黑木亭-お食事処 (玉成大廈) (Closed)

店面裝修充滿日式風情🌸座位寬闊 坐得舒適🤗餐具都好新 好乾淨✨龍蝦三食 ($598 +1) 首先出場既係龍蝦刺身 龍蝦肉已經從中抽取出來 新鮮彈牙🤩之後會再用番個龍蝦殼黎整燴飯🍛龍蝦蜆肉濃汁燴飯既味道好濃郁 加上粒粒分明既白米飯 同埋提供左好多食龍蝦既工具 食得好滿足😊最後係龍蝦鉗蒸蛋 蒸蛋新鮮出爐 熱辣辣 內有 蟹鉗 蟹籽 蟹柳 用料豐富🦀蒸蛋好細滑😘另外 仲叫左D小食白飯魚干脆片 白飯魚干連成薄薄一片 又鹹又香脆🐟什錦炸物拼盤 炸物愛好者必叫😘有炸雞軟骨 炸蠔 薯條 炸雞件 炸蝦 配上黑松露醬 沙律醬 茄汁 香脆唔油膩 最岩大家邊食邊傾計🙂當然唔少得叫上兩杯特色飲品 藍蝶花佛手柑熊茶 & 綠茶鮮奶熊脆脆🐻熊仔造型既冰塊 非常cutie 擺好曬pose 等著大家黎影相 夏日必叫😍

去元朗搵食，見有唔少網友去過呢間，影左好多美食相，今日就去會下佢啦！魚生刺身食得多，龍蝦刺身就真係未試過，所以就叫左個龍蝦刺身三食黎試下啦！完只，刺身先上！好吸引呀！刺身切好一粒粒甘，望落去晶凝通透，好新鮮！食落無腥味，好清甜！咬落好爽口，係脆既感覺，好特別！食完刺身，佢會拎走個頭同鉗返去煮另外兩味！龍蝦蜆肉濃汁燴飯份量好多，有好多既蜆同飯，夠兩個人食！採用珍珠米，好味！個汁好濃，好香龍蝦味，加左唔少芝士，起絲！好好食！個鉗會做茶碗蒸蛋好滑，材料豐富，有雜菌同蟹肉等！個鉗又好多肉，無得彈！仲叫左個唐揚小池魚好特別，味道好好，好適合送酒，傾計炸到脆卜卜，骨軟，可成條食，味道有啲似多春魚，但唔似得多春魚甘個頭苦，呢個池魚無，好中意食！雜錦炸物拼盤有炸蝦、蠔、雞軟骨同薯條！好香脆，尤其是個炸蠔，好大只，又creamy!!點埋個黑松路蛋黃醬，無得輸！好味！叫左兩杯野飲！好得意呀！有兩只熊趴係度，飲飲下融冰佢會跌左落去，好搞笑！抹茶鮮奶抹茶夠濃，又有奶既香味紅火龍佛手柑酸酸甜甜甘，夏天飲唔錯！滿足既一餐！

明明係Openrice見到啲評語有讚冇彈，又話有優惠、全單又話有88折，結果一句話特價菜式、推介菜式就冇哂，2大1小，結果$1200埋單，其實食物是正常野，正常份量，正常味道，絕對唔值$188/6件鰻魚壽司，個和牛pizza先嚇人，明明未煮好就上台，重要$188/6吋迷你pizza…. 可能係我期望過高

