101台式休閒餐廳 (青衣城2)

Open Now

Now Closed

今晚一個人吃，我也不煮了，腦子里就浮現101台式休閒餐廳，因有一次經過看見門口有晚餐價格，不算貴，價格$50，$60這樣吧。餐廳位于青衣城2期地下G30號輔，門面寬敞，裝修簡約精致，燈光設計光亮協調，感覺舒適。餐牌有不少套餐選擇，台式飲料也各式各樣琳琅滿目。我點了【台灣古早牛肉肉燥飯】（轉手工面）$58古早牛肉面端上枱熱騰騰，香氣撲鼻，牛肉很大塊，看上去很硬，肯定齒不動，試着咬下去，却難以估計，不費一點力，肉質一絲一絲又淋又腍又入味，半衹鹵水蛋有輕微的鹵水味，但紅蘿卜才2片，幾片椰菜，蔬菜份量過少。手工面吃起來烟韌，彈牙，湯伴着肉燥帶有牛肉的清香，味道濃郁。【凍珍珠奶茶】$5奶和茶份量適中，不會過甜，茶够凍，珍珠烟韌，不錯。服務員忙上忙下，個個都精明手快，場面控制得有條理。古早牛肉面份量足，要是能多一點蔬菜就更完美了。很好，下次再去吃些別的

今次三個人食，又想一人一鍋過下口引去左呢間….星期日晚上7點幾8點去到，等左10分鐘左右就可以入去***眼見人手不足（由樓面到廚房都應該係）有個男嘅估計當時係最高級既職員態度已經好差，呢個人應該係唔夠人做野燥晒底，但係佢喺人手管理上都出咗問題，唔識得好好利用僅餘嘅人手去做嘢，有其他職員做緊一樣嘢又叫佢放低做第二樣嘢先，之後又搵第二個人去做返嗰個人做嘅嘢。😅😅😅落單都唔係咁好意思叫佢過嚟，想等佢忙埋手頭上嘅工作先，不過係冇可能嘅，等多陣先至落單。N8酸菜白肉小火鍋(黑毛豬)配渝川麵$83，雖然人手不足但啲嘢食都算快嚟到，但係碟麵嗰隻碟真係有啲唔乾淨，有同職員反映過換過第二碟不過都係冇分別😅🥴出街食嘢真係好棹忌有呢啲情況….呢一個嘅豬肉同其他鍋嘅豬肉真係有啲唔同，係豬味香啲嘅不過冇乜特別都係一舊豬肉😅酸菜得兩舊仔所以呢個酸菜鍋冇乜酸菜味唔夠酸，椰菜就好多。N9 蕃茄濃湯豚肉小火鍋跟米線$82，蕃茄湯好濃，豚肉係真係普通既，咬口就麻麻。問題都係一樣米線隻碟唔太乾淨。N13 日式壽喜燒Sukiyaki豚肉小鍋配米粉，米粉嚟到都係唔乾淨嘅！個人認為壽喜燒好食過酸菜白肉同埋蕃茄濃湯。份量黎計，三款

下晝學完車去咗青衣城搵嘢食 俾我搵到呢間同路人鋪頭 menu睇落又幾抵食 加上十二點仲未洗排隊等 我入咗去單嗌咗個麻辣麻醬手撕雞拌麵 一嚟店員上錯咗個烤雞扒拌麵 但人有錯手呢家嘢通唔埋 店員姐姐都即刻九秒九換番碗麵俾我 抵讚一上台我又以為佢俾錯咗麵俾我 但原來呢間店嘅手撕雞都係雞髀手撕雞 不過睇落似斬開一塊塊 唔似手撕出嚟 聞落好似口水雞嘅香味 食落麻醬味都唔重 而且係中式麻醬（not日式） 手工麵食落彈牙有咬口 清爽夠晒凍但我嫌佢青瓜得兩三啖唔夠喉雞嘅味道有少少酸臭味 唔知係咪佢麻醬嘅味道 但影響不大呢個價位下 我嘅推薦指數：3.5/5 🙆🏻‍♂️平價美食😛 我下次想試下佢地鋪頭嘅古早味蕃茄牛肉麵😋😋😋P.S. 鋪頭門口嘅酒精搓手液有啲難聞 建議大家唔好用😵‍💫😵‍💫😵‍💫

疫情這段期間晚市時段只供應外賣，除了第一次光顧以外，為何每次湯底都錯給，明明揀麻辣而且可選擇辣度，最後會變成清湯或蕃茄湯底，每次都希望下一次會正確無誤，最後也失望..

