鴻昇餅店

Open Now

Now Closed

前排上網介紹尼間舊式麵包店嘅蛋撻🥧今日經過筲箕灣諗住買黎試吓啦。其實我偏好酥皮底，但係尼間既曲奇餅底非常有驚喜😳餅底好鬆化🍪滿滿牛油香味🧈蛋漿嫩滑🥚不過蛋味唔太香濃🤔新鮮出爐嘅時候熱辣辣♨️仲散發出淡淡嘅蛋香味😋$4一個，有呢個質素👍🏻性價比十分高‼️

買得多反而貴咗！！！2024年4月17號下午經過見佢啲老婆幾新鮮，佢個牌寫住十五蚊三個，但係就冇話一個幾多錢，咁我就話要買四個，我諗住比廿蚊佢應該啱啱好啦，點知佢回應第四個要計五個半，吓…我又唔係要分開袋，況且佢係一大盤放喺度，又唔係三個一份份擺喺度，又冇牌講明單價係幾多錢一個，正常嚟講十五蚊三個就係等於五蚊一個，我而家係買超過三個，又唔係買兩個一個，咁第四個有乜理由要收貴啲？呢啲乜嘢銷售方法？？？

好好食啲白方包，可以揀有無皮。軟身有少少韌度，略有少少甜味。四片可以一次過食哂🤣🤣唔知仲有冇生日蛋糕可以買下，有興趣試下。連鎖店嘅麵包店既方包無咩麵粉味，呢啲就有，有香味。

尋晚去咗間筲箕灣嘅麵包鋪，不經意間發現佢哋家嘅蛋撻，嘩，真係令我心心眼🤩！個皮酥脆得嚟又唔會油膩，一啖落去，個牛油香四溢，真係得嘅好正！蛋漿部分滑溜溜，微微嘅甜，啖啖滋味。至於啲菠蘿包啲，脆脆嘅頂層同松軟嘅底，清新得嚟有咬口，啖啖香，幾有回味。食完蛋撻仲意猶未盡，一路行一路食，啲味道簡直喺噏唔停口。呢度嘅麵包香氣四溢，每一口都好似帶你返去童年噏街市買麵包嗰陣時。食物嘅味道，唔止喺口福，仲攰埋時間嘅味，真係好正！間鋪頭嘅麵包價錢平，真係居屋友易入手，街坊來買嘅多，人氣勁旺。提起來都興奮，下次仲想試埋其他款式，希望下次又可以同大家分享更多勁正嘅小吃！轉角嘅美味，真係唔止係味蕾嘅享受，更加係心靈嘅滿足🥰！

行完山經過筲箕灣，食完午餐之後，個肚仲有啲空虛，於是就嚟試吓呢個蛋撻關注組都強烈推介嘅鴻昇餅店蛋撻! 下午2點去到，見到開始有條短短嘅人龍，等左一陣就有新鮮出爐嘅蛋撻。牛油皮蛋撻大大個，食落好香牛油味，餅皮鬆脆，而且唔會過甜，值得一試。雖然個賣相未必有連鎖店嗰啲咁靚仔，但味道真係唔差。$4.5/個，$25/半打，質素絕對對得住個價錢，大家經過筲箕灣嘅話，不妨支持下街坊小店🫶🏻唔好等到小店冇咗先至嚟後悔呀。

之前行過見到有人排隊，見係賣蛋撻，就即刻排嚟試下，之後一試愛上，但估唔到我會心念念佢😳第一次食個時新鮮熱辣，皮好鬆脆，牛油味都好重，而且重點喺拎上手唔油，不過就有啲會幾易散🤔 蛋嘅部分，蛋香正常，幾滑。甜度正常，但小編真喺幾鐘意食，一食食3個就表示有啲甜😂😂😂可能你會覺得新鮮熱辣嘅蛋撻好食喺基本，小編都同意。但重點喺，食到好飽，蛋撻已經放咗半日嘅情況下，佢仍然好食，呢個先癲🥲所以佢多人排係正常🙈

