Video
Telephone
24470999
Opening Hours
Today
10:30 - 21:30
Mon - Sun
10:30 - 21:30
Above information is for reference only. Please check details with the restaurant.
呢間米線由細到大聽其他人講好食 其實截止2023年我都係未真正嘗試過呢間米線 因為聽講好食，但係見到門口咁多人排隊每次都望而卻步 然後有一次咁啱喺附近我就買外賣坐喺公園食，因為真係好想試吓係咩味 食完之後驚為天人呢個米線係我食過最好食嘅 完全係符合我嘅胃口 我叫嘅係小酸辣米線 雞丁 腩肉 湯底夠酸，唔係好辣 有蔥有芫荽食落去好香 然之後仲有啲炸醬 炒香晒嗰陣味撈埋落個面度食勁好食 然之後以後見到佢排隊我都會喺門口排隊就係為咗食呢間米線 有陣時排一個鐘，有陣時排半個鐘 但係係堂食真係好好食好多個面熱辣辣 同埋堂食份量比例控制得好啲 外賣嘅話個麵會好多咁 食極都食唔完咁然之後我差唔多每一日都去食，有陣時10:00校鬧鐘起身就係為咗食 點知去到都係要排隊不過最尾食完都覺得好滿足 而家每一日無胃口我就諗食麗江如果佢執笠我諗我會喊
continue reading
想試呢間米線好耐，見佢咁出名，呢日嚟食揀咗4點零嗰啲時間，不過都重係好多人，一個人嚟就同人搭枱，畀想像中迫，佢哋將啲大桶喺枱與枱中間拉嚟拉去，令到條路好油好跣，食食吓重有店員講話隔離食店捉到隻老鼠⋯⋯（當堂毛管戙，心諗：捉咗咁無事啦啩）我坐嘅枱可能正對廚房嗰邊，所以抹完都重係好肥立立，用消毒紙巾抹都抹唔走啲油漬，點咗腩肉、豬膶、生菜，小酸辣，嚟到個生菜得兩三條，腩肉切得唔靚好難咬，豬膶就幾好切得薄啲肯定係熟嘅，而個湯底就⋯⋯（本身係我最期待嗰part) 好水好稀，冇乜酸味、得少少辣味，肉碎都冇乜⋯⋯坦白講好失望，如果我畀分，香港嘅米線店入面十大不入FYI 我比較鍾意食（屯門）雲川、（荃灣）雲南過橋米線、（元朗）貴川，可能食開呢幾間比較濃味，厚身湯底同埋餸都好食，所以呢間，試過就算了，況且衛生情況真係⋯⋯唉
continue reading
麗江雲南米線係天水圍不嬲出名，我必叫腩肉同肥腸。當日去到，餐廳真係好逼，位唔多，仲有好多人排隊等位，所以最後決定叫外賣，拎返屋企慢慢食。佢哋嘅米線真係料多到爆。米線本身好滑，質感非常好，唔會煮到爛爛地，食落仲保持到彈性，口感一流。最值得一提嘅係個腩肉，初初睇落去顏色有啲深，仲以為會唔會好柴，但一咬落去就發現完全唔係咁，反而愈咬愈香，食落完全唔覺得油膩。至於肥腸，處理得好乾淨，冇腥味，口感爽脆，配埋湯底一齊食，真係好正！雖然餐廳環境比較逼，堂食可能會比較擠迫，但外賣返屋企食同樣滿足，一樣可以享受到佢哋高質素嘅米線。
continue reading
份量足夠，服務正常，一分錢一分貨，有些評論說態度不好，老實說做街坊生意仔想要五星級服務也不現實，對生客可能比較冷淡，但見有熟客說食了十幾年，也開得還笑，感覺態度沒什麼問題。味道很好，食完不會口渴，清湯也很濃郁。堂食位置十分擠迫，到3-4點仍滿座，只能選擇外賣，等候時間合理。沒有分湯，搭車回到家中米線依然彈牙，沒有淋，湯也沒有少。總結好過大多雲字頭的米線店，也絕對好過各連鎖米線品牌，推薦再次光顧，只要是住附近的話。
continue reading
一直吃左咁耐，環境差對住個廁所，無咩服務都算，今次比個老闆娘激死，難怪咁多人鍾意北上咯，價錢貴，食物除左湯底可以外，滴蒜泥白肉真心難吃，非常硬，柴個，個滴店員又來左好多個新伙計，不知道寫錯單定老闆娘計錯數，埋單幫襯開無認真體單，埋完感覺不對路，還以為加左價，翻去問個老闆娘問長問短，然後補翻少找個錢比我直接低頭看手機無理會過我，搞到我好似過來白撞咁，以後再也不會幫襯，寧願吃譚仔或者翻深圳吃咯，服務態度好，做錯野起碼人地會認咯！好的服務態度真的非常重要‼️！
continue reading