鴻利住家菜

Open Now

Now Closed

早前有同事相約一齊吃lunch同事介紹呢間餐廳地方小小，但估唔到食物高質！當然要試試餐廳的鎮店之寶「濃湯生魚鍋」魚湯好好飲，魚肉好滑又無骨！係一條骨都無！另外亦叫了「蟹肉兩食」有蟹肉雞煲及蟹膏炒飯雞件好滑，蟹肉好入味！呢餐飯我哋每個人都食到好滿足呀！

頭先我去左呢間野食呢個2人餐 我成日去 但第一次食呢個餐佢第一樣餸係黎左半隻雞咁我哋食食下 事頭婆話我哋食錯左隔離枱隻例牌雞叫我哋補錢我話唔接受 我完全唔知2人餐隻雞係幾大阿姐擺低個陣 我哋有問係咪2人餐既雞阿姐話係 我哋先食係你同事比錯我 點解係個客賠償跟住成餐飯 所有職員不停單單打打又話我哋偷左碟雞又話我哋咁大個人唔識分跟餐定例牌我完全無諗過一路食一路咁樣比人鬧後來愈聽愈離譜 事頭婆話唔得呀 要比2人餐既錢 + 半隻雞既錢 真係不知所謂！！

【元朗區】【鴻利住家菜】入到嚟元朗水邊圍呢邊，已經唔係好似幾年前咁同啲學生周圍食嘢，而係同皮蛋哥、林洪哥嚟呢間老牌客家菜食飯。皮蛋哥已經唔係第一次嚟，所以駕輕就熟咁坐低咗。事頭婆介紹 $128 嘅「魚雜湯」，話係新出，餐牌冇。講到咁掂就叫個嚟飲吓，落咗薑同埋胡椒辟腥之下，成碗嘢只係保留返魚嘅鮮味同埋魚雜嘅少少腥臭 feel，係好正。而且，香港好似比較少機會接觸魚雜，多數都係牛雜同豬雜。而我覺得呢個「香港代表」，實力都不容小覷。主菜我哋叫咗個 $208 嘅「二人套餐」，有一份「霸王雞」例牌，啲雞整得幾滑，調味都唔錯，加埋成件事幾好。而菜類就叫「炒芥蘭」，幾好食嘅。小菜方面叫咗「椒鹽豬扒」，有啲花生醬加上去咁嘅 feel，食落好邪惡。個餐仲有兩碗「白飯」，不過本身我都唔多好，食半碗就夠，反正之後仲有 $88 嘅「潤腸排骨煲仔飯」。呢度啲煲仔飯聽講一直都唔錯，但今年引入咗自轉機去控制火候，反而令個飯濕咗啲，但條潤腸都係咁正。埋單 $416，抵食。。。（地址：元朗媽廟路永發大廈24號K號地舖）#1amfoodie #foodie #hkfoodie #thatfoodiething #hkfo

中午時間餐牌無常餐，問完跟午餐一樣要$55，叫左碗雙蛋米，黎到先知無多士問個時又唔講無多士，得一碗粉佢咁樣肯定生意興隆，財源滾滾來啦傻仔做一次就夠，無第二次咁樣收$55，良心會唔會覺得痛架？

呢間係水邊圍村既茶記，成日經過，但唔知點解又唔會想試。可能因為間野太舊式，又可能因為間野早餐時間比起隔離d茶記都特別少人氣，今朝鼓起勇氣一試，坐低見到關公像，果然傳統味茶記。點左個豬軟骨米線配蛋周熱奶茶，原本個餐牌唔見有包，對於大食既我應該唔飽，一問之下姐姐話比埋我，唔知係特例定屋村街坊既隱形共識。43蚊，包係好食，即叫即整，麵就少左d,好彩姐姐送個包比我，唔係實唔夠飽。豬軟骨抵讚，因為而家出去食既港早都少左呢個選擇,就算有既，都覺得做得好hea,有肉無骨，或者好材好少，呢度做都啱啱好。整體黎講，個餐有包既話我會再幫襯

今日叫咗個外賣星洲炒米同埋乾炒牛河好大碟，份量好足好多叉燒，啲叉燒好靚，炒得好有鑊氣乾炒牛河都係好好食，入面有好多牛，一啲都唔姑寒呀👍🏽👍🏽👍🏽凍奶茶夠晒好飲，喺面前沖推薦🙌🏻🙌🏻🙌🏻

上次食完口水雞之後對鴻利住家菜念念不忘就諗不如試吓霸皇雞（$69包飲品同飯）冇諗過咁足料，好多蔥同芫荽，大大舊雞好用心製作❤️枝竹斑腩一樣好好食（$52包飲品）凍奶茶&凍鴛鴦一樣好好飲

