鳥元炸雞專門店

Open Now

Now Closed

雖然筆者經常在荃灣出沒，但卻一次也沒到過悅來坊逛街。這天看牙醫後，一人肚餓覓食，心血來潮決定來這邊留條腳毛。進入門口的1樓都是服裝店居多，食店在B1層。而筆者就被扶手電梯旁邊的這間炸雞外賣專門店吸引了。看看收銀機旁邊的炸雞模影山，口水直流！當時是下午茶時間，茶餐相當便宜，定價都是三十元內。放在一旁的日本汽水更是相當吸引，尤其有富士山造型的那支，所以忍不住加錢換購了。炸雞原來是即叫即炸的，非常有誠意。熱騰騰的炸雞，吃上第一口，雞油已滴滴欲下，邪惡卻吸引！雞肉juicy嫩滑，非常香口，吃完一件想再encore。章魚燒就普通。表面灑上超多鰹魚碎絲，外層未至於是粉團，裏面會有一粒章魚，不過香氣欠奉。還是炸雞比較出色！最後以一支富士山汽水作結，成就了一餐豐富的下午茶餐！

荃灣周圍都唔少美食，呢間鳥元都唔例外。入到去，門面有站立式餐牌，先點餐付款，後拿食物。餐廳裡面有高臺同平時用餐既餐桌，比到我地一種ho relax又民間既風味。食物主要分兩種，一款係小食，一款係主餐。小食包括章魚燒，炸雞等等，而主餐就有手打烏冬同飯。我就試左炸雞，鰻魚飯，溫泉蛋同黑豚肉咖喱飯。炸雞即叫即炸，炸醬唔會太厚，好軟熟。鰻魚飯好好味，鰻魚唔會有骨，正。溫泉蛋既味啱啱好，蛋醬唔會過熟或過生，值呢個價。

見到呢間近又少劣評，於是抱一試心態黎試下！1.食物咪道：炸雞好香、唔會太多油咖哩雞飯好濃厚枝茶真係茶味，無落糖2.餐廳佈置：簡約，有熊本熊公仔、日本飲品，望落好可愛。

食完拉麵，行經過見到炸雞又想食，緊係再叫一份黎share啦！本身想就咁叫一份四件既炸雞食既，但因為見到佢有下午茶餐，可以試多啲野。所以我地揀左一件炸雞加一件南瓜薯餅既tea set，再加一字手羽同糖心蛋（因為岩岩得半粒，唔夠分）。佢所有野都似係新鮮炸出黎，特別係炸雞，唔似放左好耐既貨仔。一咬落去鮮嫩多汁，肉又厚又香，粉又唔算太多，好正！一字手羽一份有四條，將雞中翼中間分開一半，方便進食。呢個雞翼同岩岩既炸雞一樣，都係肉嫩多汁。南瓜薯餅都幾大塊，入面有南瓜蓉同少少南瓜粒，比出面單純只有南瓜蓉既薯餅相比，呢個更好食同有口感，而且感覺唔會太油膩。糖心蛋過熟左少少，不過都浸得夠味，都ok。雖然係有少少貴，但佢炸雞真係好好食，要翻兜！

今次黎左呢間立食既日本炸雞店，雖然話係立食，不過都有幾張高檯櫈坐下既，D人多數都係外賣走見到佢個飯好吸引，18蚊就有個芝士忌廉雞皇飯，可惜尋日我已經食過，所以今次只能試其他野黎到必試既就係佢地既炸雞，炸雞冇骨而且舊舊都好大件，炸得好juicy多汁，一D都唔乾，又唔會死鹹，真心好味另外仲叫左佢地既芝士春卷、芝士蝦餅同榴槤炸彈，春卷同蝦餅都勁香芝士味，炸物新鮮熱辣即炸，夠曬脆口再叫左份雞肉沙律，好大份，但價錢相對出面平好多，勁抵食！除左價錢相對出面夠曬平，而且質素都真係唔錯，經過既都推介過黎一試！

下午茶食咩好，又唔想食咁多，又想同朋友傾下計，電話又無咩電，行過見到依間店有免費充電位，有小食叫，仲有d高椅，我地就入去試下。🔻元祖鳥元炸雞$38啲炸雞係落左order先去炸,大約等左10分鐘。炸雞的確唔錯，d皮炸到又薄又脆，唔會好似連鎖快餐錦落過多調味粉去遮d雞肉雪氣味,細細件容易食d炸雞應該係用雞髀/雞扒肉,帶有d油脂, 所以d肉質先唔會乾, 夠juicy, 又彈牙~ 🔻流心芝士蝦餅$22炸物係即叫即炸，所以黎到熱辣辣，咬下去芝士係牽絲ga,仲有個蝦膠唔腥好彈牙🤣不過得一件就d小貴。

