龍川雲南米線

Open Now

Now Closed

睇左好多嘅差評，但據知佢又係米線關注組嘅新寵，而且由太子開到嚟元朗，所以都係決定試試先。佢湯底有6款揀，朋友就揀左麻辣湯小鍋米線揀左4個餸，分別係滑牛，芽菜，金菇同蘿蔔，滑牛係唔會再試，因為太普通冇咩特別; 另外自己就叫左麻辣胡椒湯小鍋米線，兩個餸叫左黃金墨魚餅同埋招牌腩肉，墨魚餅就幾彈牙，腩肉就肥瘦適中，都算幾入味，不過佢個湯底就偏胡椒味啲，完全冇麻辣嘅感覺，米線份量亦都適中，不過米線都係煮得偏淋身；仲叫左個豬頸肉嘅小食，睇得出應該係即炸所以都酥脆，而且唔會太乾身同鞋，都值得一試。整體而言，都唔算係太差，不過可能下次會去試返太子本店先。

呢間雲南米線真係令人勁失望首先，湯底淡到水咁，完全冇味道，懷疑係咪冇加調味料，米線口感更係差，軟綿綿，完全冇彈性，食落好似糊仔咁。配菜仲唔新鮮，仲有股怪味，好似擺咗好耐。辣油淨係得個色，完全唔辣。整體感覺單調乏味，每食一啖都想放低筷子最衰係，服務態度都唔好，員工對顧客意見漠不關心，仲好意思擺張枱喺門口呢種用餐體驗，真係唔會再去第二次，完全搞唔掂，淨係識俾錢落廣告，隔籬街食仲好啦，請我食都要諗下先，

18/8號夜晚收工落左元朗經過見到呢間米線，之前都成日聽人介紹話呢間米線好出色。咁就去試下喇，個環境除左有ddd 窄其實都ok, 店員都好有禮貌👍叫左個小鍋米線麻辣胡椒湯肥牛雞翼，食左啖發現個湯係真係個味爭d😂雞翼都爽脆但個肥牛就真係一般冰鮮味好重！再叫多個小食孜然脆腩嘩，呢個係有孜然味，但d 肉全部都係肥既😂食左幾舊無再食。。。總括而言，不算好味😂

:店家保留了上手cafe的裝修及格局 再加以更改，呢到環境的確係好正，米線店嚟講係坐得好舒服，仲可以打吓卡😙😛❣️小窩米線 $49 （包兩餸）鴨血味道係ok，唔會好粉感好腥，叫做合格既😙墨魚餅係咁多樣野之中最好食😂米線麵質係易淋，加上應該煮耐咗，所以就比較淋🥹我認為呢到既敗筆係湯底😂酸辣湯底我已經食唔到係酸定辣。因為佢太重味精，連我本身愛食辣愛重口味既人食都會覺得好死咸太重味精，唔想浪費食物的我食咗半碗已經投降頂唔順🥲🥲🥲❣️菜底+秘製豬扒 $49豬扒係夠淋而且唔係鞋身嘅，但係覺得佢炸得唔夠耐，加上佢係浸咗湯入面，所以其實同無炸無乜分別😂個人認為佢可以將豬扒另上🥹而且調味唔夠，太淡。然後朋友叫咗豆卜，但係發現酸咗，都有同店員反映過問題，佢哋都即時處理，不過我哋就已經唔想再食了😂然後就係個菜底，雖然菜底都唔會有咩要求，但係佢嘅韮菜係比較黑小小，咁都好明顯唔係即日同新鮮🥲um收得呢個價錢就有小小失望🙂🙃🙃❄️元朗大排長龍既米線店，其實未食之前已經知道身邊既朋友已經試過，意見普遍都比較差😂不過我都死心不息去試😂 幸好係去既時候就唔洗排隊，食完有小小諗唔明點解咁多人食🥲個人黎講幾失望，一定冇下次！🌟

差到難以理解，豬頸肉又乾又硬，份量少又薄，雞扒完全係未解凍就去炸，外乾內柴仲帶點雪味，炸腩仔同樣炸到過晒火，單單用難食已經不能夠形容，湯底全部都是一樣的寒酸味+麻辣/沙爹之類的醬，簡單難以入口，人均消費約60-90的廉價劣質米線。住元朗數十載暫時從未有一家有如此惡劣的體驗，只能說頂手上一家cafe的裝潢成功騙到不少人，見字還請三思再三思。

沿用上一手CAFÉ裝修，座位唔多，星期六中午排隊都起碼1個鐘起跳！天氣熱真係唔好諗，仲要係排隊入唔係拎飛。🔷金湯酸菜魚米線 $58★★★★☆湯底濃郁，酸味夠出，米線幾滑身，仲有埋有味酸菜。魚片滑溜冇腥味，同埋有好多片。整體好唔錯🔷麻辣胡椒湯米線 $5X★★☆☆☆餸叫左麻辣鴨血、蘿蔔，兩樣都好普通，鴨血係街市一盒個隻切片，唔入味。蘿蔔唔算太清甜，但炆得夠淋。本身好期待個湯底，因為呢間都係出名重口味，唔知係當日失手定因為我小左小辣，米線冇味咁，唔咸唔辣，完全冇層次，好失望。🔷爽脆魚皮 $45★★★☆☆重口味魚皮，個醬汁幾開胃，但食落有味精，勁口渴。魚皮份量OK，略廉唔夠爽脆。🔷香炸豬頸肉 $30★★★☆☆招牌之一必叫豬頸肉，30蚊黎講都幾塊，厚身豬頸肉，炸到脆邊，但覺得個炸粉好似厚左啲，某幾舊太LON，食落好有咬口有口感，肉質唔鞋。🌟總括：從來未食過太子店，第一次食呢間可以講係一般普通，唔明邊忽算重口味！要排隊完全唔需要食佢，元朗大把米線選擇！