同朋友去元朗諗住試吓日本嘢，近近地見呢間環境唔錯就入咗去試吓。諗住食好少少所以叫咗個二人套餐。餐廳環境確實唔錯服務都幾好。仲有自助沙律吧，都有唔少選擇仲有日式前菜。餐廳環境十分乾淨，環境十分舒適，座位之間都唔會話太迫有足夠嘅空間。食物都有好多唔同嘅選擇，個套餐都包含咗好多唔同嘅主菜選擇。而且份量都十分足夠，同行嘅男性朋友食完都飽住走，絕對唔會話唔夠食嘅情況。個人覺得蕎麥麵都幾好，啱晒女仔，健康，又唔會話太油膩。雖然套餐嘅價錢作為午餐可能性價比相對上會爭咁啲，但係的確所有嘢都大大份，份量對得住個價錢。店員都好有心，臨走前問我哋嘅食物質素。如果去開元朗又想坐得舒服啲嘅話都建議大家去。最重要係，交通非常之方便出面就係小巴站。如果咁啱經過附近嘅小巴站，不妨去試吓呢間日本菜，保證你哋飽住走。相信出面呢個價錢嘅話應該唔會有一個份量咁足嘅日式套餐。

嗌左4件左口魚壽司、4件右口魚壽司、4件三文魚腩壽司、4件油甘魚壽司、加3件中拖羅壽司，啲壽司全部都唔新鮮，唔好食！係一板$198嘅海膽正正常常覺得抵食啲。加上嗌左個壽喜燒，4人share呢個份量很少，不過比壽司嘅質素都好好多⋯⋯⋯加上嗌左啲串燒，人均$500⋯⋯食物質素黎講食放題都抵過呢間。加上食飯枱好細，4人坐一枱十分擁擠，屋企人坐得好辛苦，啲野食擺唔哂係張枱到，成晚就好似倒啲野食落肚咁，呢個價錢完全同食飯質素、環境唔成正比！

黑木亭有三家分店，今次同朋友去就近屋企既元朗分店食lunch,平日午市人流未算好多，入座即有位，裝修都充滿日式感覺。我哋點了商務二人前套餐$398，真系估唔到咁多野食！包括指定刺身、卷物、定食（任選兩份）、雪糕一球（兩份）🥗自助沙律吧位於餐廳一角的小小沙律吧，當然有沙律菜，仲有六款沙律配菜，芝麻醬同黑醋給客人自由配搭。日式前菜是醃蘿蔔和茶漬蓮藕片，都是開胃前菜🤤另外，面豉湯加紫菜和蔥粒味道都不錯。🍣 三點刺身盛，有三文魚、油甘魚和八爪魚各兩塊，厚切的，入口口感豐富而且新鮮，這個價位，可以了。🍣 火灸左口魚邊卷有驚喜好味😍火灸過的左口魚邊帶有魚香，卷物內是元氣卷，上面鋪滿墨籽和魚籽😚🍜定食1: 吉列炸蝦炒蛋多士配牛肉湯烏冬穩穩陣陣，有啲似平日既常餐😜牛肉上枱時半生熟，想熟啲既要搵熱湯浸耐啲先食，湯頭清清地配烏冬不錯👍🏼🍜定食2: 黑松露忌廉石鍋烏冬配吉列豬扒推薦👍🏼👍🏼👍🏼上菜時熱滾滾的用石鍋載著，忌廉汁不停翻滾起泡🤩掛湯力一流！上面還不客氣地放上很多黑松露醬！吸睛之余亦好好食🤤不過食得多會有啲膩，最好同朋友share食！筆者覺得份量巨多！大胃王都岩食！每人二百零蚊食個大大大份量lunc

黑木亭係一間日式料理餐廳，有刺身﹑火鍋﹑壽司或是炸物都有，好多不同種類的食物都有提供，而且都好多選擇，唔會千篇一律。店員推介龍蝦刺身，可以有三食，三食好少係日式料理聽到，出於好奇心就試下。龍蝦刺身太有驚喜！美味鮮甜，清甜無腥，個人認為唔需要加任何調味都好好食。龍蝦鉗蒸蛋，賣相很吸引，不會有孔洞，蒸蛋都好滑，再搭配埋龍蝦的肉同汁，絕配。龍蝦蜆肉濃汁燴飯，燴飯比較似意大利飯的口味，吸收湯汁的鮮美、與醬汁達到完美結合，達到外部柔軟而中間仍帶點米心的口感。白飯魚干脆片，好香口的小食，但唔會有油溢味，好岩送酒食。什錦炸物拼盤入面有吉列廣東蠔﹑吉列蝦﹑炸薯條﹑炸雞軟骨。仲有三款醬汁，黑松露汁﹑茄汁仲有另外一個唔知咩醬！