今日去咗青衣城嘅台灣101。叫咗一個雞扒肉操飯，再加一杯汽水可樂。。只係等咗大約10分鐘內就已經送到黎。個雞扒肉操飯味道唔錯，雞扒口感ok價錢比普通貴啲啲。不過都係值得嘗試嘅。

鐵鍋黑椒薯仔牛柳飯$51 個鐵鍋送到黎嘅時候仲係熱辣辣，啲汁周圍彈。係好香嘅，但係啲薯仔個底係燒焦左，黑曬。啲牛柳好多根，一啲都唔淋，要咬好耐。個餸嘅分量算可以，個飯嘅分量係多。板燒雞柳拼日式章魚餅肉燥飯 $47 雞柳冇乜味，只係普通煎左個面。章魚餅ok ，但係細塊。啲肉燥汁好奇怪，似係板燒汁加淋左係肉粒上面。不過睇返價都算係咁，40幾蚊飽肚嘅商場食肆。無骨香辣三杯雞肉燥飯 $47 佢比左雞髀肉比我地，唔係好辣，不過惹味。依個啲肉燥冇雞柳章魚嗰個咁怪，不過就有啲咸。台式珍珠奶茶+$5 覺得幾好，唔算太甜。正正常常嘅珍珠奶茶，只係太多冰啦。飲到最尾就淡。

香烤豬扒麻辣麻將拌麵 $73豬扒唔算好多肥膏，雖然係比較薄，唔係好厚身，但係肉質都幾鮮嫩，豬扒都多汁可口，幾好食！拌麵嘅份量好多，好抵食！雖然麻辣味唔算好重，但係辣到都適中可以接受！鹽酥雞 （跟餐小食）份量都幾多五六舊左右，雖然有啲細細粒，但係都炸得幾香脆，亦都食到一口雞肉，唔會剩係得啲炸粉！花枝丸 $30花枝丸剩係得四五粒，其實呢個價錢就唔算話好抵，但係都整得幾好食，上邊仲有啲孜然粉！盆栽香芋珍珠 +$5Oreo同忌廉都落得幾多😍配埋香芋珍珠呢個嘢飲好夾～ 珍珠嘅份量亦都係非常之多🤩都幾煙韌 好咬口！成杯嘢飲幾好飲，唔算太甜，幾鍾意❤️唯一係啲冰都幾多，飲到最後個味道就淡咗唔少😓😓不過值得一題係，店員啲服務態度真係好差，值得改善，好多都呼呼喝喝😓

金毛女馬尾侍應服務態度勁差我從未評餐廳劣評，今次真係忍唔住金毛女馬尾女侍應服務態度勁差，我4人，分到4人枱但中間有塊板，有禮貌請問佢可唔可以移走，一句勁大聲回我3個字"唔可以"，咁算，叫野食。 食完埋單走， 佢望住我，係我面前把張枱左右調轉，兩張2人枱當堂變成4人枱。 嘩， 咩事呀大佬，我得罪你咩野？ 明明你就可以輕鬆兩張2人變一張4人， 你偏偏玩9我，到我埋單走先表演俾我睇，這種服務態度唔係衰咁簡單，直情滿懷敵意

話說一早過黎有野做，未夠鐘接尚大人就食早餐先，對面2間快餐店都好似好多人，唔想等咁耐見呢間有位就試下啦！企係門口等左10分鐘都未有得入，但明明見到有幾張檯冇人，得2個樓面明顯人手不足，亦都冇人叫我等多陣好快有位之類... 我算～諗住可能D野食ok呢，但係又一次令我失望，杯奶茶完全唔掂，冇奶味，茶味又唔香，可能係台式餐廳港式唔係主打，不過咁簡單既野應該可以做得好D真係食過一次就夠，下次都唔會再黎，完！

很少來青衣城，就來4pm打算食個tea，周圍行唔知食乜好就見到呢間台灣野就試下。係門口等帶位時見啲員工行過都唔理，等左一陣先有位員工出來帶（我估因為其他員工唔負責帶位所以唔理，亦唔會通知負責個位員工出來）選擇不算多所以好快就落好單，野食亦估唔到好快就上哂枱。一份叫左芝士鴨胸撈公仔麵，鴨胸得三塊賣相唔太好…味道普通正常野。第二份香茅豬扒+奶醬多，豬扒落左好多鬆肉粉…奶醬多唔知點解啲煉奶係半透明…怪怪地…野飲方面熱柑桔檸檬同凍珍珠奶茶，好普通….總括黎講我唔會再黎，可能午餐或晚餐會較好，但唔會再試了。