個酸辣湯真係好難食，完全唔值呢個價錢，食左少少已經無食，其他湯底就未知，等大家留言，但我一定唔會再去環境方面正正常常，但野食完全係唔得，元朗咁大競爭，睇黎佢食野方面要進步好多先得

見外賣平台好多人嗌，同埋平時都好多人排隊，諗住試吓，點知個麻辣一味得個辣，淨係好多辣油。咁就係叫麻辣?? 伏到一個點……食食下已經唔想食, 試想像一下，係咁倒啲辣油落個口，你仲有冇胃口食？另外，買咗個招牌腩肉，以為有幾招牌，原來就咁炸咗啲腩肉後，倒D孜然粉上去。食落去係極度柴皮。食咗幾舊，已經唔使再食落去，因為每嚿都係勁乾身，又冇乜肉味，咁都叫招牌？整體嚟講，感覺好差。面又食唔到落去，個餸又唔想再食落去。

諗住試下新開米線 食個LUNCH點知一入去已經服務態度極差 落單又混亂每個員工都唔知自己做緊乜味道又一般, 又貴份量又唔多元朗食米線真係唔洗揀呢間咁既價錢 比咁既服務同食物只可以話唔值得

有日睇社交媒體網站推薦新開米線鋪諗住試嗌咗螺旋藻豬頸肉酸辣湯薯粉1.餸份量較少 豬頸肉醃得唔入味 味道似白烚…2.薯粉可能唔太掛湯 加上質地偏硬😢😢3.湯底最失望，好似溝過水咁 好淡…完全冇酸辣味 得死辣😅😅總結：唔推薦比朋友+價錢偏高

新新地依排大量人介紹既米線平日既5點幾，去到都滿滿地叫左個blogger 推薦既沙嗲湯同酸麻辣湯首先環境係ok，佢保留上手cafe 裝修，不過米線店嚟講叫ok冷氣都ok,可惜既係米線成碗份量小沙嗲湯唔係濃郁既，不過有味唔會太淡，但又唔係話好出色好特別好有印象嗰種面頭送既芫荽個樣。。。好慘，令成碗賣相打左折扣豬頸肉唔差，不過個人認為屯門嗰間仲好食蘿蔔唔得👎🏻得2粒，唔入味唔淋，咬落去有渣🫥酸麻辣湯，湯底完全唔特別成碗嘢中規中矩要排隊食既會失望，經過無咩人可試一次，不過唔好有期望

味道普通，阿姐服務態度勁差開門好隨機唔係日日會開，就算開咗門都唔代表有得食，米線舖頭但湯底會冇晒🙅🏼‍♀️環境混亂，場內長期好似試緊業咁，外賣又冇Number，自己張單冇落或者過咗都唔會知道

啲湯已經少，啲餸又少，鴨血得兩忽仔，見到都反眼我哋分別叫咗三款湯底，酸辣湯冇酸辣，蕃茄茄湯唔蕃茄，沙嗲湯底冇味電話冇人聽，有外賣平台冇得叫，完全唔知點解要排隊買嚟食

見到啲社交媒體網站介紹 諗住放假試下 星期日本身都預左要排隊 排隊既大家都醒目畫左落單紙加快速度等左10分鐘到就入得 餐廳好細有啲迫 3張2人枱拍埋一齊 但都系分3組2人客坐 坐中間食得快又要麻煩旁邊2組客人起身落單個陣 比左張單比一個廣東話唔正既姐姐 本身叫左小食孜然雞軟骨 然後個姐姐話冇雞軟骨 但因為想食小食 迫於無奈我哋揀咗孜然脆腩 🥲米線方面 因為出邊好多米線舖 都會煮到啲米線好腍嘅關係 本人都習慣左去邊度食都會嗌米線爽 所以我亦都係落單紙上寫到明要米爽 亦都寫明凍檸水要少冰少甜 相信大部份侍應都應該會識得跟住張紙去落單等左10幾分鐘 小食到先 隔咗唔夠5分鐘 隔離遲過我哋落單嘅一組客人 竟然有雞軟骨上枱 睇到一頭問號 😅再隔籬枱嘅一組客人 都異口同聲話 又話無雞軟骨？！嗰組客人都有反問個姐姐 唔系話無嫁咩 但姐姐冇作任何回應去到呢度已經好激氣 到碗米線上枱 都未食 一夾落去 就知道啲米線淋到一夾就斷🫠 真心想問吓咁落單紙上面寫嗰啲嘢有咩用？ 凍檸水冇少到冰少到甜 寫左走肉碎 佢又有走到嫁喎 咁即係唔係睇唔到張紙上面寫嘅要求啦 成個樓面得2-3個人 錯呢樣錯個樣 眼見出面排隊既

排左半粒鐘，樓面做唔切，一個後生仔加一個姐姐，漏呢樣個樣，都唔緊要，出品差到嚇親，咁多人排隊食呢個質素既米線？！😂唔係呀嗎？網紅威力😂🤣講餸，餸少得可憐，魚腐係四海定唔知咩既貨色難食又太冧，滑牛肉硬又柴，以為牛腩黎，小鍋米線一兩條酸菜碎，肉碎幾粒，講湯底，望落好似好深色，其實係煲到好熱既熱滾水加色加辣既湯底，一入口係滾熱既辣，無其他味，無任何湯底味可言！講米線，冧既煮過龍？呢個價錢係元朗大把選擇！隔離八方，遠啲雲川，再遠啲雲家，間間都優勝過呢間啦！😂😂