龍記小廚

Open Now

Now Closed

好正嘅中菜餐廳😍 今晚約咗朋友食飯，想食地道有風味嘅小炒，一於嚟好出名嘅「龍記小廚」🥳 有套餐好抵食！炸子雞必食招牌炸子雞！外脆內嫩，金黃的外皮香脆可口😍😍 每一口都帶著肉汁，雞肉好嫩滑，高質！🍗龍蠆腩豆腐煲非常滋味，魚肉大大件 煮得軟嫩，豆腐吸收了濃郁的湯汁，回味無窮🥘魚香窩蛋茄子煲🍆推薦😍 鹹香惹味醬汁加新鮮的茄子，配飯食超正👍 原來加雞蛋仲好味😋🍳炒菜心清脆爽口，保留了蔬菜的鮮味，配上蒜香，整個餐點更加均衡🥬

入冬就梗係要食羊腩煲啦，是晚嚟到牛頭角嘅龍記小廚試下，聽街坊講龍記小廚啲小菜唔錯㗎。⭐龍記羊腩煲羊腩煲送生菜一份，個煲唔細羊腩都唔少，仲有筍、冬菇、馬碲、枝竹等，炆得香口入味，連薑都炆都淋晒無渣㗎，羊腩連皮起正，點埋個腐乳醬無得彈呀😍⭐椒鹽九肚魚仲叫咗個香口嘢椒鹽九肚魚，九肚魚炸得外脆內嫩，魚肉入口非常滑，外面脆卜卜勁正。⭐白飯羊腩煲咁正梗係要返個白飯啦，淨係啲南乳汁撈汁都食到幾碗。⭐汽水飲飽食醉叫返罐汽水解下膩先，凍冰冰爽呀。店內食客都唔少，見枱枱都叫隻雞嚟食，莫非呢度啲雞好正嘅？下次嚟試下先😋

朋友話佢公司附近有間人氣隱世中菜小館約左放工dinner 傾下計放工去到差唔多滿座真係好人氣🤣🤣食物種類多元化睇到我花多眼亂性價比高🐽經典拔絲咕嚕肉 HK$118咕嚕肉酸酸甜甜，大人細路都岩食，見抬抬都必點🤣。炸漿薄外皮脆卜卜，肉質軟腍有咬口，酸甜味恰好，就算放耐左外皮仲係好脆口。龍記炸子雞 HK$98炸子雞皮燒得薄又脆， 肉質嫩滑多汁入味，冇油膩感，我幾中意。金沙蝦球 HK$118咸蛋控完全抗拒唔到🫶！咸蛋煮到起哂沙，口感綿密厚實，蛋香撲鼻，蝦球咸香彈牙。蓉炒豆苗 HK$108豆苗新鮮翠綠，嫩滑清甜！

今天黃昏，我和太太在觀塘的龍記小廚享用了美味的晚餐。這家餐廳以其地道的菜餚而聞名，氣氛輕鬆，讓我們感到非常舒適。我們首先點了豉汁蒸鳝，這道菜的鳝魚鮮嫩多汁，搭配豉汁的香味，讓人垂涎欲滴。接著是椒盐海中蝦，外脆內嫩，椒鹽的香料味道恰到好處，讓我們一口接一口，根本停不下來。炒时蔬則色拉豔麗，清脆可口，為我們的晚餐增添了一絲健康的氣息。此外，凉瓜猪腩片也是我們的最愛，苦瓜的微苦與豬腩的肥美相互交融，口感層次分明，令人驚喜。最後，我們點了白飯，簡單卻必不可少，讓整餐更加圓滿。用餐過程中，我們聊著生活的點滴，享受著美味的食物，感受著彼此的陪伴。餐後，我們滿足地離開餐廳，心中充滿了感激，期待下一次再來品嚐更多佳餚。

今晚落咗觀塘搵食，俾我哋搵到間有大排檔風味嘅小廚，見到好多人幫襯。被佢門口大大相片嘅餐牌吸引住，菜式好多，餐廳乾淨企理，而且鑊氣火喉十足。本身我倆就貪食嘅性格再加埋有選擇困難症，最後我哋都叫咗3款小菜，1個炒飯😂拔絲咕嚕肉 $118見到餐牌呢個餸係佢哋嘅招牌小菜之一，每一台客人必有order， 外層炸得超脆，肉質軟嫩彈牙，醬汁酸酸甜甜配埋紫洋蔥，三色椒🫑及菠蘿，配飯或空口食都好美味😋芥蘭炒安格斯牛肉 $138芥蘭幼嫩冇渣，清甜。用上安格斯牛肉配搭味道香濃。金沙脆酥肉 $108鹹蛋黃迷必叫，熱辣辣，炸粉超薄，第一口咬落去就有鬆脆嘅效果，裏面用咗煙煙韌韌嘅豬頸肉炸成，用嚟嘆返杯啤酒一流👍蟹黃醬海皇炒飯 $88呢個炒飯亦都係佢哋餐廳嘅招牌菜之一，米粒炒得金黃乾身，粒粒分明，蟹黃醬香濃鮮甜，將蟹黃醬撈埋一起，好味🤤另外見到入嚟嘅每台客都會叫佢哋嘅出名炸子雞，下次等我約齊腳再encore先🥰