今日突好想食口水雞諗起鴻利都有就試吓佢口水雞整成點好大份😍60幾蚊有一盒雞+一盒飯都幾抵 有啲辣佢整法應該係冇加花生但都好好食會再幫襯 好多雞😍枝竹斑腩飯都好好食果然每一次都冇失望下次再試其他服務態度很好

蝦醬蒸腩肉即叫即蒸 ❥等20分鐘蝦醬味道非常香腩肉好有咬口😋仲有好多薑絲同紅椒絲 好香好足料的確好有住家菜嘅感覺♥老闆娘話唔夠腩肉所以有一半轉咗做排骨都係好好味😋但我最愛都係蝦醬蒸腩肉✿♡̆̈飯🍚粒粒分明🍚好香 軟硬適中✦凍奶茶好好飲 每次必叫📣('ᴗ' )و☻價錢 $91 (晚餐)❀份量夠2人食

2021年3月24日與蔡家姐到鴻利住家菜撐枱腳招牌係霸王雞(半隻)$110肥美肉嫰，連雞胸都滑的，必食。台式蚵仔煎$75普通嘅蠔仔煎餅，扣分係因為我食咗好多啖都有蛋殼碎。蝦醬通菜炒牛肉$68夠獲氣，牛肉處理得幾好。椒鹽豬扒$75一般嘅椒鹽豬扒係爆炒炸蒜頭，呢一道改為用花生醬，第一次食，花生醬同豬扒都好夾，豬扒肉嫰，我就鍾意食，如果唔鍾意食花生醬就唔好叫呢道菜，我家姐就唔鍾意，所以只係食咗一件，最後由我全部包底。我覺得佢唔應該嘅椒鹽豬扒，叫爆炒花生醬豬扒會好啲，等人地唔好誤會係用避風塘炒法。

📪又是介紹元朗的街坊食肆，鴻利住家菜的早餐，對我而言，很豐富和飽🔰喜歡吃五香肉丁(🖐🏼香🍖🛎)米粉，附件要餐肉和煎蛋🍳，蛋是即煎的，喜歡其新鮮和熱；肉丁質量也OK，唯獨對我來說是中辣(坊間一般的肉丁都不會太辣，但這店的是幾辣)，所以每次都將辣油舀起😆🔰還有一件好吃得很，新鮮熱烘的花生醬🥜厚吐司🍞，香濃的花生醬鋪滿吐司面，一口咬下去，鬆軟的包質即時回彈，就連不愛吃麵包皮的我，皆因吐司皮也烘得薄脆，三角吐司瞬間便放進肚子⚠️有點注意，由於該店的空調很大，故冬天早餐時段不會開啟的，那麼，若坐近後門附近的卡位，便嗅到遺留的煙味😐

呢間餐廳食物款式超多樣化，而且全部由老闆親自下廚，除左一般港式茶餐廳的基本菜式品質有水準更有多款秘製菜式，早餐秘製炸醬米線🍜必食，跟餐送兩個自選餸（五餐肉、火腿、雞蛋、菜心、芝士腸...）又有吐司🍞香濃咖啡，一個禁豐富又美味早餐只收$38至於午餐必食非一般椒鹽豬扒，金黃色豬扒入口鬆化椒鹽未中帶有鹹蛋黃味，令人回味無窮晚餐有雞煲、火鍋、小炒都好夠火喉，記得問侍應拿Menu，Menu內有套餐價錢更實惠

平時來都係吃小菜，今日凍凍地最適合吃羊腩煲，負責揸鍋鏟嘅姐姐話佢哋係自己成隻羊買返來，挑選最靚部位來煮羊腩煲，湯底係魚湯，同出面用柱候醬正嘅真係好唔同，吃到鮮味，而且啖啖肉，唔肥膩，兩個人吃加一碟菜剛剛好。

今次要說的是「生炒排骨飯」，以小店來說，弄得好味，吃得滋味，好味在於外層弄得微脆，小排骨容易入口，甜酸度剛好，醒胃中午除了有碟頭飯外，還有小菜跟飯的選擇，這店的蒸烏頭也是不錯的該店平日中午的用餐時段，非常多人，差不多座無虛席，且大多數是男性，無他，皆因味道得，份量足，所以這麼多男性光顧同事們也因為我的介紹，才知道這店的食品挺好，他們也不時光顧溫馨提示😉：由於是小店，許多時需搭枱，尤其是繁忙時段。不設外賣送餐服務

啱啱搬入元朗周圍搵嘢食，終於揾到一間好味嘅住家菜。中午有碟頭飯，大大碟好抵吃，回鍋肉、新鮮蒸魚、蔥油雞都係必食。晚餐都吃過幾次，小炒鍋氣一流，不但味道無得彈，而且夠大碟，兩個人叫三個餸都要打包走。冬天一定要試下羊腩煲同水煮魚，不過要約埋一家人或一班朋友先吃得曬。