52C Medium Rare (Closed)

牛魔王嘅我又周圍搵牛食，呢間位於佐敦嘅燒牛專門店，提供不同牛嘅部位選擇，仲可以揀石燒同網燒，如果食量不大，又想食牛可以享受石燒嘅樂趣。餐廳裝修以白色為主，分為上下二層，上層主食網燒，下層為石燒…感覺好乾淨舒服，雖然店舖不大，但店員好健談細心招呼，好有親切感，值得加分。今日我哋二個女仔order 2份石燒牛扒餐，分別係西冷及封門柳。✦下腰西冷套餐 180g 西冷肉質較為結實，食落又唔會覺得靭，而且牛味好濃郁，很有嚼勁感。配埋珍珠飯，好開胃！✦封門柳套餐 180g封門柳比西冷肉質更柔軟，放在石燒上再靜置1至2分鐘後切件，生熟程度剛剛好，肉嫩外焦最為美味。入口肉質鬆軟，不易變韌，而且牛肉味極為濃郁。食完燒牛，最佳配搭當然食雪糕🍦可解油膩感，呢度嘅雪糕口味好獨特😂好似去咗涼茶舖，廿八味、火麻仁、紅棗茶，真係第一次見！我當然揀個最特別口味廿八味，不過店員話而家轉左龜苓膏雪糕，味道甘甘甜甜，龜苓膏嘅味道雪糕嘅口感，推介值得一試👍🏻好創新嘅分子料理！而朋友揀左豆腐雪糕，香濃幼滑，甜度啱啱好。

放工去左佐敦既日式燒肉店52’C Medium，以白色同淺木為主，好文青☘️ 呢度有兩層，地下係石燒，上層係網燒，我地揀左網燒😋 一人一個餐！點左🥩下腰西冷 + 封門柳 套餐以及🥓牛舌 + 五花腩 +雞肉 套餐! 套餐本身除左肉類，仲包左沙律、飯同湯🍱 .🥩下腰西冷 + 封門柳 150g下腰西冷夠juicy，肉味濃郁；封門柳夠厚身，肉質鬆軟，肉味濃，兩款牛都很不錯! 😋 特別喜歡燒肉汁，專點牛肉，更提升左牛肉的味道!.🥓牛舌 + 五花腩 +雞肉 250g牛舌好爽好好食，很推介! 五花腩烤過後好香，油香四溢! 本身附有柚子醋轉點豬肉，加左柚子醋之後更添風味! 而雞肉烤香後好好味，肉質嫩滑! .🥗中蔬菜籃裡面有生菜、粟米、菠蘿、車厘茄、彩椒同甜薯仔!.🍲餐湯及飯餐湯係羅宋湯，好足料好鮮甜! 特別係用左牛肉來熬煮，好濃郁好惹味! 而白飯有驚喜，係日本珍珠米! 粒粒分明既口感! 將燒肉汁倒落飯上，撈飯食一流！.🍨廿八味雪糕 及 薑味雪糕我地另外仲點左雪糕，哇廿八味雪糕真係第一次聽!! 呈上時仲附送左一粒陳皮梅，超創新!! 食落去真係廿八味但又唔會好苦，微甜加澀味，有少少似食緊雪糕版本既龜苓膏咁🤣

朋友介紹過這間燒肉店種類幾多，而且雪糕味都特別，今晚經過就和老公試一試。睇完Menu都係覺得網燒吸引啲，就上了樓上2樓坐低。座位幾闊落，通風亦做得不錯。【下腰西冷】選了150g，每人有四片，牛肉味道超濃郁，可以選擇沾專用的燒汁，夾着白飯吃超香又開胃，最喜歡微微一燒已經有油香溢出。【豬梅肉+雞肉+五花腩】選了250g，每款有四件，雞肉是一條條的比較容易燒到每邊都脆皮，而且雞皮燒香後有油脂，令到味道更加香濃。五花腩和豬梅肉就較容易燒到乾身，配上柚子醋都幾開胃。【野菜藍】有菠蘿、蕃茄仔和三色椒等配料，用來中和肉類的肥膩都不錯。【廿八味雪糕】經老闆推介後就試一試這個味道，涼茶的味道仍然保留着，不過多了一種奶滑口感，而且甜度適中不會只有苦澀，再配埋陳皮，玩味十足，又消除了吃燒肉的罪惡感。【薑雪糕】超特別的味道，很像吃薑汁撞奶一般火辣辣！大力推薦！

