101台式休閒餐廳 (尚德商場) (Closed)

來到尚德商場，小女生喜歡台灣食品，那麼就去平日人頭湧湧的人氣台式餐廳吃東西吧！差不多三時來到，已經是下午茶的時候。顧客依然很多，幸好我們立刻可以入座。下午茶有很多選擇，價格也只是二十至三十多元，與一般連鎖快餐店相約。取位後就選食物，選好後就到收銀處購買，然後就會有服務員把食物送上來。 鹽酥雞翼瑞士汁蔥油撈公仔麵 $37第一次吃蔥油撈公仔麵，再加下酥炸的雞翼，感覺就是中西合壁一樣，很是有趣！芝士香草玉子豆腐 $20炸了的玉子豆腐，配上香草芝士醬，又滑又香口，小女生最愛！ 凱撒沙律 $18這是沙律是加入了芝麻醬的，不是正宗的凱撒沙律， 沙律菜新鮮， 配上芝麻醬的沙律 ，味道當然ok啦！香芋珍珠又香又濃又滑，珍珠夠淋又煙靭101台式休閒餐廳價格便宜，外間也少見這類的台式快餐店，往後除大型連鎖快餐店外，又多一個選擇了！

星期六兩時半來到，客人很多，要等位，好彩等了一會就有位了。今次是我第一次來到101台式休閒餐廳，店內的裝修簡約，讓人感到舒適。入座時帶位的小姐給了我一個餐牌，當選完後就自行到cashier 落單，落單後回到座位等待送餐。只是下午茶，已差不多有三十款，實在眼花撩亂。因為還沒有吃午餐，就選了一個迷你飯及加錢選了特飲一杯。迷你醬汁雞扒肉燥飯 $37份量也不是太細的，對於女生來說也足夠。雞扒肉質嫩滑，加入了黑椒，更覺惹味。飯拌著肉燥來吃，很美味。朱古力雪香 (加$2)朱古力味也屬香濃，加了麥芽，增加了口感！總括來說，101台式休閒餐廳的價格經濟，款式也多，以後又多一個經濟實惠的選擇了！！

星期日八點左右都唔算好多人，等左10分鐘到就入得，形式有d似快餐，岀收銀買餐，店員送餐到枱。上餐速度不錯，10分鐘左右上齊2個餐。環境比較擠迫，枱與枱之間只可以側身岀，差d撞到隔離枱，未必會再食。食物質素還可以

工作嘅關係又去到遙遠的國度將軍澳.. 難得時間許可就食過下午茶先.. 行左幾層尚徳商場最後揀左"101台式休閒餐廳".. 見到下午茶選擇都好多.. 多到類似大型快餐店咁.. 當然食完質素好大差距.. 份量味道都好好多.. 性價比極高.. 可惜唔係周圍都有呢..我一睇餐牌已經選好了.. 就係咩都有嘅C5.. 呢個餐有沙律(感覺有菜健康啲) 仲有我成日食嘅炒蛋.. 不過蛋唔夠滑同硬身啲.. 可能多啲牛奶更軟身就仲好.. 厚多士仲有二塊烘得剛剛好.. 而且牛油都滲哂入多士度.. 不過略嫌咸左啲.. 可能用有鹽牛油嘅關係？哈哈.. 真心說.. 女仕可能食完呢碟加埋杯台式飲品就已經飽了.. 飲品點左杯朱古力牛奶雪香.. 有少少肧芽係面點綴一下.. 而且飲落甜度適中.. 另外加左珍珠都幾夾.. 珍珠夠彈牙好咬口.. 番茄粟米通粉全都是我最愛食的.. 但我本身點嘅係新竹米粉想試一下不過店員送錯了通粉.. 唯有等下一次食返米粉喇.. 雖然茄湯蕃茄味不重但勝在真係有蕃茄肉.. 沒有減料.. 湯底味道普通但加左辣椒油就一流.. 我好鐘意呢隻辣味.. 有幾分似朝天辣椒油嘅味道.. 至少落少少都覺得辣.. 食

星期六特地一早起身相約了友人打波。去到運動場附近的尚德商場有好幾間餐廳，不過101台式餐廳比較闊落和坐得舒適。以自助形式，直接到櫃台下單付款，然後坐著等早餐送過來。餐廳有很多沙發卡位、挺舒適的。早餐選擇多圍繞著台式粉麵、台式多士、沙律等。台灣貢丸新竹米粉 $30跟餐的牛油多士烤得香口鬆脆新竹米粉湯底偏淡、幸好加$2要了番茄濃湯。+$2可轉台式特飲。凍柑桔檸檬酸酸甜甜、為熱辣辣的天氣帶來涼快感。如果唔想同人迫又想坐得舒服啲，101尚算不錯。

