2000円料理放題專門店 (Closed)

自從同學介紹過呢間放題之後, 都食過幾次, 但次次都食唔到招牌芝士焗大蝦情人節當日因為諗唔到食乜, 所以唯有再黎多次每次一黎都會先叫刺身, 上菜速度都幾快, 但櫻花魷魚個d因為太細塊, 好難夾再黎要左芝士西蘭花同帶子, 芝士好充足, 可惜d 汁太水, 令芝士同帶子分開哂牛油粟米幾香甜, 鐵板牛柳粒係必食之選~牛肉好稔, 個汁辣辣地, 要黎配飯一流清酒煮蜆雖然無乜酒味, 但蜆肉都算充足今次終於試到芝士焗大蝦~蝦羔幾香, 不過隻蝦不算大隻飲品選擇都幾多, 男女老少都適合食左幾次, 次次都一定會漏單, 上幾次食連無大蝦都唔通知聲, 係聽到隔離枱d 人講先知, 真係要改善下情人節比平日貴左好多..拍得住酒店價錢

第一次去2000食、大概食物都ok都好多野食、對我依d唔係好食生野嘅人岩晒。牛油金菇、唔好食、其他大概都不錯。每一份是人數計、有一些分量比計少的、大家可以去試試。

首先本人真係唔會寫e d 食評既人...不過今次去完e 間2000円..不得不寫羅..!!今次約左班朋友提早慶祝我既生日...我一人8點鐘準時去到林住羅左位先...門口個黑口黑面既服務生即時問我有無訂位,一輪咀同我講e + 開始計2個鍾 8-10 p.m..唔理你e +人齊未...人數一經決定..就算Booked左6位..最後得5位都要俾6位$$$,好似唱k 咁羅!!食野姐.......食野方面...真係d好普通既野...!難聽d講句真係好好麻麻..無叫既黎哂..有叫野就埂係唔黎喇...!!鑯板燒..唔俾爐我地..點燒呀大佬!!最普通既三文魚都唔得羅...d 野黎到..未食完就係咁問要唔要...!收收收.....!!一d都無享受過食飯過程羅..!最過份係9點左右佢地話LAST CALL WOR...叫我地choose dessert 又只准一人一樣...即係一杯ice cream lor..我真係好衷心地講..如果你地去E 間2000円以$178 +10% 既價錢去食e d 野既..倒不如反大陸食喇..!!!Thanks

聽友人講2000円料理好好食,於是一行10人早一星期BOOK左位,入去食店時都仲要等一陣先有房,尼間啲食物質素同員工態度有點差,第一Around叫左一大堆,無記錯每款紙每次只可以點7種,不過第一Around啲刺生,牛肉鍋等極都無黎,漏左好多單,主動問啲服務員,佢地好似都無左回事咁,最後一Around last order發生左段小插曲,經理入黎賣單,問我地啲野黎齊未,我地反映有啲野都無黎到,佢話幫我地追返,問我地落左咩,我地人咁點左幾多真係無人記得,想問佢俾想紙我地睇返,佢只強調要我地記返我地點過咩,態度開始有啲差.賣完單俾左錢,啲野終於黎齊,最後佢仲補句"食唔曬要照計"話曬錢都收左我地,埋左單仲要俾說話我地聽!

這次是第一次來試2000 yen 這間餐廳...首先, 先講講這間餐廳既食物先。由於是情人節, 所以我就同老公來這間2000 yen 試下...一開始...我地叫左剌身拼盆..再叫招牌火龍卷...芝士焗帶子...芝士焗西蘭花...牛油焗金菇...牛柳粒等等剌身拼盆: 好特別...一上枱做成噴煙既效果。招牌火龍卷: 招牌菜不愧是招牌菜...好好味^^芝士焗帶子: 味就一般...芝士味不太濃...(本人喜歡濃味一點)芝士焗西蘭花: 都係芝士味不太濃...同普通炒西蘭花無乜分別。牛油焗金菇: 好味。牛柳粒: 個汁OK.....牛唔會太熟。不過呢...食物總算OK...但D野飲就....好似叫左杯熱柑桔黎飲...杯野真係甜到無朋友-.- 最後都係叫左罐7喜飲..