自從三拍子分店關閉後，很久沒有食到性價比高的石燒牛肉，上網見到52c Medium Rare有不少好評，今晚決定一試。一入餐廳就覺得環境乾淨企理，又有洗手盆及自助斟水區，另外枱上又有圍裙保護衣物，十分細心周到。❤️牛肩套餐剛上枱的牛肩肉大概一成熟，切開後見到牛肩肉有光澤，肉的切面細緻緊密，富有彈性，證明牛肉新鮮。另外牛肩肉的間隙脂肪含量較多，肉質鮮嫩，牛肉味突出而香口，配合蒜蓉牛油就更一流。每份套餐都配有白飯、羅宋湯及沙律，味道亦不錯，而且份量十足。❤️封門柳套餐封門柳本身較稀有，位於牛的橫膈膜的肌肉，其肉質鬆軟，不易變韌，而且牛肉味極為濃郁。放在熾熱的石頭上燒至五成熟最為適合，即使七成熟，肉質仍然嫩滑爽口，牛味亦偏重。餐廳亦提供燒汁以及蒜蓉牛油，兩者都令牛肉更惹味，令味道層次豐富。而個人就喜歡加上少許岩鹽及黑椒，牛肉味已經非常突出。❤️廿八味雪糕味道特別易入口，比想像中好食得多，有少許似龜苓膏但有淡淡奶香， 加上上面的提子及藍莓，鮮果的甜與廿八味的苦澀互相配合，苦甜味的平衡做得不錯。

每個月都會同閨蜜去搵啲性價比高嘅餐廳食好嘢聚一聚，是晚我哋兩個講起食扒食牛肉，相信大多數人食扒都會諗起去扒房/西餐廳，但今日我哋身處佐敦 ，捐窿捐罅間發現咗間石燒牛肉，【52C Medium Rare】，見佢同呢條街格格不入，有著清新嘅門面，我哋就入去試一試下啦。餐廳有兩層，樓上主要比客人網燒，樓下就比客人石燒，我哋揀咗石燒所以坐樓下嚕，樓下石以有吧枱選擇。餐廳都幾貼心，因為佢有一個可以洗手嘅位置，衛生意識都好高。而且另一個貼心位就係每張枱都會放置一些比客人用嘅預配套，就係摺得很精美的圍巾啦，唔怕整到件衫可以盡情切切切啦。望望餐牌，呢度百零蚊已經有一個套餐，就算胃口大同胃口細既都可以揀唔同嘅G數，滿足自己嘅食量，每個SET有西湯、沙律菜🥗、白飯。兩個套餐跟上麻醬沙律及羅宋湯，沙律新鮮不馬虎，羅宋湯材料十足，味道都合格。首先係石燒美國殼飼牛封門柳套餐。呢個套餐嘅主角係封門柳，特點係肉質非常爽嫩，色澤比較偏深，牛味濃郁。石燒嘅方式令到佢嘅肉質更為鮮美，而且有著獨特嘅香氣，加上牛肉表面焦糖化令味道更加突出。一隻牛有封門柳嘅部位不多，所以真係比較矝貴，呢度嘅封門柳水準都好高。搭配上羅宋湯同前菜

最近天氣真係開始潮濕🫠晚上更想食熱辣辣既食物🔥今晚同老公去左朋友介紹既日式燒肉店🔥主打日式燒肉🥩🔎-這間係位於佐敦既52°c Medium Rare📍店內以灰白設計為主🤍真係好舒服同乾淨💚有別於一般燒肉店，有種小清新既風格🐚食物方面有網燒同可燒兩款🔥可以揀唔同既肉同份量🥩今晚同老公太餓，所以我地決定揀石燒 可以快D食😛-老公揀左封門柳套餐180g🥩石燒 套餐仲有餐湯、白飯、沙律等🍚🥗餐湯羅宋湯好足料🍅夠酸同開胃🥄封門柳真係好大份，上桌時都有三成熟狀態🥢所以燒幾耐可以自己決定 肉汁滿滿✅而且牛味十足! 食落比較JUICY同唔會膩😋-我點了牛肩套餐180g 石燒🔥同樣有其他配料牛肩相對肉汁會少D, 比較乾身 但就啖啖肉🥩我地仲點埋朱古力雪糕做甜品呢🍦-值得一提這家燒肉味道唔算重✔️同埋有圍裙所以放工來食都唔怕的😁不過因為最少180g, 對女仔都夠 未必試到其他款式‼️

