幸福班戟 (K11 Musea) (Closed)

傳說令人覺得幸福感滿滿的pancake🥰K11 Musea分店新開張不久，吸引了許多人到來朝聖，我排了半小時，終於能進去了～點了招牌幸福班戟和三文魚牛油果芝士慕斯班戟，一鹹一甜各有特色～我較喜歡鹹味的全麥班戟，充滿豐富蛋香和麥香，而且比平常的soufflé pancake口感粗糙一點，層次豐富😋配以芝士慕斯、三文魚和牛油果，好像在吃all day breakfast一樣☀️招牌幸福班戟入口鬆軟，有soufflé的口感，但表皮煎得較厚，令整體口感不夠軟滑🙊反而注入蜂蜜的牛油球令我感到非常驚喜，像雪花般入口即溶，而且蜂蜜的香氣十足，如果能有一大球單賣就好🤣小莎的soufflé pancake排行榜🥞1️⃣PAN de PAIN (鬆軟而有飽足感，楓糖漿&鮮忌廉加分，焦糖布甸口味薄pancake也很值得推薦)2️⃣J.S. Foodie (蛋香味重，一碟有三塊份量十足，還有跟男友一起吃的美好回憶🥰)3️⃣幸福班戟 (全麥pancake麥香味濃，蜂蜜牛油有驚喜，但份量偏少)4️⃣Espuma (最「動L」，中間流心，但不夠蛋香)❌gram (麵粉味，口感像蛋糕)❌am.pm (過熟，味道死甜)

K11 musea好出名既pancake好多人排隊 等左成個鐘入到去係要比錢買左野食先 再等佢送過黎明明係堂食但係我唔明點解要比個紙碟明明可以再環保啲個賣相冇人地啲相咁靚 諗住唔睇得都食得但味道都係中中間間 冇咩特別朱古力味唔算好出甜 驚甜既朋友可以試下想講既係 佢杯greentea latte 仲好飲啲味仲出啲，濃味啲！如果要我為左個pancake排左個鐘有啲唔抵咁但話明港女野 都要去打卡試下結論係：試一次就夠啦～

不會 再來光顧 K11 幸福斑戟一家老幼都受氣店內員工好多、但服務態度冷漠與日本 幸福斑戟 差天同地坐低要點餐 叫了幾次、才有1位店員告知要自行購買好似快餐店、先付款購買時無指示 需要每人購買一份正價斑㦸或正價飲品、到我下完單才很不耐煩、告知佢地規矩堂食 Pancake 用外賣紙碟用 膠 义 同 匙羹 感覺 十分 HEA 、要食還是到日本店那邊服務殷勤 及 友善好多才是真的幸福斑㦸

食完晚飯，好想食甜品😍 可能時間尚早，難得幸福pancake無人排隊，我地就衝左入去。係香港未食過幸福pancake，但係係日本就食過好多次，對pancake口感念念不忘。本身諗住兩個人share一個pancake，因為頭先食得太飽，但是店員說每人要有最低消費，所以我們叫了一個pancake和一杯珍珠奶茶。木薯黃家奶茶其實即係珍珠奶茶，珍珠口感比較淋，沒有很QQ的口感。奶茶味道偏甜，比較多奶。叫了原味的Pancake，很香濃的雞蛋味。但是沒有東京那麼般好吃，pancake高度沒有像日本幸福pancake的高，還是日本的比較好吃！

很早來到K11 Musea就是因為不想排隊10時開門我大概10:20分已經到達內裡的坐位已全滿幸好外邊還有3張枱香港的幸福班戟和日本的很不同日本有的殷勤服務香港完全沒有變了的是香港點餐自助拿餐具清水自助Pancake放在外賣纸碟上沒有了玻璃器皿感覺在吃外賣每枱用餐90分鐘Pancake製作時間已經是20分鐘而且只限點餐一次想Encore都不可以三片班戟份量足夠但選擇不多肉桂及咖啡味我不喜歡所以甜味就只有三款可選下次還是到日本吃算吧

心血來潮想食甜品，就直奔去尖沙咀新藝術商場K11 Musea，享用著名厚實軟糯既幸福Pancake。幸福班戟（$80）Classic款，無水果無額外醬料，可以食到pancake既原汁原味，你以為上面係雪糕？其實係淡淡的cream無咩味道，Manuka honey用小管承載，令客人可以手動淋上，或者直接往班戟入面擠，有點小小的玩味吧。奶茶班戟配自家製穀麥（$98）淡淡的奶茶醬（說實在有點似伯爵茶粉加落煉奶的感覺），加上燕麥（有我最愛的南瓜籽）口感不錯！其實如果weekend有時間可以慢活，可以一試，不過試過一次就足夠了。整體食物質量不過不失啦，一般都係情侶居多，簡簡單單過一個下午。

全店係使用外賣工具用餐的 睹係話外賣同堂食係冇分別 諗住堂食打卡既朋友仔 可以去遠多小小銅鑼灣 環境會好一點 或者買外賣 喺海旁或者商場seater area食分分鐘鐘舒服同好環境過喺個度 真係跟日本好大既分別 味道方面 都係只可以講香港版囉（掛個名囉 味道分量同日本都有出入）最基本疏乎既口感喺我哩一次食係搵唔到的 外賣兜食同喺碟食係好大分別 想切得舒服啲都唔得 如果同樣用外賣裝既小店來比較 分分鐘小店有驚喜過哩間好多 想中伏可以來試下吧

