鴻利茶餐廳

Open Now

Now Closed

我因工作關係平時都會叫附近（直徑200米範圍內）外賣，咁平常我呢邊好多餐廳一個外賣半小時左右都可以黎到啦，垂不知呢間鴻利我比了三次機會，佢三次都超過45分鐘以上，45分鐘我由你。我比機會你，今次竟然去到一個小時先送黎，大佬我勞工階層飯鐘得一個鐘，你黎到我仲有半個鐘食飯….都唔緊要！香港地有邊個唔辛苦！大佬你黎到比盒冷飯我算點？終於真心忍唔到 要打出黎！！！辛苦得黎自在食！呢間鴻利無下次！平時啲野已經唔好味，我見你近諗住叫你地外賣。我抵死？

今日雖然係星期六但係都要返工真係好慘， 唯有早啲起身出門口食個早餐先。 架車路過寶鄉橋突然發現原來呢度有間茶記未食過， 於是特登早一個站落車試下呢一間茶記睇下好唔好食。 打開個餐牌見到都係普通茶嘅嘢啦冇咩特別， 有阿姐見我睇咁耐佢就問我要唔要試下呢個精選早餐， 呢個早餐都幾抵34蚊， 竟然有兩塊大扎肉仲有豬扒， 在包埋一個米粉同埋包仲有一個火腿奄列， 其實咁大份我真係食唔曬嘅。 嚟到之後見到個包看得幾靚仲飛埋邊， 分厚多士嘅鬆脆到啱啱好， 凍檸茶嘅茶底都唔錯， 小甜真係少甜。 依間都可以考慮再食過

對本人說……茶餐廳不只是一個填飽個肚就鬆人的地方，亦同時須要快、廉及同聲同氣！ 鴻利真的達不倒這四項基本要求。 首先，份量雖然大份但由於味道欠佳，跟本難以把食物食清光，因此無法另我有飽肚的基本滿足感！ 若然叫凍檸檬茶少甜的話，你只會品嚐到苦澀味。 因為我懷疑他們時常用隔夜茶來做茶。食物不能夠稱得上快。 跟其它茶餐廳比較，閒閒哋一個餐都要等成十分鐘或以上左右。你幫襯過你就知不廉！ 無須長細批評。食物等得耐都謂向餐廳內的員工投訴因為他們只會燶口燶臉對住你說 "嚟緊啦！"老實講，行多幾步通街都是茶餐廳， 為何自己攞嚟賤幫襯他們！？

今日同朋友係大埔食晏就，大概兩點去到，朋友點左常餐....而我就點左銀芽肉絲炒麵...訓醒就好想食呢個！ 賣相都ok...顏色比較淺左啲...唔會好咸。 重點係個麵，首先麵底要脆，又要淋....要適中....不多不少咁。 呢個麵拿捏都幾好...中間部分淋淋地....而旁邊係脆既...啲汁唔會太咸..本人唔好肉...反而覺得肉絲太多lu..如果少返啲會更好.... 加埋杯凍檸茶...一流...最尾$45 埋單

星期天，我們如常地前往大埔購買生活的所需。時正午餐，而我又不想老是去同一間餐廳茹素，於是太太與我分道揚鑣，她去她的素食小館，而我就選擇了旁邊的一家茶餐廳，是日的午餐/午茶，各至各食。選擇這一家《鴻利茶餐廳》的原因就是不想走太遠，大家都想快快吃好，再去買餸買菜，到外婆家接小兒回家。點了下午茶的炒河粉，是一個乾炒豬頸肉河粉，問我美味嗎? 這一個茶餐廳熱炒只是普通，鑊氣雖夠，但味道不均勻，色澤亦不夠深，再者，肉的大細不均等，一邊的肉大大片，另一邊的肉只是微細的碎粒，有點點不歡。奶茶，雖然是我食飯必要之物，味道濃是好，但不夠滑是一個致命傷。味道普通的茶餐廳，本來都沒覺得什麼。但是日用上的服務員，很像完全不懂服務的。當中有一個紫髮少年，甩甩漏漏，接了客人order之後忘了入單去廚房，寫錯檯號.....另外的幾併說是負責跑外賣的宅男也只懂做外送，連幫忙收檯也不願做，沒事就躲...唉!!! 而家啲後生.....

