既骨膠原，仲有隻肥雞，滾住唔會出哂油，油份控制剛剛好，香濃而不咸，真材實料，淨飲湯都抵。跟住我哋叫咗牛骨汁濃湯牛丸，牛味濃，彈牙有口感，唔似出邊街好多粉咁。脆肉鯇魚腩骨，好爽口，只係多骨，好彩啲骨都好長，小朋友食都無問題。白蘿蔔，打邊爐必食，一早放落去滾，中尾段攞返上嚟食，又淋又索晒湯味，每次打邊我都會叫。蟶子皇，新鮮彈牙，我小朋友話今餐最正係佢。和牛牛展肉，每片薄薄地，放落滾水即熟，香牛味，唔會痴牙。原條野生竹笙喎，從未食過咁大條竹笙，口感好特別，爽爽哋，又索晒濃湯。炸魚皮，好大碟，唔好咁遲先食，因為太多其他食物，我遲咗食，有點淋。我哋仲叫兩杯特飲，一杯巨峰提子梳打，一杯蜜桃特飲，雖然杯中有冰，只係覺得唔夠冰冰凍。總括：花膠雞煲必食，食物新鮮，職員態度良好，一定會再黎😋😋Yum

今天去了尖沙咀一間叫鲜入圍煮花膠鷄海鲜火鍋，環境寬敞，主打以花膠鷄為名，女士至愛😍濃厚原隻花膠鷄煲花膠湯 🐔 $308花膠湯超级濃郁，鷄隻由員工剪開，肉質嫩滑，再加上大大塊花膠，女士們至愛補充骨膠原😍手切極尚200日穀飼牛肉🐮 $338牛肉色澤鮮明，牛味濃郁，肉質鲜嫩，口感不錯😋炸響鈴 $48濃濃黃豆香味， 外脆內軟😙牛骨髓 $65白雪雪，有d似腸粉，口感鲜嫩又軟淋😝胡椒豬肚貢丸 $55豬肚的鮮味，搭配胡椒的辛香味，可以讓貢丸更加美味😋鲜嫩荀尖片 $43鲜嫩荀尖片具有清脆爽口, 口感不錯😛油麥菜🥬 $43新鲜爽脆，打邊爐必備😛飲品揀了Coke zero $18, 咸檸七 $32, 完美结束了今日邊爐 😎整體得分: 4.5/5味道: 4.5/5環境: 4.5/5🎇鮮入圍煮花膠雞海鮮火鍋🎈尖沙咀厚福街8號H8 8樓

-鮮入圍煮花膠雞海鮮火鍋-@尖沙咀.打風天果然特別想打邊爐，黑雨過後便到尖沙咀火鍋。最近先知鮮入圍煮搬到尖沙咀厚福街，諗住黑雨過後會冇咁多人，於是便Walk in一試。.但原來香港人真係好鍾意打邊爐，黑雨過後依然滿座，剛好我哋去嘅時候有一台客人埋單，等咗一陣就可以入座。.花膠雞湯(小) ($308)哩度主打的湯底花膠雞湯真係無得輸。半隻三黃雞加上多片大大塊的花膠，好足料，所以湯底好濃厚好香雞味。.湯底滾起後， 侍應會主動幫忙將半隻雞剪開。我地直接先飲2碗湯，好滿足。.飲湯後就請侍應加湯，加的係豬骨湯。因為我地飲剩一點雞湯，雞湯濃郁到加了大量豬骨湯後都仲飲到花膠雞香味。.蘇格蘭蟶子王($88/隻)價錢唔算平但真係好值得點的海鮮，好大一隻蟶子，超級厚肉，輕輕淥幾十秒就已經食得。肉質爽口細嫩， 十分新鮮，就算唔沾任何醬汁都非常好食。.澳洲和牛牛展肉($168)因為係牛展肉，所以沒有太多脂肪，同樣稍為淥一淥就可以食。食落肉質唔算好滑，但牛肉味真係好濃。.中山脆肉鯇魚骨腩 ($88)分量比想像中多，每篇鯇魚骨腩都好大件。魚皮同魚肉肉質都好爽口，夠晒鮮甜。而且如果唔多，就算唔係好識食魚嘅人都可以一