今日又嚟到佐敦我主場度搵新嘢食喇，今日去到廟街近尖沙咀方向見到一間比較文青啲簡約風嘅餐廳，見到佢餐牌有石燒同埋網燒，咁我見咁耐冇食過石燒牛肉就入去試試佢啦🤤門面唔算好大本身以為細細間點知原來有兩層😳 食物選擇方面唔算好多，主要都係套餐為主，有分石燒套餐同埋網燒套餐，石燒套餐主要都係牛肉🐂為主，網燒套餐就會有牛豬雞🐔咁，今次我哋就揀咗石燒套餐，就叫左一個牛肩嘅套餐同埋一個封門柳套餐，都係180G 套餐有個羅宋湯同埋有沙律同埋配白飯叫左180克其實都唔細塊，石燒有樣好就係自己鍾意熟啲又得生啲又得自己控制🫶，溫度唔會過熱保存到肉汁🤤封門柳肉質鬆軟不易變韌而且牛肉味極為濃郁、少脂肪和牛味濃😍切到小薄既一塊塊黎食😌無得輸牛肩嫩筋，脂肪少，肉結實。 想吃有嚼勁口感的牛排，如果鍾意口感多啲嘅話呢個應該會鐘意多D不過就覺得如果佢個白飯有埋個啲紫菜碎碎咁就更加加分🤩最後叫咗一個雪糕一個榴槤味同一個椰子味，味道好出而且好滑身，又唔會得過死甜👍下次試埋佢個網燒先😋52C Medium Rare地址 : 佐敦廟街269號華興大廈地下

今日，我再嚟到呢間餐廳，因為我係超級fans.食完下腰西冷之後，一個好熱心嘅叔叔就介紹我食Gelato 做甜品。當時我覺得好驚訝，因為我食咗咁多次，餐牌都冇寫住有Gelato.於是我就叫咗一個嚟試吓……Gelato 我選擇咗28昧。口感柔軟，苦茶味同埋gelato融為一體。如果你睇過我食評嘅，咁你就知呢個我成日講…..簡直係雪糕嘅寶物箱🍨🍨🍨🍨🍨🍨🍨🍨🍨🍨🍨🍨🍨🍨🍨不過，雖然我係超級fans，但係我都要講少少improvement. 就係如果雪糕大啲嘅話，我會食得開心啲囉⋯⋯我估個個人都會咁講…老實講，我覺得嗰個叔叔對食物好有研究🧐Anyways, hope you guys like it and I’ll see you next time. Remember, keep it cool ～

燒肉店地址係廟街🤣我喺OpenRice見到之後坐巴士去早左2個站落車搵左一陣先搵到🤣間店有兩層 點餐都好方便店內有石燒同網燒我同Fd子揀食石燒坐下層店員話網燒就會安排坐上層✳️牛肩套餐320G $208我好鍾意食肉頭先搵間舖都攰啦😆套餐有180g/250g/320g揀揀返肉量最大份嘅對於一個為食嘅人係好正常嘅🤣🤤石燒一開始上台個啲”支支咋咋” 煎肉聲真係不得了一上枱牛肉啲香味已經撲鼻之後慢慢睇住塊牛肉變熟🤤我🤤忍🤤唔🤤住🤤啦🤤肉嘅質素👍🏻份量俾足我個人鍾意牛肉切開後每片整到五成熟就食調味有鹽，有現磨黑胡椒，有烤肉汁🥣套餐有個羅宋湯俾我哋飲品🧉叫咗可口可樂有沙律菜咁店內環境唔錯座枱唔會好油淋淋服務亦都幾好店員見到我哋停咗手一陣會問我哋食燒嗰舊石使唔使再翻熱？🤣（因為我哋掛住吹水啊😆）另外店入面有啲自修位如果好想食燒肉又得自己一個人不妨選擇依間燒肉，一啲都唔會尷尬☝🏻🤓

    走入食店林立 的廟街，發現不少頗有特色的風味小店。今晚與朋友發掘了這間燒肉店"52·C  Medium Rare" 芸芸食店中 被他外表吸引着……店內白色 牆身木系主調吹着簡約文青風~少有的燒肉店是這樣環境清新舒服！决定內進試試……店內分有兩層，地下層主打石燒，上層主打日式網燒。設有一人座位、自助式…… 點餐前到上層觀察一下……今次先試石燒……翻開Menu豬牛雞肉類十分多選擇，也有套餐供應每份套餐勻包餐湯，沙律，白飯等。肉類分量分有180g,  250g  320g 三個大小，按重量收費。一般收費也相當便宜鋸石燒牛扒衹是百多元,想吃好些A5和牛也衹是200元左右。除了燒肉還有其他選擇……我們選了封門柳和牛肩套餐~足料羅宋湯自家煮製濃郁味道甜美，真的誠意十足！還備有圍裙以防弄污衣物，很 窩心!封門柳套餐 180g  $ 178石板燒得滾燙燙，四成熟有厚度的封鬥柳在石板上繼續燒着，熟成程度由自己控制。切開肉汁豐富而肉質非常鬆軟，肉味濃郁非常滋味！牛肩肉套餐 180g  $ 128日式麻醬汁沙律蔬菜清爽，白飯分量足一滿碗。牛肩肉有嚼勁，柔軟，肉味濃濃好鮮甜。兩款肉非常甜美很有驚喜!