今天中午難得有空幫襯這家店 但真是令人失望首先是落單等很久就算了 因為中午時段很多學生吃飯 大都先將餐給要上學的學生我們的東西東是零零散散過來刺身 : 除了三文魚之外 像鯛魚未解完凍及超不新鮮有霉味火龍捲 : 是催很多次才來的 一次就來2份 道唔錯天婦羅 :份量很少 但粉落得少其他的熱食 因為都屢催不到也有時間限制2個小時 所以吃到的不多

聽朋友講話唔錯 價錢又唔貴 就去試下 人很多 但上菜速度好快 待應既服務態度都好好呢個價泥講食物質素都算唔錯喇 味道都唔太差最好食呢個 蝦好脆好多芝士 味道好夠好夠芝士 熱騰騰 好味

又要等位又要BOOK位…又多人…以為好好食…9點3去到…要等到10點先有位…D位迫到…真係袋都冇位放又多人…行都冇位，張台細到食物都唔夠位放…食物很快到，不過熱食的不是岩岩整出黎的…是一早整定的…都不介意喇…味道真係難食到要吐返出黎本人不是食家…但真係從未食過咁難食的一餐1。 金茹肥牛卷咬落去…”林“到一”PET PET“咁…真係未食過咁難食的金茹肥牛卷2。鰻魚壽司我真係未食過D”由“魚味的鰻魚，味道十分古怪3。玉子壽司我食得出係蛋…但是連蛋都可以整到難食4。明太子凍豆腐明太子很少，凍豆腐都是”林 PET PET“到…不知道是甚麼味道5。芝士焗西蘭花真係完全冇芝士味6。茄子冇味的這些是我記得好難食的…難食的當然還有…但忘記了…但不是全部東西都難食，刺身其實不錯，但種類太少，10款都沒有，最好食的是煎餃，還有雀巢雪糕送…”真係多謝晒…“

今日約左兩位好耐無見既友人食晚飯黎2000円日式放題食係因為受其中一位友人既推薦我地揀左中間個時段(8pm-10pm), 截單時間係9:15pm如果想好好傾住計食野就無咩可能因為枱與枱之間太近, 環境太嘈雜不過最重要都係食物質素如果以呢個價錢黎講, 食物質數係可以接受的而且食物既款式亦都非常多 差唔多有二百款可說是十分抵食雜錦魚生拼盤每一種刺身都好新鮮, 不過缺少北寄貝、劍魚這些熱門的就有點遺憾加上有冰底, 放耐左食都唔會變壞. 但係小心刺身放久可能會過凍, 變相唔好食在這裡櫻花魷魚及黃金魷魚我比較喜歡牛油燒粟米十分香濃的牛油味, 粟米本身亦很甜鐵板燒肉盛合在一個小小的爐上進行鐵板燒牛肉醃過特製醬汁後燒, 十分惹味; 八爪魚片燒後比刺身還好吃配菜小甘薯跟粟米都好好味牛油焗金菇金菇焗後完全將牛油吸收入內好味清酒煮蜆酒味很濃, 蜆十分入味將蜆肉連小小湯一齊入口味道更佳鐵板蒜片牛柳粒味道不錯!! 牛柳既肉質嫩, 所以食落口好林, 有鐵板既風味魚翅濃湯餃子鍋魚翅濃湯很像街邊的碗仔翅, 配合餃子一齊食味道也匹配手卷軟殼蟹天婦羅手卷完全不知道是什麼, 只是吃到一堆炸粉辣三文魚手卷味道不錯, 不過辣

今日我男朋友既生日....佢話有同事講呢間放提好抵食.....所以就決定黎呢間啦~~~由於我地食既時間係6-8....所以價錢都好抵下....138好似~~~唔知 ......係唔係~~~唔係假期既關係呢.....去到唔洗等....坐低又唔覺太逼....好啦好啦,,,講下D食物先~~~~睇相相先~~~食物...都算OK....對於放提黎講.....OK啦~~刺身厚....有D冰既感覺...因為餐廳用冰放係底...我個人覺得唔太好......

睇完人地o既食評好壞參半, 諗住去試下都無問題, 點知真係差得好緊要!!!!一坐低, 媽咪已經同我講落o左單15分鐘, 但係我仲未見有野食上枱...都算喇!!!落o左好多張單都未見野食o黎咪追下侍應囉...點知佢地話無收過單喎!!之後明明話可以食到8點, 7點3就已經同我講last order!!!有無攪錯!!!寫10張紙先o黎得o個3-4張!!!算點呀............o的waiter同waitress態度勁差!!!野食o黎錯又要同人拗!!成碟野倒落o黎對唔住都唔講聲!!!掂行掂過當無發生過!!!好彩唔係濕o既o者!!!仲要佢地明知o的位逼, 做野又勁唔小心, 係咁撞到人!!!成餐飯都係咁畀人撞o黎撞去!!!隻碟無晒野又唔o黎收, 隻碟仲有野o個o的就係咁拎走!!!野食其實真係唔算差得好緊要, 不過可以揀o既款式比較少... 如果想舒舒服服咁食餐飯就唔好揀呢度....食完真係一肚氣咁走

