Video
7-min walk from Exit A2, Mong Kok MTR Station
continue reading
Telephone
21513523
Opening Hours
Today
08:00 - 03:00
Mon - Sun
08:00 - 03:00
Above information is for reference only. Please check details with the restaurant.
天氣涼涼地，即想打邊爐，有人提出個更好的建議，係蒸海鮮鍋加火鍋。蒸海鮮鍋確是久違了的玩法，可吃到海鮮的原汁原味，猶記得當年潮福帶起熱潮，做到連開分店，無人不曉。蒸海鮮鍋再加埋打邊邊，一次過滿足兩個願望，我當然沒有異議。近入口位有大魚池，各式鮮活海鮮，琳琅滿目，非常生猛。瞄一瞄餐牌，只可說是時光倒流價，印象中十數年前潮福都唔止呢個價位。吃蒸汽鍋又好，打邊邊也好，總要有嘢飲才夠爽。啤酒汽水以及竹蔗茅根水等在放外面的飲品櫃，全部任飲，悉隨尊便。一開波先有盅湯，是夜的烏雞湯真材實料，估唔到食呢啲都會有靚湯飲。飲完湯，開始品嚐蒸海鮮。跟當年的玩法一樣，有人會幫你控制晒時間。先來的活海貝，沙白、花甲開張口，隻隻鮮甜細嫩，不用添加任何醬料，吃原味就是皇道。接下來是龍蝦，每人半隻，雪白的龍蝦肉已說明了一切，用叉將肉撬起，大大啖咬下去，滿足。之後可自選四款海鮮，我哋揀左蠔、蟶子、扇貝及鮑魚。先講蠔，個子唔細，夠晒飽滿，咬落去好鮮美。有專人控制時間，蟶子保持爽脆唔韌，蒜茸粉絲蒸最為正路。如果俾著我自己搞，好可能會過晒火。扇貝同樣嫩口，就連鮑魚也沒有過韌。一輪海鮮過後，再來兩款丸類，梅菜蒸豬肉丸，以及鮮蝦丸，個人比較喜歡後者，質感彈牙好吃。食埋個蟲草花蒸雞，便可以進入另一環節，打邊邊！先選湯底，為顧及不吃牛的朋友，要來了清湯羊肉鍋。同一湯底可分兩隔，抗拒牛肉者自己淥埋一邊。再講，個湯底比想像中好，有粟米又有羊肉，無揸流攤。牛羊豬一盤過，食肉獸見到實滿足。羊肉帶肥脂，著實不差，但作為牛魔王，最愛還是吃牛肉。菜蔬呀，公仔麵呀，放在外頭任取，但吃至此時，正常人都會無晒食力，拿兩兜菜回來已經好足夠。當然唔會忘記個粥底，吸收晒海鮮既精華，自然鮮甜到一個點。最後的甜品是棗皇糕，若你不喜歡中式糕點既話，外面亦有雪糕俾你任食，必定餵飽大家既甜胃。肯肯定又是飽到上心口既夜晚。
continue reading
蒸氣石鍋本是廣州一帶的食法，鍋上面蒸肉，下面熬粥，不浪費任何肉汁的食法相當聰明。食法引進香港後，餐廳將設計改良，及迎合香港人愛吃海鮮的口味，主打蒸氣海鮮，另外更同時可用另一鍋打邊爐，共有八個招式。一個價錢可左右逢源兩者兼得，啱晒我們今天的朋友晚飯聚會！餐廳入面有魚缸，讓食客看到各種不同海鮮，像龍蝦、蟶子、鮑魚、活蟹等等，全都很新鮮生猛。今次來到，當然要吃夠本：第一式「養生滋補燉湯」，蟲草花雪梨響螺燉豬𦟌，湯清澈鮮甜無味精，食材精華全跑到湯頭裏，先用熱湯滋潤一下：第二式蒸「生猛龍蝦」及「活海貝盛盆」，不用擔心蒸得過火，因為有專人幫手睇時間，服務貼心。新鮮龍蝦游水即撈出來，開邊用少許蒜蓉吊味來蒸，肉質爽實甜美：花甲及海白熟後一隻隻張開笑口，食材新鮮，自身味道已夠鮮甜並帶天然鹹味，夠爽夠甜：第三式可自選蒸海鮮4款，有「鮮活鮑魚」、「活乳山蠔」、「鮮龍躉件」、「生猛海蟹」、「鮮元貝」、「活海生蝦」、「鮮魷魚」、「活大蟶子」。我們選了鮑魚、龍躉、元貝及蟶子。