麵小館

Open Now

Now Closed

行左一個圈，呢度食物選擇多，諗住食碗粉面，冇乜要求就叫左碗清湯底油面豆卜炸餃碎腩+個拍青瓜外賣。等候時間唔算長，打開碗蓋都熱既，餃子就另外紙袋上。碗面真係黃腫腳，不消蹄，賣相味道十分俾三分，離普既係拍青瓜，切一條條既，點會入味呀師傅，真係bye

琴日去左元朗安寧路食乜興，個辣醬非常出色，湯底同餸都屬中上。食過好味車仔麵，今日又想食車仔麵。轉返嚟講呢間，因為間唔中都經開呢頭，嗰陣有留意開左新野，因為舖面好細4個人難等位次次都無食，今日經過就外賣算啦，買完發覺呢間都算貴，42蚊2餸（普通魚旦蘿白嗰d）基本湯底免費，老檀酸菜就+$3。諗住夏天開胃少少就㨂油面酸菜湯底加豬軟骨同腩肉（特別餸每款+$2）。成碗2餸加埋$1外賣=$50。打開見到油面變粗面，油淋淋咁。粗面林晒漿糊咁，酸菜唔係湯底囉，就咁一份酸菜放面，腩肉無味硬身痴牙，豬軟骨唯一係正常嘅。食完先見到呢間原來係直升機，有人話佢小食好食，咁佢叫面小館正常都食面為主小食為次，碗面搞到咁我都無機會再試小食啦。對比乜興$52叫左3餸，我就連湯都飲埋。所以有對比就。。。

新開左一段時間 幫襯左不下十次聽到隔離枱講呢度既食評好差 見到一堆打手留言專登發下聲其實係一間味道正正常常 好食過同區另一間都係做車仔麵既餐廳特色係 呢間多好多小食激推 鹽酥雞 蒜蓉娃娃菜 仲有炸串車仔麵推 蘿蔔 丸類 八爪魚腐皮卷全部小食都即叫即整 出到黎熱辣辣鹽酥雞又香又脆 炸粉唔厚蒜蓉蒸類 爆多蒜 好香好好食炸串就唔洗講 本身係同區隔離舖做起 做旺成個區既宵夜車仔麵蘿蔔超甜 入口即溶啲丸全部都係高質靚丸 完全唔係出面冇味個種八爪魚腐皮卷好驚喜 足料 有八爪魚粒再加上茶底好正 正宗港式茶底老闆 加油唔好灰心 你啲野食真係好食

烤生蠔最終上菜是蠔仔；燒烤做的非常難食，好似蒸出黎一樣；價格非常不值得，又貴又難食，七八個炸雲吞就要30多蚊；辣度就是按照乾辣椒的多少來分別，除了辣其他味道咩都無；等候時間非常非常長，食物又很難食……..價格很貴，價格很貴，不值得，不值得。蠔仔🦪就像沒有煮熟一樣，而且味道好難食，炸雲吞的味道就似脆餅乾一樣，很難入口，裡面內容也味道平平無奇。烤茄子除了辣味無任何其他味道，而且最重要的是，不是烤出黎的茄子，完全是水煮出黎的茄子！！！！！！

外賣咗2碗麵，肥牛豬紅豆卜，豬紅同豆卜幾好味。一個錫紙茄子，一個錫紙娃娃菜。兩碗麵其中一碗漏餸，一打開個湯低黑色已經有啲不明，食兩啖還可以，第三啖已經再食唔落口。錫紙太熱 兩兜擺埋一齊。返到屋企發現低個盒熱到個蓋溶哂。啲汁漏哂出嚟，錫紙食品係罐頭蒜頭一堆加兩粒辣椒加油浸，層油成吋厚，全部野都好咸，咸到苦。超重味精，食完飲勁多水都無補於事，食幾啖條脷已經鞋哂。個胃好難受從來無食過咁差嘅食物。仲要新開張，希望你哋會改善吓！