我鐘意日本嘅打邊爐，湯底係清水加一塊昆布。如果香港，我就鍾意牛乳湯底或者芫荽皮蛋。我之所以有咁嘅選擇，係因為咁樣可以盡量避免人造嘅味精湯底蓋過食材本身嘅味道。而除左牛乳湯底，其他嘅我都基本上唔會飲。 🍖 今次是呢一間好特別，喺用雞湯做湯底，而且連埋花膠一齊煲。店員推介先飲湯，咁都要比面飲一兩啖。結果上癮了。淨係雞湯嘅顏色呈現金黃，已經非常吸引。但湯真係好鮮好甜。而且個種雞汁嘅味道，一定唔喺史x生雞湯嘅味可以媲美。上面又冇多餘嘅雞油，相信師傅喺上枱前都做咗好大工程既隔油工作。我地一路飲一路食。掙扎左好耐，都唔俾店員幫我地加湯，因為加落去係豬骨湯，我地實在唔捨得雞湯嘅味道。 🍖除左響鈴，同埋菜係大路野之外，我地又特別叫左幾樣平時小啲叫嘅料。牛骨髓，比起平時食開嘅豬骨髓，一劈劈咁散開，哩嗰成條黎煮，都可以保持到實淨嘅口感，點少少醬汁，就成條鼠入個口。豬肚貢丸，我以為會用豬肚琢成好細粒，混合肉丸，點知一啖咬落，成舊豬肚彈出嚟，而且保持爽脆，好有驚喜。最正係鮮荀尖片，佢好有心機咁切到成把梳咁，咁就好似的麵條，多左好多位置掛住啲雞湯。就係咁，雞湯昇華左鮮嫩嘅筍片去到另外一個層次。 🍖手切穀飼牛，擺

濃湯原隻雞煲花膠湯中山脆肉鯇骨腩原條貴州野生竹笙王澳洲和牛牛展肉牛骨汁濃湯牛丸山根（炸麵根）雪耳杞子茶 最近成日都要ot, 想好好咁補下, 揀左間有花膠雞湯底嘅餐廳打番個養生邊爐。湯底要左半隻花膠雞, 有兩大片花膠同埋超大份雞肉。餐廳好貼心, 會俾大家影左相先再分雞肉, 雞肉大致依然嫩滑, 花膠爽脆, 食肉飲湯完先開始打邊爐。講起滋補, 當然唔少得菌菇, 見佢地有賣竹笙王, 我即刻order 左份, 黎到見到每一條貴州竹笙王都超厚, 放落湯底煮一陣吸收曬d 湯底精華真係幾好食。

以前已經聽過鮮入圍煮，但今次第一次食。無諗過尖沙咀店咁多人，book左都要等，加上等位個空間好逼，大家要有心理準備，好彩店員都好友善地安撫食客。黎得應該都係衝住佢個花膠雞湯，即使半隻份量都幾多，雞肉同花膠份量都足夠。店員建議先飲湯，再加骨湯打邊爐。湯頭的確幾出色，有雞湯既鮮甜，又有花膠個種獨有既膠質。比起一般邊爐湯底較濃，亦較有特色。娃娃菜放曬落去雞湯到煮，吸曬個湯D味之餘，又有娃娃菜既甜。澳洲和牛牛展肉呢款雖然係餐牌中比較平嘅一款，但煮完唔會鞋，有肉味又唔怕太油，OK啵薑汁皮蛋貢丸有驚喜，平時麻麻皮蛋都鐘意。牛黃喉份量好多，質地係爽脆，但配呢個湯唔太夾，如果叫麻辣就夾好多。飲品上除左一般汽水啤酒茶都有D特色野飲揀。