佐敦道搵食，離唔開廟街一帶，不過這次就走咗過去近尖沙嗰面，以往呢一區係旺中帶旺，想搵個位泊車都幾難，今時今日 ，剛剛疫情解禁，所以比起以前，都仲係靜少少，但係依然又見人流啊!坐低食飯嘅人都依然係好多，亦較為容易啲搵位。咁咪同老友坐低，52°c呢度就有網燒同埋石燒，網燒就係燒豚肉多嘅，石燒呢就係牛肉多啲，咁我出得嚟，就多數都係食牛肉喇，咁坐低都唔使點揀，就一個封門樓柳，一個下腰西冷，跟飯跟湯，跟住再叫兩杯雪糕做甜品，一餐食落，剛剛好，所以好抵食，再講返地方，就分上下兩層，上面網燒，適合一家大細，喺上面慢慢燒，網燒始終都比較安全，石板燒就石板一路高熱慢慢降溫，點都係好熱嘅，較係適合兩個成年人慢慢燒。封門柳，長長一條，圓潤厚肉，切一片燒一燒，微紅轉微熟，不起焦香，食落肉溫不燥，鮮肉不要調味，本身肉鮮就是妙，我就起歡這樣食，這一長度，慢慢切，慢嘆，係咪好爽意呢！下腰西冷重有台型，更厚更圓，切片就更用刀鋒利，朋友喜歡起焦香口，同樣好味，火燒熱力，牛酒飛瀑，久唔久都有油香撲面，都好正㗎，最後榴槤，荳腐雪糕，各有所好，香濃清淡兩相宜，口味各不同，又是一餐好享受。下次再來嘆網燒，看看豬哥肉汁如何著火燒

朋友約我來吃網燒。店舖走簡約文青風，似咖啡店，原來是吃網燒/石頭燒的地方。店舖地面一層吃石頭燒，走到樓上就是吃網燒的。所有網燒套餐均配餐湯、前菜和白飯。點了兩套不同的網燒套餐，那就可以一次嚐到豬、雞和牛肉。❣️ 餐湯、前菜和白飯羅宋湯湯料十足，味道不會太酸，味道好。還有添加了麻醬的新鮮沙律菜和珍珠米白飯。❣️ 250g 豬梅肉+雞肉+五花腩 $168薄切的豬梅肉和五花腩，不消一會就可以燒好。肉質腍軟，沒有肉筋，也不感肥膩。雞肉肉質也細嫩。我們有時只顧談天說地，把肉燒久了，豬梅肉和五花腩口感帶香脆，而雞肉並不柴。❣️ 150g 下腰西冷+封門柳 $158400日美國穀飼牛。下腰西冷牛肉味道濃厚，肉質較有咬口。封門柳肉質鬆軟，而且仍能保留肉汁。❣️ 椰子雪糕 $38口感順滑。值得一讚，此店抽風系統不錯，衣物不會染上燒烤氣味。來到才知道，在三月期間，下午二時半至六時前離座，網燒套餐及網燒追加肉類，可享半價優惠。因工作關係晚了來，錯失了機會☹️

很久沒有和膳食夫人吃飯，今天下午約午飯，話帶筆者食燒肉，又發現新店，但在佐敦一直都沒有注意到⋯⋯白色的門面，裝修清雅，奇怪怎麼每每經過都一直冇留意。由於筆者早到，自己一支公入內研究下，原來是自助形式，電子自動購買選餐⋯⋯反正有時間，當然留待膳食夫人安排⋯⋯看見醬汁都幾精緻乾淨。還有自動洗生，洗完手先開餐，還可自助斟水，給食客感覺，乾淨企理。一讚。幸好未購票，原來膳食夫人安排了二樓，原來地下是石燒格局，自助的，而二樓是網燒風格，像燒肉店，豐儉由人，各適其適。食店在餐枱上，設計有托盤位置，方便放托盤上，不會走位，這細緻位相當細心，一讚。燒烤套餐二人前$588~成個千秋架端上枱，還有食物名稱標籤，令食客記得邊部分，好吃可以再追加，一讚。餐可加錢飲支裝日本啤或熱情果冰茶，選擇有彈性，無論是否飲酒都可喝得暢快。當日筆者最愛牛肩位次愛五花腩最後還有水果杯，燒肉中減低油膩感。整體來說:食店裝修以白色為主調，所以給食客覺得很有日式風格，地下自助式，所以石燒價錢比較大衆化，而二樓是網燒，有服務員幫忙，當然價錢會貴少少，但夠靜局，可以慢慢燒，方便暢談。