龍津美食

Open Now

Now Closed

呃錢！唔好買呢間！明明寫$12 買一送一 話新年加多一蚊都算我比$30 魚蛋溝燒賣都話要加2蚊 話係2樣嘢 每樣各加一蚊 結果仲要比得每樣6粒我 買一送一去左邊 呀姐態度差 去寵物街橋底嗰街好過 人地真係比足每樣12粒 共24粒

見到魚蛋隻顏色已經心知伏伏地點知落口第一啖 難食到顛覆我既認知唔知大家中學有無幫襯過小賣部既撈麵我可以話呢個撈麵簡直係還原返果種味道 同埋將個價錢x2左甚至係更加難食 麵完全無味 好似1包調味粉都無落 白烚左個麵就上咁魚蛋更加誇張 落左豉油都食唔出任何味道連印尼撈都可以整到咁 簡直係高手

龍津美食早幾日喺旺角等緊拎Pizza期間，走咗去隔離店篤串魚蛋燒賣，呢間「龍津美食」越開越多間分店，所謂買一送一魚蛋或燒賣，其實係銷售策略，逼人買兩串，如果係旅客睇一定以為好平！1.辣魚蛋燒賣（各1串）$12（7/10）每串魚蛋燒賣各5粒，唔算話貴，又唔算話平，燒賣煙韌彈牙，魚蛋就一般，最失望係辣椒醬根本唔辣，暫時我覺得葵芳「強記」嘅辣椒醬夠哂辣！2人總共價錢$12個人口味總評分：7/10地址：旺角登打士街43D地下 #龍津美食 #旺角美食 #掃街美食 #魚蛋 #燒賣 #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

我同呀姐講「一份燒賣，唔該」唔明有咩唔清楚，佢要反問我。呢樣野都算。 我拎走，問佢有無蓋 ,佢話無，就俾左個膠袋拎走。我拎拎下發覺啲豉油倒曬出嚟，所以決定返轉頭攞多啲。嗰呀姐就好唔耐煩咁話 「嗰低咪有囉，aiya」我唔明點解係街買份燒賣都要受佢氣。我以後幾想食燒賣都唔會幫襯佢。

登打士街最平一間小吃店龍津美食十蚊一份魚蛋或燒賣可添辣醬或甜醬辣油大約十粒,平均一粒一蚊魚蛋唔好食,反而佢既燒賣我認為不錯魚肉燒賣夠彈牙,加添一些甜醬辣油就係港式風味小吃 另外有生菜魚肉,雞蛋仔,夾餅,台式肉腸,炸雞脾  魚蛋不推,燒賣推旺角登打士街43D地下G/F, 43D Dundas Street, Mong Kok, Mong Kok總評大部份小吃十元至20蚊內,旺角不二之選

唔係第一次光顧，的確食物味道唔係好食，但亦未至於噁心。今日放工經過貪就腳去買嚟頂肚 ，吸取上次經驗，燒賣買20蚊係食唔落嘅，所以就選10蚊，買完我見店前有支醋，所以拎嚟加。黃衫店員見到，以責罵語氣話：😡燒賣唔可以加呢啲！我心諗...估唔到龍津對食物都咁有要求我：哦..黃店員：😡唔可以加架你，呢啲係加落碗仔翅我：哦，好呀唔該哂(轉身準備走)黃店員：😡買得嗰10蚊野加咁多野..我：(🔥走返轉頭）阿姨如果要收返錢我畀返你，我要畀幾多？黃店員：😕唔洗我：咁你可唔可以唔好再鬧我？最後個燒賣揼咗，有時食物難食唔係味道差，係整同賣野食嘅人令人食慾不振，希望龍津可以同員工傾吓，我見之前comments都已經有人投訴過相似問題，或者收起啲豉油麻油醋唔好放喺當眼地方畀人加，免得誤會。

話說喺太子行完街好口渴，想飲鮮榨果汁，咁啱見到龍津有，行過去試下。最後叫左杯甘筍蘋果雪梨, 收左22蚊。當我見佢切完個水果，個梨心係黑色，我話個梨好似壞在，要求叫停佢，想佢換過另一個梨。點知個職員話: 呢啲叫壞咩??其實唔一定係壞，但肯肯定係唔新鮮。跟住職員做左件非常好嘅事，竟然掉翻22蚊比我。咁樣係非常無禮貌，絕對唔係咁對客人。22蚊買杯三拼果汁，其實喺旺角算係好平， 但諗返轉頭，其實我只係需要三樣蔬果榨成汁，主力都係賣服務， 咁嘅服務質素， 好難叫人再幫襯。 難道真係太多遊客 養成佢哋今日嘅服務態度? 這種服務態度根本不值得存在 喺任何嘅飲食行業。

今晚又係勁趕時間，坐低食碗麵嘅時間都冇😭😭好匆忙咁經過旺角登打士街，係極餓嘅情況底下，去咗幾多間分店嘅『龍津美食』呢間可以話係我見過咁多間分店之中最細嘅一間😂😂舖仔面積雖然細，但乜都有得食，而且價錢相對比較平～好多人幫襯。今日因為無時間慢慢揀，求其買左10蚊辣魚蛋就算⋯⋯『龍津』啲魚蛋本身用咖喱汁不停煲煮，好快有得食！叫辣魚蛋的話，店員呀姐會落多一匙辣醬，辣醬都幾香、幾惹味～不過略嫌有啲咸。

