亞泰

Open Now

Now Closed

有事要去日出康城處理，真係人生路不熟，好彩有朋友住呢區，預先約佢一齊食飯，佢就帶咗我嚟呢間餐廳😁我哋叫咗幾樣食物一齊share嚟食：ー　$118嘅「冬陰龍蝦湯河」有成隻龍蝦🦞，賣相好掂，龍蝦肉結實美味；冬陰功湯底就好惹味，仲好大碗河粉😋ー　$88嘅「泰式滷水無骨豬手」非常腍極軟熟，無骨啖啖肉，煮得好入味，特別鍾意豬手皮，一啲都唔肥，感覺係啖啖骨膠原😆，好正😋ー　$68嘅「馬拉盞炒椰菜苗」椰菜苗非常新鮮，馬拉盞炒好有鹹香😋ー　$55嘅「芒果白糯米飯」幾好味😋ー　$28嘅「泰式奶茶」唔係好甜，幾香幾滑😋好彩有康城朋友帶住，唔使盲摸摸就可以食到美味泰國菜😆😋

琴日約咗朋友去康城新商場影聖誕燈飾，商場佈置得有濃厚嘅聖誕氣氛。晚餐決定一起到商場內嘅一間泰國餐廳阿泰食晚餐。餐廳卡位位置舒適，餐牌選擇豐富，唔太貴，價錢大眾化。飲品點咗柚子蜜，龍眼冰。前菜點咗生菜包同柚子沙律。沙律用青木瓜外殼裝住，幾有特式。生菜包味道辣辣地，好惹味。主食就點咗海南雞飯同雜錦湯河。海南雞肉質超滑，油飯都好大碗，所以好飽肚。雜錦湯湯河材料有紮肉，牛肉，魚餃，炸豬皮等，好豐富 😍😍

康城呢一個地方，愛麗絲真係第一次嚟🤣因為揸咗車，所以近近地去咗The Lohas泊車加食晚飯。見到有新開嘅泰國菜「亞泰」，一於試一試佢。泰式生蝦($88) 🌕🌕🌕🌕🌕生蝦刺身係愛麗絲食泰菜必點菜式之一，蝦肉新鮮彈牙，加埋蒜片、辣椒一齊食，配上酸辣醬汁，非常開胃。金柚子沙律($68) 🌕🌕🌕🌕🌗沙律用咗半個木瓜做碟上枱，好有心思。一疏疏柚子，加埋花生、炸蒜，份量都幾多，每一啖都有唔同嘅口感，不過就有少少辣，唔食辣既朋友仔小心-冬蔭龍蝦湯河 ($128) 🌕🌕🌕🌕🌗好少見冬蔭功湯河有一隻龍蝦！雖然唔係新鮮龍蝦，不過都可以一過口癮啦😝湯底有濃濃嘅蕃茄味，唔會好似平時冬蔭功咁咸咁辣，好適合港人嘅口味～不過河粉就可能煮耐左少少，一夾比較易碎👉🏻👈🏻-招牌蛋咖喱蟹肉枕頭包($118) 🌕🌕🌕🌕🌕想食蟹但又唔想拆骨，呢一碟餸啖啖肉一定啱你心水。咖喱好惹味，可能因為加咗蛋，味道偏少甜，一啲都唔辣，個汁好味到我哋另外再嗌左蒜蓉包點🤪🤪-蒜蓉包 ($28) 🌕🌕🌕🌕🌕餐廳即叫即整，上枱時熱辣辣，用嚟點咖喱一流！佢充滿蒜蓉牛油香味，就算就咁食都好正。-本來仲想嗌多個芒果糯米飯做甜品，但係已經食到好飽了，所以