探望住在將軍澳的昔日戰友，他介紹小人到一間台式快餐小店，共晉午膳。買了票，找個位子坐下，不久服務員便推著車仔送上食物，很方便。戰友的是板燒雞柳配日式章魚餅肉燥飯，雞柳不算太肥，微微煎過；日式章魚餅則是軟軟腍腍的，惜章魚味不太突顯，就是肉餅一塊而已。肉燥頗肥，此外全部都是甜甜的，加些豉油更合口味。小人的三重奏五杯香辣肉燥湯麵好像較佳，湯不怎麼辣，除了肉燥外，其他配料還有花枝丸、豆卜、台灣腸，挺豐富的。食味尚可，不過亦頗為肥膩。我們吃後需另買飲品解膩。

101台式休閒餐廳🍴自選台灣涮涮面先選湯底，再選3款配料😀再選面既重類加野飲 hkd48 💸野飲再加錢～睇你要咩😙個人覺得完全係一個大伏！佢啲配料放到勁滿，食到勁唔方便又唔易熟...蕃茄湯底都算有味但豬骨就真係⋯⋯勁淡好難食呀⋯⋯而且配料份量又小...唔抵食，個沙茶牛肉好so腌到好奇怪又難食...寧願食番吉野家😭啲野飲又勁麻麻地...好淡溝水咁，珍珠得幾粒真係唔會再食呀！吉野家好食好多...

住附近都一直冇乜行厚德，今日經過想食下台灣野，見到唔貴又近就試一試先商議一輪後~決定兩個人各叫一個餐再加多個鹽酥雞滿足下對台式炸雞既思念排隊叫完餐比完錢後坐係位等就得, 會有人送餐先到既係兩杯跟餐飲品, 金桔檸檬唔會太甜, 幾好飲隔離加左大既係香芋珍珠,經典台式飲品既味道, 芋頭味唔淡, 唔錯之後到既係我食既紅燒牛肉蔥油撈麵~紅燒牛肉完全係台灣牛肉麵我想食既味道, 不過冇左湯浸要連麵食, 如果唔係個味都幾濃下~肉質唔韌, 香料入味, 份量充足蔥油撈麵真係未食過, 呢個配搭幾好味, 我用左大半份蔥油黎撈, 有特色之餘幾好食蛋就不過不失, 相比起牛肉就冇咁入味女友叫左個雞扒肉燥玉子豆腐飯, 就咁聽好似好豐富咁玉子豆腐係炸左既, 唔會太厚粉, 女友好滿意, 我就比較鍾意唔炸雞扒有驚喜, 皮脆唔厚肉唔韌, 加埋汁皮連肉咬好正, 同茶記雞扒冇得比呀肉燥唔會太鹹, 送飯幾好最後係期待已久既鹽酥雞份量足夠, 佢個籃都唔淺, 面頭落左少少辣粉, 但係我呢D唔食得辣既就覺得岩岩好, 想要多辣可能要落單果時講一講炸粉唔厚, 黎到要等一等先可以食, 因為真係岩岩炸起好熱肉質同雞扒相近, 唔會太韌, 咸香味足

難得放假在家中睡到太陽曬屁股施施然然落樓下食個lunch 再上番去打機Choice of today附近商場的101 台式餐廳好耐以前係旺角食過依加ge 佢變得越泥越有連鎖餐廳ge 感覺～不過質素依舊唔離地ge 價錢，40~60蚊 1個set lunch 連台式飲料我仲Greedy 地加8蚊加大XD 好抵，真係好大杯同台式飲料店一樣，可自行選擇甜度、冰量我點左微甜、少冰的芋香珍珠加大左係standard size ge double up 呢珍珠夠煙Un, 飲料夠香芋味絕不輸街邊的台式飲料店，但卻可施然坐係到品嚐朋友點左五香牛肉撈公仔麵佢大讚五香牛肉淋身之餘牛味濃香蔥瑞士汁伴麵都好有台灣風味我就覺得配新竹粉更夾我最愛的 雞扒玉子肉燥飯～45 蚊卻有成碟的餸肉燥不會太咸，份量不少，采用少肥的肉制作自己就比較喜歡肥一點的肉燥雞扒煎得皮香肉嫩，入口還有微脆最喜歡的玉子豆腐炸得外脆內軟外皮少少咸香還有魯蛋半只著實化算還點了小吃，台灣有名的鹽酥雞份量意想不到的多！熱辣辣的酥香雞塊加上少少辣粉overall 性價比不錯