呢個商場真係裝修好靚，見到呢一間pancake店大排長龍，梗係唔執輸即刻試吓先首先排隊排左半個鐘，對住個Menu同埋手機企左15分鐘有少少攰。有啲人好醒目叫咗外賣，排到隊有位坐嘅時候，咁岩外賣都搞掂，所以即刻有得食。我同朋友叫咗一份朱古力香蕉pancake，食落真係覺得幾幸福嘅，因為超級鬆軟，啲鮮忌廉好多，係個口裏面溶化，好正，另外香蕉都好似特別新鮮，哈哈一份小小的pancake盛惠$89，我覺得真係有啲貴呀，同埋真係唔使5分鐘就食晒，我哋仲要係兩個人食，我覺得一人食一份好啲

一個唔幸福的快餐店之前日本食咗幾次，真心覺得好食，氣氛好好，食完有一種》幸福感覺今次就試吓香港尖沙咀新店，等位排隊都等左成個鐘，入到去感覺怪怪地，可能樓底太高原來要自己斟水，行出行入，啲位又窄，跟住要出去落order俾錢，成間快餐店重要係價錢並不是相宜，已經有少少想退場，不過排隊排左咁耐，即管試吓咩情況，等左半個鐘，先有第一碟，唔明白點解要用外賣紙碟，用紙杯，洗咗幾隻碟有冇咁難，感覺已經唔好，一啲都唔環保♻️終於知道點解要等咁耐，原來係咁接外賣，咁堂食梗係等得耐囉所以堂食都要等得耐啲講返食物方面，先講過咸：牛油果三文魚pancake, 味道方面都幾好，雖然牛油果比較硬，三文魚比較細塊，一條條咁，同日本好唔同，最好味當然係pancake, 並唔係一般pancake, 有啲健康感覺pancake，食落有啲粒粒感覺跟住個甜嘅：最出名嘅生果pancake，當然生果同日本冇得比，忌廉就好味，不過所有嘢用膠叉食，真係好似快餐店我諗我又唔會有下次㗎啦，都係留返去日本食好啲啦

今日諗住一場黎到尖沙咀特登走去新商場K11 musea 行下睇下呢個商場有啲似澳門威尼斯人嘅感覺主要都係啲連鎖店鋪為主行到上2樓，發覺好多人排隊望一望原來係幸福pancake本身見咁多人排隊都無諗住買但發覺外賣嘅話唔洗排仲可以留低電話到嘅時候打俾我去拎既然咁好服務緊係要買返個食不過唔知係咪新開太多人呢度就算堂食都係用外賣盒呢方面有啲扣分味道方面比起平時食嘅無咁鬆軟有少少失準可能都係太多人食搞到影響咗下次都係等無咁多人先買

同個friend好耐冇見約咗去尖沙咀meet up，本身諗住搵間cafe慢慢坐，食個輕盈d嘅下午茶，但又搵唔到間好想食嘅cafe。朋友建議去食甜品，我哋就即刻諗起班戟。上次食咗gram覺得麻麻，覺得個pancake唔夠soft好實。我地決定轉戰新開嘅K11 musea入面嘅幸福班戟，試下呢間過江龍水準。去之前都預咗要排隊，一去到大概有十幾人排緊，我諗等咗半個鐘左右就入得。我哋叫咗兩個口味share嚟食。一個係朱古力香蕉味，另一個係宇治抹茶味。由於佢嘅班戟係即叫即整嘅，所以我哋order完大概等咗15分鐘先有得食。個班戟一上嘅時候已經聞到好香嘅蛋味。抹茶味同我本身幻想嘅有少少出入，我以為個班戟都係抹茶味，但原來只得topping個雪糕係抹茶味。朱古力香蕉班戟香蕉新鮮，熟度剛剛好。食個pancake嘅時候記得將啲朱古力醬同cream夾埋一齊食，味道會豐富啲抹茶班戟本人超鍾意食抹茶味嘅甜品。呢個抹茶味雪糕好好食！完全唔會有個種抹茶嘅苦澀味。食嗰陣記得落埋個黑糖sauce食，每一啖班戟加埋抹茶味嘅雪糕加d cream 同nuts，好幸福呀！❤️班戟口感好soft好綿，抵你咁多人排隊嘅！

第一次食呢類型既pancake!聽講好出名平時好多人排隊睇menu都有好多選擇 有咸有甜咁！叫咗個野莓芝士pancake 上既時候係用紙盒上 見到有d失望 同唔係幾環保😂但cream同芝士加埋好軟綿綿既pancake 好夾 好好味 兩個人share岩岩好另外有杯珍珠奶茶 正正常常 幾好飲

Having been to the CWB location, I decided to try this place with friends visiting HK. And it was a bad decision. It’s almost like a take out place other than having a few tables for you to sit down. Disposable plates and forks were used to serve the pancakes. Don’t expect any service. They were all just standing there chatting away. I recommend going to the Lee Garden location. I tried the savory pancake this time. I much preferred the sweet version.

之前係東京食過一次驚為天人，並且覺得係依世人食過最好食嘅pancake，所以返到香港忍唔住心掛掛所以去左尖沙嘴K11食。果日早左收工過到去四點幾以為應該冇咩人排隊啦，點知walk in要排左成兩個鐘依間舖頭果然好有人氣!因為有最低消費，所以今次叫左綠茶pancake同埋綠茶珍珠(兩個人食要用正價冇得用set優惠價)pancake冇日本食咁鬆軟Q彈，唔會一放入口即溶`。綠茶忌廉(?)好食唔會太濃或太甜，加埋楓糖漿都幾好食。雖然冇日本食果時咁有幸福嘅感覺，相對其他pancake店，都算係高質

唔止一次有朋友叫我去試呢間餐廳，但之前都因為太多人而放棄。今次去到有十幾人排緊隊，等咗20分鐘就入得。叫咗幸福pancake同宇治抺茶pancake，估唔到原味仲好味啲。pancake軟軟地，暖暖地，口感唔錯，但味道冇咩特別，唔明有咩咁值得排隊食。