1+2冰室豬扒專門店

Open Now

Now Closed

今朝同一大班朋友同埋bb去完玩，玩到已經兩點幾，就腳喺屯門搵間餐廳其實呢間餐廳係我哋食開，同埋覺得豬扒係好好味，終於有時間幫佢出返篇食評😆侍應姨姨每次都好親切，港式地道茶餐廳感覺，豬扒係整得入味同埋夠腍，又唔覺佢用咗好多鬆肉粉，呢個水準係值得成日去食嘅😍我哋今次叫咗凍奶茶 小冰多奶x2是日午餐香煎豬扒蛋飯（熟蛋）香煎豬扒意粉配洋蔥汁（熟蛋）值得一讚嘅係，意粉係煙韌彈牙，同埋每一碟係好夠汁，茄子都整得好好味味道貼地有誠意，加埋服務，值得推介比街坊🥰凍奶茶

今日勁大雨，婆婆塔的士直接屋企樓下落，所以費時行返落去買午餐。婆婆吾想食炒粉麵，佢想食下午茶餐，就搵左1+2冰室豬扒專門店。我地2個人，本身想叫2個下午茶餐，點知佢話吾夠錢吾送（其實只係差6蚊，仲要勁近），搞到我哋要叫3個餐。西多士跟飲品$34： 食落去勁油的感覺，入面花生醬餡料勁少，完全食吾出花生醬味，吾掂。油沾多跟飲品$27：正正常常無咩特別。雞脾薯條跟飲品$44：雞翼新鮮即炸好味，但吾算抵食。

斜對面卡位對男女嘈交絕對遠比我面前呢碗酸辣粉黎得吸引。呢碗粉絕對顛覆左我對酸辣粉嘅理解，茶記嘅雪菜肉絲米線，肉絲換左肉粒，加幾條辣椒，加幾滴醋，加幾粒花生，就係一碗屯式酸辣粉。佢嘅創意仲勁過死屍四時四十四個何爵天，呢碗可以叫做肉絲食時四十四，仲可以加價到四十四蚊添。其實又唔話得佢嘅？論酸，佢有；論辣，佢都有。如果食物只係用黎填肚嘅話，咁呢間餐廳又做到呢個目的喎。如果食店唔論味道，服務員係幾好嫁，其他人個食相都無乜異樣，可能我只係係呢度揀左唔啱嘅食物姐。

去附近工作，見到招牌寫住“豬扒專門店”就走咗入去叫咗1個午餐“招牌豬扒飯”嚟到個有驚喜，伴碟除咗椰菜，竟然有條長茄子，雖然只有1/4，但真係好少見豬扒有口感，唔係乸到淋bad bad嘅肉另外叫咗個下午茶餐“吉列豬扒米線”吉列豬扒上枱同我期待嘅外型有出入(以為會係日式吉列😅)外皮好脆，豬扒有肉汁，伴碟有千島醬，加分不過碟米線就差d，太淋，湯底又無乜味牆上見到有扒餐$98起走前聽到隔離枱叫小菜，下次再嚟試下

難得嚟到屯門，竟然比我遇到依間不太起眼的冰室，雖然環境一般+衛生程度麻麻，但食物的水準都幾高質素，餸菜獲氣拍得住大酒樓，今日叫咗三樣餸，楊州炒飯，鹹魚煎肉餅，蝦醬通菜鮮尤，三個餸都各有水準，值得再去

放假去左屯門同朋友行街行下行下肚餓見到這單食豬扒的專門店打算嘗試一下就咁睇落去好有西貢感覺仲以為去西貢一入到去就聞到好香豬扒味好彩我係1點前去如果唔係都唔知要排幾耐坐下來之後望咗一眼餐牌一眼就鎖定招牌豬扒煎蛋飯因為係即叫即整所以等左10-20分鐘一上到枱面就有好香味道仲有條茄子同白西蘭花🥦凍檸茶味道啱啱好