元朗真是一個尋食的好地方，昨天在裕景坊就俾我找到提供精緻質優日本料理在尖沙咀及天后都有分店的黑木亭。去過其他分店的朋友说這店食材新鮮, 所以放心點了龍蝦刺生三食。仲點了近排網上火紅又Q爆的熊熊冰飲品，我揀了杯紅火龍佛手柑熊茶，朋友就飲咗一杯綠茶鮮奶熊脆脆。飲品上枱，每杯都有一塊熊模樣cute到震的熊冰冰，杯紅火龍佛手柑熊茶甜甜酸酸好開胃，綠茶鮮奶熊脆脆，色柔和綠茶味很出，奶很香滑。龍蝦第一食是刺生，肉閃亮亮呈半透明，看著就知新鮮，入口彈彈的，味鮮甜，回味無窮。食完後，店員取回去準備第二、三食。等候中先來二個香口的，首先是雜錦炸物併盤，無論係廣島蠔、蝦、雞、雞軟骨還是薯條都炸得色澤均勻又不油臘臘，仲伴有三種點醬，其中仲有味稪香的黑松露醬，一個字”正“。吉列蠔要小心食，外脆內多汁，汁爆時很燙口，蠔鮮嫩入口甘鮮吉列蝦D肉彈牙鮮甜，D雞肉很滑不嚡好juicy朋友説想不到綠茶滑奶配香口炸物也ok頗潤喉。跟住的唐揚魷魚鬚D炸皮同樣很薄及脆，足見師傅時間控制得宜，漿也上得薄，以魷魚鬚的爽口度噉肯定食材係用了新鮮的。正在此時第二道龍蝦蜆肉濃汁燴飯就到喇。色香味俱到, 濃濃嘅龍蝦汁浸在蜆肉上與蜆汁溝埋再

這個暑假，差不多身邊的朋友都有出國就連家人們也準備要出國旅行。家中小孩時常問我幾時可以帶佢去旅行，既然我冇本事帶佢去日本住，但係帶佢去食下日本野都仲可以最近我去左有幾間分店既黑木亭食好西，當慶祝我地呢個小一生活完滿結束店鋪感覺真的設計很日本的，整個店真的很像日本的居酒屋，不過此店就比較偏細一點，但係坐位也蠻不錯的今次我就打算吃這個二人前套餐這個二人前，包含了三點刺身盛，定食兩份及卷物一份在進門的時候，就有看到這個這個自助的沙津吧，每位客人也可以享受這個沙津吧及麵豉湯首先上碟的就是三點刺身盛當中包含了三文魚，八爪魚及油甘魚每件刺身也有二切的，三文魚還是很厚切的也蠻新鮮的，我就很喜歡啦今次我們分別點了這個 牛肉壽喜燒定食配烏冬這個壽喜燒的牛肉量超多的，比著平常的真的多很多牛肉真的會吃飽飽的，加上鍋內有薯粉條，有豆腐及蔬菜類連帶烏冬，真的吃這個也已經飽得緊要然後還有這個指定卷物，我地今次既就係火炙左口魚邊卷物認真的，本身我係唔係好食我唔熟悉既魚品，今次就試左呢一款既左口魚，估唔到佢入口既油份蠻高的連帶在壽司上的魚子及蟹籽，整個口腔都係魚油最重要是唔腥的(即使我喜歡吃魚也怕魚腥味)然後係我地第

