鳥元炸雞專門店

Open Now

Now Closed

今 (18-10-2019 Fri)晚同老公出街食飯,我哋嚟悅來坊搵嘢食,由於我唔太餓,記起呢喥有間日本嘢食,就睇睇先,呢喥主打炸雞,套餐係2件炸雞加唔同嘅飯同可樂,亦有沙律同小食,我哋要咗:3. $28.00嘅有機羅馬生菜沙律沙律菜新鮮冇問題,芝麻醬開稀咗 ,不過都仍夠鹹.味道: 4分2.$42.00嘅北海道芝士忌廉雞皇飯,炸雞套餐北海道芝士忌廉雞皇飯,熱騰騰,忌廉汁好多但都幾稀,味道唔多夠濃,雖然係咁,但都竟然好食過肯得基啲.味道: 4分炸雞,係買咗飛後至開粉漿炸,熱騰騰同脆,雞肉仍嫩,唔錯.味道: 5分1. $22.00嘅榴槤炸彈一客兩件,整好後攞時,店員提醒小心熱,我哋都攤咗一陣至食,外面開始唔太熱,但內裡嘅榴槤依然好熱,真係會燙咀.而佢嘅口感係外脆內腍,成個都幾特別. 味道: 5分其他:之前同老公經過,見到要立食,但今晚嚟到,見到有凳坐,咁就好啲.

話說同我家老佛爺去悅來食完拉麵就走去行 AEON 幫助消化一下, 臨離開聞到一陣好香既炸雞味….基於我媽對炸雞係零抵抗力的, 所以二話不說就跟住香味走埋去…元袓鳥元炸雞 $38/4件 ~ 超級香! 店員表示用上美國雞腿, 食落會爆汁所以要小心…..所言非虛! 好香好滑堅爆汁, 一般炸雞只得外層有味道, 但呢個炸雞係連雞肉本身都有味道, 醃料滲透入雞肉內, 雖然用雞腿但完全唔肥! 我本來想影低有幾爆汁, 但係成手汁都係唔掂部電話喇…另外要多粒 “流心芝士蝦餅” $22/1件 ~ 份量十足…爆芝流心, 芝士味淡淡的, 唔會太搶 Fo, 外層炸得香脆, 咬開看得見一粒粒粉紅色蝦肉, 真材實料! 加 $10 有冷泡茶! 店員表示茶葉來自日本, 經過6小時冷水浸泡, 怪不得全無苦澀味, 比起一般冷泡茶味香濃幼滑! 註: 店員好 Nice

經過悅來酒店，發現樓下商場開了好多食肆，於是入去看看有甚麼好嘗試，這晚揀了鳥元炸雞專門店。餐廳賣點是炸雞，不過，亦有其他美食供應，故不吃雞的話，也無須擔心要再找地方開餐。元祖鳥元炸雞一盒共有四件，即叫即炸，需要稍等一會。雞塊大大件，外邊非常香脆；雞肉經過醃製，帶點鹹，不需額外調味料，已經夠滋味。炸雞必定是即叫即食才夠好味，要打算外帶回家的話，則需要注意時間。還叫了一客北海道南瓜餅，南瓜味道香，入口即溶，是另一個美味之選。

想食，但唔代表要粗食。炸雞好多，但唔係間間好食，最出名過間好嚡，假期入唔到過間無調味，當然之前都介紹過間細舖，但今次唔順路。開係名店隔離，唔明商場租務點解俾，美國勢力 vs 日本勢力，加上個場靜，早期真係無生意到唔敢食。而飲食男女厲害之處就係話停極都仲有，係餐廳都寫但次次都帶起到一輪生意。因為真係有料，所以客就留咗落嚟。黑豚肉咖哩飯，雖然食炸雞，但都有主食，套餐有唔同飯配炸雞，加罐可樂，飲其他就加錢，依個飯係最平之一。俾完錢接近即有，個碗細又得一半，但料多，基本紅蘿蔔加薯仔，重點係黑豚肉，日式咖哩唔太辣，俾得夠，飯自然係珍珠米，軟棉，幾好食。和風牛肉飯，貴少少，份量接近，牛肉片比例都多，比出名過間嚡少少，味道再淡咗少少，但飯感好，所以食落都覺唔錯。炸雞，食完大半飯先炸好，個盒大就一次裝哂四件，每件都幾大塊，以跟餐嚟講無得輸，加上即叫即炸，熱辣辣，皮脆薄，油香，肉幼滑，微調味，但都唔會覺味淡。最底過舊油少少，亦影響唔大，仲已經飽到唔太想食，唔怪得個飯梗細。