香港地大家工作繁忙無飯夫婦比比皆是我同另一半亦不例外經常去附近茶餐廳尋找家的風味1+2因為好近屋企因利乘便間中會光顧以下係我對1+2的感想1. 晚飯偏貴，尤其係客飯是日點了菜心炒鮮魷和茄子牛仔骨每個客飯未包飲品已超過$80凍飲仲要加$5份量又唔係特別大CP值很低2. 味道一般，偏油膩鑊氣係夠，上菜時熱辣辣不過牛仔骨和魷魚都比較少而且落好多油好唔健康牛仔骨偏靭多筋難以咀嚼實在令人失望3. 座位唔舒服風口位多將餸菜好快吹凍晒衛生情況都一般4. 服務方面，小店經營但係店員/老闆比較冷漠缺乏街坊小店的人情味總結而言，我覺得價錢上和食物質素上都需要改善才能吸引客人光顧。

平時間中路過見到都想去試下。上星期行完vcity返歸經過，見到咁啱下午茶有酸辣米線。好似得下午茶時段（2:30-5:30）先有呢個揀而且價錢先得$29（外賣自取雖然有9折，但本身餐廳會額外加收$2外賣費，凍飲另計）味道方面，因為本人唔太好辣，所以覺得佢酸度辣度都ok。不過可能平時有食開辣既人就覺得輕手得濟。btw個麵都算足料，份量算多，又有好多酸菜、肉碎、花生🥜😋😋以咁既價錢黎講都算係好抵食！

中午嚟到呢間餐廳食飯，見到個店名，本身想食豬扒飯。但係諗諗下最後都係叫咗北菇蒸雞飯。碟北菇雞個賣相就一般啦，不過味道都唔錯嘅。個人比較鍾意食軟綿綿嘅飯，所以略啲飯煲得硬咗啲。

Ordered for take away, the quality is still good yumm yumm, waited almost 40mins for deliveryGot roasted tomatoes pork cutlet rice which having really good taste and the pork is so tender, i love soft rice with lovely sauce too, haaa it'll be better if having more pork, here seem the portion of rice is far outweigh the pork laaaAs always love roasted pork cutlet xdd

係油麻地嘅時候已經食過呢間野，全部肉都醃（或者叫用鬆肉粉拿到好軟？）到好軟到好軟好好味。最好味係佢個焗豬扒飯，炒飯底係超香超有鑊氣同唔會好油。我仲食過咖喱豬扒飯， 同埋照中嘅咖喱焗豬扒飯，咖喱焗豬扒飯係午餐平啲，但係普通白飯底，同埋佢個咖喱汁完全冇咖喱味，咖喱或者咖喱焗飯最好都唔好叫。

看到是最近新開張的茶記，好奇試試。午餐時段，友人要了個香煎豬扒蛋飯($40，有茄子作伴菜)，本人淺嚐一口肉，豬扒過軟，不新鮮的果汁味很重，難免會想起垃圾味。自己就要了下午茶餐裡的炸雞翼麵($36，放棄了套餐包配送的餐飲，所以才可以在午餐時段裡點)，炸雞翼同樣帶有果汁味，所以味道不討好，最後只吃了一隻。懷疑是用煎了豬扒的同一個煮食用具所以果汁味被染到了。這只是純粹個人口味，可能其他人會喜歡有果味的豬扒，而且豬扒是這間冰室的特點，可以一試，個人就免了。菜單：

外遊回港，下午三時多到達屯門，還沒吃午餐，經過這家剛剛開業的冰室，看看餐牌認為價錢合理便入內囉。冰室有數個室外位置，方便特別需要呼吸的客人，戶外裝有掛牆風扇，不至於太熱。店內光猛明亮，坐位以湖水藍為主，令人有涼涼的感覺。我們點了兩個下午茶餐，雪菜肉絲炆米、吉列豬扒沙律配熱奶茶。雪菜肉絲炆米恰如其分，沒有很多肉絲，混有豆芽菜，口感增添爽脆，茶餐份量比較少，味道正常。吉列豬扒沙律賣相不錯，沙律材料有提子乾、沙律菜、什果、薯仔，另有一堆沙律醬。吉列豬扒厚度普通，炸得不錯，表面香脆，肉質尚可，沒有太乾。可是店家以豬扒專門店為名，這個質素就未免不合格了。沙律食味不錯，比一般茶餐廳的質量好一點。吉列豬扒沙律有一塊紙墊在碟上，未吃完紙墊便糊掉了，紙碎入食物裡了。個人認為紙墊可以省掉，以免適得其反。