8 RECIPES (Closed)

黑椒汁燴肉眼牛扒飯或意粉：好普通碟頭飯番茄豚骨湯：普通湯，app入可以選擇不要跟包，所以選擇番茄豚骨湯以為有包，但點知番茄豚骨湯原來屬於中湯所以無包價格：偏貴黑松露野菌意大利飯燴煙三文魚：一般柚子汁雜菜沙律：一般凍齋啡：竟然會落糖，app無得選擇走糖價格：偏貴只能收現金 無其他付款方法

環境算ok，所以吸引左我入去。 晚餐 叫了牛排鐵板148$ , 黑椒牛排意粉$98（唔係好記得）。牛排不似牛排(最衰冇影相）,完全冇牛味，好"un", 又多肥肉。食唔到一半，難食到冇影相。冇下次。

同同事嚟咗呢一間東大街嘅西餐廳食午餐，餐廳裝潢用心，佈置精美。Lunch set $5x 至 $90不等，包一碗湯+蒜蓉包+主食+飲品(0水0茶等)。除左lunch，仲有低脂健康6餸飯揀，岩晒想食得健康/食沙律既人(不過冇前菜)～ 介紹下我個餐，忌廉湯+蒜蓉包忌廉湯有好多粟米，係我至愛😍蒜蓉包就香脆同埋大塊墨魚汁燴蟹柳三文魚子意大利飯($68)上碟已經好吸引眼球，整得好靚😚墨魚汁好濃郁，飯入面仲有菇同埋洋蔥，令到個飯唔會太dry，雖然食到後期都係有啲dry😂，不過我覺得好多意大利飯食到尾都係咁。三文魚籽大大粒，鹹鹹地又有鮮味，夾得幾好，蟹柳正常冇野講。總結：🫰啲野食上得好快🫰平價西餐lunch set⚡️唔關餐廳時，係墨魚汁本身就會食到個口黑晒，真係唔好同有好感嘅異性黎食呢個飯🤣🎡餐廳資料餐廳名稱：8 Recipes餐廳地址：筲箕灣東大街59-99號東威大廈地下11號舖營業時間：星期一至日 9:00-22:00

咁啱途經東區，見到呢一間餐廳裝修都幾grand，望一望Menu又唔係好貴，咁就同朋友一齊入去食。午餐嘅選擇有好多，確實都真係豐儉由人，考慮咗一陣究竟食扒餐定係健康餐，最後就揀咗健康餐嚟食。健康餐就有啲似Poke Bowl咁，你可以選擇五款蔬菜，然後你可以揀肉類，咁我就額外再加咗啲牛肩肉。朋友就揀咗西冷扒餐，佢嘅西冷扒雖然比較薄，但係真係好大塊，呢個價錢嚟講我覺得相當抵食。另外一個朋友就叫咗墨魚飯，佢就冇乜特別評價，但係話味道都算唔錯，對得住個價錢。雖然話就話健康餐，但係應該要有嘅調味都喺到。由於我揀咗走飯，咁餐廳就幫我轉菜底，除咗我揀嘅五款蔬菜，仲有沙律菜做底。食完嘅時候其實都真係覺得幾飽，由於加咗牛肉，所以埋單都係$76（午市免加一），算係中等價位嘅午餐，但係為咗健康着想一餐半餐貴啲都冇所謂啦。😋

食物質素差，服務零分。蕃茄豬骨湯，係純白色湯加兩舊蕃茄，只飲到味精味，湯面一層厚油，以為自己黎飲油唔係飲湯。芝士忌廉海鮮焗意大利粉，叫小忌廉，出嚟都係被忌廉怒浸。蟹肉意大利飯，好野，蟹肉保持腥味。一早已落order 兩杯咖啡，食完收哂碟都未上，叫左兩次先肯拎出嚟，伙記仲要打喊路🥱即磨咖啡，幫你加埋奶入去，即磨唔係應該要問客要唔要奶架咩？不能再去了！

東大街是港島東知名的食街，食店種類很多，粉麵店、西餐、日式都有…… 假日午飯時間來閒逛，發現了這間餐廳😋餐廳裝修很雅緻，餐枱與餐枱之間有適當的距離，店門外都有座位，見有客人帶寵物一起進食。假日都有午餐供應，本來想食鵝肝，但剛好沽清。退而求其次，選擇了芝士焗海鮮飯。 頭盤可選擇沙律或忌廉菜湯。忌廉湯上枱，顏色很亮麗，味道creamy😋芝士海鮮飯上枱，賣相很漂亮。材料很豐富，有蝦，魚柳、蟹柳、名門卷和蠔，芝士汁很濃香，飯粒綿滑。套餐還附有飲品，連加一服務費不用$80 ，真是超值一間很有水準的西餐廳，下次再嚟試其他食物🥘