龍躉肉相當結實甜美，是吃得出的鮮活：元貝蒸後肉質鮮甜彈牙，元貝自家的汁水甜美，必吃：蟶子與粉絲混入蒜蓉，吸收了濃烈香味，再加入蟶子鮮味，蟶子肉爽，粉絲好吃：蒸大連鮑魚完全沒有調味，證明店方對海鮮的新鮮程度有信心，完全吃鮑魚的鮮味及爽彈口感，出色：第四式「蟲草花蒸文昌雞」，文昌雞肉滑溜，蟲草花有益之餘肉汁也可吊起粥底味：「梅菜蒸豬肉丸」及「自家制鮮蝦丸」，前者鹹香後者鮮味彈牙，亦非常欣賞店方的丸子全是自家製，誠意十足：第五式另一邊爐頭可自選火鍋湯底用來打邊爐，有「皮蛋芫茜鍋」、「冬瓜海白鍋」、「清湯羊肉鍋」、「蕃茄牛腩鍋」、「清湯/麻辣鍋」及「清湯/鴛鴦鍋」。我們挑了「清湯羊肉鍋」，用上黑草羊來燉湯底，裏面已經有大大件的滋味羊肉，建議未打邊爐前先品嚐湯底及吃湯料。第六式「手切牛頸脊」、「黑毛豬豚肉」、「羊肉卷」，集合三大美味一大肉盤用來打邊爐，肉質均非常鮮嫩，肉味香濃，且各有特色：第七式有數十款火鍋配料，可自取任食，一般的火鍋生料都齊備，份量與款式多得誇張！吃到這裏我們已經很飽，但忍不住都品嚐了炸魚皮、水餃、牛丸、出前一丁及美麗得像盆栽的蔬菜等等，大滿足：飲品方面，有幾個大型雪櫃，全是不同罐裝飲料，烏龍茶、花茶、果茶、汽水等全部齊備，像一間便利店一樣！重點也是全部任取任喝，這樣的好處是乾淨衛生，我們各人也可取得自己的心頭好飲品。第八式「南瓜鮮排骨粥」，在未放食物在上蒸之前，南瓜、排骨及米先放在鍋底，任它慢慢煮吸收精華煮成粥。之前吃的蒸海鮮和肉熬出的肉汁，都滴進排骨粥底，令粥的味道變得多元繽紛，一個字，鮮！最後還有即蒸「養顏紅棗糕」及任食雪糕，講明這個壯丁也食到很飽足。人均 HK$368 加一就可以吃到如此正及多的海鮮，再加高質任食打邊爐，真的是性價比超高，非常抵吃！一個和朋友們歡聚，飲飽吃足的晚上，絕對值得推薦給大家。
continue reading
野食幾新鮮，但間餐廳有d神奇，我們一家人11人訂左台去食晚市，一開始係比ig宣傳「無限時蒸氣火鍋放題」吸引去食，無了解得咁清楚，以為坐低蒸氣海鮮同火鍋都係任食。嗰日去到坐低冇人介紹點食法，自己同屋企人睇住張紙研究左好耐大概明白個玩法係乜嘢啦，但係都有幾個位唔明就都係去問呀姐，原來海鮮係定量5係任食，但火鍋嘅肉(要叫職員落單)同外面d丸菜等自己拎嘅就任拎，覺得都正常嘅，邊有咁多海鮮任食比你呀，諗住火鍋嘅肉可以再加都好正。開始食啦，食蒸氣海鮮之前個職員放低再2個火鍋湯鍋同埋d牛豬羊肉係張大圓台(我們坐房)，我們見佢冇開個爐，我們都好乖冇去開佢，諗住跟下佢個餐牌一行一行咁去食，首先喝左湯，之後就係蛤蒸好，一路食d海鮮都新鮮，就係有d慢同埋龍蝦有一半蒸5熟要返蒸，我們睇左下覺得有d奇，點解咁慢？一望出大廳，知道咩事啦，人地2個人食用1個蒸氣鍋，我們11人食都係1個蒸氣鍋，心諗火鍋個鍋都比2個，點解咁重頭戲嘅海鮮就得1個鍋？我們因為真係好肚餓，就開左個鍋諗住煮住肉食住先，一開鍋個呀姐已經叫住我們，話未食得火鍋住，我們重有其他餸未食，我們同佢講我們真係肚餓，5會食5曬，佢就冇出聲，我們心諗其實你5想我們咁快食火鍋，都可以體面d，5放d肉同個鍋係張台度未得，點解要咁樣引我地呢？因為真係好餓，我們都照食火鍋，食完個3碟肉d海鮮都未得，就叫佢再落2牛1羊，等左好耐都未見上肉，海鮮又未蒸好，就出左去拎丸菜咁，等到海鮮都食完，到蒸雞都上埋都未見有第2碟肉上過台，呀姐話落左單，廚房未出姐。等到最後粥都上了，先見到後加嘅1碟牛和1碟羊，真係好有趣呢！5諗係火鍋放題嘅話都可以去試下
