黃仔記

Open Now

Now Closed

黑椒牛扒帶有濃郁的黑胡椒香氣，牛扒有嚼勁白飯的鬆軟口感搭配濃味的黑椒汁，味道也不錯，如減少食物的咸度更健康🌟熱檸蜜結合了檸檬的清香和蜂蜜的甜美，酸甜適中，非常清爽，適合搭配豐富的主菜🌟

舊時既牛扒餐真真係好好食 現在轉曬人，d野完全唔掂，不單止其他餐都唔得，第5波後呢兩三星期試過好幾次，真係無一樣野好食.....除左近 都無其他因素令我再去.......

我今日放lunch諗住去呢間黃仔記因為以前食過都幾好食同埋記得佢哋落單同埋出餐都好快手點知今日大災難！13:10 坐低 好快叫咗嘢食過咗大約10分鐘 終於有兩杯嘢飲到咗但係兩個飯遲遲都未嚟 咁唔緊要啦再等吓13:30 覺得唔對路 咪問吓佢哋有兩個飯幾時有過咗一陣 個阿叔話：唔好意思我漏咗單我lunchtime得一個鐘 14:00完lunch 13:30 先發現漏咗單Ok 算🫠過咗一陣突然間又同我講：我哋冇曬牛扒 轉牛肉俾你得唔得我嗰刻就即刻同佢講 幫我轉雞扒啦咁好啦咁我朋友就食椒鹽豬扒飯諗住快快趣食完就走 已經超級趕時間切開塊豬扒就發現 喂大佬五成熟㗎喎豬肉嚟㗎喎 冇嘢吖嘛…😩🥲

放假瞓醒覺落樓下揾食🙃 去左黃仔記@霞姨叫個飯食🤟 因為早餐時段已過🤡🤡🤡叫左個午餐D餐紐西蘭肉眼扒飯😋價錢合理公道，環境係街市大牌檔😬味道唔錯既，最緊要要多飯有多飯😂 要多汁有多汁🙈 填飽肚絕對唔錯，加埋塊大件夾抵食既肉眼扒，食完飽到上心口✌️ 佢有配菜伴碟既🤡，有果啲三色豆之類 (粟米，紅蘿蔔，青豆) 因為小弟唔食呢啲既🤮🤮🤮所以叫佢全走😎 不過影出嚟就無甘多顏色，張相顯得普通啲啦🥲 最緊要好食同唔會浪費😈💪

早上食早餐，唔想太貴又較易搵位,熟食街市係一個可考慮選擇，黃仔記係其中一間食西式，今次叫左鮮油多加咖啡，鮮油多係薄面句包，切三角形，兩邊有兩塊鮮牛油， 塊鮮油厚度適中，可過口癮之餘唔會太多，杯咖啡就一般般啦呢度既好處係有大圓枱，如想大班人去食，基本上應該都有位，除非無位🤣， 無位咪去隔離囉⋯⋯個場咁大， 應該點都有位既

葡汁雞球飯($35)呢個價錢係柴灣黎講唔算太貴，間餐廳中午午餐每日都會轉款，而今日就食到個葡汁雞球飯，啲葡汁夠入味，雞球肉就比較硬些，可能整得唔夠淋啦！不過撈埋飯都幾好味。唯一係啲飯太小唔夠飽，如果多啲就very good!

前排到漁灣村街市食午膳，街市內的食肆臨立，而且多數大件夾抵食，今次我們就選擇了這間，看一看餐牌之後，很快我便決定了午市推介的葡汁雞球飯。午市的套餐除了送熱飲外，餐前還送了意米水，意米水甜甜的又可解暑，味道可以。至於主食葡汁雞球飯，葡汁很多，雞球的份量則少了點，白飯份量多，但飯粒則略嫌硬身了點，薯仔煮得太稔，而且好像不太新鮮，配菜有紅蘿蔔,椰菜和洋蔥等，雖然配菜很普通，但與葡汁，雞和白飯食起來感覺不會太油膩，味道唔錯，午餐時間比較多人，我的同事以秒速便將飯吃畢，而我則食得較慢，因為食得太急會品嚐不到食物的味道，而且會嗆著，幸好食店老闆沒有快速收拾檯面。總的來說，這餐食得很飽，味道雖然只屬一般，但價錢適中，而且份量足夠，絕對是中午醫肚之選。

九月十四‧晴 不要以為即食麵人人也會做，就不會做得難吃，但實在又不是，如這裡的即食麵就做得一塌糊塗的。 麵淥得腍硬不一的，明顯為求方便，先用滾水淥起一半的。湯淡如水，湯粉也下得有一半沒一半的。配料的豬扒很硬，蛋又薄薄的，腸仔算是吃得過的了。另外的一碗湯米線還不錯，而少正常。 連熱飲，埋單每人廿蚊，難怪金記那邊這麼多人。

其實由細到大都跟阿媽去黃仔記食下午茶，黃仔記好似係由一家人經營既，所以感覺都好街坊，好親切。今日下晝無食飯，放學過漁灣其實係想買個下午茶當飯，老闆娘黃太一見我就好熱情咁叫我坐低食，叫左個金牌奶油多加杯凍檸茶，真係勁好味!金牌奶油多切得勁薄勁香，凍檸茶甜度啱啱好，有4片檸檬架，我最歡喜飲有檸味既凍檸茶!食飽飽，番屋企做功課好多精神呀!

近日o係Chai Wan find 到間勁抵食下午茶~下午茶真係好抵食~即叫即做~咩都熱辣辣, 特別係佢地嘅金牌奶油多~真係正~再加杯熱奶茶~ 真係唔錯~ 特別推介~ 鮮牛多, 鮮油奶油多, 金牌奶油多之後有日去食佢地午餐~ 午餐d 炒嘢都幾正, 而且平~ 唔錯特別推介~ 福建炒飯, 濕炒牛河

我叫了個A餐。個A餐有火腿通粉、牛油方包和炒蛋。炒蛋都幾好味。火腿通粉好好味。牛油方包麻麻地。

漁灣街市係我地十數個同事既飯堂.平均5日有3日都會黎黃仔記, 唔肚餓時,有全天候常餐A-D, 其中一個: 單拼麵+單拼三文治+熱飲= $18另有一般質數炒粉麵飯:$22包熱飲例湯- 勝在夠快囉.午餐黎講呢度算ok啦.

去果度食午飯就普通，有每日精選咁，好似係$24蚊，包嘢飲，但下午想食西多士就真係唔錯，雖然同普通西多士冇咩分別，但加埋嘢飲都係12蚊，d熱飯係我見過之中都幾大杯，凍飲就加1蚊，好抵食！

食lunch叫個竹枝班腩飯,一時唔為意原來佢D竹枝班腩係一早一大兜咁整定,有order就"筆"落碟飯度.埃!中計!個飯只係暖暖地,完全冇熱o既感覺.竹枝又硬又韌,而魚肉就超腍,唔知咩魚o既魚肉尼,一夾即散,唔掂.例湯超多味精,又係唔掂.