今次漫步筲箕灣，發現一間氣派嘅西餐廳，對，就係呢間！一入到去，店內木紋裝潢有種溫馨感覺，好舒服🍃。落單前，店員提供QR code掃碼點餐，科技感十足，好方便。首先話你知，呢度嘅全日早餐真係飽肚之選！黑松露炒蛋味道夠晒香，軟滑得黎又唔油膩，配上嗰幫滿滿當當嘅高質素餐肉，水準一流。煙三文魚同新鮮蔬菜夠晒清新，啖啖肉嘅豬肉腸同火腿夠曬咸香，啲窩夫又香脆又暖笠笠，真係正到不得了！🤤另一邊廂，朋友點嘅加拿大安格斯雪花牛扒，外層煎得啱啱好，入口即溶。肉質軟熟，真係即叫即嗲。豐富嘅蔬菜配搭絕對加分，埋單個過程都得心應手。至於低卡健康丼飯，一啖入口都感覺到食材嘅新鮮，配料嘅選擇多樣化，夠晒精緻。而個紅肉火龍果蟹肉意粉，一看就心思思想攞相機拍低。那些粉紅絨花的意粉，帶嚟意想不到嘅口感，雖然蟹肉小貴但食材分量都夠正，真係值得再嚟！👌總括嚟講，呢度係食物質素同氣氛兼備嘅地方，十分適合想享受一頓悠閒的午餐。埋單後心情大好，已經諗住下次要再嚟試其他菜式。記住啊，呢度係不可錯過嘅筲箕灣美食！🥳

喺街尾巷頭，我撞正個尋寶一般既歐陸風餐廳🍽️。入到去，靚絕一面藍牆彩繪，正一溫馨得黎又有啲Art感。今次點咗幾款啱啱好過口福既菜，一一嚟睇下。首先係凱撒沙律🥗，味道夾得好唔錯，清新之餘又有層次，羽衣甘藍好入味，都算係健康首選。而個紅肉火龍果蟹肉意粉🌸，講真，打卡指數爆燈！粉紅嘅意粉唔單止觀感入魂，啖啖蟹肉嘅鮮美，同個淡淡火龍果嘅甜味，簡直係個絕配。接著試吓芝士焗忌廉鮮蝦吉列魚柳意粉，吉列魚柳炸得啱啱好，金黄酥脆，而個意粉creamy到哂，芝士味又夠香，真係惹味到一個不得了！總結一句，咁樣一間充滿歐陸情懷嘅餐廳，真係令人一試難忘，尤其係個紅肉火龍果蟹肉意粉，絕對推介！下次再約埋其他啲friend仔一齊嚟，享受下這小歐陸之旅嘅滋味啦！👫🍲✨

呢間嘢竟然喺東大街生存咁耐，真係奇葩！午膳期間叫咗一份鹽燒牛肉，及鹽燒豬肉。跟餐係忌廉湯及所謂蕃茄湯。叧加咗五蚊轉普通熱咖啡及熱檸檬茶一杯。先上咖啡及檸檬茶，檸檬茶正常味道。咖啡冇攞糖嚟，叫佢攞糖，竟然畀一杯白糖畀我！你估你呢度係舊式茶餐廳咩？畀得加五蚊叫杯咖啡，你竟然唔俾黃糖我！(埋單嗰陣我問佢呢度有冇黃糖，佢話有，我問佢點解唔畀？佢話唔好意思！)連飲咖啡落黃糖都唔知，已經睇得出呢間嘢對於食物質素係幾有誠意！杯咖啡味道…最cheap嘅茶餐廳都好過佢！真係可以用難飲嚟形容，都唔知用乜嘢整出嚟！忌廉湯面頭有浸油，好明顯係過渡烹煮。等咗好耐先至嚟所謂嗰個蕃茄湯，其實係豬骨湯，加咗幾粒生蕃茄入去！真係唔識欣賞！主菜方面，幾片牛肉但係非常之韌，好似食膠一樣，而且有根，趙來趙去都趙唔爛！啲汁係半透明，好似鼻涕一樣而且冇乜味！你用燒汁淋上去都還好啲啦。豬肉味道正常。兩碟嘢除咗牛肉同豬肉唔同，其他配菜同汁都係一樣。埋單收188蚊,最初以為冇加一，因為佢個餐牌寫晚市有加一，(正常理解，咁即係午市冇啦)原來午市都有！咁係咪有啲取巧呢！最妙嘅係竟然八達通唔收，信用卡唔收，只收現金！佢門口有斧頭扒食，售價9