我諗各位有眼睇！！！邊個想食橡筋頭髮就去食個日諗住開開心心同屋企人食餐飯，跟住上網搵到呢間評價唔錯，見好多人推薦，就諗住試下點知黑仔到咁😅😅食到最後一舊竟然有條橡筋綁喺個羊腩度！好想喺度爆粗。。。離譜到呢咕嚕肉就正常水準，羊腩煲啲份量小，衛生程度更加唔洗講，離晒大譜，餐廳間唔中有頭髮都正常，但唔係藉口，唔係應該要反省下咩。橡筋事件嘅回應係直接賴落供應商，咁食材係你哋店內處理㗎嘛。質素都咁差，處理態度語氣又差，俾我感覺似係我老屈佢地咁。反映完話幫我地免單，我地照比全數錢，費事比人覺得我地食霸王餐，真係唔怪得香港啲生意咁差。做衰香港飲食業

觀塘🚇嘅龍記小廚，主打傳統嘅🇭🇰香港風味，出品火喉🔥十足，真係一間好味嘅隱世🥢中菜館。呢個🤩龍記炸子雞幾乎係呢度每台必嗌嘅餸😍，炸子雞外皮金黃香脆🐓，內裡雞肉嫩滑勁多汁，🍗絕對完勝大部分中式酒樓。蛋黃沙律醬🍤蝦球味道勁濃郁，🤤蝦球外脆內鮮爽，蛋黃沙律醬🥰味道鹹甜適中，👏非常好味。呢度嘅🔥椒鹽九肚魚每塊都好大件，🐟炸得外脆內嫩腍，椒鹽味道剛剛好👍，唔會過鹹，點埋少少醋😋更有助減膩。金牌🏅陳醋一字骨十分之令人喜出望外🤩，入口肉質鮮嫩鬆化，😆陳醋嘅酸甜味道剛剛好，一字骨🍖煮得好入味非常開胃。

今日早收工，約埋朋友去觀塘一間人氣餐廳食飯。六點幾去到都差唔多full 晒，建議大家book 定枱先。我哋叫咗幾樣小菜，🧷金沙蝦球，炸得金黃酥脆，炸粉薄，鹹蛋味好香，蝦肉拔大舊又鮮甜爽口，炸得岩岩好。好味道！🧷經典拔絲咕嚕肉，係餐廳既招牌菜，好出色。外面炸得脆脆的，裡面軟嫩，甜酸的醬汁岩岩好，餸飯一流！🧷炸子雞，雞皮炸得好脆，肉質又嫩又多汁🧷海味雜菜煲，裡面有新鮮海鮮和各種蔬菜，湯底鮮甜，有唔同配菜，蝦都大大粒🍤。整體嚟講，都幾滿意，上菜速度又快，服務態度都好友善。見到隔離枱點左羊腩煲，而家天氣轉涼，羊腩煲岩晒😍下次再試下其他先📍龍記小廚 (觀塘)觀塘聯安街21號地舖

位於觀塘的「龍記小廚」是不少上班一族的午餐好選擇🤭🤭 今次同同事午飯時段點了咕嚕肉、藤椒魚皮、招牌炸子雞以及乾炒牛河，整體表現令人滿意，性價比高 ❤️ 咕嚕肉酸甜味道平衡，外層炸得酥脆，而內裡的肉質保持鮮嫩，算是很穩定的一道招牌菜。藤椒魚皮則是一款適合炎熱天氣的涼菜，魚皮爽口彈牙，藤椒的香氣帶來麻香微辣的刺激感，開胃又有特色。招牌炸子雞皮脆肉嫩，是飯桌上的亮點。至於乾炒牛河，雖然河粉炒得香氣十足，鍋氣充足，但肉片的份量略顯不足。不過，考慮到人均消費只需$70-$80，這個價位在觀塘區算是非常高CP值的選擇，尤其是菜品的水準和份量都相當不錯👍🏻🌟總結來說，龍記小廚是一間適合日常光顧的餐廳，特別是午餐時間，確實是觀塘區值得推薦的平價中菜餐廳 😋👍🏻👍🏻

在觀塘收工，順道開餐，觀塘有著大大小小的餐廳飯館，可謂是個飲食小天堂。龍記門面光鮮企理，感覺實惠，一於跟幾個同事一拼開餐。環境乾淨企理，小菜館藏著大菜式 👍👍，高手在民間！牆上大菜的餐牌，極吸引，鐵定找個借口，組團來大刷一番！龍記推介三寶套餐 $338，點了A餐，有雞有魚有蔬菜🥬，超級抵食！先來龍記炸子雞半隻 皮脆肉嫩，雞有雞味，加上分量充足，可算是招牌美食。再來龍躉腩豆腐煲料頭爆得甚香，豆腐大少適中，易夾易食。龍躉肉鮮嫩，咬開看到一梳梳的魚肉，外層上滿了醬汁，好食家常炒通菜通菜嫩綠，沒有濃味的蝦醬或腐乳，可以品嚐到通菜原味 👍👍菜心炒安格斯牛肉 $138，賣相驚艷，高檔有驚喜 😍😍，完全是五星級出品！菜心軟腍無渣，牛肉有肉味有咬口，卻是零韌度 👍👍甚為滿意的一餐，鐵定再來！