見到一間新開店，想食唔想食之間，比個招牌吸引左，試：女店員手寫落單/猪大腸/韭菜餃/魚皮餃/腩汁油面/凍檸檬茶，外賣@猪大腸夠淋，淋得黎有口感，都算多，但要另加$3，魚皮餃得2粒，細細粒但滑/無過火/肉唔梅/彈牙，韭菜餃就無放（不見了）湯底夠濃凍檸檬茶就有D雪櫃味完全不合格，仲要係細杯裝呢間食物應該唔錯的，有機會會再去

放工返到嚟河畔又唔知食乜🫠見到呢間喺7–11隔離嘅車仔麵燈光火猛順便試吓👍🏻環境雖然比較迫夾唔算好大😢但係勝在冷氣夠大😹嗌左幾個餸諗住填飽個肚冇諗過結果味道又幾好湯底夠晒重口味 唔係淡茂茂👍🏻試咗豬腩肉咖喱魷魚同埋八爪魚腐皮卷呢幾樣餸都幾好食😳👍🏻舖頭好有人情味老闆會係咁同你傾偈問你意見😆😂傾偈之下佢哋特別推薦滷水嘅食物👍🏻👍🏻下次必定會試吓唔同款式埋單total 60幾蚊雖然唔算好平但勝在食得開心味道又唔錯支持家庭式經營👍🏻🤩下次見🥳

首次幫襯，服務態度ok。環境較狹窄，其他客人行出行入都要讓下位。本次叫了米粉清湯，雞腎，豬紅以及冬菇為主食。餐牌上我寫係清湯，但係碗嘢拎到上枱，顏色望落去係咖啡色，深不見底，唔知係廚房整錯定係我對清湯有錯誤定義。😅雞腎軟身而有嚼頭，豬紅和冬菇夠入味👍，可惜份量不夠飽，要食曬幾乎成碗米粉才滿足。因為唔夠飽，我最終都係決定另叫咗啲小食（墨魚仔&蝦），全部都有蒜，亦有大量金針菇墊底，墨魚仔幾滑。除此之外都有叫個炸雲吞，一份有六個，入面的確係鮮蝦，美中不足嘅就係黎到當日店鋪新開張，無醬汁提供。總結，味道ok，不過總體較油膩，怕肥人士少食啲好。

我都係因為今次食完麵小館覺得實在太惡劣，第一次做OpenRice member,第一次寫食評，食完條氣真係好唔順我叫左肥牛韭菜餃幼麵，返去一打開碗麵望下「乜咁齋既」，整係見一碗啡色水，蔥都冇粒點綴下，賣相差到已經唔想放入口試吓啲麵，咸L到PK，肥牛還算正常未臭都有三四塊既，到韭菜餃一夾起好似夾起浸濕左嘅廁紙咁，放落口之制仲爛埋跌返落碗，好L核突我一向都熟咗就食得哂唔鍾意浪費既人，今次真係頂唔順，碗野好似公廁未沖水咁，感覺真係比錢買垃圾，可摸耳快啲執Q左佢唔好再浪費食物

係我幫呢間野喺open rice開返個profile嘅 亦都係我人生第一次喺OpenRice開profile 因為間野真係好難食上次我第一次叫 佢推介椒麻湯底 佢話係好香嘅 另外仲嗌左蘿蔔同豬紅 結果 佢個椒麻湯底係一個冇味嘅湯加一pat醬 然後啲餸都係冇味嘅🤷🏻‍♀️到今日 我地決定俾多次機會佢先真係寫食評 今次食秘製辣汁 秘製腩肉 咖喱魷魚 又係全部都冇味㗎 今日仲見到佢廚房個地下有大大隻曱甴💀💀💀💀我真係覺得好驚訝 點解而家呢個世代開嘅舖頭可以難食成咁 你話老人家做咗幾十年仲係未跟得上時代 以平取勝就話啫 呢間野係啲後生嘅人開個喎 點解可以呢個質素都隊出嚟俾人食？ 我自問係地獄廚神 我都寧願食自己煮嘅嘢 河畔呢頭已經冇乜好嘢食 可唔可以唔好浪費舖位浪費食物 可唔可以用心煮 唔好諗住用平黎吸引第一浸人就算呀？ 真係覺得咁樣可以長遠run落去? 3.8.2022