住係大埔咁耐都未黎呢度食過，今朝同女朋友黎試下。叫左個精選早餐同埋一個魚柳厚多士早餐。兩款早餐賣相都不錯，魚柳是新鮮炸起香脆可口，可惜煎蛋的蛋黃穿了……精選早餐是炸菜肉絲雞肉米粉配火腿奄烈厚多士，味道還可以只是多士上牛油太少，吃下去根本吃不到牛油味。我問侍應姐姐可否給我一點煉奶，姐姐話“無得加喎”，我試下再問第二個姐姐，答案同樣係無得加。我覺得舊區茶餐廳比大型連鎖食店的優勢就是那份人情味，我在大埔墟茶餐廳經常都叫侍應姐姐多牛油加練奶，通常都不會被拒絕。現在小型食店要面對大財團食店的挑戰，服務還是這個水平實在很難抗衡下去。我去大X樂叫個早餐多多練奶都可以拎

最近搭巴士時，發現了這間餐廳。今早尊登來試下佢地既早餐。 都算抵食同勝在夠方便，因為門口就係巴士站。食物方面，早餐OK 啦！同埋都好大碗夠足料。【雪菜肉絲米 ＋ 餐肉煎蛋＋牛油厚方包】﹣ 雪菜肉絲米： 好夠味，不夠唔知點解湯內會有小蝦米在內，所以有D蝦米味道，有些怪怪地。但都算OK既。﹣ 餐肉煎蛋： 可能時間關係，餐肉好似一早煎定，所以有些冷了既油在面，影馨了整體味道。 煎蛋不錯， 可惜不夠蛋香味，是原材料問題。加上，一般茶餐廳算係咁啦。﹣ 牛油厚方包： 唔錯，牛油都塗滿包面，係溶晒既牛油，所以牛油可以滲入到麵包既內層。我最怕既係有D茶餐廳比一塊方便牛油磚你，但係麵包係冷既，根本溶唔到D牛油。這店這方面做得幾好。【豬排出前一丁 ＋ 火腿煎蛋 ＋牛油厚方包】﹣豬排出前一丁：好大個碗。點解要用咁大個碗呢？不明。不過，一見個碗已經有一種莫明既餓足感。不過，好在佢地用翻出前一到既調味同麻油。不過可惜係因為佢地用了過大既碗而強行將湯水加多，做成味道不夠。 豬排也是一般般， 調味不夠。

之前取過張宣傳紙，見到早餐選擇很多，就去一試~叫了餐肉蛋、厚多士、豬扒米+熱奶茶 ($23)好多茶餐廳食扒類食品都會貴d，但呢度大部份早餐都係$23，都幾抵食~多士剛烘好，熱辣又鬆軟，餐肉同蛋都是即煎，係荼記先會即煎，如果去大x樂就咩都整定哂~豬扒米: 塊豬扒都幾大塊，仲剪開一件件，方便進食，雖然薄左d，但都ok la~隻碟兩隻雞翼係家人比埋我食，因為知道我最鐘意食煎炸食物了，但雞翼細左d，調味仲過鹹，not good如果咁啱經過大埔，都可以試下這間茶記，至少唔會等餐死都仲未入坐丫奶茶無乜茶味，奶多，一般la~

依間茶記早餐唔錯的，就去試埋佢哋既TEA~叫左牛肉片酸辣米線+凍檸茶配料有酸菜，芽菜，豆卜，牛肉片仲有好多添，不過D米線就少左D，但係食埋D配料就啱啱好，唔會過飽的，酸辣米線味道都幾好，可以一試的~杯檸茶係不秀剛杯裝的，好大杯好夠凍，熱天飲一流~

一大清早，想儘快消除餓意，看到此餐廳套餐有特色，便走了進去。以個人惠顧港式餐廳的經驗，感覺此店的選擇很多，不同的食客大概應可選到一款適合口味的，是次選了火腿煎蛋牛油厚多士、雞翼米粉配熱菜蜜。烘炸物香口、肉嫩、不油膩，其他如火腿、煎蛋、米粉屬標準水平；菜蜜濃淡適中。 上菜合時，服務員亦注意食客的情況，感覺體貼稱心。一直坐著吃著，怪不得看到乘客不斷。吃過此早餐，感到滿足，再積極展開一天的行程。