因為限聚令嘅關係好耐都冇約朋友出去，更加好耐都冇食過泰國嘢（因為屋企附近冇泰國餐館，通常只係得快餐店），就同朋友去試下💜結果沒有失望，因為又飽肚又好食，同埋坐得好舒服！推介冬陰功大頭蝦，因為真係夠辣！嚟緊冬天叫一碗冬陰功暖胃就最好不過！希望下次可以試到龍蝦🦞湯河，同埋半隻泰式燒雞我都好想試（怕食唔晒所以冇叫到），仲有就係青木瓜沙律🥗好新鮮好refreshing,夠辣惹味但唔會太刺激，我一食就成碟食晒🤫

日出康城位於將軍澳工業邨旁，多年來堪稱「美食沙漠」。隨著大型商場「The LOHAS」近月開幕，終於迎來了區內首個綠洲。是日與友人到來朝聖，看到泰國餐廳【亞泰 A HAYA】人氣頗盛，便來嚐嚐。餐廳由泰國人主理，大部分菜式以泰國食材及香料入饌。店員悉知我們要點龍蝦湯河，便謂此道菜製作需時，立即替我們入單後再繼續點其他菜式，非常細心。先首上枱的是"泰式拼盤"，包括2件泰式春卷、4件蝦餅及2粒鳳凰丸。炸蝦餅口感Q彈，蝦味鮮濃，最為吸引。泰式春卷內餡是滿滿的蔬菜及香料，感覺健康。鳳凰丸以雞肉製成，蘸些泰式燒雞醬吃，酸酸甜甜的份外滋味。朋友喜歡吃麵包，"招牌蛋咖喱蝦球枕頭包"當然不能錯過。蝦球共有5只，枕頭包外微脆內柔軟，切起來毫不費勁。麵包盡吸蛋咖哩汁精華，微辛中更顯蛋香。咖哩汁份量慷慨，足以蘸整個包吃。馬拉盞炒椰菜苗新鮮翠綠，口感爽脆。吃下濃郁帶咸香，甚具泰國風味，非常惹味。期待以久的"冬蔭龍蝦湯河"壓軸出場，湯河用上原隻澳洲波士頓龍蝦，開邊置於上火紅的冬蔭湯上，讓人垂涎欲滴。龍蝦肉質鮮甜，口感紮實，啖啖肉叫人吃得滿足。冬蔭湯以多種泰國香料熬煮而成，酸度及辣味皆非常濃郁，怕辣的朋友未必駕馭

今日去咗呢間康城新開既食泰菜，估唔到會咁正宗而且服務真係好好，好感動以後想食泰菜可以咁近就食到，而且都幾抵食添!馬拉盞通菜 $68通菜份量多而且爽口，辣味足夠又唔會搶走通菜本身既鮮味，加上佢即叫即炒所以就算放咗一陣都仲保持到熱辣辣!蝦頭油炒飯 $77呢個比較少見，飯身炒得金黃而且粒粒分明，重點係蝦頭油其實應該係蝦膏，食起上嚟唔會漏但蝦味極濃郁，蝦肉本身都好爽口夠新鮮，成個飯食落好滿足而且調味亦都適中!火車頭雜錦湯金邊粉 $78呢個基本上咩都有齊哂，湯底香而不膩，泰式香料味濃但又唔會過咸，牛丸、肥牛同埋類似燕餃都好新鮮，配合埋一齊食好夾!冬陰功湯 $78原煲上而且辣味十足，飲落好香好順喉，香料味突出又唔會掩蓋食材本身既鮮味!

日出康城開咗個新商場梗係要黎朝聖一下🤪發掘有咩好嘢食商場有好多唔同種類嘅餐廳鍾意食泰菜嘅我梗係比亞泰吸引住🤭 🍽招牌蛋咖哩蟹肉枕頭包$128香濃嘅咖喱配上蟹肉🦀🍞切開枕頭包咖喱汁就湧出嚟🤩咖喱香味四散麵包沾上香濃嘅咖喱汁加上蟹肉真係好夾好好食👍🏼🍽金柚子沙律$68柚子再加埋其他青木瓜絲味道酸酸甜甜好開胃🍽冬蔭龍蝦(1隻)湯河$118原隻龍蝦 🦞夠晒爽口彈牙龍蝦仲要預先開邊夠晒方便拆肉🍽冬蔭海南雞湯河$75雞件肉質嫩滑 唔肥2碗湯河夠哂大碗冬蔭湯料足少少辣🍽椰汁千層糕4件$35層次分明椰汁味好重好香濃甜度對於我地黎講偏甜左dd