牛油皮蛋撻（$22/ 6個）賣相：🐧味道：🐧🐧🐧6個蛋撻慣例有紙盒包裝，令蛋撻不易壓壞。蛋撻賣相欠佳，牛油脆皮邊厚度不一，蛋心凹凸不平。味道方面，牛油脆皮牛油味香濃，口感鬆脆，上手不算過油。蛋心口感尙算嫩滑，有蛋香，甜度偏淡，厚度適中。等候時間：🐧🐧🐧🐧🐧假日早上11點幾購買，無需輪候。服務：🐧🐧🐧🐧店員態度一般，包裝速度迅速。🐧❤️結語：名過其實，味道一般，賣相強差人意。

抗通脹老餅店 鴻昇餅店每個露天街市也總會有一家餅店金華街也一樣 八十年代的裝修有大大個標題寫明自己賣唐餅這是一家有35年歷史的餅店 ,雖然態度好差,但係D包真係好平又好食架!下午三時後已做特價 $12蚊4個 小包一樣減價!比起連鎖店既一陣風麵包,呢度既麵包好抵又大隻好食仲要每日分時段新鮮出爐,吸引食客 ,確保大家都食到新鮮既出品!鴻昇餅店地址： 筲箕灣金華街20號平均消費$12

呢個蛋撻食過真係返唔到轉頭呀，連蛋撻關注組都極力推介👍🏻佢嘅香味真係隔幾條街都聞到，見到好多人話多數中午四點左右先會有新鮮出爐，今日三點鐘我就去咗碰一碰運氣，竟然真係俾我遇到😆即刻買一個試吓，嘩！攞上手仲超級熱辣辣，蛋又香又滑曲奇皮好鬆脆食落仲有啲牛油咸香，呢個絕對係暫時我食過最好食嘅蛋撻另一推介仲有大大個嘅雞蛋榚同樣出色超級鬆軟，食到底仲有驚喜！！就係甜甜地嘅紅豆蓉😍😍，我決定每次去筲箕灣都一定要食一次💯，出色嘅香港味！如果你一樣鍾意周圍搵食嘅快啲去instagram 搵我地hesheat.hk啦😆😆

嘩嘩嘩!估唔到鴻昇餅店都係openrice搵到，本身諗住小店應該唔會有!咁我就寫返個好介紹啦！唔知大家鍾意食酥皮定牛油皮蛋撻，我以前都鍾意酥皮，但呢間令我對牛油皮改觀! ard 3點半總會有一d街坊or 其他人黎等蛋撻出爐，然後一買就買一打，打半。因為新鮮出爐而且蛋味又夠濃(絕對唔係稀色左既淺黃色)，所以超級好味!個焗牛油皮香口又夠脆!而且睇住阿姐一底咁拎出黎，然後用卡紙吹凍少少，再好熟手咁將個撻反轉吸係個細碟度，真係滿滿期待。加上揸係手同食都係熱辣辣! 絕對唔係擺係個暖櫃冇人買，一底好快就會俾人掃晒。所以係我非常喜愛既小店，佢有賣各式傳統麵包，佢既菠蘿包都係我至愛黎嫁!

今日eatmug9 #4平時下午茶都係食炸雞脾，飲紅豆冰，今日想轉下口味食其他嘢，咁啱經過筲箕灣，就去買個蛋撻食下先。唔係講笑，可能係本尊做得善事多，畀我撞正佢啲蛋撻新鮮出爐。蛋漿啲奶香味，隔條街都仲聞到，係遠處都已經有幾個師奶大媽排緊隊買，我緊係唔執輸狗衝過去喇。買咗幾個蛋撻返公司先食，都仲係新鮮滾熱辣🤤一啖咬落去，皮邊夠鬆脆又唔會食到成口餅粉，蛋汁奶味夠口感夠滑👍👍👍。所謂新鮮出爐好難唔好食，手足們如果撞啱佢出爐不妨買個試一試。配返罐㗎啡簡直係perfect 池！！👅👅