又係果句如果要食日本野,要有天婦羅,要有魚生,又要唔貴,又要飽..二話不說一定係放題啦今次去2000 YEN試下,,聽D朋友講真係好抵食..又多款式!!冇BOOK台真係唔得..要等後補..有就有冇就冇..所以記得一定要BOOK台..上到去個場好大..但係,,非常非常非常迫,,同隔離台好親切..想放袋都冇位..不過佢個刺身拼盤就好特別下..好似係用乾冰上,,總之就係有煙架!!熟食都多..上得都齊,好少漏,重好快..唔知係咪想我地快d飽食少D刺身呢>>串燒都唔錯咸黎得味道又剛剛好,另外天婦羅炸得香脆又冇油"重有個牛柳粒都好味之前睇你地大讚個清酒煮蜆...又的確唔錯...再加埋D刺身..$150左右都OK啦!!

2000円開左一段時間,朋友話ok ,一直都想試下但實際上又......普通, 最差係成日漏單 (特別係刺身)熱食個d 反而黎足我朋友話想食刺身千祈唔好去呢間叫左兩round ,兩round 刺身都唔齊,仲要比少 講番食左咩 (全部為兩人份)芝士焗扇貝: 好多芝士....睇張相就知,成層cover 晒d 扇貝.....芝士味濃...一定要熱食,凍左d 芝士就唔好食.....但整體普通 牛油焗金菇:夾得最多ge 一碟野,牛油味濃,金菇唔"un"刺身拼盤:基本上每一台都會叫ge 野 .....黎個陣好靚,有埋乾冰,刺身係厚切 (畸解我知...因為之後再叫刺身起碼薄一半 ) ,但又唔覺特別新鮮....好似3文魚咁...無咩3文魚味....同埋又放埋咩鮑片上去,好奇怪+好難食 清酒煮蜆,見openrice 寫招牌菜,咪試下....講真,麻麻地....有d 類似酒味 + 洋蔥......蜆就無咩味牛肉鍋: 呢個ok ,有菜,金菇,牛肉入味,唔un:火龍卷:另一openrice 招牌菜,唔知點解做到招牌菜,根本無咩特別.....賣相特別lor6點幾入去,食到8點,半小時前 (7:30) cut 單

本人食放提都食過幾間，真係未食過一間咁差既。一坐低寫刺食同其他食物，大約要等左十五分鐘先上到刺身，重要勁少，由佢啦咪再叫囉，第二轉等左半個鐘先到。其間都有叫其他野食，但係叫果d只有1／3有嚟，其餘嚟果2／3係冇叫既，嚟埋d咩手卷吖壽司吖咁，務求要隊飽你。係食緊第二轉刺身既時候，有人走埋嚟問可唔可以收左個刺身盤，因為唔夠盤用，但係我地係未食完，跟住佢話可唔可以＂甲＂左佢？我心唸唔夠重唔去買，或者用碟上都得姐，由佢啦比佢，都係打工姐。到最後重有9個字時間埋嚟講lastcall,半個鐘時間拎張單嚟叫埋單，咁既服務真係少見。講埋d野好唔好食先，其實d野真係唔好食，但又未去到難食我一陣會比分。刺食叫左6次只嚟3次，食物最齊係最後lastcall果次，因為怕你話野食未到唔肯走。整體嚟講係用8個字形容，係＂下次我唔會再去囉＂

契媽生日，搵放題咁岩有人介紹於是一試。早到左，上一段時間既人又走得七七八八，佢地都放入俾我地入去開始，不過一坐低就話會開始計時。初初諗住叫刺身又叫拼盆，點知只係黎左拼盆，於是就問個馬尾女待應啦，佢就話一張紙都會分單出，好，我又信佢啦，點知等左十五分鐘仲未黎，決定搵個shirt衫(感覺應該高級d)既問啦，佢答我係一張單既話係唔會黎即係之前果個純粹虛應我地啦！！不過哩個男既好醒目，即刻幫我地跟，對佢地既服務補返ｄ分。仲有個短髮女待應既服務都唔錯，見我地左望右望，都會問下係咪漏左單，而且其他人都幾勤力執野，等我地限時都食多ｄ唔同既野食。