想食花膠雞好耐，上網睇到呢度食評好多，趁着放假，出開黎尖沙咀就上嚟試吓火鍋生料選擇好多，樣樣都有，價錢合理花膠雞煲必食！半隻雞$308，好清甜，雞味濃郁，雞好好食，花膠亦都夠淋，索晒清甜雞湯，非常出色！因為啲湯太好飲，幾乎飲晒，飽咗一半😂之後就到打邊爐嘅時間，簡單叫咗幾樣餸手切穀飼牛嫩肉（$338）牛肉大大塊，脂肪分布平均，入口軟冧牛味極濃，必食！蘇格蘭聖子王（$176）勁鮮甜又有咬口，唔使點醬更加食到佢嘅鮮味，淥1分半鐘啱啱好👍胡椒豬肚貢丸（$55），平時好少食嘅配搭，胡椒味好香，真係粒粒入邊都有豬肚手工魚皮餃（$45）本來以為係普通魚皮餃，原來完全唔同，有少少辣味，餡料彈口好食，唔係出邊食到嘅魚皮餃鮮嫩筍尖片（$43），鮮甜爽口，食完好多肉，平衡下油膩嘅感覺牛骨髓（$65），平時好少食內臟，呢個口感幾得意，如果食開內臟嘅朋友可以一試無論湯底，或者火鍋生料，質素都非常高，非常推薦！

非常洶湧澎湃嘅火鍋店，座無虛席，就算晚市九點過後都非常多人，大概等咗唔使半個鐘就有位，難怪咁多人，因為火鍋店嘅湯底真係非常正同好飲！雖然只係半隻花膠雞湯，雞件嘅份量都非常足夠，而花膠入口軟熟彈牙，以308蚊嘅湯底重包埋足湯料其實真係幾抵食，賣單都加埋兩位人頭醬料費30蚊同加一服務費。首先是半隻花膠雞湯（小）308。這一火窩的份量相當足夠，裡面有豐富的花膠和嫩滑的雞肉，湯底濃郁鮮甜，喝起來們不下來。花膠的口感軟綿，搭配雞肉的鮮嫩，讓湯的味道更加濃郁✨青檸梳打和鹹檸七。青檸梳打非常清新，擁有濃郁的青檸香氣，喝起來十分解渴。而鹹檸七則帶有微微的咸味，啱晒打邊爐飲!然爽脆牛黃喉和澳洲和牛牛展肉。牛黃喉非常爽脆，口感十分棒，搭配澳洲和牛牛展肉的鮮嫩，味道更加突出，每一口都讓人回味無窮。爆炸薑汁皮蛋貢丸內裡鮮嫩多汁，加上爆炸薑汁的調味，混合皮蛋口感，味道相當美味特別！鵪鶉蛋加入增添了菜品的豐富度，咬下去粉粉的，第一次鵪鶉蛋打邊爐真係幾好味😍

裝修有種傳統大排檔風格，地方夠大，座位闊落，設有好多卡位，仲有個大魚缸，養住各式各樣既海鮮，有order師傅就即刻撈起，保證夠晒新鮮!醬料選擇唔算好多，不過愈新鮮既食材都唔使點調味就已經好好味，而餐廳的確做到招牌上既"鮮"!招牌濃湯花膠雞鍋 (半只)🐓🎣打邊爐最緊要個湯底，除左大大塊既花膠外，仲有半隻雞，職員叫我地品嚐下個湯，湯頭相當清潤鮮美，無味精味，飲落完全唔會覺得口渴，仲有膠質感。花膠唔止大大塊，仲有成六件，塊塊都口感軟腍，富膠質，相當滋補。職員仲會好細心幫我地剪雞，雞肉長時間既燉煮，依然鮮嫩。手切殼飼牛嫩肉 🥩🐮牛肉油花分明，口感鮮嫩肉味濃郁，放入花膠濃湯灼十幾秒，肉味齒頰留香，令人一試難忘。蘇格蘭聖子王 🐚🏴󠁧󠁢󠁳󠁣󠁴󠁿極度新鮮，送到黎仲識郁，職員仲主動幫我地灼，灼到甩殼就食得，正如上面咁講，靚食材根本唔使咩調味，點少少豉油就食得，肉質滑柔嫩，卻帶爽脆, 味道鮮甜。手工魚皮餃 🥟🐷餃皮煙韌同帶魚肉既鮮味，豬肉餡料新鮮，厚身爽滑，岩晒打邊爐。牛骨髓 🐮唔係間間打邊爐餐廳都有，不過佢其實營養豐富，高蛋白、低脂肪，仲含豐富鈣質，坊間有傳有壯陽壯腰既功效。今次呢個原條牛骨髓夠晒新鮮，