今日收工突然想食格仔餅，格仔餅的價格愈來愈貴亦愈來愈多味道，最貴的可以$30，但我最喜歡都是買最普通的一款。在旺角來說，龍津的確是比較便宜，而且味道不錯的店鋪，雞蛋仔也是外炸內軟的，但今日食的格仔餅比較硬，而且在店員抹醬的時候，看到他屈一屈格仔餅是有點困難的，可以是因爲太硬，而他又怕弄斷吧！平時午餐時段亦會見到很多人會購買魚蛋燒賣和雞蛋仔，在午餐時填一填肚子。總結：龍津的食物是平價之選，又可以充飢！

間唔中都有食下龍津美食，依家開到周街都係，不過最好食都係旺角道呢間～ 我覺得最好食就係呢度嘅燒賣，魚蛋都冇咁好食，我朋友話佢嘅醬汁係魚蛋燒味鋪來講最好，有啲誇張🤣 我自己就鍾情呢度嘅炸魷魚，同埋炸薯餅～ 好食到一星期可能食兩三次～ 炸薯餅就冇McDonald’s咁好食，但係勝在大大舊！👍🏻👍🏻 炸魷魚就真係超級好味~ 您order, 佢會幫您熱反，整完之後真係好香口，外脆內都脆，炸既外皮好好，唔會太粉，又唔會太薄，魷魚食落唔會唔熟，正！👍🏻

每日早餐其實都係好頭痕嘅其中一個環節，我就成日都去食麵包，因為真係有時會冇時間煮嚟食或者坐低嘆早餐前日，太趕時間，去咗公司附近嘅龍津諗住睇吓有咩食！本來想食隔離嘅麵包鋪同麥當勞，但係因為連續幾日都係麵包，有啲厭，所以就過咗隔離搵龍津！其實本身對龍津冇乜好感，因為覺得平但質素未必好好，又成日聽朋友講話平嘢冇好嘢～但係我見佢嘅早餐選擇組合都好多，所以就決定試吓～ 佢好多早餐組合都係$15，最多都係撈麵加燒賣魚蛋$20，仲要全部早餐都有嘢飲，我覺得超級抵 我叫咗燒賣腸粉，佢就俾咗一大兜我，裏邊有大概三條腸粉，五粒燒賣，同埋叫我攞包紙包飲品，咁就$15！我試過，味道又唔係好差！可能我本身期望唔高，同埋對早餐要求比較低，所以我覺得整體唔算好差，佢嘅腸粉都住得好斬身，啲醬一般，燒賣就不失水準，雖然咩都好好食，但係配埋佢嘅豉油，就感覺會想食多幾粒！不過衛生就有待改善～

繼第一站之後，繼續我們「掃街」嘅第二站，我們就揀咗旺角登打士街嘅「龍津美食」，因見到他們嘅餐牌寫著魚蛋同燒賣係買一送一，所以我們就買咗嚟食，但結論係千萬唔可以貪平，因魚蛋嘅味道係超級腥，而且質感係極之腍身，好似食緊粒空心嘅魚蛋咁！而燒賣都算還可以，質感都幾煙煙韌韌，但就唔係好食到魚肉嘅味道！而最令我們反感嘅係負責賣嘢嘅嗰位「大嬸」，佢嘅態度極之惡劣，好似我們每個人客都要跪求佢賣嘢食畀我們咁，真係令我們覺得超級失望呀！

第一次幫襯依間舖 真心無下次 我話要碗魚蛋（我見牌係寫10蚊碗）但見個女人夾多過10粒 以為佢唔小心夾多咗 咪諗住提下佢話 我要10蚊一碗喎 好似夾多⋯都未講完 已經俾佢鬧 話你自己唔講 我鬼知你要10蚊啊 依家先講 又要我夾過 哇 大佬你間店個牌寫明10蚊碗 我要一碗咁都可以無啦啦比你話 簡直無奈 仲要一路鬧 啲口水飛黎飛去 🤢如果你一碗嘅定義唔係10蚊咪貼個新價錢囉 之後再問你 你又要話有10蚊碗 有20蚊碗🙄你個牌又唔寫有20蚊嘅選擇 我點知？改善下啲員工啦 趕客咁款

嗯，同同事經過旺角。有啲肚餓加上落雨，試下佢哋出名嘅咖喱魚蛋同埋燒賣。問心嗰句覺得唔錯。咖喱魚蛋有咖喱味，唔係太辣。適合女仔食。魚蛋雖然唔係太有魚味，天氣咁凍食都可以。個燒賣就真係唔錯。做到皮薄餡靚，加上佢哋專用嘅豉油，可以喊得嚟唔太油。另外有試過佢哋四寶，青椒炸得唔錯。不過仍然係太細舊，唔啱胃口。希望老闆可以改良下個味道。紅腸就真係炸得唔錯。佢哋有豆漿或者可樂供應。雖然有啲貴但係可以解口渴。我推薦大家上班族試一試。

呢間嘅僱員服務態度認真唔得 我明明係畀錢嘅顧客 下佢竟然勁大聲同人講嘢 而且好似叫你快啲食完快啲是咁樣 但係就算佢哋嘅服務態度有幾差 魚蛋燒賣然都係咁好食 但係我唔會再返嚟依家幫襯