上次食午餐 覺得食物求其今次趕時間見佢唔洗等位比多次機會佢 但食完 覺得冇下次喇我哋今次食下午茶 小食套餐$32揀兩款 包熱飲我叫左雞扒同花生醬吐司雞扒正正常常吐司就其實係厚切方包 加練奶花生醬冇烘底 就係原本嘅一塊方包好求其嘅感覺 而朋友叫咗七味雞翼 本身想配薯角但係賣晒 轉左凱剎沙律黎到係完全後悔加失望依碟野其實似用剩嘅菜碎多啲吱咗少少芝麻醬就叫凱剎沙律喇（都唔係嘅 仲送左四粒粟米）成碟係完全唔凍 菜食落都有啲苦而雞翼 煎得正常嘅 面頭有啲七味粉咁調味同口感都合格兩杯野飲一杯芒果茶 偏甜 但都正常珍珠奶茶 好奇怪嘅口味 偏苦澀總結黎講 依間餐廳價錢合理嘅但係可唔可以有心機少少呢食物比人感覺求其應該都唔會再幫襯喇

叫左一碗古早蕃茄牛肉麵，蕃茄豬扒手工麵，古早牛肉麵。古早蕃茄牛肉麵得一舊蕃茄，無黎味道。豬扒一陣鬆肉粉味同好多粉。古早牛肉麵味精好勁，食完好口渴。員工態度差，一啲都唔helpful

.📍101 台式休閒餐廳📍 #饅頭去青衣 #饅頭食台灣菜小編第一次食呢間嘢嘅時候係喺中學，嗰陣就去咗旺角總店食肉臊飯，覺得味道唔錯，但再之後去食佢哋嘅湯麵就覺得好伏，唔知事隔兩年喺青衣食又會有咩體驗🤓。------------------------------麻辣麻醬手絲雞涼拌麵套餐 ($73)份量大大碗，涼拌嚟講足夠凍😜，非常適合喺夏天食。手撕雞係雞脊肉，不過就係切到一片片咁唔係人手撕🤔；肉質唔嚡口，但就唔係彈牙嘅質感。麵質就偏淋，味道普通；調味方面，花椒份量唔多所以麻痺感覺好淡，辣度為初學者可挑戰程度💁🏻，小編略嫌唔夠過癮，麻醬嘅花生香亦不足，整體感覺純靠芝麻油嚟湊合，而且仲要係哀落，成碗嘢感覺太油😖。------------------------------章魚餅 (跟餐)有明顯嘅章魚鮮味🐙，食落香口，但感覺粉偏多，口感唔夠彈牙。------------------------------香芋珍珠 (跟餐)非常大杯😍，芋香同煙韌嘅珍珠配搭一向無敵，但珍珠可以再煮淋少少，而且部份太大粒啜唔起😂。------------------------------整體評分：6.6/10小

員工態度極差，落單冇禮貌，得咁「跟住呢、跟住呢、冇啦嗎」。食個飯姐，唔洗比個員工惡啊。一入去張坐椅又污糟，叫又冇人，唔緊要，我自己抹乾佢。食食下，冷氣機滴水，咩事，之後諗住快快走食完就走啦。另一個員工，用張單「吉」人埋單，咁冇禮貌都有嘅。正常都講出面多人，麻煩埋一埋單。仲要跟本未食完，食左廿分鐘都唔知有冇。真係食到一肚氣如果有得比負10分，一定比負10分。不過野食正常，員工態度真係十分差，接受唔到。

間唔中都想安慰下勞累既心，係時候食個熱辣辣既邊爐～🐏🐱減脂增肌期唔想食太飽，所以就揀左黎食個小火鍋～雖然最尾都系好飽🍲麻辣三杯雞小火鍋 配新竹米粉 $78+$8 美國肥牛片見到餐牌好似好多選擇咁，但其實主要都係湯底同肉類既唔同，我地今次就揀左麻辣三杯雞再加多份肥牛。小火鍋入面既配菜就有3大件雞髀肉，一件正方形魚腐，玉子豆腐兩小件，蔬菜例如椰菜，玉米，番茄，金菇同洋蔥。另外唔知點解送埋兩小片台灣腸😂湯底好濃郁，加埋蔬菜既鮮甜，有少少似雞煲既味道，加埋米粉入去洽下洽下，索曬d汁真係好正。但其實辣度都只係微辣，食唔到辣既朋友仔都接受到～可能鍾意麻辣刺激既朋友仔就會少少失望啦～不過佢夠濃郁，都夠滿足！主菜雞髀肉總共有三大件，肉質夠滑，夠入味。除左湯底味，仲食得出淡淡既花雕酒味，都幾有風味，有驚喜。我地額外就加多一份肥牛片，尼個就有d失望啦，望落質素已經麻麻地，唔完整，食落都無乜牛味同無口感。不過就見隔離台額外叫左一份雞髀肉分量多好多，如果質素同本身配既雞髀肉一樣就抵食，但豬肉片就同肥牛一擔擔啦😞建議可以加雞髀肉😋其他配菜就正常味道，但份量就可以多番少少。但佢跟餐既米粉份量都好多，都好滿足！😋😋