鼎留香滷味專門店

Open Now

Now Closed

滷水豬大腸滷得入味，每一口都能感受到滷汁的美味。而且豬大腸處理得相當乾淨，我沒有嗅到任何不乾淨的味道，吃得放心。牛𦟌也很美味，入味且鬆化。它的質感柔軟，每次我都吃過不停。我喜歡外賣來加餸，但記得早點去，因為有時候這些這兩款很快售罄。

這家滷水店大大話話幫襯了5，6年，一直覺得其價位合理，足斤足両，地方乾淨衞生，滷味整體都好好食，而包醋汁同滷水汁亦好正，最最特別係有滷水雞賣。所以，每個月有幾日早放工，必然唸都唔洗唸就走會來呢喥，買啲滷味，然後回家煮碟菜煲個飯或淥下粉當一餐。近半年，佢哋似乎換咗班底，斬開料位師傅仔唔見咗，變了兩個年紀較大的師傅，味道稍感無以前好食，但在其所示的價位下仍算不過不失，可接受的。昨日心血來潮，又去幫襯。這次買了牛展，雞翼，腎，豬耳，豆腐。無奈只有豆腐依然滑嫩可口，其他在什麼汁都沒點下，亦偏咸，真係水準大倒退。

印象之中佢係無堂食嘅，主要做外賣為主，燈光比較暗，但係每次都係買完就走，所以都冇乜為意。多數買佢嘅滷水牛展，掌翼，腎，滷得好入味，有時返到去加少少水加舊日本滑豆腐落去一齊煮，非常好食，送飯一流。有時食唔晒分兩餐食，可以撈烏冬都得。✴️磅一磅今次買咗$75推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：6⭐️賣相（10⭐️滿）：7⭐️味道（10⭐️滿）：8⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：7⭐️［鼎留香滷味專門店 (北角)］地址：北角渣華道86號地舖

有朋友介紹這間餐廳的滷水不錯，所以我們每一樣都買一點回家來嚐嚐。定價都是按照重量來決定。結果滷水食物質素沒有令我失望。滷水牛展 $46- 牛展滷得入味軟滑有膠質，不失牛肉香味，推介！滷水豬脷 $57- 豬脷口感好爽，不會切得過薄。滷水豬肚- 豬肚非常爽脆，份量大大件。滷水雞 $98- 滷水雞非常大隻，肉質爽滑，味道較其他滷水淡，送飯一流。滷水豆腐 $18- 豆腐軟滑，入味，豆味很重。滷水雞蛋 $10- 雞蛋滷得過鹹，不推介，其他配料比較好味道。

北角滷水店，相信呢間都算係老大哥，北角街坊以及網民都紛紛報料，話呢度嘅滷水鵝同牛𦟌都非常出色，便專誠過嚟買外賣，試吓係咪真係咁好食先。價錢方面，$250有兩大盒外賣，公道街坊價。先講好多人大讚嘅牛𦟌，個人應為滷水味可以濃啲，肉質有啲乾，建議要番熱，令肉質軟腍啲；牛𦟌整體唔係唔好食，但我又搵唔到大讚嘅理由。滷水鵝肉肉質一般，鵝翼及豬大腸反而不錯，滷得入味，鵝翼夠大隻，大腸亦肥美。另外滷水豆腐夠晒厚切，好香豆腐味。整體上大件抵食，味道不過不失，但用料不夠精細，我都係覺得兩條街之隔的「 萬香潮州鹵水專門店」的精品滷水更合我口味。