慘慘又抽到返夜既地獄更😵可幸既係晏開工仲有時間嘆下Lunch Hea一陣🙇🏻‍♂️趁未被打落地獄前去吃個最後的午餐先🙈位於荃灣悅來坊既鳥元炸雞🍗雖然距離地鐵站比較遠🙇🏻‍♂️🙉🚇但有「天空之城」之稱既荃灣可謂四通八達！趁有時間行下鬆一鬆☺️由大窩口站B出口沿天橋行過黎都算方便😆呢度環境暴走東瀛風路線🇯🇵😆周圍掛滿唔同日式風味既擺設同布簾之餘😆而周邊亦放滿各款日式酒類十足居酒屋風格😆🇯🇵讓客人置身於日本地道居酒屋既感覺⛩☺️元祖鳥元炸雞炸雞沾上份量剛好既炸粉炸香🐔🔥食落唔會太厚粉之餘😋炸得剛剛好唔會太過燶乾哂身☺️食落肉質都算滑嫩Juicy的😋🐔黑豚肉咖哩飯黑豚肉既脂肪比例剛好唔會話太肥膩之餘☺️炒得有微微鹹香亦唔會太燶🐷🤤以洋蔥配料炒香既豚肉亦中和肉味無咁漏😋配合濃郁滑香既咖哩汁拌飯食更是一流🤤🍛Perfect Match😋🍴

2019.9.30(星期一)今日趕住去荃灣上堂，打算快食KFC，見到隔離開左呢間炸雞店，忍不住要試試。套餐好抵食～同朋友叫左一個炸雞配鰻魚飯餐同炸雞配和風牛肉飯餐，另外再加多鳥元一字手羽。值得一讚的是店內居然要免費充電位置提供，可以邊食邊補充電池量，十分方便！和風牛肉飯的肉量都算適中，口味亦不錯👍🏼友人的鰻魚飯都很不錯！作為快餐速食一d都吳hea~!果真如店名～炸雞真的是此店重點招牌，雞塊炸得皮脆肉嫩，一咬下去大大啖肉，好juicy，又好夠入味！鳥元一字手羽亦同樣出色，炸得香脆可口，肉質鮮嫩。總括而言，這間店的炸雞好出色，作為速食快餐絕對是很好的選擇。

夜深突然之間好想食炸雞，諗住同男朋友去食雞啦結果比我見到一間小食店。本想用少啲錢唔食咁貴所以就入咗嚟呢間小食店食啦。我哋叫咗炸雞、雞翼、榴槤炸彈、芝士春卷、沙律，同埋一個老闆話就岩岩出嘅芝士蝦餅。因為樣樣都好吸引所以叫下叫下就叫咗咁多啦⋯首先芝士春卷係勁好食呀，唔同一般用嘅芝士，佢呢隻芝士係鹹香味極重嘅。啱啱一開始第一啖食嘅時候覺得：嗯⋯正正常常咁啦，不過脆卜卜幾好食嘅。但當我咬到去有芝士嘅位，原來我低估左呢間小食店！佢係嗰種越食越想食嘅邪惡芝士味！而基本上呢度所有炸嘅嘢，都係即叫即整所以脆卜卜！雞翼同炸雞嘅雞肉都係十分之滑嫩而多汁嘅，亦都唔會因為佢平所以好細粒。而榴槤炸彈唔使講啦，爆漿榴槤味重；炸到熱辣辣😻不過我身邊嘅另一半就好歧視我食咁囉，證明呢舊嘢係真係榴槤味好勁㗎！而沙律呢就份量亦都好多嘅，我最鍾意嘅係佢用嘅菜比較靚，同埋食落都好新鮮！另外值得一提嘅係老闆好似係台灣人，個人好親切同埋好得意😂😂

