Video
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
元朗食肆雖然好多，但係要找到好食的西餐廳，通常價錢都會比較貴，呢間雖然位置不是太顯眼，餐廳亦較為細（不過好似有兩層），但係食物質素相當高，而且價錢合理，唔曬$200可以鋸到扒，甚至可以有成隻烤雞食，呢個價錢都算好化算吧。雖然有套餐食，$500有找，內容都好豐富，不過今晚沒有叫套餐，而是散嗌咗以下食物：香煎焗牛油密糖春雞蟹肉蟹籽扁意粉另外加了餐湯麵包以及一個cheese cake先講隻煎焗春雞，size一啲都唔細，兩個人非常夠食，春雞煎焗得金黃色，肉質仍保持水份及鮮嫩，吸收了香料味的烤雞，加上甜甜辣辣的密糖醬汁，非常好味，配上粗身薯條好香脆，再加上新鮮嘅沙律菜賣相好精美，非常有睇頭！蟹肉蟹籽扁意粉：呢個意粉的特色是比較濕潤，醬汁調校得好入味，每啖意粉都可以食到蟹籽卜卜脆嘅口感，意粉的配料其實並不多，但意粉的質感卻是煮得很好味！特別一提的是這裏的柚子茶，相信是我飲過最好的一杯柚子茶，此處的柚子茶加了百香果（估計有加了茶包或茶葉的成份），故此飲落口有一陣陣百香果嘅香味，味道亦不會太甜、太酸，柚子味本身並不重，但各樣嘢加埋嘅配搭，混合成呢杯柚子茶可以話係恰到好處！👍👍這是一間非常用心製作的小型餐廳，價錢公道，食物質素優質，非常值得繼續支持及幫襯！💪💪
continue reading
呢間餐廳食物水準非常高，而且啱晒住元朗嘅朋友，因為呢間舖頭環境舒適，非常清幽，好舒服，而且服務質素都好好，簡直係人細小店，食物選擇好多，仲有餐廳裝修，有啲綠色嘅植物做配搭，真係好寫意啊，呢度嘅餐廳都好親民，套餐加$15就可以有是日餐湯餐包及餐飲，而且餐湯係蕃茄濃湯，上枱仲係熱辣辣，新鮮滾熱辣，餐包係黑糖麥包，好鬆軟，真係好好食呀，而且我都好推介佢哋嘅紐西蘭一級肉眼扒，我哋今次叫咗七成熟，火候控制得非常好，而且肉質鮮嫩，唔會有好難咬嘅牛筋，而且配有燒汁薯角，真係好飽足啊，而且我都好推介佢哋嘅蟹肉意粉，個汁真係好好食，好惹味，出面市區都搵唔到咁好食嘅意粉，睇得出廚師煮意粉真係好有經驗啊，而且佢哋嘅甜品都係頂呱呱，賣相非常漂亮，我哋叫咗個石板街窩夫，仲有一個士多啤梨雪糕窩夫，個窩夫真係好好食，脆脆的，而且雪糕都好大個，真係可以同朋友分享㗎❤️❤️❤️
continue reading
朋友介紹話元朗有間西餐廳好有驚喜👍🏽今晚諗唔到食咩就嚟試下呢度環境舒服 有好多菜式選擇 超啱同朋友一齊嚟食👍🏽👍🏽👍🏽美國黑安斯西冷今次揀咗五成熟 肉質嫩滑 煎得啱啱好 唔會人overcooked 肉汁好多😋😋😋法國紅酒全鴨胸香草醬扁意粉酒味好香 鴨胸食落好有口感 😍😍😋我地有一個餐加咗包同湯 個包好好食 勁鬆軟 一d都唔乾 呢個有驚喜 蕃茄湯非常濃郁😍😍🥰就算係平日 都有幾多人嚟食 睇得出係街坊 所以呢度有少少似隱世小店👍🏽👍🏽👍🏽總括嚟講呢間係幾好食 幾有驚喜 位置會難搵少少 但係價錢唔算貴 嘢食高水準 係好值得去試下嘅小店 👍🏽👍🏽👍🏽👍🏽
continue reading
位於元朗水車館街既87 Coffee，環境舒適，好適合同朋友聚會或者獨自享受一杯咖啡，呢度菜色選擇頗多，款款都好吸引，值得一試！🔹軟殼蟹黑松露意大利飯米飯粒粒分明，吸滿黑松露香氣，味道極濃郁。軟殼蟹炸得酥脆，咬落外脆內嫩，鮮味十足，搭配充滿奶香既意大利飯，令人一試愛上。🔹香煎焗牛油蜜糖春雞蜜糖春雞外皮金黃酥脆，肉質鮮嫩多汁，蜜糖甜味與牛油香氣完美結合，甜而不膩。🔹餐湯蕃茄湯酸甜平衡得宜，口感順滑，番茄鮮味令人感到清新，每啖都好fresh，酸酸地仲好開胃。🔹黑咖啡黑咖啡濃郁香醇，搭配少許奶，口感更加柔滑。87 Coffee✨📍元朗水車館街66號錦榮大廈地下5號舖
continue reading
最近去咗元朗探朋友食西餐 “87 Coffee”真係有驚喜！環境好舒服，同朋友吹水一流，就算靜靜地享受一餐都好正👍“美國黑安格斯西冷”🥩牛扒煎到啱啱好，外層微脆入面又保持肉質嫩滑，加上淡淡嘅肉香，入口即化😋“香煎焗牛油蜜糖春雞”🐔雞皮香脆肉嫩多汁，牛油蜜糖嘅香甜味，滲透入肉層次更昇華，食到停唔到口😋“田園沙律配火腿、煙三文魚同雞扒”🥗沙律菜夠哂爽口清新，火腿同煙三文魚配合得剛剛好，大蝦彈口鮮甜，咖啡和榴槤千層蛋糕，一餐完美的結束😍整體而言：“87 Coffee”菜色無論係質素定擺盤,都好有心思，在元朗想食精緻西餐，一定要嚟試下👍
continue reading