將軍澳區係我中學返學嘅地方，不過畢業後都吾多返嚟，今次同返個中同見面，方便佢又嚟左將軍澳，晚飯佢帶我食呢間台灣野。呢間有吾少肉燥飯丫火鍋等食，不過我覺得鐵板餐最吸引，先五十幾就有鐵板餐，包飲品，平過大x樂啦，點了醬汁雞扒熱石鐵板燒，才56元咋，晚餐計超平，一上碟好香好熱，雞扒份量適中，肉嫩而有肉汁，幾滑又好惹味，喜歡佢有粟米，甜甜地，好好味丫，飲品都好令我滿意，點了蜂蜜綠茶，佢大大杯，又夠凍，仲吾會好甜，好清涼，好爽丫，鐵板加杯凍野飲，絕配丫，好味好味。呢間真正又平又正，推介下，會再嚟食先。

每次經過都見有人等緊飛，心想應該唔差得去邊！2人位無需等好耐，餐牌提供大路台式食物，價錢相當親民! 點左呢款香芧豬扒肉燥飯，肉燥味道唔錯，放上飯上面，豬扒得一塊唔太厚切，味道唔太有香芧味，口感一般，另有半隻鹵蛋，食晒都幾飽！餐包飲品一杯，凍飮加＄2，呢杯珍珠奶茶味道一般，好在唔太甜！此店唔收加一，店員招呼都可以！

今日去左將軍澳探下個朋友，晚飯落左尚德商場食晚飯，去左呢間台灣野，又平又好食。食扒餐都只係幾十蚊咋，我食了prime grade 牛肩甲熱石鐵板燒，才$69，店員仲問我地係咪跟飯，我選了跟飯，佢個飯都好好食，係肉燥飯嚟，肉燥又吾太咸，岩岩好，飯同肉燥比例都好平均，加上肉汁，好香，除左飯，仲可以選芝士撈面or薯菜，佢上碟時，鐵板已經炸炸聲，好香嘅氣味，熱辣辣，飯好食外，牛肩都好好食，咬口彈牙，又牛味，仲有粟米，仲有。飲了台式飲品，朱古力牛奶雪香，好香濃嘅朱古力，又好滑，大大杯，都係加2蚊，好平丫。

台式餐廳@尚德自己一個打邊爐其實又有咩可怕喎 😎嗌咗個自選台灣涮涮鍋 $48 有三個餸連嘢飲決定俾多 $12 要讚歧烏冬嗌咗個台式特飲香芋珍珠自選台灣涮涮鍋材料豐富，睇起嚟好好食咁滾一滾好快就食得，我嗰個湯底係香辣三杯雞湯辣度都 OK～三個餸第一樣係沙茶牛肉，大大片好正沙茶味道都幾出 😋 啲牛肉完全唔老第二樣係芝士竹輪卷，中間係爆多芝士第三樣就係蟹粉丸，都好食烏冬吸咗啲湯，辣辣地又彈牙，好好食係值得加錢㗎！湯底仲有啲蕃茄同栗米，栗米都好甜$48 性價比真係好高飲品都幾大杯

有時會同女朋友去 popcorn 看電影，今次就去了尚德吃飯，因為我去馬會買六合彩，哈哈！這家 101 應該是新開的，裝修很新派，看起來頗多人光顧，感覺不錯。座位是梳化椅，非常舒適。熱石鐵板燒套餐和自選台灣涮涮麵都好吸引，就算選凍台式飲品都只是加 $2！價錢相當優惠。我選了 Prime  grade  牛肩胛熱石鐵板燒配肉燥飯和朱古力牛奶雪香。肉燥的份量很多，很大方。牛肉嫩滑有肉味，牛肩胛這部位比較少見，但其實牛味更濃的。飲品加了小麥胚芽，令口感豐富。配菜有栗米、紅蘿蔔和椰菜，比較健康。分了些讓女朋友試試味。女朋友的涮涮麵也好食，食材好多。花枝丸很彈牙。

期待已久的肉燥飯是凍的，最適合大熱天時食。坐坐下天花板漏水，餐廳又會知道我需要俾D水滴下降溫。真係周到了。咁漏水就叫個waiter過來啦，點知幫唔到手之餘仲唔肯幫我地換位，俾張紙抺下個袋都冇。oh my god。鐵板雞肉飯油多過飯，油多到食一啖就飽，真係好滿足，好飽肚。跟餐果杯香芋珍珠好正，又冇香芋又冇珍珠，適合幫小朋友發展想像力。個味仲好chemical 添！我宜家食緊屋村樓下間唐記，最少俾到我少少滿足感。