今日去開大窩口，去到悅來坊個邊行街見到有間小店叫做鳥元，啲炸雞望落好似幾吸引，價錢又好抵食，今晚就食佢啦！入到餐廳發現啲裝修都幾別緻，睇嚟老闆係個動漫迷。我叫左個炸雞加咖喱黑豚肉飯套餐，都只係$38好抵食，個飯嘅size唔會太多，好適合女仔食，但又夠足料，有大量紅蘿蔔、薯仔同豚肉粒，而咖哩汁亦煮得入晒味，平心而論呢個價錢有呢個質素真心不錯。另外就係主打嘅元祖鳥元炸雞，炸雞夠熱辣辣，外脆內軟，肉質多汁唔會太乾，果然係炸雞專門店。跟餐仲送汽水，$38一個餐有咁多野簡直係超值！

一時興起想食炸雞，喺荃灣悅來坊行街嘅時候咁啱見到呢間鋪頭，就即刻入咗去過一過癮基本上所有套餐都會包兩件炸雞，而且價錢非常抵！啱晒細食但係你又想食炸雞嘅時候嚟食真係冇得頂我就叫咗個牛肉飯，牛肉多汁而且住得好入味，牛肉味好香！朋友就叫咗個黑豚肉咖喱飯，唔係好食得辣嘅佢覺得個咖喱辣到啱啱好！而且唔係嗰啲即食咖喱嘅味道，真係真材實料嘅咖喱我哋仲叫咗流心蛋嚟食，估唔到都係整得一樣出色，大滿足！重點角色係炸雞，舊舊炸雞都炸得好juicy！而且唔會食到成口都係炸粉，真係舊舊都有雞味

行街經過 味道都幾香 加上店前餐牌價錢都幾平就入去試吓 有機羅馬生菜沙律 黎到都幾大份 沙律裡面有幾種沙律菜之外 仲有車厘蕃茄同粟米加埋芝士碎 旁邊仲配埋芝麻沙律醬 生菜好夠新鮮 咬落仲好爽脆 一啲雪藏味都冇 車厘茄又夠甜 清清爽爽禁好開胃北海道芝士南瓜餅 餅外面係用麵包糠作為炸粉 所以 咬落唔覺得有粉漿 南瓜餅裏面仲見到有南瓜 完全係自家手作作品 南瓜餅中間嘅芝士味道唔算好濃 但係都食到芝士既鹹味 配埋南瓜既甜味甜甜鹹鹹好好食 拳頭大嘅南瓜餅 食到呢度已經飽咗一半我同朋友分別叫咗 黑豚肉咖喱飯同忌廉雞肉飯 足料味道唔太濃 本人覺得啱啱好 而個飯底係日本既珍珠米 所以 食落都好甜 而且份量都唔少 元組炸雞件 係呢度既招牌菜 係叫即炸 店舖係開放係廚房設計 完全見證佢地處理炸雞 雖然係即叫即炸 但係都係等左10分鐘左右已經有得食 咬落去鷄件都好入味 粉唔厚 咬落好大啖肉 啱晒食肉獸 一啲都唔鞋 仲有肉汁 正最後 我地叫咗冷泡茶 無糖清清地又有少少回甘 飲茶嘅一定唔好錯過整體 一個餐有兩件雞一碗飯加杯飲 都係$50有找 性價比高 只係 地方比較細 只可以小班朋友相聚

[ 鳥元炸雞專門店 (荃灣)］ .荃灣悅來酒店商場入面，估唔到有間幾好食既炸雞😆😆。店舖細細地，有小量位置坐。主打外賣，我食既時候都好多人叫外賣😁。.🍴 炸雞套餐 $38 炸雞兩件+咖喱飯+飲品。本身都冇太大期望😂，點知一咬，好多汁，張相好清楚😆，睇到！而且雞好嫩滑。外皮吾會厚。.🍴咖哩飯係日式咖哩既味道，裏面有紅蘿蔔，薯仔，肉。正常味道唔會話好濃味嘅咖喱。.🍴鳥元一字手羽 $22有四件單骨雞翼，份量就吾多嫁啦😆如係22蚊兩隻雞翼🤣。不過！佢既雞翼都偏大隻。就算佢單骨都好，肉都吾會太小。同樣地佢個雞翼都炸得幾好味😆一樣有多汁效果！

