龍眼樹小食店

Open Now

Now Closed

上Openrice search 到呢間小店，今次係第二次光顧，每一次去買嘢，店舖職員/老闆都好有禮貌，成個體驗都好愉快😃上次掛住食，唔記得咗影相🫣🫣今次一定要影返啲相先得。今次買咗紫米糕，好好味，好香椰汁味，口感有少少煙韌，唔會太冧，味道好似真係食緊碗紫米露咁😍😍另外，要讚下佢個包裝，今日買咗3個紫米糕 ($22 有3個，可以溝其他款) 回家，個包裝盒可以防止啲糕壓到變形，拎到返屋企仲係完好無缺，屋企人食完都一致讚好👍🏻下次入元朗再試下呢間小店既其他產品🙂👍🏻

🔆龍眼樹小食店🔆好想俾啲鼓勵同埋支持呢間食得出心機同埋人情味既小店🫶🏻🫶🏻係雞地咪錶位附近成日經過見到呢間小食店 不過因為唔太起眼 所以平時冇乜留意 有一次想搵小食過下口癮 於是入咗去 第一次好似買咗兩碗糖水 印象好似係海帶綠豆沙同埋腐竹雞蛋糖水 兩碗糖水都超級足料 甜度又啱啱好 已經對呢間小食店有個好好嘅印象 再加上買糖水嗰陣 老闆娘特登問我鍾唔鍾意食薏米 當我話鍾意嘅時候佢就話揀一碗多啲料嘅俾我😍所以已經比呢種人情味吸引左👍🏻👍🏻到第二次去除咗買糖水 試咗佢人手製作嘅老婆餅 平時食開老婆餅都係食恆香 點知一食呢間嘅手製老婆餅 真係俾佢驚艷到‼️佢入面嘅口感好鬆軟 最特別嘅地方係佢中間會有啲細細粒嘅糖冬瓜餡料 甜度啱啱好連平時唔係好鍾意食老婆餅嘅老公都讚真係好好味🤤🤤今日經過又買咗一打老婆餅 想帶返屋企俾屋企人試吓忍唔住同老闆同埋老闆娘讚佢哋嘅老婆餅好好味佢哋解釋所有食物都係佢哋手工製作 真係喺香港買少見少嘅人情店小店💗💗喺呢個市道咁差嘅時間 我都衷心同佢哋講左聲「加油！」 佢哋都慨嘆市道差真係好難捱 希望呢種人情味味道可以一直保留💪💪想感受吓人情味嘅味道/鍾意食老婆餅/各款懷舊糖水

我行過去元朗轉車嘅時候，見到一間名為龍果樹小食嘅餐廳，店員好親切主動介紹佢哋嘅招牌菜。最終，我選擇了佢哋嘅魚蛋。呢啲魚蛋比較特別，係陳皮魚蛋，口感香脆，搞到我流曬口水。可惜嘅係，佢哋嘅魚蛋汁有啲稀，唔夠濃郁，掛唔到上魚蛋。如果魚蛋汁再濃郁啲，配合魚蛋嘅風味，一定更加完美。除咗魚蛋，龍果樹小食嘅菜單都有好多選擇，重有糖水。如果下次再嚟，都會再食龍果樹小食既，不過希望佢哋可以改進魚蛋汁嘅口感，令整體食物更加出色。

路過發現有新制品黑糖砵仔糕！無論有紅豆定係無紅豆都係$7/1個,$20/3個。有豆黑糖砵仔糕 $7砵仔糕好香滑。驚喜❗️估唔到用黑糖整嘅砵仔糕係咁清甜彈牙，本身都好驚佢超甜。傳統砵仔糕就用黃糖比較甜。紅豆好香煮得透淋身紅豆味濃到蓋過黑糖味😂朋友話紫米糕好味，我就未買到嚟試。

剛入元朗食嘢食，CP 值性價比超高，高水平，食物高水準小店。店長推介紫米糕，燉蛋。價廉物美，全班水準。大家去開元朗可以支持一下。而且店長非常友善，價錢非常公道，比起附近店舖更加低於市場

【莎拉 #元朗外賣推薦】無飯家庭😆最近雞地開左間熟食小食店 #龍眼樹小食店，有 #腸粉 食‼️仲有老婆餅同砵仔糕等等。話說有次去老人院探親，親人想食混醬腸粉。正中午我哋揸住架車係元朗搵，泛后話要三點後，B仔又話無腸粉，幾間小食店都執咗，之後諗住去7仔買頂住先，都可以話賣晒🥲中學時期真係$10腸粉/炒麵就一餐，好懷念。📍腸粉套餐$20腸粉4條，燒賣3粒，魚蛋4粒❗️配甜醬，花生醬‼️腸粉好唔好食真係要睇埋甜醬❤️👏🏻好彩係好味嘅甜醬‼️

粉仔好好食😋！腸粉餐正呀！又抵食！一定會再幫襯😊 買左個椰皇返屋企俾屋企人食，屋企人話好正，想再食多個！問過老闆，佢話用3.7 牛乳整嘅老闆好好正仲請左我食紫米糕