套餐A 咖哩飯加炸雞咖喱飯醬汁濃郁不太辣又不太咸撈飯食口感不錯好惹味令人一啖接一啖! 黎到烏元當然唔少得主打美食炸雞, 每件雞都係即叫即炸的, 所以等候的時間比較長, 每件雞表皮都好脆,雞肉好滑唯一美中不中是炸雞沒有加配醬汁,味道有點單一。 北海道南瓜餅好足料的內涵咬落啖啖南瓜蓉 口感有點似炸薯餅 整體來講不錯 烏元一字手羽即叫即炸味道同炸雞口感差唔多,但雞肉比炸雞滑芝士蝦餅店主極力推薦的蝦餅 可以不負眾望 一咬開有啖啖的芝士, 表皮脆卜卜, 加上內涵的蝦肉好彈牙, 果然冇介紹錯!餐廳裝潢簡單樸實的小店,落單處周圍都擺放不同的動漫公仔,仲有一個防真度極高的炸雞擺設感覺幾特別, 另外吧枱位都有幾個免費充電的插座,可以邊食邊幫手機充電, 店主真貼心!

今日同朋友係physical做完gym，好肚餓，又突然好想食炸野，咁岩行到panda hotel，見到有呢間鳥元，話係炸雞專門店，即刻就忍唔住入黎試下！門口大大隻字寫住，好易搵，menu都放左出黎，一目了然。鋪頭唔算大，但好有japan restaurant既feel！呢到係叫完野食先入去坐，等叫號。有幾個炸雞set，唔錯，可以食多啲唔同野，又唔會太貴。入門裝修都幾有心機，仲有得比客人免費叉電。炸雞好大件！仲好juicy，炸完唔好好乾身，炸粉都唔會落得太多，整到好油好厚粉，抵讚！我地叫個set仲有鰻魚飯同牛肉飯。牛肉飯牛肉好足，入面係肥牛，加埋啲牛肉汁，好食！鰻魚飯就不過不失，如果多少少鰻魚汁就好啦！個set仲送2罐coca cola，汽水配炸雞，基本啦！

我同周一腹叫左兩個炸雞餐，我食忌廉芝士雞飯，佢食咖哩黑豚肉飯，仲加左芝士春卷。先食個飯，忌廉芝士汁比較稀，但係幾香，食唔到芝士味；周一腹話咖哩黑豚中規中矩，係平時食到嘅咖哩，我覺得醬汁同飯嘅比例剛好。芝士春卷同餐牌上一樣咁幼，我鍾意佢地相片夠誠實😂，可能就係幼，食完都唔覺膩。炸雞新鮮出場，炸雞比我想像大件，皮脆肉嫩多汁，調味唔會太濃，講真，如果同隔離老伯雞比較，鳥元贏七條街啦（話九條街就誇左少少）。

在大窩口附近，食肆較集中都算係悦來坊，這店位於悦來B1層，KFC隔籬店舖唔大，雖然係立食店，但都有高櫈枱，同一張4-6人餐枱哩度有幾款午市套餐，主要係兩件炸雞+飯+飲品，由$42-$72，視乎飯配咩餸今日叫左個炸雞，和風牛肉飯，可樂$48和風牛肉飯，裏面有洋蔥，幾片牛肉，淋上牛肉汁，味道有啲似吉野家牛肉飯，好食，都幾大碗雞係即炸，所以落單後，大概要等數分鐘，雞有兩大件，外面有薄薄炸粉，入口好脆口，好入味，肉質唔嚡口，仲幾滑同好juicy總括嚟講，食物幾好，價錢都合理

最近都留本區活動多呀～係時候發掘下有咩平靚正～於是乎就去咗熊貓酒店樓下嘅悅來坊，發現有一間新開嘅快餐式日本鋪頭喎！店面唔算大，但裝修又幾有風格喎！仲有得叉電添，啱晒機不離手、電話耗電量大既朋友仔🙈🤣 全日套餐幾抵食！嗌咗黑豚肉咖喱飯～ 咦！比我想像中好食，味道濃淡適中，係我鍾意嗰隻咖喱味～兩件炸雞新鮮炸起，熱辣辣外脆內肉汁多👍🏻！ 口痕仲嗌多咗個北海道南瓜餅～又係新鮮炸起出面好脆脆，入面係南瓜蓉，好食呀！😍 鍾意飲茶既小妹就梗係揀佢純手工制嘅茶，細細支即飲或拎走都方便呀，又無糖～唔錯！