成日係呢個商場行，都見到呢間小店，佢係賣炸雞，仲要做係KFC隔離，真心諗佢會唔會做唔住，抱住呢個心態，私決定試下佢係咪可以做得住。結果係 。。。。。好味過 KFC！好有日式風味，大大個招牌，不過店員好似係台灣人，台控ge我聽得出！價錢唔貴，買票個陣已聞到好香炸雞味，店鋪好多玩具，店鋪細細，入面既枱吾多，但就好多細節位。好貼心有比X超胃我部電話充電！叫左個牛肉飯套餐，同吉X家比，佢地D牛係滑D，無好似吉X家全都係肥肉，抵讚。炸雞真係好好味，新鮮炸，雞肉唔干身，咬落去超多肉汁，超juicy, 味道一流，食完好想再食，但記得要等佢凍少少先食，唔係就一定熱親。支持小店！

中午想去悅來KFC買炸雞做午餐，見隔離開咗間新店，叫元祖炸雞，決定轉呔試下，哩度中午有幾個套餐，選咗個元祖鳥元炸雞加和風牛肉飯，個飯唔大碗，牛肉飯個汁有啲似吉野家的味道，好好味，炸雞2大嚿，真係好正，炸粉好薄，炸得好脆、香口，同好juicy，成個餐只$46，仲有一罐汽水，唔錯。

呢間小店好有驚喜 因為d炸物真係好正，所以我一定要打返個好評 比呢到既食物 環境 同埋店員 ,首先我地需要去到櫃面叫野食 店員十分友善 ,好好笑容，落完單之後就等叫number ,我地坐低左發現一個細心位 有我free charge ,勁貼心，可以比電話無電既人係食野期間差下電見到呢到環境都好特色 地方雖小，但枱同枱之間隔左足夠空位 , 原先念住堂食 ,點知原來叫左外賣叫外賣會用戶戶送既紙袋 哈哈呢個鰻魚飯好味，份量亦多，鰻魚汁好多，成個飯都會有，鰻魚好滑 ..再黎我地叫左南瓜芝士餅 ,超出色，平時日本放題都會有類似呢款既炸物出現，但係呢到真係好吾同 ,炸粉吾厚 ,但非常脆口 南瓜味同芝士味好夾，芝士仲要係流心，一個份量有手掌咁大 ,真係好正我地仲食左雞翼同埋炸雞件 ,炸野同樣出色好驚喜，因為炸粉外脆吾膩，雞肉仲有好多汁必出黎 好正最後流心蛋一隻 ,我load 落個飯一齊食 ,成個飯變得好有蛋香味 .勁推介呢間小店 大家快d 去試下喇

今日同朋友去左荃灣悅來坊，突然之間好想食炸嘢見到呢間了鳥元 ，望到餐牌價錢吾貴 食物都好吸引 ,所以我地就決定試下店入面既枱吾多，但好細心 ,亦有免費充電位，我地今日因為趕時間關係叫左外賣係車到食 ,如果吾係我都一定留係店食 因為環境好舒服同好靚要先到收銀叫左野食 ,店員我聽得出佢地口音 應該係台灣人黎 超nice ,首先我地買左4件雞翼，雞翼炸得超好，吾會乾，咬落去仲有好多肉汁，而且每隻都係單骨雞翼 食得好方便仲有兩件雞塊 同樣炸到黃金色同埋估吾到佢係咁大舊 開頭睇menu 以為好細舊 點知係咁大同咁正仲叫左一個芝士炸紫薯餅.芝士味好濃厚 ,仲會流出黎 ,無得頂既小食呀我仲叫左一個鰻魚飯 ,份量多，一大盒 價錢合宜 ,醬汁都好足夠 ,最後仲叫左隻流心蛋 用黎load 落個飯到 ,成個飯有埋蛋香味 一流一流 .我見呢到menu 食物種類吾算多，但每樣都好吸引！！！.