今晚同朋友食飯，揀左呢間食 果然無揀錯，食物方面好好食，無甩拖。招牌燒雞，皮脆肉滑椒鹽香酥肉，絕對驚喜好好食小炒皇，正常發揮無甩拖蟹黃醬炒飯，粒粒分明好鑊氣藤椒麻辣魚皮，開胃好食😋

咁啱去玉蓮台做完嘢，諗住過宜安街熟食市場晚飯啦，行過見到有間裝修唔錯嘅龍記小廚，見環境唔錯就行入去試下。位置夠闊落，而且姐姐好殷勤，一坐低就介紹我哋招牌菜，今時今日咁嘅服務態度抵讚👍🏼揀咗個姐姐介紹嘅胡椒豬肚雞煲、同黃金炒苦瓜四季豆，同埋女朋友至愛藤椒魚皮👍🏼跟住就慢慢嘆住茶等菜上。藤椒魚皮係最先上嘅，香港好多舖頭嘅呢個菜式有一個問題，就係會落得太多嘅麻同埋辣，令到香港人好難入口。呢間舖頭就唔同啦配方比例適當除咗可以體會到菜式應有嘅麻辣味之外唔會令到我不停咁一條魚皮一啖水，可以正正常常咁品嚐呢個菜式，勁啱又鍾意試奶，但係又唔係好食到辣嘅香港朋友🤭個豬肚雞煲除咗大煲夠味之外，仲一直用爐上保持住啱啱出爐嘅溫度，食到最尾再飲啖湯仲係熱辣辣嘅！豬肚唔會太韌，雞肉又夠嫩滑，一啖料一啖湯，簡直超溫暖！我諗遲啲冬天過嚟食仲正🫡最後嚟嘅黃金苦瓜四季豆，最重要嘅就係唔可以太油膩，啲油浸住啲四季豆又肥膩又難入口。呢間餐廳就做得唔錯啦，起碼每條四季豆夾起上嚟脆身又唔會食油食落去真真正正可以體驗到四季豆同埋苦瓜嘅鹹香味同埋清爽👍🏼作為成日宵夜都想考慮食大排檔嘅我，呢間餐廳絕對值得經常再去！可以食到有溫度嘅中菜

繼續瘋狂生日飯，今次揀咗呢間，原因係好想食佢隻燒雞。果然皇天不負有心人，隻雞真係幾出色。個皮夠脆，隻雞應該吊得乾身，炸出嚟就有呢個效果。加上冇乜肥膏，食完之後罪惡感冇咁大。整體食物份量唔算大份，七個人咁樣叫好似唔係好夠食。味道各方面確實出色，不過第一味嚟嘅糖醋骨就教個醋教得酸咗少少。好彩之後啲咕嚕肉同埋香酥骨都好好食外脆內嫩超有肉汁。個閃煲個味都整得幾好唔覺有泥味，但係都係細件咗少少。個炒飯都炒得幾乾身，但係個蟹膏嘅話就怪少少，如果唔落可能更加出色。事次用餐均自費。

今日放工係牛頭角 行五六分鐘有間好出名既鑊氣小廚 門口好大個龍字既logo好吸引 見入面長期滿座就吸引左我去試啦 呢到顧客同店員都好多野講 好重人情味🥰拔絲咕嚕肉入口時咕嚕肉脆口 配埋包裹既酸酸甜甜汁 送飯一流🥰 味道岩岩好 仲要有拔絲 可以睇得出師傅既功夫龍記炸子雞食炸子雞最緊要係皮脆肉滑嫩 就連雞胸都唔「鞋」口 好食 椒鹽雞軟骨賣相一流 雞軟骨炸完咸咸脆脆 配啤酒食好夾 好岩同朋友一路吹水一邊食…不知不覺就食哂🤣碧綠蝦球炒帶子整碟菜火喉控制得好 蝦球同帶子鮮嫩入口 豆菜爽口 欣賞每道菜上枱時仍然保持熱辣辣，又夠鑊氣。店員反應快而且有禮貌，加分🥰

好耐冇食過咁好食炸子雞，真係可以炸到皮脆肉嫩，皮咬落脆卜卜，但又唔會滿口都係油，雞肉又唔會鞋，唔會好似外面酒樓咁炸到又干又鞋半隻雞都唔夠食😂本來想試下龍躉蚊豆腐，可惜龍躉沽清就轉左豉汁蒸白膳，老闆推介，又真係好正，好中意佢地調豆豉汁，好嘢味，白膳一食就知唔係大陸膳，因爽口又彈牙，好有口感豉油王鮮魷炒麵，一上就知好獲氣😂面炒得好干爽但吸收豉油香，加埋鮮魷，多種鮮味，好食😋唔怪得6點就已經坐滿，都好少地方食到飯店咁有獲氣小菜👍