在元朗區的黑木亭，有一家以其獨特的日式料理著稱的餐廳。我們這次點了商務二人前套餐，其中包括了芝士留心鰻魚飯、吉列豬扒蛋井、火灸口魚邊卷、三點刺身盛、以及兩球榴槤味鹽味雪糕。首先，讓我們來談談芝士留心鰻魚飯。這道料理絕對是我們中午用餐的亮點之一。鰻魚煮得十分入味，搭配上融化的芝士和飯粒，令人垂涎欲滴。此外，吉列豬扒蛋井也是一道非常出色的料理。豬扒煎得恰到好處，口感鮮嫩多汁，搭配上煎蛋，讓人食指大動。接下來，我們品嚐了火灸口魚邊卷和三點刺身盛。這兩道料理都展現了黑木亭對於食材新鮮度和質素的極高要求。口魚邊卷經過火灸後，口感更為鮮美，而三點刺身盛的各種生魚片也非常新鮮，入口即化，令人回味無窮。最後，讓我們來談談甜點。各一球榴槤味鹽味雪糕是我們這頓餐食的完美結尾。榴槤味雪糕帶有濃烈嘅榴槤味，海鹽雪糕淡淡的鹽味，非常特別，令人驚艷。而免費的沙律吧更是為整個用餐體驗增添了不少樂趣。總體來說，元朗黑木亭的日式料理真的是非常出色。從食材的選擇、烹調技巧，到整體的用餐體驗，都值得一試。如果您喜歡日式料理，不妨來黑木亭一試。

今日同父親過嚟呢度食日本嘢！都係諗住嚟食高級野所以就揀咗黑木亭，一分錢一分貨嘅心態過嚟呢間食，今次叫咗蟹將軍薯仔沙律，蔥鹽厚燒A5和牛，炸吞拿魚蓉魚肝卷和燒鰻魚配玉子前菜蟹將軍薯仔沙律9/10分，分量多，兩個人食啱啱好的，而且係有真嘅蟹肉！十分推薦蔥鹽厚燒A5和牛9/10分，喺日本食和牛就食得多！諗住比較下香港的有乜嘢分別,食完覺得。就日本嘅和牛冇乜分別都係入口即融而且肉汁多！吞拿魚蓉魚肝卷8/10分。質素正常。吞拿魚亦較新鮮，好搭配埋魚肝！最後係鰻魚配玉子，兩者都非常搭配，入口味道好

成日都會經過今晚終於食到啦，店內環境好系，坐得舒服。今晚慶祝朋友生日，點了龍蝦3食✴️龍蝦刺身鮮味彈性，好FRESH既一道刺身，份量好足~✴️龍蝦鉗蒸蛋，好有睇頭。🦞龍蝦鉗超大，啖啖肉，蒸蛋裡面有蟹肉、蟹子等食材，入口非常香滑。✴️龍蝦蜆肉濃汁燴飯，🦞龍蝦頭爆膏~ 燴飯吸收了龍蝦汁、蜆肉的精華呀，超香濃~上枱時好香好香~ 要襯熱食啦✴️白飯魚干脆片，做得非常出色，雜錦炸物拼盤一啲都唔油膩，一口接一口係咁食🥰✴️飲品點了大熱推介，因為覺得bear bear冰塊好可愛，所以就點來試下。有驚起~唔會太甜，岩晒夏天飲!。綠茶鮮奶熊脆脆。蝶豆花佛手柑熊茶