響筲箕灣食完個飽飽既午餐。諗住行下當消化！經過鴻昇餅店，見到蛋撻新鮮出爐。仲要係我最鍾意既牛油皮，已經勁想買黎食。但無奈啱啱食完個超飽既午餐。我真係有感再食唔落喇。因為已經飽到去喉嚨。唯有照行唔理，一定有機會食既！而且附近都有好多冰室。但係行過幾間舖頭，我都仲聞到果陣濃濃既蛋撻味！忍唔住喇，要行返轉頭買黎即食。一路行一路食。實在太好味喇。我又再次忍唔住行返轉頭買左半打。唔好見佢一個賣$3，買半打仲平一蚊，賣$17。真係抵到爛呀！

朋友說她已經十年沒來過筲箕灣，所以趁著假期與她結伴遊歷一番，我們從中環乘電車一個多小時終於到達筲箕灣。我們又發揮天線偵測的本能，到處發掘好吃的，我們看見一間餅店人龍不絕，而且全都是街坊，猜想應該好吃的，我們也跟街坊一起排隊。排隊期間，我們在討論各自家中附近的麵包店所賣麵包貴得很，朋友亦慨嘆家裡周邊沒有麵包小店，單是雞尾包已賣8元一個，前面排隊的筲箕灣街坊也嚇了一跳，問朋友家住那裡，的確連鎖店的比小店往往貴得多。由於前面超多人買蛋撻，我們也擔心買不到，不過街坊姨姨說不用擔心，因為還有一盤蛋撻出爐。鴻昇所賣的是牛油蛋撻，而新鮮出爐的撻皮相當鬆化，一咬就輕碎，裡頭的蛋黃餡充滿雞蛋香氣，入口滑嫩，我與朋友均說很有兒時的味道，而且這美味的蛋撻只賣3元，多麼親切的價錢，下次來我要再買。另外鴻昇的紙蛋糕與麵包也是深受街坊所捧場的，在排隊期間見到他們買了不少，價錢同樣優惠，十多元已有數個麵包，如果我在這裡住的話，應該跟他們一樣長期來買呢。

呢間鋪頭係筲箕灣嘅老字號麵包舖，佢位於筲箕灣街市尾嘅一個轉角位，位置唔太顯眼，但往往買麵包嘅人龍會吸引到你嘅留意「L」形轉角位鋪頭，兩邊陳列左林林總總嘅新鮮麵包。我係側邊企左一陣，生意非常好，好多街坊都一買就買上好幾個麵包🍞🥐🥖見到一盤盤麵包排山倒海咁出爐，一浪接一浪仲有嘅就係呢度好受歡迎嘅「蛋撻」，每次熱辣辣出爐都轉眼間就賣晒麵包價格都好親民，細包（菠蘿包、雞尾包、細麥包、咸包⋯⋯）賣$11元4個！即係平均一個包唔洗$3而餡包（腸仔包、豆沙包、腿蛋包、餐肉包⋯⋯）就賣$13元3個！都好抵呀。我買左菠蘿包同我至愛嘅「蛋撻」！（$17/ 半打）鴻昇嘅「蛋撻」我由細食到大，係我至愛嘅蛋撻鋪頭，喜歡佢曲奇皮好香牛油味又鬆化，蛋滑嘟嘟食極都唔厭！呢啲平凡又好味嘅老字號麵包店係香港真係愈來愈少，希望佢仲可以長做長有，就算10年、20年、什至30年後我都仲可以番黎呢度買我喜愛嘅「鴻昇蛋撻」

相信筲箕灣老街坊一定認識呢間麵包店！入面好多懷舊麵包，通通都好新鮮好快俾人買哂岀爐速度好快！講到最人氣就係蛋撻。一岀爐d人就一打一打禁買。我都買左件來食！好重蛋香，個皮又夠脆。大細適中，食一件岩岩好。比起d大型連鎖店既蛋撻都係舊式的好。近年筲箕灣變得好快，希呢d舊式老店可以好好保存下來！