要數喜歡的炸雞店, 這家係我點名之一🤤🤤🤤雖然唔係第一次買這裡的炸雞, 但其美味令我不禁在這裡推介👍🏻👍🏻👍🏻它的炸雞套餐係抵食! 飯加上炸雞連飲品都只係38蚊炸雞係佢既招牌, 即叫即製, 所以外皮係超脆口, 皮薄肉嫩仲好juicy炸雞件件大塊, 入口的滋味更是倍增忌廉雞皇飯, 濃郁的忌廉, 又香又creamy, 絲絲嫩滑的雞肉, 新鮮奉上, 飽肚美味的選擇👍🏻👍🏻另加的小食─芝士春卷, 原條芝士即炸, 滿口濃香的芝士令人難忘的美味

又黎到熊貓，今次食炸雞～ 有set嗌、有單點～落完單等野食可以見到店員即炸食物，店舖雖然唔大，但擺滿公仔同figure，感覺良好。呢隻炸雞山船好吸引！！ 仲有好大隻kumamon！！ 可能因為係平日下午，店內唔full，可以舒舒服服慢慢食。聽到店員之間講台式國語，可能係台灣人，仲播住國語歌，好relaxing！因為不想飲汽水，所以轉要這支冷泡茶，跟套餐只需加$2，真係好抵，平時茶餐廳凍飲都已經要加$3啦！冷泡茶入口清清的，配合食炸雞非常match！🍴黑豚肉咖哩飯睇上去好似好少，但其實份量唔細，入面除了有豚肉，仲有薯仔、紅蘿蔔、洋蔥，咖哩汁剛剛好，唔太多又唔太少，而且唔會太鹹。🍴元祖鳥元炸雞+北海道南瓜餅主角黎喇！！Order完是即炸的，所以等候需時，等既時候可以飲住支茶同食住個飯先。攞既時候店員貼心地提醒要小心食，因為好熱！一攞埋嚟已經聞到好香！炸雞有兩大件，炸到金黃色，望上去已經好脆！一咬開真係好脆，卜卜聲，更驚喜是入面的雞肉有很多肉汁，係爆汁嗰隻！！雞肉十分嫩滑，果然係佢嘅signature！！南瓜餅一塊雖然要$16，但其實好大塊。望上去已經好吸引！ 咬落表面好脆，入面好足料，好多

最近出街都頭痛去邊度比較方便，尤其地鐵開門時間都唔多穩定既情況下，我同老婆都prefer去d 比較近屋企既區食下好嘢。今次去咗熊貓酒店樓下既一間日式炸雞店叫鳥元。個裝修都比較causal少少，有d高凳比客坐下可以傾下計食下雞，仲有個插電為比我呢d唔帶尿袋既懶人帶來安全感。今次食嘢就叫咗d 睇落好食既餐。一個係和風牛肉飯+炸雞+汽水，份量同味道都合理，重點炸雞都熱辣辣所以都ok滿意。另外鰻魚飯+炸雞既組合都係水準之中，一樣炸雞係重點。除此之外，我地都手痕叫咗個一字雞翼，都係新鮮炸起，所以建議大家可以先食咗炸雞後食其他嘢咁樣就唔會miss最佳時間。總括黎講，地點算就腳，價位平易近人，好適合街坊或者學生黎食個飽。

屋企附近有呢間炸雞，開淨喺KFC隔離，咁我平時都有食開KFC，間唔中都會留意吓呢一間叫炸雞店，不過平時都係貪快就係會食返KFC。咁今次我就比較夜少少先去呢個商場度食飯，咁就得返呢間炸雞店仲開緊，咁我就試試佢啦。咁我就用$60買咗一個餐啦，咁有一個飯，同埋一個炸雞拼盤，仲包一杯汽水。咁講返個食物質素方面，個飯其實真係冇乜特別，食落同KFC嗰啲差唔多。但個炸雞就真係好過KFC嗰啲好多，因為佢啲炸雞食落就好多汁，感覺上比起KFC嗰啲新鮮好多，不過當然就冇KFC咁大件夾抵食。雖然個價錢就冇快餐店咁平，但質素相其實都對得住個價錢，如果大家食都冇乜好食嘅話其實都應該過嚟試一試，支持下啲小店。