一聽個名就知又食🇹🇭泰國菜🤓， 新開張 梗係要過嚟留下足印啦。🦞龍蝦湯河同埋冬陰功海南雞湯河都係店長推介菜式， 湯底真係唔錯🤤， 好驚喜店舖用上新鮮龍蝦， 所以肉質鮮甜無比又有口感😁。 🧈小食方面必點蒜蓉多士， 好食到停唔到口， 外脆內軟充滿蒜蓉牛油香味💘。~~~~~~~~😋味道: 8/10📸賣相: 8/10🛋️環境：8/10💁‍♂️服務: 8.5/10💎性價比: 8/10💲人均：$200⏪回頭率：90%~~~~~📍亞泰將軍澳康城路1號The LOHAS3樓344號舖~~~~~

好耐無食過泰國野～知道屋企附近商場新開左D餐廳，咁岩又有泰國野，所以就去試下呢個餐廳真係好新，睇個招牌就知啦～裝修新淨，感覺都幾舒服食物款式都唔少～泰船麵、小食、頭盤、主菜、粉麵都有～揀左青木瓜沙律酸酸地開胃，份量都幾多，而且都有D辣，好刺激～飛天通菜呢個都幾惹味，但就唔辣乾炒豬頸肉水晶粉呢個都幾好食，水晶粉同河粉好似係形狀大塊D冬蔭海南雞湯河呢個都幾大碗，酸酸辣辣，冬蔭公再重D就更好味～泰式卜金滷水無骨豬手呢個啖啖肉，肉質都夠稔，好入味食左幾樣都飽晒，食唔落甜品，下次再試埋甜品先～

好耐都冇食過泰國嘢喇～康城依家發展得愈來愈好，開左個新商場之後引入咗好多食店！呢間亞泰岩開無耐，都幾多人排隊架😜🔥香辣肉碎生菜包 hkd 78 ⚡️每次食親泰國嘢都一定會呢叫個😂變左習慣了..味道真心幾正宗喎！佢啲肉碎係偏酸辣風味，我覺得幾正架！配生菜食大大啖又清爽喎，同埋中間啲肉碎入邊加咗啲肥豬肉，食落口香而不膩👌🏼🔥炭燒泰式豬頸肉 hkd 78 ⚡️因為個日食飽左，都係嗌餸再加配白飯就ok🤣佢啲豬頸肉有驚喜！係又爽又彈，配埋佢啲特製醬汁，帶酸辣又偏甜，而且肉嘅邊邊都燒到香脆，送飯一流😊🔥串燒 hkd 62 （雞肉同豬肉各兩串⚡️個人覺得雞肉會好味啲！佢個沙嗲醬係好味到傻！！豬肉係豬頸肉嚟😂😂🔥泰式奶茶 hkd 28 ⚡️真係飲到有泰國嘅風味！有佢獨有嘅甜味👌🏼🔥泰國鮮椰青 hkd 38 ⚡️係幾清甜嘅～不過好似飲兩啖就冇晒咁🤣

日出康城嘅商場啱啱新開左好多新鋪頭🤩，今日就同朋友去行下，順便試下呢間新開嘅泰式餐廳🥳。.冬陰海南雞湯河（$75）呢個河粉一次過滿足左我想食嘅冬陰功湯同海南雞😂，冬陰功湯底夠曬惹味之餘海南雞亦都好滑🤤。.泰式海南雞伴油飯（$78）我朋友食嘅就係泰式海南雞飯，除左雞好滑之外😜，仲有幾種醬汁可以點，更加正😍。.椰香青咖喱-牛腩（$78） 印度薄餅（$28）食泰菜當然要試下青咖喱，唔會太辣之餘好有椰香味🤤，而且牛腩口感同味道都一流😜，再用印度薄餅點埋個汁就完美❤️。.飛天通菜（$62）通菜本身好爽口，而且呢度都炒得好香，不過要小心會有少少辣😆。