甚少寫食評，但今日試過真係決心唔會再來，希望係度分享下，免得大家中伏！其實呢間都食過兩次，都係一般，但未至於印象非常差。附近d嘢最近試過晒，咁今日攰攰地，見都幾好坐嘅，咪俾多次機會佢啦見佢lunch 個價錢比起其他差唔同裝修格局嘅餐廳平，(一般比較好坐，裝修又都幾靚嘅餐廳應該都要$90 - $150咁上下, 但呢間價位係 $65 - $90） ，加上之前都係覺得 ma ma 地，所以未入去都feel 到有種伏味，如果係第1次來，真係會比佢個價錢吸引好，咁入正題，叫咗個一口鹽燒西冷牛肉飯，個名好似唔錯，加埋個唔係好記得咩嘢蕃茄湯咁嘩個蕃茄湯真係咁耐以來第一次見，真係一舊蕃茄仔，浸落湯度，蕃茄仲要無味，主湯唔知咩黎，白白地色，兩樣野完全唔夾，感覺好似無煮開飯，頭一兩次試整嘢食咁做實驗！估唔到去過咁多西餐廳，呢次遇上最難飲嘅湯！好喇，輪到主菜，碟嘢勁喊，估唔到鹽燒真係一粒粒鹽咁拎出來，個汁唔至於好難食，但好似同d牛唔match,食落果種感覺好怪，而D牛又好實，有幾舊多脂肪，人地一口牛係好少脂肪甚至無架ma其他配菜又係唔 match, 叫左飯但成大塊生菜又沙律汁咁，感覺好滯， 所以基本上成碟嘢

年頭食過啲嘢好難食，完全唔知係想煮啲乜嘢出嚟有部分食物係生嘅，服務水準差。如果你想畀二百蚊買一啲好難食嘅嘢，坐過環境ok，就可以試一試仲有啲咖啡係用機，定係唔知用咖啡粉沖出嚟，係好難飲

位於筲箕灣東大街的 "8 Recipes" 佈置充滿田園風 ,雖然店舖地方不大,但有不少打卡位📸😍店員態度殷勤、友善🤗價錢親民💰食物質素也可以🍴我們選擇輕食👇慢煮香草雞胸蛋沙津🥗含豐富蛋質,健康之選👍芝麻雞翼🐥香濃芝麻味，香脆惹味😋鹹檸七🍋🥤👍👍凍檸茶🍋☕️👍

大年初三，這樣無，那樣無。叫左兩個餐，加錢買生啤。苦等一個鐘，只係得杯生啤及餐後飲品。其他遲來的客都有得食，我就好肚餓。催極都係話快，但連餐湯都唔上。起身埋單，生啤收正價。好均真，原來我係入去飲生啤。咁的服務，無下次。

第一次去西灣河食嘢 行去東大街搵嘢食 發現呢間餐廳 裝修都唔錯 就同朋友一齊入去 帶着滿心期待 難得年初二 就唔睇價錢食嘢 見到塊牛扒餐幾吸引 就同朋友揀咗兩份 另一個朋友揀咗三文魚扒 等咗半個鐘 食物嚟啦！ 一放落口出事 牛肉冇牛肉味 三文魚冇三文魚味 全部食物虛有其表 🥲 非常傷心 湯味精甚濃 唯一薯條冇令我失望…. 新年快樂🎉🎆🍾️

本來一心諗住去試吓all day breakfast, 點知一早就賣晒，咁就轉戰佢嘅lunch set同埋特色意粉，試咗個芝士粟米火腿雞肉螺絲粉，呢個OK好味芝士都夠濃！最特別反而係蟹肉火龍果汁意粉，有新意又唔漏，因為好開胃，我老公不嬲唔鍾意食意粉都覺得好食，下次一定要再試佢個all day!