好耐無入過元朗行街, 今日元朗一日遊, 不過天氣真係好熱🥵所以都想食d唔熱嘅野, 食日本野就最岩喇🤗經過見到呢間居酒屋, 門口有餐牌, 望過價錢都ok, 所以就入去試下啦😙😙餐廳裝修猶如置身於日本嘅風格, 侍應哥哥安排卡位俾我地坐, 非常闊落舒適, 仲有咕𠱸提供, 有夠貼心, 值得一讚☺️👍蟹將軍薯仔沙律$98炎炎夏日, 食返個沙律, 消暑又降溫, 滿滿一座山丘嘅蟹子, 搭配薯仔, 沙津醬, 青瓜, 味道一流, 開胃之選💯炸蔥吞拿魚蓉鮟鱇魚肝卷$168唔好睇少得四件, 每件都十分足料, 炸蔥帶有甜味, 吞拿魚蓉非常新鮮, 飯卷裡暗藏鮟鱇魚肝, 呢三樣材料嘅配搭出奇地配合, 大讚！！蔥鹽厚燒A5宮崎和牛$368一上枱見到和牛油花已經流哂口水🤤有別於一般燒和牛, 黑木亭以蔥油作調味, 出奇地非常夾, 宮崎和牛入口即溶, 一口咬落去油花極香, 不愧為A5級別🤤玉子燒汁脆活鰻魚$188厚厚鰻魚再厚厚玉子, 每一串放入口都有大大滿足感, 鰻魚非常肥美, 外皮燒到好脆口, 鰻魚控必食😛天時暑熱叫咗兩杯特色凍飲🤗🤗北海道士多啤梨牛乳乳酸$48賣相好有櫻花感覺🌸一啖飲落去酸酸甜甜嘅乳酸味再配士多啤梨果蓉

今次要介紹的餐廳，搭輕鐵康樂路站行2分鐘左右就到。就會見到間黑木亭日本🇯🇵餐廳。環境舒適，寧靜，又有情調，好適合情侶一齊嚟👍蟹🦀️將軍薯仔沙律🥗先嚟食個前菜蟹沙律，蟹將軍顧名思義一定有蟹肉同埋蟹籽，入口有種酸酸甜甜嘅感覺，好開胃，鍾意食沙律🥗的女士們一定要試下。炸蔥吞拿魚蓉鮟鱇魚肝卷呢個真係highly recommend超級好食🤩,食落去有好多重嘅口感，先有炸蔥嘅味道，又有近似海膽嘅魚肝味，真係令人一試難忘🥰蔥鹽厚燒A5宮崎和牛不愧為A5和牛，一口咬落去，入口即溶🤩魅力沒法擋😍牛嘅脂肪分布好平均，再配合埋蔥花，一個字正！玉子燒汁脆活海鰻鰻魚一向都係我最愛之一，而對鰻魚一向都好有要求，但呢件鰻魚真係冇得頂👍，燒到皮脆肉嫩🤩口感十足，再配合埋啖啖肉嘅玉子，簡直係冇得輸，不過俾個建議大家，要趁熱食，凍咗啲皮會比較硬，冇咁好食😉最後叫左2杯飲品：蜜桃烏龍紅熊茶同綠茶鮮奶熊脆脆兩杯飲品賣相好得，用嚟打卡一流，名副其實係飲得又睇得😋Overall如果想食啲種類多又有特色嘅日本餐廳，不妨試吓呢間啦😄

今日兩個人出左去元朗行街，行到肚餓去到教育路附近，行多兩步去左黑木亭食日本菜。呢個餐廳之前已經試過一次，但今次去到見到裝修擺位同上次有所不同，例如拆左門口個外賣區，擴充左廳面，令到空間感多左。因為上次已經試過佢地既晚餐套餐同埋壽司刺身，所以今次特登散叫試下呢間店既日式料理。今次我地主菜叫左A5宮崎和牛野菌薄燒同埋鐵板活海鰻，至於小食就試下唐揚小池魚。A5和牛真材實料，牛味濃郁，裡面包住野菌菇類，層次豐富，每一件食落口都係大滿足，好食！之後鐵板活海鰻，店員一樣係以燒紅左既熱石塾住鰻魚送上黎，熱辣辣之餘，視覺上亦令人流哂口水，鰻魚味道出色，值得一試至於小池魚，主要都係用黎醫下肚仔先，但亦炸得夠香口，下次如果配以啤酒可能會更加完美。最後，飲品方面依舊出色，我地分別叫左芒果烏龍茶同埋士多啤梨牛乳乳酸。兩杯都好好飲，去呢度食野既朋友仔記得一試！