continue reading
呢間火鍋店嘅環境都幾唔錯，燈光夠光猛，枱凳擺放得幾整齊，坐得都幾舒服。講返啲嘢食啦，先講嗰盤肥牛卷，望落去雪花紋理勁靚，好似一幅藝術品咁，幾秒就熟，入口即化，肉香四溢，不過同啲高檔嘅日式壽喜燒嘅肥牛比，呢度嘅肥牛油脂香味就冇咁濃郁。再睇嗰碟拍青瓜，青瓜切得幾均勻，上面嘅蒜蓉醬汁調得幾惹味，酸酸辣辣好開胃，不過青瓜有時會有少少唔夠爽脆，可能係切開之後放咗一陣嘅緣故，同街邊啲專門賣涼拌青瓜嘅檔口比，就差咁啲口感。仲有嗰碟豬手，滷得幾入味，軟腍腍又唔會太爛，咬落去啖啖膠質，不過份量就有啲少，對於我呢啲食肉獸嚟講，真係唔夠喉，同啲大排檔嘅滷豬手比，雖然味道唔錯，但性價比就低咗少少。總體嚟講，呢間火鍋店嘅食材都幾新鮮，味道都算唔錯，環境都舒服，就係有啲小瑕疵，不過平時約埋朋友嚟打邊爐都係一個唔錯嘅選擇。
continue reading
記得曾聽說「只要食材新鮮，就算只是清蒸，已非常美味！」今次好友約去食蒸海鮮，忽然就想起這句格言，對這裏的食物質素，也自然有所期待。先看價錢，平日星期一至四，只要$368/位，星期五至日及節日假期，也只是每人加多$30，真是非常超值！除了大廳外，店內還有幾間Vip房，喜歡多一點私人空間的，可考慮一下；魚缸內放有多款不同的海鮮，難怪食材可以這樣新鮮了。食物有8式分類，分別係燉湯、龍蝦、貝殼、4款自選海鮮、文昌雞、梅菜豬肉丸、蝦丸、豬牛羊3款薄切肉、湯底、多款火鍋配料、南瓜排骨粥 及 紅棗糕，重有多款罐裝飲品任飲 及 雪糕任食。今日的燉湯是「蟲草花淮山燉烏雞」，味道濃香且滋潤，藥用價值也是頗高；據說蟲草花有滋肺補腎護肝、降血壓等功效；烏雞含有大量蛋白質，膽固醇含量極低，是高蛋白、低脂肪的滋補食品。新鮮的沙白及波波蜆接著登場，味道鮮甜味美，更帶有少許海水味；記得等佢一打開口便要盡快夾起，免蒸過熟。海鮮 8選4，我們選擇了Q彈的鮑魚、大大隻的山蠔、鮮甜的元貝及爽嫩的蟶子，加上指定的龍蝦一齊上，場面震撼，每一款海鮮也非常新鮮，而且不會太細隻，真係食完也飽了一大半。文昌雞上枱時，每一件已切到大細適中，蒸好後肉質鮮嫩，口感彈牙還保留一定肉汁，很是不錯。味濃的梅菜豬肉丸及Q彈的蝦丸接著上場，味道也很好，每樣一粒，食完也沒有什麼負擔。湯底6選1，最後我們選了清湯羊肉鍋，其實和羊腩煲相差不遠，餡料有紅蘿蔔、粟米、馬蹄、羊肉等，味道同樣出色，但就沒有正常濃郁，用來打邊爐反而比較適合。(朋友非常細心，知我不吃牛肉，特別叫侍應換個鴛鴦煲盛載，感激！)多款火鍋配料包括有蔬菜、粟米、冬瓜片、響鈴、雞蛋、南瓜片、本菇、芋絲、魚皮…等等，任攞任食，但這刻大家也吃到差唔多，反而想食返啲葉。最後不要忘記還有之前放在蒸籠下的「南瓜排骨粥」，在吸收了之前蒸海鮮的精華，粥底變得非常鮮甜香濃，每人剛好有一大碗，滿足。飲品和雪糕同樣以自助餐形式任取，咁我唔客氣啦。總結：多款海鮮也非常新鮮，而且數量也不少，真係食完海鮮也接近飽了，連加一也只是四百多少少，真心抵食；唯一缺點，位置有點隔涉，由旺角地鐵站行過來，差不多要10分鐘。#蒸海鮮 #蟲草花淮山燉烏雞 #鮑魚 #山蠔 #元貝 #蟶子 #龍蝦 #梅菜豬肉丸 #手打蝦丸 #清湯羊肉鍋 #南瓜排骨粥 #飲品和雪糕 #旺角 #塘尾道61號#鮮味蒸滾鍋地址: 旺角塘尾道61號 1樓電話: 21513523
continue reading