雖然本身住將軍澳，但對於康城商場開幕都係萬二分期待!明知頭一星期開幕一定好多人，所以我地等大家熱情冷卻左先黎朝聖!Phase 2開埋多左好多食肆，趁呢個時候我地就去試一試呢間泰國野! 泰式拼盤-蝦餅、鳳凰丸、春卷樣樣小食都好似好正咁，所以叫個泰式拼盤就一定冇走雞!拼盤內有蝦餅、鳳凰丸、春卷，蝦餅好大件，就算切開左一半都好大件，咬落口好香蝦味，外層好脆而入面既蝦膠好彈牙，勁既點係食落又唔覺得油膩~鳳凰丸就咁睇以為係豬肉丸或者貢丸，但食落口又唔係彈牙果隻口感，係平時食意粉配肉丸既口感，而且落既香料好泰式，好特別~春卷同樣卜卜脆，入面好重芋頭味，岩哂我! 招牌蛋咖哩蟹肉枕頭包因為我係一個麵包控，見到餐廳有農夫包都一定會嗌~貪佢大大份又好味又飽肚!不過好多地方既農夫包有個缺點就係外皮會好硬，咬到牙都甩~呢度既稱呼唔係叫農夫包，而係叫枕頭包~食落就知同平時既唔同~因為顧名思義，枕頭包真係好似枕頭咁軟熟!外皮脆度適中，但係麵包既質地超柔軟，一咬就咬得開~入面裝住既咖哩味道香濃，泰國既蛋咖哩唔會太辣，個個都岩食!呢個招牌蛋咖哩蟹肉枕頭包既蟹肉全部真材實料拆開哂D蟹肉，份量仲要超多!又新鮮又足料，難怪

The Lohas 開左新商場 經過呢間新開食泰國野 決定試試佢青咖喱雞扒飯-賣相不錯 份量好多 轉左薑黃飯 足足有兩大碗既份量 超級抵食 雞扒煎得相當唔錯 肉質淋稔 好juicy 作為lunch 好抵食泰式海南雞半隻-海南雞份量好多 有雞脾有繼光雞胸 肉質鮮嫩 完全有晒泰國嘅風味 唔會太肥或者太瘦剛剛好生蝦-個生蝦刺身好新鮮 唔會食到霉味 作為前菜相當滿足串燒沙嗲豬-個沙嗲醬調得好好 好惹味 豬肉大大件 泰式香茅雞中翼-個香茅味好重 而且佢有炸蒜 令到雞翼泰國風味提升印式薄餅-印度薄餅可以點餐剛剛的青咖喱 perfect match 就算就咁食都好好味 因為佢煎得剛好 唔會太窿泰式奶茶-呢個泰式奶茶真係超好飲 煉奶味好重 但係又唔會過甜 康城嘅居民有福了 有一間咁正嘅餐廳

下午茶時段嘅餐牌幾吸引就入去試吓，其實幾樣野都想試，四圍望下人食緊乜之際，店員好主動走過來問係咪要order，所以我就直接問店員推介邊樣。佢先推介咖哩同豬脾，我今日就決定試個泰菜代表青咖哩。鐘意食青咖哩嘅一定知道比較正宗嘅係有basil 香葉、小矮瓜、菜等，我哋睇吓呢度嘅青咖哩雞：雞原來係煎雞扒分開上，並不是泰國人處理將雞肉放入咖啡煮嘅方法。不過都好過有d餐廳放入雪到無味嘅雞柳。只有香葉同大紅辣椒，沒有其他瓜菜。辣度適合愛辣但唔食得辣嘅人，因為始終有椰漿中和，所以偏甜。加8蚊有杯咸檸soda 本身冇加糖，所以同咸檸七唔同。Overall 以呢個價錢講係值，有肉有飯有凍飲。